ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 20.
வர்ஷ மற்றும் சரத் ருதுவின் வர்ணனை
அத2 விம்ஶோऽத்4யாய:
ஶ்ரீஶுக உவாச|
தயோஸ்தத3த்3பு4தம் கர்ம தா3வாக்3நேர் மோக்ஷமாத்மன:|
கோ3பா: ஸ்த்ரீப்4ய: ஸமாசக்2யு: ப்ரலம்ப3 வத4மேவ ச|| 1
கோ3பவ்ருத்3தா4ஶ்ச கோ3ப்யஶ்ச தது3பாகர்ண்ய விஸ்மிதா:|
மேநிரே தே3வப்ரவரௌ க்ருஷ்ணராமௌ வ்ரஜம் க3தௌ|| 2
தத: ப்ராவர்தத ப்ராவ்ருட் ஸர்வஸத்வ ஸமுத்3ப4வா|
வித்3யோதமான பரிதி4ர் விஸ்பூ2ர்ஜித நப4ஸ்தலா|| 3
ஸாந்த்3ரநீலாம்பு3தை3ர் வ்யோம ஸவித்3யுத் ஸ்தனயித்நுபி4:|
அஸ்பஷ்டஜ்யோதி ராச்ச2ன்னம் ப்3ரஹ்மேவ ஸகு3ணம் ப3பௌ4|| 4
அஷ்டௌ மாஸான் நிபீதம் யத்3 பூ4ம்யாஶ்சோத3மயம் வஸு|
ஸ்வகோ3பி4ர் மோக்துமாரேபே4 பர்ஜன்ய: கால ஆக3தே|| 5
தடி3த்3வந்தோ மஹாமேகா4ஶ் சண்ட3 ஶ்வஸன வேபிதா:|
ப்ரீணனம் ஜீவனம் ஹ்யஸ்ய முமுசு: கருணா இவ|| 6
தப: க்ருஶா தே3வமீடா4 ஆஸீத்3 வர்ஷீயஸீ மஹீ|
யதை2வ காம்யதபஸஸ்தநு: ஸம்ப்ராப்ய தத்ப2லம்|| 7
நிஶாமுகே2ஷு க2த்3யோதாஸ்தமஸா பா4ந்தி ந க்3ரஹா:|
யதா2 பாபேன பாக2ண்டா3 ந ஹி வேதா3: கலௌ யுகே3|| 8
ஶ்ருத்வா பர்ஜன்யநிநத3ம் மண்டூ3கா: வ்யஸ்ருஜன் கி3ர:|
தூஷ்ணீம் ஶயாநா: ப்ராக்3 யத்3வத்3 ப்3ராஹ்மணா நியமாத்யயே|| 9
ஆஸந்நித்பத2வாஹின்ய: க்ஷுத்3ரநத்3யோऽநுஶுஷ்யதீ:|
பும்ஸோ யதா2ஸ்வதம்த்ரஸ்ய தே3ஹத்3ரவிண ஸம்பத3:|| 10
ஹரிதா ஹரிபி4: ஶஷ்பைரிந்த்3ரகோ3பைஶ்ச லோஹிதா|
உச்சி2லீந்த்4ர க்ருதச்சா2யா ந்ருணாம் ஶ்ரீரிவ பூ4ரபூ4த்|| 11
க்ஷேத்ராணி ஸஸ்யஸம்பத்3பி4: கர்ஷகாணாம் முத3ம் த3து3:|
த4நிநாமுநுதாபம் ச தை3வாதீ4னமஜாநதாம்|| 12
ஜலஸ்த2லௌகஸ: ஸர்வே நவவாரிநிஷேவயா|
அபி3ப்4ரத்3 ருசிரம் ரூபம் யதா2 ஹரிநிஷேவயா|| 13
ஸரித்3பீ4 ஸங்க3த: ஸிந்து4ஶ்சுக்ஷுபே4 ஶ்வஸநோர்மிமான்|
அபக்வயோகி3னஶ்சித்தம் காமாக்தம் கு3ணயுக்3 யதா2|| 14
கி3ரயோ வர்ஷதா4ராபி4ர் ஹன்யமாநா ந விவ்யது2:|
அபி4பூ4யமாநா வ்யஸனைர் யதா2தோ4க்ஷஜ சேதஸ:|| 15
மார்கா3 ப3பூ4வு: ஸந்தி3க்3தா4ஸ் த்ருணைஶ்ச2ந்நா ஹ்யஸம்ஸ்க்ருதா:|
நாப்4யஸ்யமாநா: ஶ்ருதயோ த்3விஜை: காலஹதா இவ|| 16
லோகப3ந்து4ஷு மேகே4ஷு வித்3யுதஶ்சலஸௌஹ்ருதா3:|
ஸ்தை2ர்யம் ந சக்ரு: காமின்ய: புருஷேஷு கு3ணிஷ்விவ|| 17
த4நுர் வியதி மாஹேந்த்3ரம் நிர்கு3ணம் ச கு3ணின்யபா4த்|
வ்யக்தே கு3ணவ்யதிகரேऽகு3ணவான் புருஷோ யதா2|| 18
ந ரராஜோடு3பஶ்ச2ன்ன: ஸ்வஜ்யோத்ஸ்நாராஜிதைர் க4னை:|
அஹம்மத்யா பா4ஸிதயா ஸ்வபா4ஸா புருஷோ யதா2|| 19
மேகா4க3மோத்ஸவா ஹ்ருஷ்டா: ப்ரத்யநந்த3ன் ஶிக2ண்டி3ன:|
க்3ருஹேஷு தப்தா நிர்விண்ணா யதா2ச்யுத ஜநாக3மே|| 20
பீத்வாப: பாத3பா: பத்3பி4ராஸன் நாநாத்மமூர்தய:|
ப்ராக் க்ஷாமாஸ்தபஸா ஶ்ராந்தா யதா2 காமாநுஸேவயா|| 21
ஸரஸ்ஸ்வஶாந்த ரோத4த்ஸு ந்யூஷுரங்கா3பி ஸாரஸா:|
க்3ருஹேஷ்வஶாந்த க்ருத்யேஷு க்3ராம்யா இவ து3ராஶயா:|| 22
ஜலௌகை4ர் நிரபி4த்3யந்த ஸேதவோ வர்ஷதீஶ்வரே|
பாஷண்டி3நாமஸத்3வாதை3ர் வேத3மார்கா3: கலௌ யதா2|| 23
வ்யமுஞ்சன் வாயுபி4ர் நுந்நா பூ4தேப்4யோऽதா2ம்ருதம் க4நா:|
யதா2ऽऽஶிஷோ விஶ்பதய: காலே காலே த்3விஜேரிதா:|| 24
ஏவம் வனம் தத்3 வர்ஷிஷ்ட2ம் பக்வக2ர்ஜுர ஜம்பு3மத்|
கோ3 கோ3பாலைர் வ்ருதோ ரந்தும் ஸப3ல: ப்ராவிஶத்3 ஹரி:|| 25
தே4நவோ மந்த3கா3மின்ய ஊதோ4பா4ரேண பூ4யஸா|
யயுர் ப4க3வதாऽऽஹூதா த்3ருதம் ப்ரீத்யா ஸ்நுதஸ்தநீ:|| 26
வநௌகஸ: ப்ரமுதி3தா வனராஜீர் மது4ச்யுத:|
ஜலதா4ரா கி3ரேர் நாதா3நாஸந்நா த3த்3ருஶே கு3ஹா:|| 27
க்வசித்3 வனஸ்பதி க்ரோடே3 கு3ஹாயாம் சாபி4வர்ஷதி|
நிர்விஶ்ய ப4க3வான் ரேமே கந்த3மூல ப2லாஶன:|| 28
த3த்4யோத3னம் ஸமாநீதம் ஶிலாயாம் ஸலிலாந்திகே|
ஸம்போ4ஜநீயைர் பு3பு4ஜே கோ3பை: ஸங்கர்ஷணான்வித:|| 29
ஶாத்3வலோபரி ஸம்விஶ்ய சர்வதோ மீலிதேக்ஷணான்|
த்ருப்தான் வ்ருஷான் வத்ஸதரான் கா3ஶ்ச ஸ்வோதோ4ப4ரஶ்ரமா:|| 30
ப்ராவ்ருட்ஶ்ரியம் ச தாம் வீக்ஷ்ய ஸர்வபூ4த முதா3வஹாம்|
ப4க3வான் பூஜயாம்சக்ரே ஆத்மஶக்த்யுபப்3ரும்ஹிதாம்|| 31
ஏவம் நிவஸதோஸ்தஸ்மின் ராமகேஶவயோர் வ்ரஜே|
ஶரத் ஸமப4வத்3 வ்யப்4ரா ஸ்வச்சா2ம்பு3 அபருஷாநிலா|| 32
ஶரதா3 நீரஜோத்பத்த்யா நீராணி ப்ரக்ருதிம் யயு:|
ப்4ரஷ்டாநாமிவ சேதாம்ஸி புனர் யோக3 நிஷேவயா|| 33
வ்யோம்நோऽப்3ப்4ரம் பூ4த ஶாப3ல்யம் பு4வ: பங்கமபாம் மலம்|
ஶரஜ்ஜஹாராஶ்ரமிணாம் க்ருஷ்ணே ப4க்திர் யதா2ஶுப4ம்|| 34
ஸர்வஸ்வம் ஜலதா3 ஹித்வா விரேஜு: ஶுப்4ரவர்சஸ:|
யதா2 த்யக்தைஷணா: ஶாந்தா முனயோ முக்த கில்பி3ஷா:|| 35
கி3ரயோ முமுசுஸ்தோயம் க்வசின்ன முமுசு: ஶிவம்|
யதா2 ஜ்ஞாநாம்ருதம் காலே ஜ்ஞாநிநோ த3த3தே ந வா|| 36
நைவாவித3ன் க்ஷீயமாணம் ஜலம் கா3த4ஜலேசரா:|
யதா2ऽऽயுரன்வஹம் க்ஷய்யம் நரா மூடா4: குடும்பி3ன:|| 37
கா3த4வாரிசராஸ்தாப மவிந்த3ன் ஶரத3ர்கஜம்|
யதா2 த3ரித்3ர: க்ருபண: குடும்ப்3யவிஜிதேந்த்3ரிய:|| 38
ஶனை: ஶனைர் ஜஹு: பங்கம் ஸ்த2லான்யாமம் ச வீருத4:|
யதா2ஹம்மமதாம் தீ4ரா: ஶரீராதி3ஷ்வநாத்மஸு|| 39
நிஶ்சலாம்பு3ரபூ4த் தூஷ்ணீம் ஸமுத்3ர: ஶரதா3க3மே|
ஆத்மன்யுபரதே ஸம்யக் முனிர் வ்யுபரதாக3ம:|| 40
கேதா3ரேப்4யஸ்த்வபோऽக்3ருஹ்ணன் கர்ஷகா த்3ருட4ஸேதுபி4:|
யதா2 ப்ராணை: ஸ்ரவஜ்ஜ்ஞானம் தந்நிரோதே4ன யோகி3ன:|| 41
ஶரத3ர்காம்ஶுஜாம்ஸ் தாபான் பூ4தாநாமுடு3போऽஹரத்|
தே3ஹாபி4மானஜம் போ3தோ4 முகுந்தோ3 வ்ரஜயோஷிதாம்|| 42
க2மஶோப4த நிர்மேக4ம் ஶரத்3விமலதாரகம்|
ஸத்த்வ யுக்தம் யதா2 சித்தம் ஶப்3த3ப்3ரஹ்மார்த2 த3ர்ஶனம்|| 43
அக2ண்ட3 மண்ட3லோ வ்யோம்நி ரராஜோடு3க3ணை: ஶஶீ|
யதா2 யது3பதி: க்ருஷ்ணோ வ்ருஷ்ணிசக்ராவ்ருதோ பு4வி|| 44
ஆஶ்லிஷ்ய ஸமஶீதோஷ்ணம் ப்ரஸூன வனமாருதம்|
ஜநாஸ்தாபம் ஜஹுர் கோ3ப்யோ ந க்ருஷ்ண ஹ்ருதசேதஸ:|| 45
கா3வோ ம்ருகா3: க2கா3 நார்ய: புஷ்பிண்ய: ஶரதா3ப4வன்|
அன்வீயமாநா: ஸ்வவ்ருஷை: ப2லைரீஶக்ரியா இவ|| 46
உத3ஹ்ருஷ்யன் வாரிஜாநி ஸூர்யோத்தா2னே குமுத்3 விநா|
ராஜ்ஞா து நிர்ப4யா லோகா யதா2 த3ஸ்யூன் விநா ந்ருப|| 47
புரக்3ராமேஷ்வாக்3ரயணை: இந்த்3ரியைஶ்ச மஹோத்ஸவை:|
ப3பௌ4 பூ4: பக்வ ஸஸ்யாட்4யா கலாப்4யாம் நிதராம் ஹரே:|| 48
வணிங்முனிந்ருபஸ்நாதா நிர்க3ம்யார்தா2ன் ப்ரபேதி3ரே|
வர்ஷருத்3தா4 யதா2 ஸித்3தா4: ஸ்வபிண்டா3ன் கால ஆக3தே|| 49
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 ப்ராவ்ருட் ஶரத்3 வர்ணனம் நாம விம்ஶோऽத்4யாய: || 20 ||
பத்தாம் ஸ்கந்தம் - இருபதாம் அத்யாயம் முற்றும்.