ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 26.
நந்தகோபர் கோபர்களோடு ஸ்ரீ கிருஷ்ணரின் பிரபாவத்தைப் பற்றிச் சம்பாஷித்தல்
அத₂ ஷட்₃விம்ஶோऽத்₄யாய:

ஶ்ரீஶுக உவாச -
ஏவம்விதா₄நி கர்மாணி கோ₃பா: க்ருஷ்ணஸ்ய வீக்ஷ்ய தே|
அதத்₃வீர்யவித₃: ப்ரோசு: ஸமப்₄யேத்ய ஸுவிஸ்மிதா:|| 1

பா₃லகஸ்ய யதே₃தாநி கர்மாண்யத்யத்₃பு₄தாநி வை|
கத₂மர்ஹத்யஸௌ ஜன்ம க்₃ராம்யேஷ்வாத்மஜுகு₃ப்ஸிதம்|| 2

ய: ஸப்தஹாயநோ பா₃ல: கரேணைகேன லீலயா|
கத₂ம் பி₃ப்₄ரத்₃ கி₃ரிவரம் புஷ்கரம் க₃ஜராடி₃வ|| 3

தோகேநாமீலிதாக்ஷேண பூதநாயா மஹௌஜஸ:|
பீத: ஸ்தன: ஸஹ ப்ராணை: காலேநேவ வயஸ்தநோ:|| 4

ஹின்வதோऽத₄: ஶயானஸ்ய மாஸ்யஸ்ய சரணாவுத₃க்|
அநோऽபதத்₃ விபர்யஸ்தம் ருத₃த: ப்ரபதா₃ஹதம்|| 5

ஏகஹாயன ஆஸீநோ ஹ்ரியமாணோ விஹாயஸா|
தை₃த்யேன யஸ்த்ருணாவர்தமஹன் கண்ட₂க்₃ரஹாதுரம்|| 6

க்வசித்₃ ஹையங்க₃வஸ்தைன்யே மாத்ரா ப₃த்₃த₄ உலூக₂லே|
க₃ச்ச₂ந்நர்ஜுனயோர் மத்₄யே பா₃ஹுப்₄யாம் தாவபாதயத்|| 7

வனே ஸஞ்சாரயன் வத்ஸான் ஸராமோ பா₃லகைர் வ்ருத:|
ஹந்துகாமம் ப₃கம் தோ₃ர்ப்₄யாம் முக₂தோऽரிமபாடயத்|| 8

வத்ஸேஷு வத்ஸரூபேண ப்ரவிஶந்தம் ஜிகா₄ம்ஸயா|
ஹத்வா ந்யபாதயத் தேன கபித்தா₂நி ச லீலயா|| 9

ஹத்வா ராஸப₄தை₃தேயம் தத்₃ப₃ந்தூ₄ம்ஶ்ச ப₃லான்வித:|
சக்ரே தாளவனம் க்ஷேமம் பரிபக்வ ப₂லான்விதம்|| 10

ப்ரலம்ப₃ம் கா₄தயித்வோக்₃ரம் ப₃லேன ப₃லஶாலிநா|
அமோசயத்₃ வ்ரஜபஶூன் கோ₃பாம்ஶ்சாரண்ய வஹ்நித:|| 11

ஆஶீவிஷதமாஹீந்த்₃ரம் த₃மித்வா விமத₃ம் ஹ்ரதா₃த்|
ப்ரஸஹ்யோத்₃வாஸ்ய யமுநாம் சக்ரேऽஸௌ நிர்விஷோத₃காம்|| 12

து₃ஸ்த்யஜஶ்சாநுராகோ₃ऽஸ்மின் ஸர்வேஷாம் நோ வ்ரஜௌகஸாம்|
நந்த₃ தே தனயேऽஸ்மாஸு தஸ்யாப்யௌத்பத்திக: கத₂ம்|| 13

க்வ ஸப்தஹாயநோ பா₃ல: க்வ மஹாத்₃ரிவிதா₄ரணம்|
ததோ நோ ஜாயதே ஶங்கா வ்ரஜநாத₂ தவாத்மஜே|| 14

ஶ்ரீநந்த₃ உவாச -
ஶ்ரூயதாம் மே வசோ கோ₃பா வ்யேது ஶங்கா ச வோऽர்ப₄கே|
ஏனம் குமார முத்₃தி₃ஶ்ய க₃ர்கோ₃ மே யது₃வாச ஹ|| 15

வர்ணாஸ்த்ரய: கிலாஸ்யாஸன் க்₃ருஹ்ணதோऽநுயுக₃ம் தநூ:|
ஶுக்லோ ரக்தஸ்ததா₂ பீத இதா₃நீம் க்ருஷ்ணதாம் க₃த:|| 16

ப்ராக₃யம் வஸுதே₃வஸ்ய க்வசிஜ்ஜாதஸ் தவாத்மஜ:|
வாஸுதே₃வ இதி ஶ்ரீமாநபி₄ஜ்ஞா: ஸம்ப்ரசக்ஷதே|| 17

ப₃ஹூநி ஸந்தி நாமானி ரூபாணி ச ஸுதஸ்ய தே|
கு₃ணகர்மாநுரூபாணி தான்யஹம் வேத₃ நோ ஜனா:|| 18

ஏஷ வ: ஶ்ரேய ஆதா₄ஸ்யத்₃ கோ₃பகோ₃குல நந்த₃ன:|
அநேந ஸர்வ து₃ர்கா₃ணி யூயமஞ்ஜஸ்தரிஷ்யத₂|| 19

புராநேந வ்ரஜபதே ஸாத₄வோ த₃ஸ்யுபீடி₃தா:|
அராஜகே ரக்ஷ்யமாணா ஜிக்₃யுர் த₃ஸ்யூன் ஸமேதி₄தா:|| 20

ய ஏதஸ்மின் மஹாபா₄கா₃: ப்ரீதிம் குர்வந்தி மானவா:|
நாரயோऽபி₄ப₄வந்த்யேதான் விஷ்ணுபக்ஷாநிவாஸுரா:|| 21

தஸ்மாந்நந்த₃ குமாரோऽயம் நாராயணஸமோ கு₃ணை:|
ஶ்ரியா கீர்த்யாநுபா₄வேன தத்கர்மஸு ந விஸ்மய:|| 22

இத்யத்₃தா₄ மாம் ஸமாதி₃ஶ்ய க₃ர்கே₃ ச ஸ்வக்₃ருஹம் க₃தே|
மன்யே நாராயணஸ்யாம்ஶம் க்ருஷ்ண மக்லிஷ்ட காரிணம்|| 23

இதி நந்த₃வச: ஶ்ருத்வா க₃ர்க₃கீ₃தம் வ்ரஜௌகஸ:|
த்₃ருஷ்ட ஶ்ருதாநுபா₄வாஸ்தே க்ருஷ்ணஸ்ய அமிததேஜஸ:|
முதி₃தா நந்த₃மாநர்சு: க்ருஷ்ணம் ச க₃தவிஸ்மயா:|| 24

தே₃வே வர்ஷதி யஜ்ஞவிப்லவருஷா
      வஜ்ராஶ்மபர்ஷாநிலை:|
ஸீத₃த் பால பஶுஸ்த்ரி ஆத்மஶரணம்
      த்₃ருஷ்ட்வாநுகம்ப்யுத்ஸ்மயன்|
உத்பாட்யைக கரேண ஶைலமப₃லோ
      லீலோச்சி₂லீந்த்₄ரம் யதா₂|
பி₃ப்₄ரத்₃ கோ₃ஷ்ட₂ மபான்மஹேந்த்₃ர மத₃பி₄த்
      ப்ரீயான் ந இந்த்₃ரோ க₃வாம்|| 25

இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ பூர்வார்தே₄ ஷட்₃விம்ஶோऽத்₄யாய: || 26 ||

பத்தாம் ஸ்கந்தம் - இருபத்தி ஆறாம் அத்யாயம் முற்றும்.