ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 3.
பகவான் ஸ்ரீ கிருஷ்ணர் பிரகடனமாதல்
அத2 த்ருதீயோऽத்2யாய:
ஶ்ரீஶுக உவாச|
அத2 ஸர்வகு3ணோபேத: கால: பரமஶோப4ன:|
யர்ஹயேவாஜன ஜன்மர்க்ஷம் ஶாந்தர்க்ஷ-க்3ரஹதாரகம்|| 1
தி3ஶ: ப்ரஸேது3ர் க3க3னம் நிர்மலோடு3க3ணோத3யம்|
மஹீ மங்க3ள பூ4யிஷ்ட2 புரக்3ராம-வ்ரஜாகரா|| 2
நத்3ய: ப்ரஸந்நஸலிலா ஹ்ரதா3 ஜலருஹஶ்ரிய:|
த்3விஜாலிகுல ஸம்நாத3 ஸ்தப3கா வனராஜய:|| 3
வவௌ வாயு: ஸுக2ஸ்பர்ஶ: புண்யக3ந்த4வஹ: ஶுசி:|
அக்3நயஶ்ச த்3விஜாதீநாம் ஶாந்தாஸ்தத்ர ஸமிந்த4த|| 4
மனாம்ஸ்யாஸன் ப்ரஸந்நானி ஸாதூ4நாம் அஸுரத்3ருஹாம்|
ஜாயமாநேऽஜநே தஸ்மின் நேது3ர் து3ந்து3ப4யோ தி3வி|| 5
ஜகு3: கின்னர க3ந்த4ர்வாஸ்துஷ்டுவு: ஸித்3த4சாரணா:|
வித்3யாத4ர்யஶ்ச நந்ருது: அப்ஸரோபி4: ஸமம் ததா3|| 6
முமுசுர் முனயோ தே3வா: ஸுமநாம்ஸி முதா3ன்விதா:|
மந்த3ம் மந்த3ம் ஜலத4ரா ஜக3ர்ஜுரநுஸாக3ரம்|| 7
நிஶீதே2 தம உத்3பூ4தே ஜாயமானே ஜநார்த3னே|
தே3வக்யாம் தே3வரூபிண்யாம் விஷ்ணு: ஸர்வகு3ஹாஶய:|
ஆவிராஸீத்3 யதா2 ப்ராச்யாம் தி3ஶீந்து3ரிவ புஷ்கல:|| 8
தமத்3பு4தம் பா3லகமம்பு3ஜேக்ஷணம்
சதுர்பு4ஜம் ஶம்க2க3தா3ர்யுதா3யுத4ம்|
ஶ்ரீவத்ஸலக்ஷ்மம் க3ளஶோபி4 கௌஸ்துப4ம்
பீதாம்ப3ரம் ஸாந்த்3ர பயோத3 ஸௌப4க3ம்|| 9
மஹார்ஹவைதூ3ர்ய கிரீடகுண்ட3ல
த்விஷா பரிஷ்வக்த ஸஹஸ்ர குந்தளம்|
உத்3தா3ம காஞ்ச்யங்க3த3 கங்கணாதி3பி4ர்
விரோசமானம் வஸுதே3வ ஐக்ஷத|| 10
ஸ விஸ்மயோத்பு2ல்ல விலோசநோ ஹரிம்
ஸுதம் விலோக்யானகது3ந்து3பி4ஸ்ததா3|
க்ருஷ்ணாவதாரோத்ஸவ ஸம்ப்4ரமோऽஸ்ப்ருஶன்
முதா3 த்3விஜேப்4யோऽயுதமாப்லுதோ க3வாம்|| 11
அதை2நமஸ்தௌத3வதா4ர்ய பூருஷம்
பரம் நதாங்க3: க்ருததீ4: க்ருதாஞ்ஜலி:|
ஸ்வரோசிஷா பா4ரத ஸூதிகாக்3ருஹம்
விரோசயந்தம் க3தபீ4: ப்ரபா4வவித்|| 12
ஶ்ரீவஸுதே3வ உவாச|
விதி3தோऽஸி ப4வான் ஸாக்ஷாத் புருஷ: ப்ரக்ருதே: பர:|
கேவலாநுப4வாநந்த3 ஸ்வரூப: ஸர்வபு3த்3தி4த்3ருக்|| 13
ஸ ஏவ ஸ்வப்ரக்ருத்யேத3ம் ஸ்ருஷ்ட்வாக்3ரே த்ரிகு3ணாத்மகம்|
தத3நு த்வம் ஹ்யப்ரவிஷ்ட: ப்ரவிஷ்ட இவ பா4வ்யஸே|| 14
யதா2மே ऽவிக்ருதா பா4வாஸ்ததா2 தே விக்ருதை: ஸஹ|
நாநாவீர்யா: ப்ருத2க்3பூ4தா விராஜம் ஜனயந்தி ஹி|| 15
ஸந்நிபத்ய ஸமுத்பாத்3ய த்3ருஶ்யந்தே ऽநுக3தா இவ|
ப்ராகே3வ வித்3யமாநத்வாத் ந தேஷாமிஹ ஸம்ப4வ:|| 16
ஏவம் ப4வான் பு3த்3த்4ய நுமேய லக்ஷணைர்
க்3ராஹ்யைர் கு3ணை: ஸந்நபி தத்3கு3ணாக்3ரஹ:|
அநாவ்ருதத்வாத்3 ப3ஹிரந்தரம் ந தே
ஸர்வஸ்ய ஸர்வாத்மன ஆத்மவஸ்துன:|| 17
ய ஆத்மநோ த்3ருஶ்ய கு3ணேஷு ஸந்நிதி
வ்யவஸ்யதே ஸ்வ-வ்யதிரேகதோऽபு3த4:|
விநாநுவாத3ம் ந ச தன்மநீஷிதம்
ஸம்யக்3 யதஸ்த்யக்த முபாத3த3த் புமான்|| 18
த்வத்தோऽஸ்ய ஜன்மஸ்தி2தி ஸம்யமான் விபோ4
வத3ந்திஹாத3கு3ணாத்3விக்ரியாத்|
த்வயீஶ்வரே ப்3ரஹ்மணி நோ விருத்4யதே
த்வதா3ஶ்ரயத்வாது3பசர்யதே கு3ணை:|| 19
ஸ த்வம் த்ரிலோகஸ்தி2தயே ஸ்வமாயயா
பி3ப4ர்ஷி ஶுக்லம் க2லு வர்ணமாத்மன:|
ஸர்கா3ய ரக்தம் ரஜஸோபப்3ரும்ஹிதம்
க்ருஷ்ணம் ச வர்ணம் தமஸா ஜநாத்யயே|| 20
த்வமஸ்ய லோகஸ்ய விபோ4 ரிரக்ஷிஷுர்
க்3ருஹேऽவதீர்ணோऽஸி மமாகி2லேஶ்வர|
ராஜன்ய ஸம்ஜ்ஞாஸுர கோடி யூத2பைர்
நிர்வ்யூஹ்யமாநா நிஹநிஷ்யஸே சமூ:|| 21
அயம் த்வஸப்4யஸ்தவ ஜன்ம நௌ க்3ருஹே
ஶ்ருத்வாக்3ரஜாம்ஸ்தே ந்யவதீ4த் ஸுரேஶ்வர|
ஸ தேऽவதாரம் புருஷை: ஸமர்பிதம்
ஶ்ருத்வாது4னைவாபி4ஸரத்யுதா3யுத4:|| 22
ஶ்ரீஶுக உவாச|
அதை2ன மாத்மஜம் வீக்ஷ்ய மஹாபுருஷ லக்ஷணம்|
தே3வகீ தமுபாதா4வத் கம்ஸாத்3 பீ4தா ஸுசிஸ்மிதா|| 23
ஶ்ரீதே3வக்யுவாச|
ரூபம் யத் தத் ப்ராஹுரவ்யக்தமாத்3யம்
ப்3ரஹ்ம ஜ்யோதிர் நிர்கு3ணம் நிர்விகாரம்|
ஸத்தாமாத்ரம் நிர்விஶேஷம் நிரீஹம்
ஸ த்வம் ஸாக்ஷாத் விஷ்ணுரத்4யாத்ம தீ3ப:|| 24
நஷ்டே லோகே த்3விபரார்தா4வஸாநே
மஹாபூ4தேஷுவாதி3பூ4தம் க3தேஷு|
வ்யக்தே அவ்யக்தம் காலவேகே3ன யாதே
ப4வானேக: ஶிஷ்யதே ஶேஷஸம்ஜ்ஞ:|| 25
யோऽயம் காலஸ்தஸ்ய தேऽவ்யக்தப3ந்தோ4
சேஷ்டாமாஹு ஶ்சேஷ்டதே யேன விஶ்வம்|
நிமேஷாதி3ர் வத்ஸராந்தோ மஹீயான்
தம் த்வேஶானம் க்ஷேமதா4ம ப்ரபத்3யே|| 26
மர்த்யோ ம்ருத்யுவ்யாலபீ4த: பலாயன்
லோகான் ஸர்வான் நிர்ப4யம் நாத்4யக3ச்ச2த்|
த்வத்பாதா3ப்3ஜம் ப்ராப்ய யத்3ருச்ச2யாத்3ய
ஸ்வஸ்த2: ஶேதே ம்ருத்யுரஸ்மாத3பைதி|| 27
ஸ த்வம் கோ4ராது3க்3ரஸேநாத்மஜாத் ந:
த்ராஹி த்ரஸ்தான் ப்4ருத்யவித்ராஸஹாஸி|
ரூபம் சேத3ம் பௌருஷம் த்4யாந தி4ஷ்ண்யம்
மா ப்ரத்யக்ஷம் மாம்ஸ த்3ருஶாம் க்ருஷீஷ்டா2:|| 28
ஜன்ம தே மய்யஸௌ பாபோ மா வித்3யான் மது4ஸூத3ன|
ஸமுத்3விஜே ப4வத்3தே4தோ: கம்ஸாத்3ஹமதீ4ரதீ4:|| 29
உபஸம்ஹர விஶ்வாத்மன் அதோ3 ரூபமலௌகிகம்|
ஶம்க2 சக்ர க3தா3 பத்3ம ஶ்ரியா ஜுஷ்டம் சதுர்பு4ஜம்|| 30
விஶ்வம் யதே3தத் ஸ்வதநௌ நிஶாந்தே
யதா2வகாஶம் புருஷ: பரோ ப4வான்|
பி3ப4ர்தி ஸோऽயம் மம க3ர்ப4கோ3 ऽபூ4த3ஹோ
ந்ருலோகஸ்ய விட3ம்ப3னம் ஹி தத்|| 31
ஶ்ரீப4க3வாநுவாச|
த்வமேவ பூர்வஸர்கே3ऽபூ4: ப்ருஶ்நி: ஸ்வாயம்பு4வே ஸதி|
ததா3யம் ஸுதபா நாம ப்ரஜாபதிரகல்மஷ:|| 32
யுவாம் வை ப்3ரஹ்மணா ऽऽதி3ஷ்டௌ ப்ரஜாஸர்கே3 யதா3 தத:|
ஸந்நியம்யேந்த்3ரியக்3ராமம் தேபாதே2 பரமம் தப:|| 33
வர்ஷவாதா-தப-ஹிம க4ர்மகாலகு3ணாநநு|
ஸஹமாநௌ ஶ்வாஸரோத4 விநிர்தூ4த-மநோமலௌ|| 34
ஶீர்ணபர்ணா-நிலாஹாரௌ உபஶாந்தேன சேதஸா|
மத்த: காமானபீ4ப்ஸந்தௌ மதா3ராத4ன மீஹது:|| 35
ஏவம் வாம் தப்யதோஸ்தீவ்ரம் தப: பரமது3ஷ்கரம்|
தி3வ்ய வர்ஷ ஸஹஸ்ராணி த்3வாத3ஶேயுர் மதா3த்மநோ:|| 36
ததா3 வாம் பரிதுஷ்டோऽஹம் அமுநா வபுஷாநகே4|
தபஸா ஶ்ரத்3த4யா நித்யம் ப4க்த்யா ச ஹ்ருதி3 பா4வித:|| 37
ப்ராது3ராஸம் வரத3ராட்3 யுவயோ: காமதி3த்ஸயா|
வ்ரியதாம் வர இத்யுக்தே மாத்3ருஶோ வாம் வ்ருத: ஸுத:|| 38
அஜுஷ்ட க்3ராம்ய விஷயௌ அநபத்யௌ ச த3ம்பதீ|
ந வவ்ராதே2ऽபவர்க3ம் மே மோஹிதௌ மம மாயயா|| 39
க3தே மயி யுவாம் லப்3த்4வா வரம் மத்ஸத்3ருஶம் ஸுதம்|
க்3ராம்யான் போ4கா3னபு4ஞ்ஜாதா2ம் யுவாம் ப்ராப்த மநோரதௌ2|| 40
அத்3ருஷ்ட்வான்யதமம் லோகே ஶீலௌதா3ர்யகு3ணை: ஸமம்|
அஹம் ஸுதோ வாமப4வம் ப்ருஶ்நிக3ர்ப4 இதி ஶ்ருத:|| 41
தயோர் வாம் புனரேவாஹம் அதி3த்யாமாஸ கஶ்யபாத்|
உபேந்த்3ர இதி விக்2யாதோ வாமநத்வாச்ச வாமன:|| 42
த்ருதீயே ऽஸ்மின் ப4வே ऽஹம் வை தேனைவ வபுஷாத2 வாம்|
ஜாதோ பூ4யஸ்தயோரேவ ஸத்யம் மே வ்யாஹ்ருதம் ஸதி|| 43
ஏதத்3 வாம் த3ர்ஶிதம் ரூபம் ப்ராக்3ஜன்ம ஸ்மரணாய மே|
நான்யதா2 மத்3ப4வம் ஜ்ஞானம் மர்த்யலிங்கே3ன ஜாயதே|| 44
யுவாம் மாம் புத்ரபா4வேன ப்3ரஹ்மபா4வேன சாஸக்ருத்|
சிந்தயந்தௌ க்ருதஸ்நேஹௌ யாஸ்யேதே2 மத்3க3திம் பராம்|| 45
ஶ்ரீஶுக உவாச|
இத்யுக்த்வா ऽऽஸீத் ஹரிஸ்தூஷ்ணீம் ப4க3வான் ஆத்மமாயயா|
பித்ரோ: ஸம்பஶ்யதோ: ஸத்3யோ ப3பூ4வ ப்ராக்ருத: ஶிஶு:|| 46
ததஶ்ச ஶௌரிர் ப4க3வத்ப்ரசோதி3த:
ஸுதம் ஸமாதா3ய ஸ ஸூதிகாக்3ருஹாத்|
யதா3 ப3ஹிர்க3ந்துமியேஷ தர்ஹ்யஜா
யா யோக3மாயாஜநி நந்த3ஜாயயா|| 47
தயா ஹ்ருத ப்ரத்யய ஸர்வ வ்ருத்திஷு
த்3வா:ஸ்தே2ஷு பௌரேஷ்வபி ஶாயிதேஷ்வத2|
த்3வாரஸ்து ஸர்வா: பிஹிதா து3ரத்யயா
ப்3ருஹத் கபாடாயஸ கீல ஶ்ருங்க2லை:|| 48
தா: க்ருஷ்ணவாஹே வஸுதே3வ ஆக3தே
ஸ்வயம் வ்யவர்யந்த யதா2 தமோ ரவே:|
வவர்ஷ பர்ஜன்ய உபாம்ஶுக3ர்ஜித:
ஶேஷோऽன்வகா3த்3 வாரி நிவாரயன் ப2ணை:|| 49
மகோ4நி வர்ஷத்யஸக்ருத் யமாநுஜா
க3ம்பீ4ர தோயௌக4 ஜவோர்மி பே2நிலா|
ப4யாநகாவர்த ஶதாகுலா நதீ3
மார்க3ம் த3தௌ3 ஸிந்து4ரிவ ஶ்ரிய: பதே:|| 50
நந்த3வ்ரஜம் ஶௌரிருபேத்ய தத்ர தான்
கோ3பான் ப்ரஸுப்தாநுபலப்4ய நித்3ரயா|
ஸுதம் யஶோதா3ஶயநே நிதா4ய தத்
ஸுதா முபாதா3ய புநர்க்3ருஹானகா3த்|| 51
தே3வக்யா: ஶயநே ந்யஸ்ய வஸுதே3வோऽத2 தா3ரிகாம்|
ப்ரதிமுச்ய பதோ3ர்லோஹமாஸ்தே பூர்வவதா3வ்ருத:|| 52
யஶோதா3 நந்த3பத்நீ ச ஜாதம் பரமபு3த்4யத|
ந தல்லிங்க3ம் பரிஶ்ராந்தா நித்3ரயா ऽபக3தஸ்ம்ருதி:|| 53
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 க்ருஷ்ணஜன்மனி த்ருதீயோத்4யாऽய:|| 3||
பத்தாம் ஸ்கந்தம் - மூன்றாம் அத்யாயம் முற்றும்.