ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 1.
பகவான் பூமிதேவியைச் சாந்தப்படுத்துதலும் வசுதேவ-தேவகியின் விவாகம்
அத2 ப்ரத2மோऽத்2யாய:
ஶ்ரீராஜோவாச
கதி2தோ வம்ஶவிஸ்தாரோ ப4வதா ஸோம ஸூர்யயோ: |
ராஜ்ஞாம் சோப4யவம்ஶ்யாநாம் சரிதம் பரமாத்3பு4தம் || 1
யதோ3ஶ்ச த4ர்மஶீலஸ்ய நிதராம் முனிஸத்தம |
தத்ராம்ஶேன அவதீர்ணஸ்ய விஷ்ணோர் வீர்யாணி ஶம்ஸ ந: || 2
அவதீர்ய யதோ3ர்வம்ஶே ப4க3வான் பூ4தபா4வன: |
க்ருதவான் யானி விஶ்வாத்மா தானி நோ வத3 விஸ்தராத் || 3
நிவ்ருத்த தர்ஷைருபகீ3யமாநாத்3
ப4வௌஷதா4ச் ச்2ரோத்ர மநோऽபி4ராமாத் |
க உத்தமஶ்லோக கு3ணாநுவாதா3த்
புமான் விரஜ்யேத விநா பஶுக்4நாத் || 4
பிதாமஹா மே ஸமரேऽமரஞ்ஜயை:
தே3வவ்ரதாத்3யாதிரதை2ஸ் திமிங்கி3லை: |
து3ரத்யயம் கௌரவஸைன்ய ஸாக3ரம்
க்ருத்வாதரன் வத்ஸபத3ம் ஸ்ம யத்ப்லவா: || 5
த்3ரௌண்யஸ்த்ர விப்லுஷ்டமித3ம் மத3ங்க3ம்
ஸந்தானபீ3ஜம் குருபாண்ட3வாநாம் |
ஜுகோ3ப குக்ஷிம் க3த ஆத்தசக்ரோ
மாதுஶ்ச மே ய: ஶரணம் க3தாயா: || 6
வீர்யாணி தஸ்யாகி2ல தே3ஹபா4ஜாம்
அந்தர்ப3ஹி: பூருஷகாலரூபை: |
ப்ரயச்ச2தோ ம்ருத்யுமுதாம்ருதம் ச
மாயாமநுஷ்யஸ்ய வத3ஸ்வ வித்3வன் || 7
ரோஹிண்யாஸ் தநய: ப்ரோக்தோ ராம: ஸங்கர்ஷணஸ்த்வயா |
தே3வக்யா க3ர்ப4ஸம்ப3ந்த4: குதோ தே3ஹாந்தரம் விநா || 8
கஸ்மான் முகுந்தோ3 ப4க3வான் பிதுர்கே3ஹாத்3 வ்ரஜம் க3த: |
க்வ வாஸம் ஜ்ஞாதிபி4: ஸார்த4ம் க்ருதவான் ஸாத்வதாம் பதி: || 9
வ்ரஜே வஸன் கிமகரோத் மது4புர்யாம் ச கேஶவ: |
ப்4ராதரம் சாவதீ4த் கம்ஸம் மாதுரத்3தா4தத3ர்ஹணம் || 10
தே3ஹம் மாநுஷமாஶ்ரித்ய கதி வர்ஷாணி வ்ருஷ்ணிபி4: |
யது3புர்யாம் ஸஹாவாத்ஸீத் பத்ன்ய: கத்யப4வன் ப்ரபோ4: || 11
ஏதத3ன்யச்ச ஸர்வம் மே முனே க்ருஷ்ணவிசேஷ்டிதம் |
வக்துமர்ஹஸி ஸர்வஜ்ஞ ஶ்ரத்3த3தா4நாய விஸ்த்ருதம் || 12
நைஷாதிது3:ஸஹா க்ஷுன்மாம் த்யக்தோத3மபி பா3த4தே |
பிப3ந்தம் த்வன்முகா2ம்போ4ஜச்யுதம் ஹரிகதா2ம்ருதம் || 13
ஸூத உவாச |
ஏவம் நிஶம்ய ப்4ருகு3நந்த3ன ஸாது4வாத3ம் |
வையாஸகி: ஸ ப4க3வாநத2 விஷ்ணுராதம் |
ப்ரத்யர்ச்ய க்ருஷ்ணசரிதம் கலிகல்மஷக்4னம் |
வ்யாஹர்துமாரப4த பா4க3வத ப்ரதா4ன: || 14
ஶ்ரீஶுக உவாச |
ஸம்யக்3 வ்யவஸிதா பு3த்3தி4ஸ்தவ ராஜர்ஷிஸத்தம |
வாஸுதே3வகதா2யாம் தே யஜ்ஜாதா நைஷ்டி2கீ ரதி: || 15
வாஸுதே3வ கதா2ப்ரஶ்ன: புருஷாம்ஸ்த்ரீன் புநாதி ஹி |
வக்தாரம் ப்ருச்ச2கம் ஶ்ரோத்ரூம்ஸ் தத்பாத3 ஸலிலம் யதா2 || 16
பூ4மிர் த்3ருப்த ந்ருபவ்யாஜ தை3த்யாநீக ஶதாயுதை: |
ஆக்ராந்தா பூ4ரிபா4ரேண ப்3ரஹ்மாணம் ஶரணம் யயௌ || 17
கௌ3ர் பூ4த்வாஶ்ருமுகீ2 கி2ந்நா க்ரந்த3ந்தீ கருணம் விபோ4: |
உபஸ்தி2தாந்திகே தஸ்மை வ்யஸனம் ஸ்வமவோசத || 18
ப்3ரஹ்மா தது3பதா4ர்யாத2 ஸஹ தே3வைஸ்தயா ஸஹ |
ஜகா3ம ஸத்ரிநயனஸ்தீரம் க்ஷீரபயோநிதே4: || 19
தத்ர க3த்வா ஜக3ந்நாத2ம் தே3வதே3வம் வ்ருஷாகபிம் |
புருஷம் புருஷஸூக்தேன உபதஸ்தே2 ஸமாஹித: || 20
கி3ரம் ஸமாதௌ4 க3க3நே ஸமீரிதாம்
நிஶம்ய வேதா4ஸ்த்ரித3ஶாநுவாச ஹ |
கா3ம் பௌருஷீம் மே ஶ்ருணுதாமரா: புன:
விதீ4யதாமாஶு ததை2வ மா சிரம் || 21
புரைவ பும்ஸாவத்4ருதோ த4ராஜ்வரோ
ப4வத்3பி4ர்ம்ஶைர் யது3ஷூபஜன்யதாம் |
ஸ யாவது3ர்வ்யா ப4ரமீஶ்வரேஶ்வர:
ஸ்வகாலஶக்த்யா க்ஷபயம்ஶ்சரேத்3 பு4வி || 22
வஸுதே3வ க்3ருஹே ஸாக்ஷாத்3 ப4க3வான் புருஷ: பர: |
ஜநிஷ்யதே தத்ப்ரியார்த2ம் ஸம்ப4வந்து ஸுரஸ்த்ரிய: || 23
வாஸுதே3வகலாநந்த: ஸஹஸ்ரவத3ன: ஸ்வராட் |
அக்3ரதோ ப4விதா தே3வோ ஹரே: ப்ரியசிகீர்ஷயா || 24
விஷ்ணோர்மாயா ப4க3வதீ யயா ஸம்மோஹிதம் ஜக3த் |
ஆதி3ஷ்டா ப்ரபு4ணாம்ஶேன கார்யார்தே2 ஸம்ப4விஷ்யதி || 25
ஶ்ரீஶுக உவாச |
இத்யாதி3ஶ்யாமரக3ணான் ப்ரஜாபதிபதிர் விபு4: |
ஆஶ்வாஸ்ய ச மஹீம் கீ3ர்பி4: ஸ்வதா4ம பரமம் யயௌ || 26
ஶூரஸேநோ யது3பதி: மது2ராமாவஸன் புரீம் |
மாது2ரான் ஶூரஸேநாம்ஶ்ச விஷயான் பு3பு4ஜே புரா || 27
ராஜதா4னீ தத: ஸாபூ4த் ஸர்வயாத3வ பூ4பு4ஜாம் |
மது2ரா ப4க3வான் யத்ர நித்யம் ஸம்நிஹிதோ ஹரி: || 28
யஸ்யாம் து கர்ஹிசிச்சௌரிர் வஸுதே3வ: க்ருதோத்3வஹ: |
தே3வக்யா ஸூர்யயா ஸார்த4ம் ப்ரயாணே ரத2மாருஹத் || 29
உக்3ரஸேநஸுத: கம்ஸ: ஸ்வஸு: ப்ரியசிகீர்ஷயா |
ரஶ்மீன் ஹயாநாம் ஜக்3ராஹ ரௌக்மை ரத2ஶதைர் வ்ருத: || 30
சது:ஶதம் பாரிப3ர்ஹம் க3ஜாநாம் ஹேமமாலிநாம் |
அஶ்வாநாமயுதம் ஸார்த4ம் ரதா2நாம் ச த்ரிஷட்ஶதம் || 31
தா3ஸீநாம் ஸுகுமாரீணாம் த்3வே ஶதே ஸமலம்க்ருதே |
து3ஹித்ரே தே3வக: ப்ராதா3த் யாநே து3ஹித்ருவத்ஸல: || 32
ஶங்க2தூர்யம்ருத3ங்கா3ஶ்ச நேது3ர் து3ந்து3ப4ய: ஸமம் |
ப்ரயாண ப்ரக்ரமே தாவத் வரவத்4வோ: ஸுமங்க3லம் || 33
பதி2 ப்ரக்3ரஹிணம் கம்ஸமாபா4ஷ்யாஹ அஶரீரவாக் |
அஸ்யாஸ்த்வா மஷ்டமோ க3ர்போ4 ஹந்தா யாம் வஹஸே அபு3த4 || 34
இத்யுக்த: ஸ க2ல: பாபோ போ4ஜாநாம் குலபாம்ஸன: |
ப4கி3நீம் ஹந்துமாரப்3த4: க2ட்3க3பாணி: கசேऽக்3ரஹீத் || 35
தம் ஜுகு3ப்ஸித கர்மாணம் ந்ருஶம்ஸம் நிரபத்ரபம் |
வஸுதே3வோ மஹாபா4க3 உவாச பரிஸாந்த்வயன் || 36
ஶ்ரீவஸுதே3வ உவாச |
ஶ்லாக4நீயகு3ண: ஶூரை: ப4வான் போ4ஜயஶஸ்கர: |
ஸ கத2ம் ப4கி3நீம் ஹன்யாத் ஸ்த்ரிய முத்3வாஹபர்வணி || 37
ம்ருத்யுர் ஜன்மவதாம் வீர தே3ஹேன ஸஹ ஜாயதே |
அத்3ய வாப்3த3ஶதாந்தே வா ம்ருத்யுர் வை ப்ராணிநாம் த்4ருவ: || 38
தே3ஹே பஞ்சத்வமாபந்நே தே3ஹீ கர்மாநுகோ3ऽவஶ: |
தே3ஹாந்தர மநுப்ராப்ய ப்ராக்தனம் த்யஜதே வபு: || 39
வ்ரஜம் திஷ்ட2ன் பதை3கேன யதை2வைகேன க3ச்ச2தி |
யதா2 த்ருணஜலூகைவம் தே3ஹீ கர்மக3திம் க3த: || 40
ஸ்வப்நே யதா2 பஶ்யதி தே3ஹமீத்3ருஶம்
மநோரதே2னாபி4நிவிஷ்ட சேதன: |
த்3ருஷ்ட ஶ்ருதாப்4யாம் மநஸாநுசிந்தயன்
ப்ரபத்3யதே தத் கிமபி ஹ்யபஸ்ம்ருதி: || 41
யதோ யதோ தா4வதி தை3வசோதி3தம்
மநோ விகாராத்மகமாப பஞ்சஸு |
கு3ணேஷு மாயாரசிதேஷு தே3ஹ்யஸௌ
ப்ரபத்3யமான: ஸஹ தேன ஜாயதே || 42
ஜ்யோதிர் யதை2வோத3க பார்தி2வேஷ்வத3: |
ஸமீரவேகா3நுக3தம் விபா4வ்யதே |
ஏவம் ஸ்வமாயாரசிதேஷ்வஸௌ புமான் |
கு3ணேஷு ராகா3நுக3தோ விமுஹ்யதி || 43
தஸ்மாந் ந கஸ்யசித்3 த்3ரோஹமாசரேத் ஸ ததா2வித4: |
ஆத்மன: க்ஷேமமன்விச்ச2ன் த்3ரோக்3து4ர் வை பரதோ ப4யம் || 44
ஏஷா தவாநுஜா பா3லா க்ருபணா புத்ரிகோபமா |
ஹந்தும் நார்ஹஸி கல்யாணீமிமாம் த்வம் தீ3னவத்ஸல: || 45
ஶ்ரீஶுக உவாச |
ஏவம் ஸ ஸாமபி4ர் பே4தை3: போ3த்4யமாநோऽபி தா3ருண: |
ந ந்யவர்தத கௌரவ்ய புருஷாதா3நநுவ்ரத: || 46
நிர்ப3ந்த4ம் தஸ்ய தம் ஜ்ஞாத்வா விசிந்த்யாநகது3ந்து3பி4: |
ப்ராப்தம் காலம் ப்ரதிவ்யோடு4மித3ம் தத்ரான்வபத்3யத || 47
ம்ருத்யுர் பு3த்3தி4மதாபோஹ்யோ யாவத்3 பு3த்3தி4 ப3லோத3யம் |
யத்3யஸௌ ந நிவர்தேத நாபராதோ4ऽஸ்தி தே3ஹின: || 48
ப்ரதா3ய ம்ருத்யவே புத்ரான் மோசயே க்ருபணாமிமாம் |
ஸுதா மே யதி3 ஜாயேரன் ம்ருத்யுர் வா ந ம்ரியேத சேத் || 49
விபர்யயோ வா கிம் ந ஸ்யாத்3 க3திர் தா4து: து3ரத்யயா |
உபஸ்தி2தோ நிவர்தேத நிவ்ருத்த: புநராபதேத் || 50
அக்3நேர் யதா2 தா3ருவியோக3 யோக3யோ:
அத்3ருஷ்டதோऽன்யன்ன நிமித்தமஸ்தி |
ஏவம் ஹி ஜந்தோரபி து3ர்விபா4வ்ய:
ஶரீர ஸம்யோக3 வியோக3 ஹேது: || 51
ஏவம் விம்ருஶ்ய தம் பாபம் யாவதா3த்மநித3ர்ஶனம் |
பூஜயாமாஸ வை ஶௌரி: ப3ஹுமாந புர:ஸரம் || 52
ப்ரஸந்நவத3நாம்போ4ஜோ ந்ருஶம்ஸம் நிரபத்ரபம் |
மநஸா தூ3யமாநேன விஹஸன்னித3மப்3ரவீத் || 53
ஶ்ரீவஸுதே3வ உவாச |
ந ஹ்யஸ்யாஸ்தே ப4யம் ஸௌம்ய யத்3 வாகா3ஹாஶரீரிணீ |
புத்ரான் ஸமர்பயிஷ்யேऽஸ்யா யதஸ்தே ப4யமுத்தி2தம் || 54
ஶ்ரீஶுக உவாச |
ஸ்வஸுர் வதா4ந்நிவவ்ருதே கம்ஸஸ்தத்3வாக்ய ஸாரவித் |
வஸுதே3வோऽபி தம் ப்ரீத: ப்ரஶஸ்ய ப்ராவிஶத்3 க்3ருஹம் || 55
அத2 கால உபாவ்ருத்தே தே3வகீ ஸர்வதே3வதா |
புத்ரான் ப்ரஸுஷுவே சாஷ்டௌ கன்யாம் சைவாநுவத்ஸரம் || 56
கீர்திமந்தம் ப்ரத2மஜம் கம்ஸாயாநகது3ந்து3பி4: |
அர்பயாமாஸ க்ருச்ச்2ரேண ஸோऽந்ருதாத்3திவிஹ்வல: || 57
கிம் து3ஸ்ஸஹம் நு ஸாதூ4நாம் விது3ஷாம் கிமபேக்ஷிதம் |
கிமகார்யம் கத3ர்யாணாம் து3ஸ்த்யஜம் கிம் த்4ருதாத்மநாம் || 58
த்3ருஷ்ட்வா ஸமத்வம் தச்சௌ2ரே: ஸத்யே சைவ வ்யவஸ்தி2திம் |
கம்ஸஸ்துஷ்டமநா ராஜன் ப்ரஹஸந்நித3மப்3ரவீத் || 59
ப்ரதியாது குமாரோऽயம் ந ஹ்யஸ்மாத3ஸ்தி மே ப4யம் |
அஷ்டமாத்3 யுவயோர் க3ர்பா4த் ம்ருத்யுர்மே விஹித: கில || 60
ததே2தி ஸுதமாதா3ய யயாவானகது3ந்து3பி4: |
நாப்4யநந்த3த தத்3வாக்ய மஸதோऽவிஜிதாத்மன: || 61
நந்தா3த்3யா யே வ்ரஜே கோ3பா யாஶ்சாமீஷாம் ச யோஷித: |
வ்ருஷ்ணயோ வஸுதே3வாத்3யா தே3வக்யாத்3யா யது3ஸ்த்ரிய: || 62
ஸர்வே வை தே3வதாப்ராயா உப4யோரபி பா4ரத |
ஜ்ஞாதயோ ப3ந்து4ஸுஹ்ருதோ3 யே ச கம்ஸமநுவ்ரதா: || 63
ஏதத் கம்ஸாய ப4க3வான் ஶஶம்ஸாப்4யேத்ய நாரத3: |
பூ4மேர் பா4ராயமாணாநாம் தை3த்யாநாம் ச வதோ4த்3யமம் || 64
ருஷேர் விநிர்க3மே கம்ஸோ யதூ3ன் மத்வா ஸுராநிதி |
தே3வக்யா க3ர்ப4ஸம்பூ4தம் விஷ்ணும் ச ஸ்வவத4ம் ப்ரதி || 65
தே3வகீம் வஸுதே3வம் ச நிக்3ருஹ்ய நிக3டை3ர் க்3ருஹே |
ஜாதம் ஜாதமஹன் புத்ரம் தயோர்ஜன ஶம்கயா || 66
மாதரம் பிதரம் ப்4ராத்ரூன் ஸர்வாம்ஶ்ச ஸுஹ்ருத3ஸ்ததா2 |
க்4நந்தி ஹ்யஸுத்ருபோ லுப்3தா4 ராஜான: ப்ராயஶோ பு4வி || 67
ஆத்மானமிஹ ஸஞ்ஜாதம் ஜானன் ப்ராக்3 விஷ்ணுநா ஹதம் |
மஹாஸுரம் காலநேமிம் யது3பி4: ஸ வ்யருத்4யத || 68
உக்3ரஸேனம் ச பிதரம் யது3போ4ஜாந்த4காதி4பம் |
ஸ்வயம் நிக்3ருஹ்ய பு3பு4ஜே ஶூரஸேநான் மஹாப3ல: || 69
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 ஶ்ரீக்ருஷ்ணாவதார உபக்ரமே ப்ரத2மோऽத்4யாऽய: ||
பத்தாம் ஸ்கந்தம் - முதல் அத்யாயம் முற்றும்.