ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 21.
வேணு கீதம்
அத2 ஏகவிம்ஶோऽத்4யாய:
ஶ்ரீஶுக உவாச|
இத்த2ம் ஶரத் ஸ்வச்ச2 ஜலம் பத்3மாகர ஸுக3ந்தி4நா|
ந்யவிஶத்3 வாயுனா வாதம் ஸ கோ3கோ3பாலகோऽச்யுத:|| 1 ||
குஸுமித வனராஜி ஶுஷ்மி ப்4ருங்க3
த்3விஜ குல கு4ஷ்ட ஸர:ஸரின் மஹீத்4ரம்|
மது4பதிரவகா3ஹ்ய சாரயன் கா3:
ஸஹ பஶுபாலப3லஶ்சுகூஜ வேணும்|| 2
தத்3 வ்ரஜஸ்த்ரிய ஆஶ்ருத்ய வேணுகீ3தம் ஸ்மரோத3யம்|
காஶ்சித் பரோக்ஷம் க்ருஷ்ணஸ்ய ஸ்வஸகீ2ப்4யோऽன்வவர்ணயன்|| 3
தத்3 வர்ணயிதுமாரப்3தா4: ஸ்மரந்த்ய: க்ருஷ்ணசேஷ்டிதம்|
நாஶகன் ஸ்மரவேகே3ன விக்ஷிப்தமனஸோ ந்ருப|| 4
ப3ர்ஹாபீட3ம் நடவரவபு: கர்ணயோ: கர்ணிகாரம்
பி3ப்4ரத்3 வாஸ: கனககபிஶம் வைஜயந்தீம் ச மாலாம்|
ரந்த்4ரான் வேணோரத4ரஸுத4யா பூரயன் கோ3ப வ்ருந்தை3:
வ்ருந்தா3ரண்யம் ஸ்வபத3 ரமணம் ப்ராவிஶத்3 கீ3த கீர்தி:|| 5
இதி வேணுரவம் ராஜன் ஸர்வபூ4த மநோஹரம்|
ஶ்ருத்வா வ்ரஜஸ்த்ரிய: ஸர்வா வர்ணயந்த்யோऽபி4ரேபி4ரே|| 6
ஶ்ரீகோ3ப்ய ஊசு:|
அக்ஷண்வதாம் ப2லமித3ம் ந பரம் விதா3ம:
ஸக்2ய: பஶூநநு விவேஶயதோர் வயஸ்யை:|
வக்த்ரம் வ்ரஜேஶ ஸுதயோரநவேணு ஜுஷ்டம்
யைர்வா நிபீதமநுரக்த-கடாக்ஷமோக்ஷம்|| 7
சூத ப்ரவால ப3ர்ஹஸ்தப3கோத்பலாப்3ஜ
மாலாநுப்ருக்த பரிதா4ன விசித்ர வேஷௌ|
மத்4யே விரேஜதுரலம் பஶுபால கோ3ஷ்ட்2யாம்
ரங்கே3 யதா2 நடவரௌ க்வ ச கா3யமாநௌ|| 8
கோ3ப்ய: கிமாசரத3யம் குஶலம் ஸ்ம வேணு:
தா3மோத3ராத4ரஸுதா4மபி கோ3பிகாநாம்|
பு4ங்க்தே ஸ்வயம் யத3வஶிஷ்டரஸம் ஹ்ரதி3ன்யோ
ஹ்ருஷ்யத்வசோऽஶ்ரு முமுசுஸ்தரவோ யதா2ऽऽர்யா:|| 9
வ்ருந்தா3வனம் ஸகி2 பு4வோ விதநோதி கீர்திம்
யத்3 தே3வகீஸுத பதா3ம்பு3ஜ லப்3த4 லக்ஷ்மி|
கோ3விந்த3 வேணுமநு மத்த மயூரந்ருத்யம்
ப்ரேக்ஷ்யாத்3ரிஸான்வவரதான்ய ஸமஸ்த ஸத்வம்|| 10
த4ன்யா: ஸ்ம மூட4மதயோऽபி ஹரிண்ய ஏதா
யா நந்த3நந்த3ன முபாத்த விசித்ர வேஷம்|
ஆகர்ண்ய வேணுரணிதம் ஸஹக்ருஷ்ணஸாரா:
பூஜாம் த3து4ர் விரசிதாம் ப்ரணயாவலோகை:|| 11
க்ருஷ்ணம் நிரீக்ஷ்ய வனிதோத்ஸவரூப ஶீலம்
ஶ்ருத்வா ச தத்க்வணித வேணு விசித்ரகீ3தம்|
தே3வ்யோ விமானக3தய: ஸ்மரநுந்நஸாரா
ப்4ரஶ்யத் ப்ரஸூந கப3ரா முமுஹுர் விநீவ்ய:|| 12
கா3வஶ்ச க்ருஷ்ணமுக2 நிர்க3த வேணுகீ3த
பீயூஷ முத்தபி4த கர்ணபுடை: பிப3ந்த்ய:|
ஶாவா: ஸ்நுதஸ்தனபய: கவலா: ஸ்ம தஸ்து2:
கோ3விந்த3 மாத்மனி த்3ருஶாஶ்ருகலா: ஸ்ப்ருஶந்த்ய:|| 13
ப்ராயோ ப3தாம்ப3 விஹகா3 முனயோ வநேऽஸ்மின்
க்ருஷ்ணேக்ஷிதம் தது3தி3தம் கலவேணுகீ3தம்|
ஆருஹ்ய யே த்3ருமபு4ஜான் ருசிரப்ரவாலான்
ஶ்ருண்வத்யமீலித த்3ருஶோ விக3தான்யவாச:|| 14
நத்3யஸ்ததா3 தது3பதா4ர்ய முகுந்த3கீ3தம்
ஆவர்த லக்ஷித மநோப4வ ப4க்3ன வேகா3:|
ஆலிங்க3ன ஸ்த2கி3த மூர்மிபு4ஜைர் முராரே:
க்3ருஹ்ணந்தி பாத3யுக3ளம் கமலோபஹாரா:|| 15
த்3ருஷ்ட்வாऽऽதபே வ்ரஜபஶூன் ஸஹ ராமகோ3பை:
ஸஞ்சாரயந்தமநு வேணு முதீ3ரயந்தம்|
ப்ரேம ப்ரவ்ருத்3த4 உதி3த: குஸுமாவலீபி4:
ஸக்2யுர் வ்யதா4த் ஸ்வவபுஷாம்பு3த3 ஆதபத்ரம்|| 16
பூர்ணா: புளிந்த்3ய உருகா3யபதா3ப்3ஜராக3
ஶ்ரீகுங்குமேன த3யிதாஸ்தன மண்டி3தேன|
தத்3த3ர்ஶன ஸ்மரருஜஸ் த்ருணரூஷிதேன
லிம்பந்த்ய ஆநநகுசேஷு ஜஹுஸ்ததா3தி4ம்|| 17
ஹந்தாயமத்3ரிரப3லா ஹரிதா3ஸவர்யோ
யத்3 ராமக்ருஷ்ண சரண ஸ்பரஶப்ரமோத3:|
மானம் தநோதி ஸஹ கோ3க3ணயோஸ் தயோர் யத்
பாநீய ஸூயவஸ கந்த3ர கந்த3 மூலை:|| 18
கா3 கோ3பகைரநுவனம் நயதோருதா3ர
வேணுஸ்வனை: கலபதை3ஸ்தநுப்4ருத்ஸு ஸக்2ய:|
அஸ்பந்த3னம் க3திமதாம் புலகஸ்தருணாம்
நிர்யோக3பாஶ க்ருத லக்ஷணயோர் விசித்ரம்|| 19
ஏவம்விதா4 ப4க3வதோ யா வ்ருந்தா3வன சாரிண:|
வர்ணயந்த்யோ மிதோ2 கோ3ப்ய: க்ரீடா3ஸ்தன்மயதாம் யயு:|| 20
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 வேணுகீ3தம் நாம ஏகவிம்ஶோऽத்4யாய:|| 21 ||
பத்தாம் ஸ்கந்தம் - இருபத்தி ஒன்றாம் அத்யாயம் முற்றும்.