ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 2.
பகவானின் கர்ப்பப் பிரவேசம் மற்றும் தேவர்களின் கர்ப்பஸ்துதி
அத2 த்3விதீயோऽத்2யாய:
ஶ்ரீஶுக உவாச|
ப்ரலம்ப3 ப3க சாணூர த்ருணாவர்த மஹாஶனை:|
முஷ்டிகாரிஷ்ட த்3விவித3 பூதநாகேஶீ தே4நுகை:|| 1
அன்யைஶ்சாஸுரபூ4பாலைர் பா3ணபௌ4மாதி3பி4ர் யுத:|
யதூ3நாம் கத3னம் சக்ரே ப3லீ மாக3த4 ஸம்ஶ்ரய:|| 2
தே பீடி3தா நிவிவிஶு: குருபஞ்சால கேகயான்|
ஶால்வான் வித3ர்பா4ன் நிஷதா4ன் விதே3ஹான் கோஶலாநபி|| 3
ஏகே தமநுருந்தா4நா ஜ்ஞாதய: பர்யுபாஸதே|
ஹதேஷு ஷட்ஸு பா3லேஷு தே3வக்யா ஔக்3ரஸேநினா|| 4
ஸப்தமோ வைஷ்ணவம் தா4ம யமநந்தம் ப்ரசக்ஷதே|
க3ர்போ4 ப3பூ4வ தே3வக்யா ஹர்ஷ ஶோக விவர்த4ன:|| 5
ப4க3வாநபி விஶ்வாத்மா விதி3த்வா கம்ஸஜம் ப4யம்|
யதூ3நாம் நிஜநாதா2நாம் யோக3மாயாம் ஸமாதி3ஶத்|| 6
க3ச்ச2 தே3வி வ்ரஜம் ப4த்3ரே கோ3பகோ3பி4ரலங்க்ருதம்|
ரோஹிணீ வஸுதே3வஸ்ய பா4ர்யா ऽऽஸ்தே நந்த3கோ3குலே|
அன்யாஶ்ச கம்ஸ ஸம்விக்3நா விவரேஷு வஸந்தி ஹி|| 7
தே3வக்யா ஜட2ரே க3ர்ப4ம் ஶேஷாக்2யம் தா4ம மாமகம்|
தத் ஸம்நிக்ருஷ்ய ரோஹிண்யா உத3ரே ஸம்நிவேஶய|| 8
அதா2ஹமம்ஶபா4கே3ன தே3வக்யா: புத்ரதாம் ஶுபே4|
ப்ராப்ஸ்யாமி த்வம் யஶோதா3யாம் நந்த3பத்ன்யாம் ப4விஷ்யஸி|| 9
அர்சிஷ்யந்தி மநுஷ்யாஸ்த்வாம் ஸர்வகாமவரேஶ்வரீம்|
தூ4போபஹாரப3லிபி4: ஸர்வகாமவரப்ரதா3ம்|| 10
நாமதே4யானி குர்வந்தி ஸ்தா2நாநி ச நரா பு4வி|
து3ர்கே3தி ப4த்3ர காளீதி விஜயா வைஷ்ணவீதி ச|| 11
குமுதா3 சண்டி3கா க்ருஷ்ணா மாத4வீ கன்யகேதி ச|
மாயா நாராயணீஶாநீ ஶாரதே3த்யம்பி3கேதி ச|| 12
க3ர்ப4ஸங்கர்ஷணாத் தம் வை ப்ராஹு: ஸங்கர்ஷணம் பு4வி|
ராமேதி லோகரமணாத்3 ப3லம் ப3லவது3ச்ச்2ரயாத்| 13
ஸந்தி3ஷ்டைவம் ப4க3வதா ததே2த்யோமிதி தத்3வச:|
ப்ரதிக்3ருஹ்ய பரிக்ரம்ய கா3ம் க3தா தத் ததா2கரோத்|| 14
க3ர்பே4 ப்ரணீதே தே3வக்யா ரோஹிணீம் யோக3நித்3ர யா|
அஹோ விஸ்ரம்ஸிதோ க3ர்ப4 இதி பௌரா விசுக்ருஶு:|| 15
ப4க3வாநபி விஶ்வாத்மா ப4க்தாநாமப4யங்கர:|
ஆவிவேஶாம்ஶபா4கே3ன மன ஆனக து3ந்து3பே4:|| 16
ஸ பி3ப்4ரத் பௌருஷம் தா4ம ப்4ராஜமாநோ யதா2 ரவி:|
து3ராஸதோ3ऽதி து3ர்த4ர்ஷோ பூ4தாநாம் ஸம்ப3பூ4வ ஹ|| 17
ததோ ஜக3ன்மங்க3ள மச்யுதாம்ஶம்
ஸமாஹிதம் ஶூரஸுதேன தே3வீ|
த3தா4ர ஸர்வாத்மக மாத்மபூ4தம்
காஷ்டா2 யதா2 ऽऽநந்த3கரம் மனஸ்த:|| 18
ஸா தே3வகீ ஸர்வ ஜக3ந்நிவாஸ
நிவாஸபூ4தா நிதராம் ந ரேஜே|
போ4ஜேந்த்3ர கே3ஹேऽக்3நிஶிகே2வ ருத்3தா4
ஸரஸ்வதீ ஜ்ஞாநக2லே யதா2 ஸதீ|| 19
தாம் வீக்ஷ்ய கம்ஸ: ப்ரப4யாஜிதாந்தராம்
விரோசயந்தீம் ப4வனம் ஶுசிஸ்மிதாம்|
ஆஹைஷ மே ப்ராணஹரோ ஹரிர் கு3ஹாம்|
த்4ருவம் ஶ்ரிதோ யன்ன புரேயமீத்3ருஶீ|| 20
கிமத்3ய தஸ்மின் கரணீயமாஶு மே
யத3ர்த2தந்த்ரோ ந விஹந்தி விக்ரமம்|
ஸ்த்ரியா: ஸ்வஸுர்கு3ருமத்யா வதோ4ऽயம்
யஶ: ஶ்ரியம் ஹந்த்யநுகால மாயு:|| 21
ஸ ஏஷ ஜீவன் க2லு ஸம்பரேதோ
வர்தேத யோऽத்யந்த ந்ருஶம்ஸிதேன|
தே3ஹே ம்ருதே தம் மநுஜா: ஶபந்தி
க3ந்தா தமோऽந்த4ம் தநுமாநிநோ த்4ருவம்|| 22
இதி கோ4ரதமாத்3 பா4வாத் ஸந்நிவ்ருத்த: ஸ்வயம் ப்ரபு4:|
ஆஸ்தே ப்ரதீக்ஷம்ஸ்தஜ்ஜன்ம ஹரேர் வைராநுப3ந்த4க்ருத்|| 23
ஆஸீன: ஸம்விஶம்ஸ்திஷ்ட2ன் பு4ஞ்ஜான: பர்யடன் மஹீம்|
சிந்தயாநோ ஹ்ருஷீகேஶமபஶ்யத் தன்மயம் ஜக3த்|| 24
ப்3ரஹ்மா ப4வஶ்ச தத்ரைத்ய முனிபி4ர் நாரதா3தி3பி4:|
தே3வை: ஸாநுசரை: ஸாகம் கீ3ர்பி4ர் வ்ருஷணமைட3யன்|| 25
ஸத்யவ்ரதம் ஸத்யபரம் த்ரிஸத்யம்
ஸத்யஸ்ய யோநிம் நிஹிதம் ச ஸத்யே
ஸத்யஸ்ய ஸத்யம் ருத ஸத்யநேத்ரம்|
ஸத்யாத்மகம் த்வாம் ஶரணம் ப்ரபந்நா:|| 26
ஏகாயநோऽஸௌ த்3விப2லஸ்த்ரிமூலஶ்
சதூரஸ: பஞ்சவித4: ஷடா3த்மா|
ஸப்தத்வக3ஷ்டவிடபோ நவாக்ஷோ
த3ஶச்ச2தீ3 த்3விக2கோ3 ஹ்யாதி3வ்ருக்ஷ:|| 27
த்வமேக ஏவாஸ்ய ஸத: ப்ரஸூதிஸ்
த்வம் ஸந்நிதா4னம் த்வமநுக்3ரஹஶ்ச|
த்வன்மாயயா ஸம்வ்ருத சேதஸஸ்த்வாம்
பஶ்யந்தி நாநா ந விபஶ்சிதோ யே|| 28
பி3ப4ர்ஷி ரூபாண்யவபோ3த4 ஆத்மா
க்ஷேமாய லோகஸ்ய சராசரஸ்ய|
ஸத்த்வோபபந்நாநி ஸுகா2வஹானி
ஸதாமப4த்3ராணி முஹு: க2லாநாம்|| 29
த்வய்யம்பு3ஜாக்ஷாகி2ல ஸத்த்வதா4ம்நி
ஸமாதி4நா ऽऽவேஶித சேதஸைகே|
த்வத்பாத3 போதேன மஹத்க்ருதேன
குர்வந்தி கோ3வத்ஸபத3ம் ப4வாப்3தி4ம்|| 30
ஸ்வயம் ஸமுத்தீர்ய ஸுது3ஸ்தரம் த்3யுமன்
ப4வார்ணவம் பீ4மமத3ப்4ர ஸௌஹ்ருதா3:|
ப4வத்பதா3ம்போ4ருஹநாவமத்ர தே
நிதா4ய யாதா: ஸத3நுக்3ரஹோ ப4வான்|| 31
யேऽன்யே ऽரவிந்தா3க்ஷ விமுக்தமானின:
த்வய்யஸ்த பா4வாத3விஶுத்3த4 பு3த்3த4ய:|
ஆருஹ்ய க்ருச்ச்2ரேண பரம் பத3ம் தத:
பதந்த்யதோ4ऽநாத்3ருத யுஷ்மத3ங்க்4ரய:|| 32
ததா2 ந தே மாத4வ தாவகா: க்வசித்3
ப்4ரஶ்யந்தி மார்கா3த் த்வயி ப3த்3த4ஸௌஹ்ருதா3:|
த்வயாபி4கு3ப்தா விசரந்தி நிர்ப4யா
விநாயகாநீகபமூர்த4ஸு ப்ரபோ4|| 33
ஸத்த்வம் விஶுத்3த4ம் ஶ்ரயதே ப4வான் ஸ்தி2தௌ
ஶரீரிணாம் ஶ்ரேய் உபாயனம் வபு:|
வேத3 க்ரியா யோக3 தப: ஸமாதி4பி4ஸ்
தவார்ஹணம் யேன ஜன: ஸமீஹதே|| 34
ஸத்த்வம் ந சேத்3தா4தரித3ம் நிஜம் ப4வேத்3
விஜ்ஞானமஜ்ஞானபி4தா3பமார்ஜனம்|
கு3ணப்ரகாஶைரநுமீயதே ப4வான்
ப்ரகாஶதே யஸ்ய ச யேன வா கு3ண:|| 35
ந நாமரூபே கு3ணஜன்மகர்மபி4ர்
நிரூபிதவ்யே தவ தஸ்ய ஸாக்ஷிண:|
மநோவசோப்4யாமநுமேய வர்த்மநோ
தே3வ க்ரியாயாம் ப்ரதியந்த்யதா2பி ஹி|| 36
ஶ்ருண்வன் க்3ருணன் ஸம்ஸ்மரயம்ஶ்ச சிந்தயன்
நாமாநி ரூபாணி ச மங்க3ளானி தே|
க்ரியாஸு யஸ்த்வச்சரணாரவிந்த3யோர்
ஆவிஷ்டசேதா ந ப4வாய கல்பதே|| 37
தி3ஷ்ட்யா ஹரேऽஸ்யா ப4வத: பதோ3 பு4வோ
பா4ரோऽபநீதஸ்தவ ஜன்மநேஶிது:|
தி3ஷ்ட்யாங்கிதாம் த்வத்பத3கை: ஸுஶோப4னை:
த்3ர க்ஷ்யாம கா3ம் த்3யாம் ச தவாநுகம்பிதாம்|| 38
ந தேऽப4வஸ்யேஶ ப4வஸ்ய காரணம்
விநா விநோத3ம் ப3த தர்கயாமஹே|
ப4வோ நிரோத4: ஸ்தி2திரப்யவித்3யயா
க்ருதா யதஸ்த்வய்யப4யாஶ்ரயாத்மனி|| 39
மத்ஸ்யாஶ்வ கச்ச2ப ந்ருஸிம்ஹ வராஹ ஹம்ஸ
ராஜன்ய விப்ர விபு3தே4ஷு க்ருதாவதார:|
த்வம் பாஸி நஸ்த்ரிபு4வனம் ச யதா2து4நேஶ
பா4ரம் பு4வோ ஹர யதூ3த்தம வந்த3னம் தே|| 40
தி3ஷ்ட்யாம்ப3 தே குக்ஷிக3த: பர: புமான்
அம்ஶேன ஸாக்ஷாத்3 ப4க3வான் ப4வாய ந:|
மாபூ4த்3 ப4யம் போ4ஜபதேர் முமூர்ஷோர்
கோ3ப்தா யதூ3நாம் ப4விதா தவாத்மஜ:|| 41
ஶ்ரீஶுக உவாச
இத்யபி4ஷ்டூய புருஷம் யத்3ரூபமனித3ம் யதா2|
ப்3ரஹ்மேஶாநௌ புரோதா4ய தே3வா: ப்ரதியயுர் தி3வம்|| 42
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த3ஶமஸ்கந்தே4 பூர்வார்தே4 க3ர்ப4க3திவிஷ்ணோர் ப்3ரஹ்மாதி3க்ருதஸ்துதிர் நாம த்3விதீயோऽத்4யாய: || 2
பத்தாம் ஸ்கந்தம் - இரண்டாம் அத்யாயம் முற்றும்.