ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 24.
இந்திர யக்ஞ நிவாரணம்
அத2 சதுர்விம்ஶோऽத்4யாய:
ஶ்ரீஶுக உவாச -
ப4க3வானபி தத்ரைவ ப3லதே3வேன ஸம்யுத:|
அபஶ்யந்நிவஸன் கோ3பாநிந்த்3ரயாக3 க்ருதோத்3யமான்|| 1
தத3பி4ஜ்ஞோऽபி ப4க3வான் ஸர்வாத்மா ஸர்வத3ர்ஶன:|
ப்ரஶ்ரயாவனதோऽப்ருச்ச2த் வ்ருத்3தா4ன் நந்த3புரோக3மான்|| 2
கத்2யதாம் மே பித: கோऽயம் ஸம்ப்4ரமோ வ உபாக3த:|
கிம் ப2லம் கஸ்ய சோத்3தே3ஶ: கேன வா ஸாத்4யதே மக2:|| 3
ஏதத்3 ப்3ரூஹி மஹான் காமோ மஹ்யம் ஶுஶ்ரூஷவே பித:|
ந ஹி கோ3ப்யம் ஹி ஸாதூ4நாம் க்ருத்யம் ஸர்வாத்மநாமிஹ|| 4
அஸ்த்யஸ்வ-பர த்3ருஷ்டீநா மமித்ரோதா3ஸ்தவித்3விஷாம்|
உதா3ஸீநோऽரிவத்3 வர்ஜ்ய ஆத்மவத் ஸுஹ்ருது3ச்யதே|| 5
ஜ்ஞாத்வாஜ்ஞாத்வா ச கர்மாணி ஜநோऽயமநுதிஷ்ட2தி|
விது3ஷ: கர்மஸித்3தி4: ஸ்யாத் ததா2 நாவிது3ஷோ ப4வேத்|| 6
தத்ர தாவத் க்ரியாயோகோ3 ப4வதாம் கிம் விசாரித:|
அத2வா லௌகிகஸ் தன்மே ப்ருச்ச2த: ஸாது4 ப4ண்யதாம்|| 7
ஶ்ரீநந்த3 உவாச -
பர்ஜன்யோ ப4க3வான் இந்த்3ரோ மேகா4ஸ் தஸ்யாத்ம மூர்தய:|
தேऽபி4வர்ஷந்தி பூ4தாநாம் ப்ரீணனம் ஜீவனம் பய:|| 8
தம் தாத வயமன்யே ச வார்முசாம் பதிமீஶ்வரம்|
த்3ரவ்யைஸ்தத்3 ரேதஸா ஸித்3தை4ர் யஜந்தே க்ரதுபி4ர் நரா:|| 9
தச்சே2ஷேணோபஜீவந்தி த்ரிவர்க3ப2ல ஹேதவே|
பும்ஸாம் புருஷகாராணாம் பர்ஜன்ய: ப2லபா4வன:|| 10
ய ஏவம் விஸ்ருஜேத் த4ர்மம் பரம்பர்யாக3தம் நர:|
காமால்லோபா4த்3 ப4யாத்3 த்3வேஷாத் ஸ வை நாப்நோதி ஶோப4னம்|| 11
ஶ்ரீஶுக உவாச -
வசோ நிஶம்ய நந்த3ஸ்ய ததா2ன்யேஷாம் வ்ரஜௌகஸாம்|
இந்த்3ராய மன்யும் ஜனயன் பிதரம் ப்ராஹ கேஶவ:|| 12
ஶ்ரீப4க3வாநுவாச -
கர்மணா ஜாயதே ஜந்து: கர்மணைவ விலீயதே|
ஸுக2ம் து3:க2ம் ப4யம் க்ஷேமம் கர்மணைவாபி4பத்3யதே|| 13
அஸ்தி சேத் ஈஶ்வர: கஶ்சித் ப2லரூப்யன்யகர்மணாம்|
கர்தாரம் ப4ஜதே ஸோऽபி ந ஹ்யகர்து: ப்ரபு4ர்ஹி ஸ:|| 14
கிமிந்த்3ரேணேஹ பூ4தாநாம் ஸ்வஸ்வ கர்மாநுவர்திநாம்|
அநீஶேநான்யதா2 கர்தும் ஸ்வபா4வவிஹிதம் ந்ருணாம்|| 15
ஸ்வபா4வதந்த்ரோ ஹி ஜன: ஸ்வபா4வ மநுவர்ததே|
ஸ்வபா4வஸ்த2மித3ம் ஸர்வம் ஸதே3வாஸுர மாநுஷம்|| 16
தே3ஹாநுச்சாவசாஞ்ஜந்து: ப்ராப்யோத்ஸ்ருஜதி கர்மணா|
ஶத்ருர்மித்ர முதா3ஸீன: கர்மைவ கு3ருரீஶ்வர:|| 17
தஸ்மாத் ஸம்பூஜயேத் கர்ம ஸ்வபா4வஸ்த2: ஸ்வகர்மக்ருத்|
அஞ்ஜஸா யேன வர்தேத ததே3வாஸ்ய ஹி தை3வதம்|| 18
ஆஜீவ்யைகதரம் பா4வம் யஸ்த்வன்ய முபஜீவதி|
ந தஸ்மாத்3 விந்த3தே க்ஷேமம் ஜாரம் நார்யஸதீ யதா2|| 19
வர்தேத ப்3ரஹ்மணா விப்ரோ ராஜன்யோ ரக்ஷயா பு4வ:|
வைஶ்யஸ்து வார்தயா ஜீவேத் ஶூத்3ரஸ்து த்3விஜஸேவயா|| 20
க்ருஷி வாணிஜ்ய கோ3ரக்ஷா குஸீத3ம் தூர்ய முச்யதே|
வார்தா சதுர்விதா4 தத்ர வயம் கோ3வ்ருத்தயோऽநிஶம்|| 21
ஸத்த்வம் ரஜஸ்தம இதி ஸ்தி2த்யுத்பத்யந்த ஹேதவ:|
ரஜஸோத்பத்3யதே விஶ்வமன்யோன்யம் விவித4ம் ஜக3த்|| 22
ரஜஸா சோதி3தா மேகா4 வர்ஷந்த்யம்பூ3நி ஸர்வத:|
ப்ரஜாஸ்தைரேவ ஸித்4யந்தி மஹேந்த்3ர: கிம் கரிஷ்யதி|| 23
ந ந: புரோ ஜநபதா3 ந க்3ராமா ந க்3ருஹா வயம்|
நித்யம் வநௌகஸஸ்தாத வநஶைல நிவாஸின:|| 24
தஸ்மாத்3 க3வாம் ப்3ராஹ்மணாநா மத்3ரேஶ்சாரப்4யதாம் மக2:|
ய இந்த்3ரயாக3 ஸம்பா4ரா: தைரயம் ஸாத்4யதாம் மக2:|| 25
பச்யந்தாம் விவிதா4: பாகா: ஸூபாந்தா: பாயஸாத3ய:|
ஸம்யாவாபூப ஶஷ்குல்ய: ஸர்வதோ3ஹஶ்ச க்3ருஹ்யதாம்|| 26
ஹூயந்தாமக்3னய: ஸம்யக்3 ப்3ராஹ்மணைர் ப்3ரஹ்மவாதி3பி4:|
அன்னம் ப3ஹுவித4ம் தேப்4யோ தே3யம் வோ தே4நுத3க்ஷிணா:|| 27
அன்யேப்4யஶ்சாஶ்வ சாண்டா3ல பதிதேப்4யோ யதா2ர்ஹத:|
யவஸம் ச க3வாம் த3த்வா கி3ரயே தீ3யதாம் ப3லி:|| 28
ஸ்வலங்க்ருதா பு4க்தவந்த: ஸ்வநுலிப்தா: ஸுவாஸஸ:|
ப்ரத3க்ஷிணாம் ச குருத கோ3விப்ராநல பர்வதான்|| 29
ஏதன்மம மதம் தாத க்ரியதாம் யதி3 ரோசதே|
அயம் கோ3ப்3ராஹ்மணாத்3ரீணாம் மஹ்யம் ச த3யிதோ மக2:|| 30
ஶ்ரீஶுக உவாச -
காலாத்மநா ப4க3வதா ஶக்ரத3ர்பம் ஜிகா4ம்ஸதா|
ப்ரோக்தம் நிஶம்ய நந்தா3த்3யா: ஸாத்4வக்3ருஹ்ணந்த தத்3வச:|| 31
ததா2 ச வ்யத3து4: ஸர்வம் யதா2ऽऽஹ மது4ஸூத3ன:|
வாசயித்வா ஸ்வஸ்த்யயனம் தத்3 த்3ரவ்யேண கி3ரி த்3விஜான்|| 32
உபஹ்ருத்ய ப3லீன் ஸர்வாநாத்3ருதா யவஸம் க3வாம்|
கோ3த4நாநி புரஸ்க்ருத்ய கி3ரிம் சக்ரு: ப்ரத3க்ஷிணம்|| 33
அநாம்ஸ்யனடு3த்3யுக்தானி தே சாருஹ்ய ஸ்வலங்க்ருதா:|
கோ3ப்யஶ்ச க்ருஷ்ணவீர்யாணி கா3யந்த்ய: ஸத்3விஜாஶிஷ:|| 34
க்ருஷ்ணஸ்த்வன்யதமம் ரூபம் கோ3பவிஶ்ரம்ப4ணம் க3த:|
ஶைலோऽஸ்மீதி ப்3ருவன் பூ4ரி ப3லிமாத3த்3 ப்3ருஹத்3வபு:|| 35
தஸ்மை நமோ வ்ரஜஜனை: ஸஹ சக்ரே ஆத்மநாऽऽத்மநே|
அஹோ பஶ்யத ஶைலோऽஸௌ ரூபீ நோऽநுக்3ரஹம் வ்யதா4த்|| 36
ஏஷோऽவஜானதோ மர்த்யான் காமரூபீ வநௌகஸ:|
ஹந்தி ஹ்யஸ்மை நமஸ்யாம: ஶர்மணே ஆத்மநோ க3வாம்|| 37
இத்யத்3ரி கோ3த்3விஜமக2ம் வாஸுதே3வப்ரணோதி3தா:|
யதா2 விதா4ய தே கோ3பா ஸஹக்ருஷ்ணா வ்ரஜம் யயு:|| 38
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 சதுர்விம்ஶோऽத்4யாய: || 24 ||
பத்தாம் ஸ்கந்தம் - இருபத்தி நான்காம் அத்யாயம் முற்றும்.