ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 23.
யக்ஞ பத்னிகளுக்கு அனுக்ரகம் செய்தல்
அத₂ த்ரயோவிம்ஶோऽத்₄யாய:

ஶ்ரீகோ₃ப ஊசு: -
ராம ராம மஹாவீர்ய க்ருஷ்ண து₃ஷ்ட நிப₃ர்ஹண|
ஏஷா வை பா₃த₄தே க்ஷுந் ந: தச்சா₂ந்திம் கர்துமர்ஹத₂:|| 1

ஶ்ரீஶுக உவாச -
இதி விஜ்ஞாபிதோ கோ₃பை: ப₄க₃வான் தே₃வகீஸுத:|
ப₄க்தாயா விப்ரபா₄ர்யாயா: ப்ரஸீத₃ந்நித₃மப்₃ரவீத்|| 2

ப்ரயாத தே₃வயஜனம் ப்₃ராஹ்மணா ப்₃ரஹ்மவாதி₃ன:|
ஸத்ரமாங்கி₃ரஸம் நாம ஹ்யாஸதே ஸ்வர்க₃காம்யயா|| 3

தத்ர க₃த்வௌத₃னம் கோ₃பா யாசதாஸ்மத்₃ விஸர்ஜிதா:|
கீர்தயந்தோ ப₄க₃வத ஆர்யஸ்ய மம சாபி₄தா₄ம்|| 4

இத்யாதி₃ஷ்டா ப₄க₃வதா க₃த்வாயாசந்த தே ததா₂|
க்ருதாஞ்ஜலிபுடா விப்ரான் த₃ண்ட₃வத் பதிதா பு₄வி|| 5

ஹே பூ₄மிதே₃வா: ஶ்ருணுத க்ருஷ்ணஸ்யாதே₃ஶகாரிண:|
ப்ராப்தாஞ்ஜாநீத ப₄த்₃ரம் வோ கோ₃பான் நோ ராமசோதி₃தான்|| 6

கா₃ஶ்சாரயந்தாவிதூ₃ர ஓத₃னம்
      ராமாச்யுதௌ வோ லஷதோ பு₃பு₄க்ஷிதௌ|
தயோர் த்₃விஜா ஓத₃ன மர்தி₂நோர் யதி₃
      ஶ்ரத்₃தா₄ ச வோ யச்ச₂த த₄ர்மவித்தமா:|| 7

தீ₃க்ஷாயா: பஶுஸம்ஸ்தா₂யா: ஸௌத்ராமண்யாஶ்ச ஸத்தமா:|
அன்யத்ர தீ₃க்ஷிதஸ்யாபி நாந்நமஶ்நன் ஹி து₃ஷ்யதி|| 8

இதி தே ப₄க₃வத்₃யாச்ஞாம் ஶ்ருண்வந்தோऽபி ந ஶுஶ்ருவு:|
க்ஷுத்₃ராஶா பூ₄ரிகர்மாணோ பா₃லிஶா வ்ருத்₃த₄ மானின:|| 9

தே₃ஶ: கால: ப்ருத₂க்₃ த்₃ரவ்யம் மந்த்ர தந்த்ர ருத்விஜோऽக்₃நய:|
தே₃வதா யஜமானஶ்ச க்ரதுர் த₄ர்மஶ்ச யன்மய:|| 10

தம் ப்₃ரஹ்ம பரமம் ஸாக்ஷாத்₃ ப₄க₃வந்த மதோ₄க்ஷஜம்|
மநுஷ்ய த்₃ருஷ்ட்யா து₃ஷ்ப்ரஜ்ஞா மர்த்யாத்மாநோ ந மேநிரே|| 11

ந தே யதோ₃மிதி ப்ரோசு: ந நேதி ச பரந்தப|
கோ₃பா நிராஶா: ப்ரத்யேத்ய ததோ₂சு: க்ருஷ்ணராமயோ:|| 12

தது₃பாகர்ண்ய ப₄க₃வான் ப்ரஹஸ்ய ஜக₃தீ₃ஶ்வர:|
வ்யாஜஹார புனர்கோ₃பான் த₃ர்ஶயன் லௌகிகீம் க₃திம்|| 13

மாம் ஜ்ஞாபயத பத்நீப்₄ய: ஸஸங்கர்ஷணமாக₃தம்|
தா₃ஸ்யந்தி காமமன்னம் வ: ஸ்நிக்₃தா₄ மய்யுஷிதா தி₄யா|| 14

க₃த்வாத₂ பத்நீஶாலாயாம் த்₃ருஷ்ட்வாऽऽஸீநா: ஸ்வலங்க்ருதா:|
நத்வா த்₃விஜஸதீர் கோ₃பா: ப்ரஶ்ரிதா இத₃மப்₃ருவன்|| 15

நமோ வோ விப்ரபத்நீப்₄யோ நிபோ₃த₄த வசாம்ஸி ந:|
இதோऽவிதூ₃ரே சரதா க்ருஷ்ணேநேஹேஷிதா வயம்|| 16

கா₃ஶ்சாரயன் ஸ கோ₃பாலை: ஸராமோ தூ₃ரமாக₃த:|
பு₃பு₄க்ஷிதஸ்ய தஸ்யான்னம் ஸாநுக₃ஸ்ய ப்ரதீ₃யதாம்|| 17

ஶ்ருத்வாச்யுத முபாயாதம் நித்யம் தத்₃த₃ர்ஶநோத்ஸுகா:|
தத்கதா₂க்ஷிப்தமனஸோ ப₃பூ₄வுர் ஜாதஸம்ப்₄ரமா:|| 18

சதுர்வித₄ம் ப₃ஹு கு₃ணமன்னமாதா₃ய பா₄ஜனை:|
அபி₄ஸஸ்ரு: ப்ரியம் ஸர்வா: ஸமுத்₃ரமிவ நிம்னகா₃:|| 19

நிஷித்₄யமாநா: பதிபி₄: ப்₄ராத்ருபி₄ர் ப₃ந்து₄பி₄: ஸுதை:|
ப₄க₃வத்யுத்தமஶ்லோகே தீ₃ர்க₄ ஶ்ருத த்₄ருதாஶயா:|| 20

யமுநோபவநேऽஶோக நவபல்லவ மண்டி₃தே|
விசரந்தம் வ்ருதம் கோ₃பை: ஸாக்₃ரஜம் த₃த்₃ருஶு: ஸ்த்ரிய:|| 21

ஶ்யாமம் ஹிரண்யபரிதி₄ம் வனமால்யப₃ர்ஹ
      தா₄து ப்ரவாள நடவேஷ மனுவ்ரதாம்ஸே|
வின்யஸ்த ஹஸ்தமிதரேண து₄நாநமப்₃ஜம்
      கர்ணோத்பலாலக கபோலமுகா₂ப்₃ஜ ஹாஸம்|| 22

ப்ராய: ஶ்ருத ப்ரியதமோத₃ய கர்ணபூரை:
      யஸ்மின் நிமக்₃ன மனஸ: தமதா₂க்ஷிரந்த்₄ரை:|
அந்த: ப்ரவேஶ்ய ஸுசிரம் பரிரப்₄ய தாபம்
      ப்ராஜ்ஞம் யதா₂பி₄மதயோ விஜஹுர் நரேந்த்₃ர|| 23

தாஸ்ததா₂ த்யக்தஸர்வாஶா: ப்ராப்தா ஆத்ம தி₃த்₃ருக்ஷயா|
விஜ்ஞாயாகி₂லத்₃ருக்₃ த்₃ரஷ்டா ப்ராஹ ப்ரஹஸிதானன:|| 24

ஸ்வாக₃தம் வோ மஹாபா₄கா₃ ஆஸ்யதாம் கரவாம கிம்|
யந்நோ தி₃த்₃ருக்ஷயா ப்ராப்தா உபபன்னமித₃ம் ஹி வ:|| 25

நன்வத்₃தா₄ மயி குர்வந்தி குஶலா: ஸ்வார்த₂ த₃ர்ஶின:|
அஹைதுக்யவ்யவஹிதாம் ப₄க்தி மாத்மப்ரியே யதா₂|| 26

ப்ராணபு₃த்₃தி₄மன: ஸ்வாத்ம தா₃ராபத்ய த₄நாத₃ய:|
யத்ஸம்பர்காத் ப்ரியா ஆஸன் தத: கோ ந்வபர: ப்ரிய:|| 27

தத்₃ யாத தே₃வயஜனம் பதயோ வோ த்₃விஜாதய:|
ஸ்வஸத்ரம் பாரயிஷ்யந்தி யுஷ்மாபி₄ர் க்₃ருஹமேதி₄ன:|| 28

ஶ்ரீபத்ன்ய ஊசு:|
மைவம் விபோ₄ऽர்ஹதி ப₄வான் க₃தி₃தும் ந்ருஶம்ஸம்
      ஸத்யம் குருஷ்வ நிக₃மம் தவ பாத₃மூலம்|
ப்ராப்தா வயம் துளஸிதா₃ம பதா₃வஸ்ருஷ்டம்
      கேஶைர் நிவோடு₄ மதிலங்க்₄ய ஸமஸ்த ப₃ந்தூ₄ன்|| 29

க்₃ருஹ்ணந்தி நோ ந பதய: பிதரௌ ஸுதா வா
      ந ப்₄ராத்ருப₃ந்து₄ ஸுஹ்ருத₃: குத ஏவ சான்யே|
தஸ்மாத்₃ ப₄வத்ப்ரபத₃யோ: பதிதாத்மநாம் நோ
      நான்யா ப₄வேத்₃ க₃திரரிந்த₃ம தத்₃ விதே₄ஹி|| 30

ஶ்ரீப₄க₃வாநுவாச -
பதயோ நாப்₄யஸூயேரன் பித்ருப்₄ராத்ரு ஸுதாத₃ய:|
லோகாஶ்ச வோ மயோபேதா தே₃வா அப்யநுமன்வதே|| 31

ந ப்ரீதயேऽநுராகா₃ய ஹ்யங்க₃ஸங்கோ₃ ந்ருணாமிஹ|
தன்மநோ மயி யுஞ்ஜாநா அசிரான்மாமவாப்ஸ்யத₂|| 32

ஶ்ரீஶுக உவாச -
இத்யுக்தா த்₃விஜபத்ன்யஸ்தா யஜ்ஞவாடம் புnaர்க₃தா:|
தே சாநஸூயவ: ஸ்வாபி₄: ஸ்த்ரீபி₄: ஸத்ரமபாரயன்|| 33

தத்ரைகா வித்₄ருதா ப₄ர்த்ரா ப₄க₃வந்தம் யதா₂ஶ்ருதம்|
ஹ்ருதோ₃பகு₃ஹ்ய விஜஹௌ தே₃ஹம் கர்மாநுப₃ந்த₄னம்|| 34

ப₄க₃வாநபி கோ₃விந்த₃ஸ் தேனைவாந்நேன கோ₃பகான்|
சதுர்விதே₄நாஶயித்வா ஸ்வயம் ச பு₃பு₄ஜே ப்ரபு₄:|| 35

ஏவம் லீலாநரவபுர் ந்ருலோக மநுஶீலயன்|
ரேமே கோ₃கோ₃ப கோ₃பீநாம் ரமயன் ரூபவாக் க்ருதை:|| 36

அதா₂நுஸ்ம்ருத்ய விப்ராஸ்தே அன்வதப்யன் க்ருதாக₃ஸ:|
யத்₃ விஶ்வேஶ்வரயோர் யாச்ஞாமஹன்ம ந்ருவிட₃ம்ப₃யோ:|| 37

த்₃ருஷ்ட்வா ஸ்த்ரீணாம் ப₄க₃வதி க்ருஷ்ணே ப₄க்தி மலௌகிகீம்|
ஆத்மானம் ச தயா ஹீன மநுதப்தா வ்யக₃ர்ஹயன்|| 38

தி₄க்₃ ஜன்ம ந ஸ்த்ரிவ்ருத் வித்₃யாம் தி₄க்₃ வ்ரதம் தி₄க்₃ ப₃ஹுஜ்ஞதாம்|
தி₄க் குலம் தி₄க் க்ரியாதா₃க்ஷ்யம் விமுகா₂ யே த்வதோ₄க்ஷஜே|| 39

நூனம் ப₄க₃வதோ மாயா யோகி₃நாமபி மோஹினீ|
யத்₃ வயம் கு₃ரவோ ந்ருணாம் ஸ்வார்தே₂ முஹ்யாமஹே த்₃விஜா:|| 40

அஹோ பஶ்யத நாரீணாமபி க்ருஷ்ணே ஜக₃த்₃கு₃ரௌ|
து₃ரந்தபா₄வம் யோऽவித்₄யன் ம்ருத்யுபாஶான் க்₃ருஹாபி₄தா₄ன்|| 41

நாஸாம் த்₃விஜாதிஸம்ஸ்காரோ ந நிவாஸோ கு₃ராவபி|
ந தபோ நாத்ம மீமாம்ஸா ந ஶௌசம் ந க்ரியா: ஶுபா₄:|| 42

அதா₂பி ஹி உத்தம:ஶ்லோகே க்ருஷ்ணே யோகே₃ஶ்வரேஶ்வரே|
ப₄க்திர் த்₃ருடா₄ ந ச அஸ்மாகம் ஸம்ஸ்காராதி₃மதாமபி|| 43

நநு ஸ்வார்த₂விமூடா₄நாம் ப்ரமத்தாநாம் க்₃ருஹேஹயா|
அஹோ ந: ஸ்மாரயாமாஸ கோ₃பவாக்யை: ஸதாம் க₃தி:|| 44

அன்யதா₂ பூர்ணகாமஸ்ய கைவல்யாத்₃யஶிஷாம் பதே:|
ஈஶிதவ்யை: கிமஸ்மாபி₄ ரீஶஸ்யைதத்₃ விட₃ம்ப₃னம்|| 45

ஹித்வான்யான் ப₄ஜதே யம் ஶ்ரீ: பாத₃ஸ்பர்ஶாஶயா ஸக்ருத்|
ஆத்மதோ₃ஷாபவர்கே₃ண தத்₃யாச்ஞா ஜனமோஹினீ|| 46

தே₃ஶ: கால: ப்ருத₂க்₃ த்₃ரவ்யம் மந்த்ர தந்த்ரர்த்விஜோऽக்₃நய:|
தே₃வதா யஜமானஶ்ச க்ரதுர் த₄ர்மஶ்ச யன்மய:|| 47

ஸ ஏஷ ப₄க₃வான் ஸாக்ஷாத்₃ விஷ்ணுர் யோகே₃ஶ்வரேஶ்வர:|
ஜாதோ யது₃ஷ்வித்யாஶ்ருண்ம ஹ்யபி மூடா₄ ந வித்₃மஹே|| 48

அஹோ வயம் த₄ன்யதமா யேஷாம் நஸ்தாத்₃ருஶீ: ஸ்த்ரிய:|
ப₄க்த்யா யாஸாம் மதிர் ஜாதா அஸ்மாகம் நிஶ்சலா ஹரௌ|| 49

நமஸ்துப்₄யம் ப₄க₃வதே க்ருஷ்ணாயாகுண்ட₂மேத₄ஸே|
யன்மாயாமோஹித தி₄யோ ப்₄ரமாம: கர்மவர்த்மஸு|| 50

ஸ வை ந ஆத்₃ய: புருஷ: ஸ்வமாயா மோஹிதாத்மநாம்|
அவிஜ்ஞதாநுபா₄வாநாம் க்ஷந்துமர்ஹத்யதிக்ரமம்|| 51

இதி ஸ்வாக₄மநுஸ்ம்ருத்ய க்ருஷ்ணே தே க்ருதஹேலநா:|
தி₃த்₃ருக்ஷவோऽப்யச்யுதயோ: கம்ஸாத்₃ பீ₄தா ந சாசலன்|| 52

இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கன்தே₄ பூர்வார்தே₄ யஜ்ஞபத்ந்யுத்₃த₄ரணம் நாம த்ரயோவிம்ஶோऽத்₄யாய: || 23 ||

பத்தாம் ஸ்கந்தம் - இருபத்தி மூன்றாம் அத்யாயம் முற்றும்.