ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 5.
கோகுலத்தில் பகவானின் ஜன்மோத்ஸவம்
அத₂ பஞ்சமோऽத்₂யாய:

ஶ்ரீஶுக உவாச|
நந்த₃ஸ்த்வாத்மஜ உத்பந்நே ஜாதாஹ்லாதோ₃ மஹாமனா:|
ஆஹூய விப்ரான் வேத₃ஜ்ஞான் ஸ்நாத: ஶுசிரலம்க்ருத:|| 1

வாசயித்வா ஸ்வஸ்த்யயனம் ஜாதகர்மாத்மஜஸ்ய வை|
காரயாமாஸ விதி₄வத் பித்ருதே₃வார்சனம் ததா₂|| 2

தே₄நூநாம் நியுதே ப்ராதா₃த்₃ விப்ரேப்₄ய: ஸமலம்க்ருதே|
திலாத்₃ரீன் ஸப்த ரத்‍நௌக₄ ஶாதகௌம்பா₄ம்ப₃ராவ்ருதான்|| 3

காலேன ஸ்நாந ஶௌசாப்₄யாம் ஸம்ஸ்காரைஸ் தபஸேஜ்யயா|
ஶுத்₄யந்தி தா₃னை: ஸந்துஷ்ட்யா த்₃ரவ்யாண்யாத்மா ऽऽத்மவித்₃யயா|| 4

ஸௌமங்க₃ல்ய கி₃ரோ விப்ரா: ஸூதமாக₃த₄வந்தி₃ன:|
கா₃யகாஶ்ச ஜகு₃ர்நேது₃ர் பே₄ர்யோ து₃ந்து₃ப₄யோ முஹு:|| 5

வ்ரஜ: ஸம்ம்ருஷ்ட ஸம்ஸிக்த த்₃வாராஜிர க்₃ருஹாந்தர:|
சித்ரத்₄வஜ பதாகாஸ்ரக்சைல பல்லவ தோரணை:|| 6

கா₃வோ வ்ருஷா வத்ஸதரா ஹரித்₃ராதைலரூஷிதா:|
விசித்ரதா₄து ப₃ர்ஹ ஸ்ரக்₃ வஸ்த்ர காஞ்சநமாலின:|| 7

மஹார்ஹவஸ்த்ராப₄ரண கஞ்சுகோஷ்ணீஷ பூ₄ஷிதா:|
கோ₃பா: ஸமாயயூ ராஜன் நாநோபாயன பாணய:|| 8

கோ₃ப்யஶ்சாகர்ண்ய முதி₃தா யஶோதா₃யா: ஸுதோத்₃ப₄வம்|
ஆத்மானம் பூ₄ஷயாஞ் சக்ருர் வஸ்த்ராகல்பாஞ்ஜநாதி₃பி₄:|| 9

நவகுங்கும கிஞ்ஜல்க முக₂பங்கஜ பூ₄தய:|
ப₃லிபி₄ஸ்த்வரிதம் ஜக்₃மு: ப்ருது₂ஶ்ரோண்யஶ்சலத்குசா:|| 10

கோ₃ப்ய: ஸும்ருஷ்ட மணிகுண்ட₃ல நிஷ்க கண்ட்₂யஶ்
      சித்ராம்ப₃ரா: பதி₂ ஶிகா₂ச்யுத மால்யவர்ஷா:|
நந்தா₃லயம் ஸவலயா வ்ரஜதீர் விரேஜுர்
      வ்யாலோல குண்ட₃ல பயோத₄ர ஹாரஶோபா₄:|| 11

தா ஆஶிஷ: ப்ரயுஞ்ஜாநாஶ்சிரம் பாஹீதி பா₃லகே|
ஹரித்₃ராசூர்ண தைலாத்₃பி₄: ஸிஞ்சந்த்யோ ऽஜனமுஜ்ஜகு₃:|| 12

அவாத்₃யந்த விசித்ராணி வாதி₃த்ராணி மஹோத்ஸவே|
க்ருஷ்ணே விஶ்வேஶ்வரே ऽனந்தே நந்த₃ஸ்ய வ்ரஜமாக₃தே|| 13

கோ₃பா: பரஸ்பரம் ஹ்ருஷ்டா த₃தி₄க்ஷீர க்₄ருதாம்பு₃பி₄:|
ஆஸிஞ்சந்தோ விலிம்பந்தோ நவநீதைஶ்ச சிக்ஷிபு:|| 14

நந்தோ₃ மஹாமநாஸ்தேப்₄யோ வாஸோऽலம்கார கோ₃த₄னம்|
ஸூதமாக₃த₄ வந்தி₃ப்₄யோ யே ऽன்யே வித்₃யோபஜீவின:|| 15

தைஸ்தை: காமைரதீ₃நாத்மா யதோ₂சிதமபூஜயத்|
விஷ்ணோ ராராத₄நார்தா₂ய ஸ்வபுத்ரஸ்யோத₃யாய ச|| 16

ரோஹிணீ ச மஹாபா₄கா₃ நந்த₃கோ₃பாபி₄நந்தி₃தா|
வ்யசரத்₃ தி₃வ்யவாஸ:ஸ்ரக் கண்டா₂ப₄ரண பூ₄ஷிதா|| 17

தத ஆரப்₄ய நந்த₃ஸ்ய வ்ரஜ: ஸர்வ ஸம்ருத்₃தி₄மான்|
ஹரேர் நிவாஸாத்மகு₃ணை ரமாக்ரீட₃ மபூ₄ன் ந்ருப|| 18

கோ₃பான் கோ₃குல ரக்ஷாயாம் நிரூப்ய மது₂ராம் க₃த:|
நந்த₃: கம்ஸஸ்ய வார்ஷிக்யம் கரம் தா₃தும் குரூத்₃வஹ|| 19

வஸுதே₃வ உபஶ்ருத்ய ப்₄ராதரம் நந்த₃மாக₃தம்|
ஜ்ஞாத்வா த₃த்தகரம் ராஜ்ஞே யயௌ தத₃வமோசனம்|| 20

தம் த்₃ருஷ்ட்வா ஸஹஸோத்தா₂ய தே₃ஹ: ப்ராண மிவாக₃தம்|
ப்ரீத: ப்ரியதமம் தோ₃ர்ப்₄யாம் ஸஸ்வஜே ப்ரேமவிஹ்வல:|| 21

பூஜித: ஸுக₂மாஸீன: ப்ருஷ்ட்வாநாமய மாத்₃ருத:|
ப்ரஸக்ததீ₄: ஸ்வாத்மஜயோரித₃மாஹ விஶாம்பதே|| 22

தி₃ஷ்ட்யா ப்₄ராத: ப்ரவயஸ இதா₃நீமப்ரஜஸ்ய தே|
ப்ரஜாஶாயா நிவ்ருத்தஸ்ய ப்ரஜா யத் ஸமபத்₃யத|| 23

தி₃ஷ்ட்யா ஸம்ஸாரசக்ரே ऽஸ்மின் வர்தமான: புனர்ப₄வ:|
உபலப்₃தோ₄ ப₄வாநத்₃ய து₃ர்லப₄ம் ப்ரியத₃ர்ஶனம்|| 24

நைகத்ர ப்ரியஸம்வாஸ: ஸுஹ்ருதா₃ம் சித்ரகர்மணாம்|
ஓகே₄ன வ்யூஹ்யமாநாநாம் ப்லவாநாம் ஸ்ரோதஸோ யதா₂|| 25

கச்சித் பஶவ்யம் நிருஜம் பூ₄ர்யம்பு₃த்ருணவீருத₄ம்|
ப்₃ருஹத்₃வனம் தத₃து₄நா யத்ராஸ்ஸே த்வம் ஸுஹ்ருத்₃வ்ருத:|| 26

ப்₄ராதர் மம ஸுத: கச்சின்மாத்ரா ஸஹ ப₄வத்₃வ்ரஜே|
தாதம் ப₄வந்தம் மன்வாநோ ப₄வத்₃ப்₄யா முபலாலித:|| 27

பும்ஸஸ்த்ரிவர்கோ₃ விஹித: ஸுஹ்ருதோ₃ ஹ்யநுபா₄வித:|
ந தேஷு க்லிஶ்யமானேஷு த்ரிவர்கோ₃ऽர்தா₂ய கல்பதே|| 28

ஶ்ரீநந்த₃ உவாச|
அஹோ தே தே₃வகீ புத்ரா: கம்ஸேன ப₃ஹவோ ஹதா:|
ஏகாவஶிஷ்டாவரஜா கன்யா ஸாபி தி₃வம் க₃தா|| 29

நூனம் ஹ்யத்₃ருஷ்ட நிஷ்டோ₂ऽயமத்₃ருஷ்ட பரமோ ஜன:|
அத்₃ருஷ்ட மாத்மநஸ் தத்வம் யோ வேத₃ ந ஸ முஹ்யதி|| 30

ஶ்ரீவஸுதே₃வ உவாச
கரோ வை வார்ஷிகோ த₃த்தோ ராஜ்ஞே த்₃ருஷ்டா வயம் ச வ:|
நேஹ ஸ்தே₂யம் ப₃ஹு தித₂ம் ஸந்த்யுத்பாதாஶ்ச கோ₃குலே|| 31

ஶ்ரீஶுக உவாச
இதி நந்தா₃த₃யோ கோ₃பா: ப்ரோக்தாஸ்தே ஶௌரிணா யயு:|
அநோபி₄ரநடு₃த்₃யுக்தை: தமநுஜ்ஞாப்ய கோ₃குலம்|| 32

இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ பூர்வார்தே₄ நந்த₃வஸுதே₃வஸங்க₃மோ நாம பஞ்சமோऽத்₄யாய:|| 5||

பத்தாம் ஸ்கந்தம் - ஐந்தாம் அத்யாயம் முற்றும்.