ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 25.
கோவர்த்தன தாரணம்
அத₂ பஞ்சவிம்ஶோऽத்₄யாய:

ஶ்ரீஶுக உவாச -
இந்த்₃ரஸ்ததா₃ऽऽத்மன: பூஜாம் விஜ்ஞாய விஹதாம் ந்ருப|
கோ₃பேப்₄ய: க்ருஷ்ணநாதே₂ப்₄யோ நந்தா₃தி₃ப்₄யஶ் சுகோப ஸ:|| 1

க₃ணம் ஸாம்வர்தகம் நாம மேகா₄நாம் சாந்தகாரிணாம்|
இந்த்₃ர: ப்ரசோத₃யத் க்ருத்₃தோ₄ வாக்யம் சாஹேஶ மான்யுத|| 2

அஹோ ஶ்ரீமத₃மாஹாத்ம்யம் கோ₃பாநாம் கானநௌகஸாம்|
க்ருஷ்ணம் மர்த்யமுபாஶ்ரித்ய யே சக்ருர் தே₃வஹேலனம்|| 3

யதா₂த்₃ருடை₄: கர்மமயை: க்ரதுபி₄ர் நாமநௌநிபை₄:|
வித்₃யாமான்வீக்ஷிகீம் ஹித்வா திதீர்ஷந்தி ப₄வார்ணவம்|| 4

வாசாலம் பா₃லிஶம் ஸ்தப்₃த₄மஜ்ஞம் பண்டி₃தமானினம்|
க்ருஷ்ணம் மர்த்யமுபாஶ்ரித்ய கோ₃பா மே சக்ருரப்ரியம்|| 5

ஏஷாம் ஶ்ரியாவலிப்தாநாம் க்ருஷ்ணேநாத்₄மாபிதாத்மநாம்|
து₄நுத ஶ்ரீமத₃ஸ்தம்ப₄ம் பஶூன் நயத ஸங்‌க்ஷயம்|| 6

அஹம் ச ஐராவதம் நாக₃மாருஹ்யாநு வ்ரஜே வ்ரஜம்|
மருத்₃‍க₃ணைர் மஹாவீர்யைர் நந்த₃கோ₃ஷ்ட₂ ஜிகா₄ம்ஸயா|| 7

ஶ்ரீஶுக உவாச -
இத்த₂ம் மக₄வதாऽऽஜ்ஞப்தா மேகா₄ நிர்முக்தப₃ந்த₄நா:|
நந்த₃கோ₃குல மாஸாரை: பீட₃யாமாஸு ரோஜஸா|| 8

வித்₃யோதமாநா வித்₃யுத்₃‌பி₄: ஸ்தநந்த: ஸ்தனயித்‍நுபி₄:|
தீவ்ரைர் மருத்₃‍க₃ணைர் நுந்நா வவ்ருஷுர் ஜலஶர்கரா:|| 9

ஸ்தூ₂ணாஸ்தூ₂லா வர்ஷதா₄ரா முஞ்சத்ஸ்வப்₄ரேஷ்வ-பீ₄க்ஷ்ணஶ:|
ஜலௌகை₄: ப்லாவ்யமாநா பூ₄: நாத்₃ருஶ்யத நதோந்நதம்|| 10

அத்யாஸாராதிவாதேன பஶவோ ஜாதவேபநா:|
கோ₃பா கோ₃ப்யஶ்ச ஶீதார்தா கோ₃விந்த₃ம் ஶரணம் யயு:|| 11

ஶிர: ஸுதாம்ஶ்ச காயேன ப்ரச்சா₂த்₃யா-ஸாரபீடி₃தா:|
வேபமாநா ப₄க₃வத: பாத₃மூல முபாயயு:|| 12

க்ருஷ்ண க்ருஷ்ண மஹாபா₄க₃ த்வந்நாத₂ம் கோ₃குலம் ப்ரபோ₄|
த்ராது மர்ஹஸி தே₃வான்ன: குபிதாத்₃ ப₄க்தவத்ஸல|| 13

ஶிலாவர்ஷாநிபாதேன ஹன்யமான மசேதனம்|
நிரீக்ஷ்ய ப₄க₃வான் மேநே குபிதேந்த்₃ரக்ருதம் ஹரி:|| 14

அபர்த்த்வத்யுல்ப₃ணம் வர்ஷமதிவாதம் ஶிலாமயம்|
ஸ்வயாகே₃ விஹதேऽஸ்மாபி₄: இந்த்₃ரோ நாஶாய வர்ஷதி|| 15

தத்ர ப்ரதிவிதி₄ம் ஸம்யகா₃த்மயோகே₃ன ஸாத₄யே|
லோகேஶமாநிநாம் மௌட்₄யாத்₃ ஹரிஷ்யே ஶ்ரீமத₃ம் தம:|| 16

ந ஹி ஸத்₃‍பா₄வயுக்தாநாம் ஸுராணாமீஶவிஸ்மய:|
மத்தோऽஸதாம் மானப₄ங்‌க₃: ப்ரஶமாயோபகல்பதே|| 17

தஸ்மாத் மச்ச₂ரணம் கோ₃ஷ்ட₂ம் மந்நாத₂ம் மத்பரிக்₃ரஹம்|
கோ₃பாயே ஸ்வாத்மயோகே₃ன ஸோऽயம் மே வ்ரத ஆஹித:|| 18

இத்யுக்த்வைகேன ஹஸ்தேன க்ருத்வா கோ₃வர்த₄நாசலம்|
த₃தா₄ர லீலயா க்ருஷ்ணஶ் ச₂த்ராகமிவ பா₃லக:|| 19

அதா₂ஹ ப₄க₃வான் கோ₃பான் ஹேऽம்ப₃ தாத வ்ரஜௌகஸ:|
யதோ₂பஜோஷம் விஶத கி₃ரிக₃ர்தம் ஸகோ₃த₄நா:|| 20

ந த்ராஸ இஹ வ: கார்யோ மத்₃த₄ஸ்தாத்₃ரி நிபாதனே|
வாதவர்ஷப₄யேநாலம் தத்த்ராணம் விஹிதம் ஹி வ:|| 21

ததா₂ நிர்விவிஶுர் க₃ர்தம் க்ருஷ்ணாஶ்வாஸித மானஸ:|
யதா₂வகாஶம் ஸத₄நா: ஸவ்ரஜா: ஸோபஜீவின:|| 22

க்ஷுத் த்ருட்₃வ்யதா₂ம் ஸுகா₂பேக்ஷாம் ஹித்வா தைர் வ்ரஜவாஸிபி₄:|
வீக்ஷ்யமாணோ த₃தா₄வத்₃ரிம் ஸப்தாஹம் நாசலத் பதா₃த்|| 23

க்ருஷ்ண யோகா₃நுபா₄வம் தம் நிஶம்யேந்த்₃ரோऽதிவிஸ்மித:|
நி:ஸ்தம்போ₄ ப்₄ரஷ்டஸங்‌கல்ப: ஸ்வான் மேகா₄ன் ஸம்ன்யவாரயத்|| 24

க₂ம் வ்யப்₄ர முதி₃தாதி₃த்யம் வாதவர்ஷம் ச தா₃ருணம்|
நிஶம்யோபரதம் கோ₃பான் கோ₃வர்த₄நத₄ரோऽப்₃ரவீத்|| 25

நிர்யாத த்யஜத த்ராஸம் கோ₃பா: ஸஸ்த்ரீத₄நார்ப₄கா:|
உபாரதம் வாதவர்ஷம் வ்யுத₃ப்ராயாஶ்ச நிம்நகா₃:|| 26

ததஸ்தே நிர்யயுர் கோ₃பா: ஸ்வம் ஸ்வமாதா₃ய கோ₃த₄னம்|
ஶகடோடோ₃ப கரணம் ஸ்த்ரீபா₃லஸ்த₂விரா: ஶனை:|| 27

ப₄க₃வாநபி தம் ஶைலம் ஸ்வஸ்தா₂நே பூர்வவத் ப்ரபு₄:|
பஶ்யதாம் ஸர்வபூ₄தாநாம் ஸ்தா₂பயாமாஸ லீலயா|| 28

தம் ப்ரேமவேகா₃ந்நிப்₄ருதா வ்ரஜௌகஸோ
      யதா₂ ஸமீயு: பரிரம்ப₄ணாதி₃பி₄:|
கோ₃ப்யஶ்ச ஸஸ்நேஹ மபூஜயன் முதா₃
      த₃த்₄யக்ஷதாத்₃‌பி₄ர் யுயுஜு: ஸதா₃ஶிஷ:|| 29

யஶோதா₃ ரோஹிணீ நந்தோ₃ ராமஶ்ச ப₃லிநாம் வர:|
க்ருஷ்ணமாலிங்‌க்₃ய யுயுஜுராஶிஷ: ஸ்நேஹ காதரா:|| 30

தி₃வி தே₃வக₃ணா: ஸாத்₄யா: ஸித்₃தா₄க₃ந்த₄ர்வசாரணா:|
துஷ்டுவுர் முமுசுஸ்துஷ்டா: புஷ்பவர்ஷாணி பார்தி₂வ|| 31

ஶங்‌க₂து₃ந்து₃ப₄யோ நேது₃ர் தி₃வி தே₃வப்ரணோதி₃தா:|
ஜகு₃ர் க₃ந்த₄ர்வபதய: தும்பு₃ருப்ரமுகா₂ ந்ருப|| 32

ததோऽநுரக்தை: பஶுபை: பரிஶ்ரிதோ
      ராஜன் ஸ கோ₃ஷ்ட₂ம் ஸப₃லோऽவ்ரஜத்₃ ஹரி:|
ததா₂விதா₄ன்யஸ்ய க்ருதானி கோ₃பிகா
      கா₃யந்த்ய ஈயுர் முதி₃தா ஹ்ருதி₃ஸ்ப்ருஶ:|| 33

இதி ஶ்ரீமத்₃‍பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ பூர்வார்தே₄ பஞ்சவிம்ஶோऽத்₄யாய: || 25 ||

பத்தாம் ஸ்கந்தம் - இருபத்தி ஐந்தாம் அத்யாயம் முற்றும்.