ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 27.
ஸ்ரீ கிருஷ்ணரின் அபிஷேகம்
அத₂ ஸப்தவிம்ஶோऽத்₄யாய:

ஶ்ரீஶுக உவாச -
கோ₃வர்த₄நே த்₄ருதே ஶைலே ஆஸாராத்₃ ரக்ஷிதே வ்ரஜே|
கோ₃லோகாதா₃வ்ரஜத் க்ருஷ்ணம் ஸுரபி₄: ஶக்ர ஏவ ச|| 1

விவிக்த உபஸங்‌க₃ம்ய வ்ரீடீ₃த: க்ருதஹேலன:|
பஸ்பர்ஶ பாத₃யோரேனம் கிரீடேநார்கவர்சஸா|| 2

த்₃ருஷ்ட ஶ்ருதாநுபா₄வோऽஸ்ய க்ருஷ்ணஸ்யாமிததேஜஸ:|
நஷ்டத்ரிலோகேஶமத₃ இந்த்₃ர ஆஹ க்ருதாஞ்ஜலி:|| 3

இந்த்₃ர உவாச -
விஶுத்₃த₄ ஸத்த்வம் தவ தா₄ம ஶாந்தம்
      தபோமயம் த்₄வஸ்த ரஜஸ்தமஸ்கம்|
மாயாமயோऽயம் கு₃ணஸம்ப்ரவாஹோ
      ந வித்₃யதே தேऽக்₃ரஹணாநுப₃ந்த₄:|| 4

குதோ நு தத்₃ ஹேதவ ஈஶ தத்க்ருதா
      லோபா₄த₃யோ யேऽபு₃த₄லிங்க₃பா₄வா:|
ததா₂பி த₃ண்ட₃ம் ப₄க₃வான் பி₃ப₄ர்தி
      த₄ர்மஸ்ய கு₃ப்த்யை க₂லநிக்₃ரஹாய|| 5

பிதா கு₃ருஸ்த்வம் ஜக₃தாமதீ₄ஶோ
      து₃ரத்யய: கால உபாத்த த₃ண்ட₃:|
ஹிதாய ஸ்வேச்சா₂தநுபி₄: ஸமீஹஸே
      மானம் விது₄ன்வஞ்ஜக₃தீ₃ஶமாநிநாம்|| 6

யே மத்₃விதா₄ஜ்ஞா ஜக₃தீ₃ஶமாநின:
      த்வாம் வீக்ஷ்ய காலேऽப₄யமாஶு தன்மத₃ம்|
ஹித்வாऽऽர்யமார்க₃ம் ப்ரப₄ஜந்த்யபஸ்மயா
      ஈஹா க₂லாநாமபி தேऽநுஶாஸனம்|| 7

ஸ த்வம் மமைஶ்வர்ய மத₃ப்லுதஸ்ய
      க்ருதாக₃ஸஸ்தேऽவிது₃ஷ: ப்ரபா₄வம்|
க்ஷந்தும் ப்ரபோ₄ऽதா₂ர்ஹஸி மூட₄சேதஸோ
      மைவம் புனர்பூ₄ன்மதிரீஶ மேऽஸதீ|| 8

தவாவதாரோऽயமதோ₄க்ஷஜேஹ
      ஸ்வயம்ப₄ராணா முருபா₄ர ஜன்மநாம்|
சமூபதீநாமப₄வாய தே₃வ
      ப₄வாய யுஷ்மத் சரணாநுவர்திநாம்|| 9

நமஸ்துப்₄யம் ப₄க₃வதே புருஷாய மஹாத்மனே|
வாஸுதே₃வாய க்ருஷ்ணாய ஸாத்வதாம் பதயே நம:|| 10

ஸ்வச்ச₂ந்தோ₃பாத்ததே₃ஹாய விஶுத்₃த₄ ஜ்ஞாந மூர்தயே|
ஸர்வஸ்மை ஸர்வபீ₃ஜாய ஸர்வ பூ₄தாத்மனே நம:|| 11

மயேத₃ம் ப₄க₃வன் கோ₃ஷ்ட₂ நாஶாயாஸார வாயுபி₄:|
சேஷ்டிதம் விஹதே யஜ்ஞே மானிநா தீவ்ரமன்யுநா|| 12

த்வயேஶாநுக்₃ருஹீதோऽஸ்மி த்₄வஸ்த ஸ்தம்போ₄ வ்ருதோ₂த்₃யம:|
ஈஶ்வரம் கு₃ருமாத்மானம் த்வாமஹம் ஶரணம் க₃த:|| 13

ஶ்ரீஶுக உவாச -
ஏவம் ஸங்‌கீர்தித: க்ருஷ்ணோ மகோ₄னா ப₄க₃வாநமும்|
மேக₄ க₃ம்பீ₄ரயா வாசா ப்ரஹஸந் நித₃மப்₃ரவீத்|| 14

ஶ்ரீப₄க₃வாநுவாச - மயா தேऽகாரி மக₄வன் மக₂ப₄ங்‌கோ₃ऽநுக்₃ருண்ஹதா|
மத₃நுஸ்ம்ருதயே நித்யம் மத்தஸ்யேந்த்₃ர ஶ்ரியா ப்₄ருஶம்|| 15

மாமைஶ்வர்ய ஶ்ரீமதா₃ந்தோ₄ த₃ண்ட₃பாணிம் ந பஶ்யதி|
தம் ப்₄ரம்ஶயாமி ஸம்பத்₃‍ப்₄யோ யஸ்ய சேச்சா₂ம்யநுக்₃ரஹம்|| 16

க₃ம்யதாம் ஶக்ர ப₄த்₃ரம் வ: க்ரியதாம் மேऽநுஶாஸனம்|
ஸ்தீ₂யதாம் ஸ்வாதி₄காரேஷு யுக்தைர் வ: ஸ்தம்ப₄வர்ஜிதை:|| 17

அதா₂ஹ ஸுரபி₄: க்ருஷ்ணமபி₄வந்த்₃ய மனஸ்விநீ|
ஸ்வஸந்தானை ருபாமந்த்ர்ய கோ₃பரூபிணமீஶ்வரம்|| 18

ஸுரபி₄ருவாச -
க்ருஷ்ண க்ருஷ்ண மஹாயோகி₃ன் விஶ்வாத்மன் விஶ்வஸம்ப₄வ|
ப₄வதா லோகநாதே₂ன ஸநாதா₂ வயமச்யுத|| 19

த்வம் ந: பரமகம் தை₃வம் த்வம் ந இந்த்₃ரோ ஜக₃த்பதே|
ப₄வாய ப₄வ கோ₃விப்ரதே₃வாநாம் யே ச ஸாத₄வ:|| 20

இந்த்₃ரம் நஸ்த்வாபி₄ஷேக்ஷ்யாமோ ப்₃ரஹ்மணா சோதி₃தா வயம்|
அவதீர்ணோऽஸி விஶ்வாத்மன் பூ₄மேர் பா₄ராபநுத்தயே|| 21

ஶ்ரீஶுக உவாச -
ஏவம் க்ருஷ்ணமுபாமந்த்ர்ய ஸுரபி₄: பயஸாऽऽத்மன:|
ஜலைராகாஶக₃ங்‌கா₃யா ஐராவத கரோத்₃‌த்₄ருதை:|| 22

இந்த்₃ர: ஸுரர்ஷிபி₄: ஸாகம் சோதி₃தோ தே₃வமாத்ருபி₄:|
அப்₄யஸிஞ்சத தா₃ஶார்ஹம் கோ₃விந்த₃ இதி சாப்₄யதா₄த்|| 23

தத்ர ஆக₃தாஸ்தும்பு₃ரு நாரதா₃த₃யோ
      க₃ந்த₄ர்வ வித்₃யாத₄ர ஸித்₃த₄ சாரணா:|
ஜகு₃ர் யஶோ லோகமலாபஹம் ஹரே:
      ஸுராங்‌க₃நா: ஸந்நந்ருதுர் முதா₃ன்விதா:|| 24

தம் துஷ்டுவுர் தே₃வநிகாயகேதவோ
      வ்யவாகிரம்சாத்₃‍பு₄த புஷ்பவ்ருஷ்டிபி₄:|
லோகா: பராம் நிர்வ்ருதிமாப்நுவம் ஸ்த்ரயோ
      கா₃வஸ்ததா₃ கா₃மனயன் பயோத்₃ருதாம்|| 25

நாநாரஸௌகா₄: ஸரிதோ வ்ருக்ஷா ஆஸன் மது₄ஸ்ரவா:|
அக்ருஷ்ட பச்யௌஷத₄யோ கி₃ரயோऽபி₃ப்₄ரது₃ன்மணீன்|| 26

க்ருஷ்ணேऽபி₄ஷிக்த ஏதாநி ஸத்வாநி குருநந்த₃ன|
நிர்வைராண்யப₄வம்ஸ்தாத க்ரூராண்யபி நிஸர்க₃த:|| 27

இதி கோ₃கோ₃குலபதிம் கோ₃விந்த₃ மபி₄ஷிச்ய ஸ:|
அநுஜ்ஞாதோ யயௌ ஶக்ரோ வ்ருதோ தே₃வாதி₃பி₄ர் தி₃வம்|| 28

இதி ஶ்ரீமத்₃‍பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ பூர்வார்தே₄ இந்த்₃ரஸ்துதிர்நாம ஸப்தவிம்ஶோऽத்₄யாய: || 27 ||

பத்தாம் ஸ்கந்தம் - இருபத்தி ஏழாம் அத்யாயம் முற்றும்.