Државно Средно Училиште „М.М.Брицо“ - Делчево

Секогаш кога го стартувам мојот XP оперативен систем посакувам да видам нешто различно од она што сум го видела претходниот пат. Освен новите програми кои ги забележувам на мојот Desktop како shortcut икони за нивно повикување, нормално нема ништо ново. Од пред два дена имам и нова икона на мојот Desktop, а и визуелни промени кои новата програма ги донесе. Style XP.

Style XP е софтвер за поставување нови теми, а дизајниран е за Windows XP оперативните системи. Програмот овозможува манипулирање со теми, визуелни стилови, logon- ови, икони итн. Притоа Style XP не ги допира системските фајлови.

Каде да го најдете?

http://www.tgtsoft.com/ е страната од каде можете да го преземете Style XP. Програмот е голем ок o лу 12 MB, a денес ја презентираме последната верзија 2.13.

Да видиме кои се визуелните причини за да го инсталирате Style XP.

При првиот контакт со Style XP може да се разочарате од неговиот интерфејс. Тој изгледа нетипично за програм кој треба да овозможи дотерување на windows- от. Сепак ова е само неговиот интерфејс, а она што тој ќе го направи за интерфејсот на целиот windows e причина тој денес да биде дел од Ентер. Иако на почеток главниот прозор ќе ви изгледа пренатрупано, сепак за кратко време ќе ви биде јасно што треба да правите. Табовите се поставени од левата страна, а како влегувате во секој од нив и се доближувате до опциите кои сакате да ги притиснете, во долниот дел добивате објаснување за нивната функција. Првиот таб ги содржи основните опции за самиот програм. Така од тука можете да ја овозможите и оневозможите работата на Style XP, или пак да ја смените основната боја на позадината на самиот Style XP прозор. Она што го менува изгледот на Windows XP се наоѓа во табовите подолу. Во табот Explorer Bar ќе најдете неколку типа на икони кои може да бидат замена за постоечките класични XP системски икони. Така, ако го повикате My computer или Internet Explorer ќе ги забележите променетите икони.

Најголем впечаток оставаат понудените теми кои доаѓаат со самиот програм.

Има вкупно 15. За секоја од нив има preview во десниот дел од прозорот. Секоја тема доаѓа со различен приказ на менијата, прозорите и Desktop позадината. Во делот Theme Parts можете да видите поединечно каков е стилот за избраната тема, каква е Desktop позадината и кои звуци ги содржи истата. Сепак звуци има за само 2 од сите понудени теми. Исто така, оттука можете директно да се поврзете на Интернет за да преземете нова тема. Меѓутоа http://www.themexp.org/ е сајт полн со тројани, така што ова не е баш препорачливо да го правите, освен ако не користите соодветна заштита за вашиот систем. Темите можете да ги преименувате, а можете и да ги бришете.

Погледнете како изгледаат некои од темите кои доаѓаат со Style XP.

ПРЕГЛЕДУВАЊЕТО НА ТЕМИТЕ НЕКА ОДИ БЕЗ ТЕКСТ ВО ОФ.

Веќе од следниот таб имате можност да изберете само визуелен стил, како и големина на буквите за избраната тема. Секој визуелен стил може да се аплицира на веќе аплицирана тема. Понатаму, можете да си изберете и позадина за вашиот Desktop која исто така нема да ја промени активираната тема. Избраната позадина само ќе се додаде на избраната тема. Од следниот таб можете да си изберете XP стил за log on прозорот. Ова ќе значи дека при секое логирање на вашиот кориснички профил ќе ве пречека поинаков прозор. Понатаму, можете да си изберете и тип на икони кои ќе ги поставите наместо постоечките. Притоа тука можете да изберете за кои типови на икони сакате да направите промена, а можете да ја смените и нивната големина.

Програмот има поддршка и за промена на изгледот на boot screen -овите, но ваквите промени не се препорачани. Сепак самиот програм ве известува за можните проблеми и ви дава шанса да направите back up фајл кој ќе треба да го ископирате на истото место во случај на ваков проблем.

Има уште неколку промени кои можете да ги направите со помош на Style XP.

Од табот за транспаренција можете да изберете на кои сегменти да им додадте транспарентност, како и да им одредите ниво на транспаренција. Така транспарентен можете да го направите Taskbar -от, Start панелот, Start менито и воопшто сите менија.

На крајот можете да направите вашиот Windows да изгледа поинаку на секое стартување.

Ова ќе го постигнете со неколку едноставни подесувања во табот Rotate. Тука најпрво ги правите подесувањата за темите. Во долниот десен агол се прикажани имињата на моментално поставените теми. До нив, од левата страна се сите теми кои ви стојат на располагање и кои можете да ги додавате. Сменете им го и редоследот доколку тоа нешто ви значи. На крајот изберете ја фрекфентноста со која сакате темите да се заменуваат со други. Истово ова можете да го направите и за визуелните стилови, desktop позадините како и за log on прозорите. Притоа доколку сакате некои од овие елементи никогаш да не се менува, ја имате таа можност, а сепак подесувањата кои сте ги направиле да важат за останатите елементи. Исто така за секој од овие елементи можете да поставите различна фрекфентност. Така, десктоп позадините може да ви се менуваат еднаш дневно, а темата на пример да се менува при секое стартување на windows -от.

За да грабувате слики од филмови и спотови веројатно ќе ви биде доволен BS Player , но ако сакате да гр a бувате слики од игри, програми, од Desktop -от или пак од одреден дел од него ќе ви треба доплнително програмче. Ни e го презентираме Hyper Snap – DX.

Ова мало програмче од окoлу 3 MB ќе го најдете на http://www.hyperionics.com . Верзијата е 5.6, а таа е временски ограничена на 15 дена.

Практична е за оние кои би имале корист или задоволство од нејзината намена. Располага и со доста доплнителни опции за дообработка на грабуваните слики што ја прави Hyper Snap – DX комплетна. Interface-от е поштеден од шминкање, но затоа овозможува прегледност на високо ниво.

Освен главните менија и неколкуте алатки за обработка на сликите од левата страна нема буквално ништо друго. Сепак како што реков, едноставноста е голем плус и фактор плус за да Hyper Snap – DX биде презентиран во Ентер.

Пред да почнете да вадите слики од омилените компјутерски игри, најнапред е потребно да направите неколку едноставни подесувања за да знаете каде и како вашите слики ќе бидат зачувувани.

Одиме во менито Capture и ја избираме опцијата Enable Special Capture.

Најпрво селектирајте ја првата опција со која ќе го овозможите грабувањето слики од игрите кои работат под Direct 3D модот. Втора е опцијата со која ќе овозможите да им правите capture на видеа, DVD филмови итн. Постои и опција со која и корисниците кои ги користат застарените Voodoo гарфички картички ќе можат да вадат слики од игрите. За да вадите слики од гореспоменатите модови треба да го користите копчето Scroll Lock од тастатурата, но може да се користи и Print Screen кое се наоѓа веднаш до него. Може да подесите и ниво на постпроцесирање на сликите, но оваа опција се однесува само на корисниците со Voodoo графички картички.

Сега ќе ги правиме главните подесувања.

Од истото мени, т.е. од менито Capture сега ја избираме опцијата Capture Settings. Ќе ги разгледуваме подесувањата почнувајќи од последниот кон првиот таб. Значи, одиме во табот Quick Save.

Кога сме кај зачувувањето на сликите мора да се спомене фактот дека програмот поддржува огромен број на гарфички формати.

Прва е опцијата со која секоја грабувана слика ќе се зачувува како посебен фајл. Подолу го назначувате патот до папката каде сите слики ќе се зачувуваат. Потоа можете да подесите колку слики вкупно да се зачувуваат на назначеното место и по кој редослед тие да се именуваат. Така, ако на пример првата грабувана слика се вика 001, втората ќе се вика 002 итн. се до 100-тата слика која ќе биде последна што ќе се зачува бидејќи во делот каде ова се подесува нас ни е внесена бројката 100.

Во делот Copy & Print можете најпрво да ја чекирате опцијата со која секоја грабувана слика ќе се зачувува во ClipBoard, а потоа и да ја искпоирате истата во некој од моментално отворените програми на вашиот компјутер. Така ако грабувате некоја слика, додека паралелно ви е отворен Photoshop, веднаш овде ќе можете да ја ископирате доколку сметате дека и е потребна доплнителна обработка во овој програм.

За да ја користите оваа опција сепак треба да имате помоќен компјутер, односно барем 256 MB RAM и исто толку кеш меморија.

O д истиот таб можете да изберете сликите автоматски да се печатат по грабувањето како и да посочите кој печатач да се користи за таа цел, се разбира доколку имате повеќе од еден.

Сега преминуваме на табот View & Edit.

Тука најпрво можете да ја овозможите опцијата со која ќе подесите за секоја грабувана слика да се отвора и нов прозор. Потоа секоја нова грабувана слика може да биде зачувана наместо претходно зачуваната. Оваа опција е корисна во случај ако на пример сакате да извадите само една слика од некоја игра, па секоја која сте ја грабувале, а од која не сте задоволни автоматски да се брише се до последната. Така, нема бесполезно со грабувањето да зафаќате голем дел од капацитетот на хард дискот, а сепак последната слика од која конечно ќе бидете задоволни ќе ја имате зачувано на претходно одреденото место. Следната опција овозможува секој нов Screen Capture да се додава врз претходно постоечкиот како нов слој и на крајот штиклирајте ја опцијата Do not change current image доколку не сакате да може да се менува сликата која е веќе направена. Ова и не е некоја препорачана опција бидејќи сигурно често ќе ви се случува грабуваните слики да сакате да ги дообработите.

На сликите исто така можете и однапред да им ја одредите големината.

Во табот Crop & Scale најпрво ќе ја најдете опцијата за кропување односно сечење на сликата. Во четирите полиња треба да одредите вредност за која сакате сликите да бидат скратени од сите четири страни. Во вториот дел од овој таб се истите подесувања, но се однесуваат за самата големина на сликата. Колку и да одредите да биде таа, секако зголемуваето или намалувањето ќе се врши пропорционално.

Во табот Button во пиксели одердувате колку единици, позитивни или негативни да се додаваат односно одземаат од секое грабувано копче во зависност од тоа дали сакате неговата околина да биде зголемена или намалена.

Во првиот таб има најмногу подесувања.

Тоа е табот Capture.

Тука можете да ја селектирате првата опција ако сакате курсорот да се гледа на грабуваниот простор. Ова е практично ако на пример сакам да ставам слика во склоп на сторијата која ќе биде објавена на www.enter.net.mk на која треба да ви посочам каде се наоѓа опцијата која треба да ја штиклирате. Курсорот ќе биде поставен врз оваа опција. Втората опција важи за слики кои сакате да ги грабувате додека делот кој ви е означен се движи низ прозорецот од каде сакате да извадите слики. Под него во милисекунди одредувате на колку време Hyper Snap – DX да прави нова слика. Така со движење на означениот дел од прозорецот низ него, Hyper Snap – DX ќе вади нова слика на секои 20 милисекунди, во нашиот случај. Штиклирајте ја и третата опција. Таа ќе ви дава zoom прозорче додека грабувате за да видите попрецизно кој дел да го фатите. Исто така ќе добиете и Help кој во кратки црти ја објаснува соодветната постапка.

Кога грабувате одреден регион од активниот прозорец, можете да изберете форма во која грабуваната слика ќе биде прикажана.

Така, можете да изберете правоаголник, пoмала, средна или поголема кружница или елипса. Опцијата под неа служи за да одредите дали програмот сам да ја дели сликата на логични региони или пак да ви дозволи самите да си го одбележите саканиот регион. Препорачано е да ја користите последната опција.

Следните неколку опции не се од некое посебно значење. Сепак да ги спомнеме.

Можете да исклучите мазнење на буквите кои се наоѓаат во делот од кој ќе вадите слика иако на оваа опција јас лично не можам да и најдам некоја посебна практична примена. Потоа вклучете звук за да знаете дека успешно сте ја извадиле сликата. Следната опција е селектирана за да го скрие прозорецот на Hyper Snap – DX пред да направите Capture, а таа под него е за враќање на прозорецот откога ќе го извршите грабувањето. Потоа можете да го овозможите и грабувањето на неправилни и транспарентни прозорци и на крајот програмот автоматски да копира, печати или зачувува, зависно од претходните подесувања, само ако оној дел кој сте сакале да го фатите е различен од претходниот.

Толку. Завршивме со подесувањата. Сега да видиме како да грабуваме слика.

Морам да ги споменам Shortcut-ите кои се наоѓаат во табот Options, во делот Configure Hot Keys.

Секако претходно треба да ја активирате опцијата за да можете да коритите Shortcut-и. И како што гледате, за да фатите слика од Full Screen треба да ги користите копчињата Ctrl, Shift и F, за да фатите слика од регион истата комбинација од првите две копчиња + R итн.

Спомнав дека фатените слики можат да се дообработуваат. Ќе спомнам само некои од алатките кои го овозможуваат ова.

Еве, најпрво ќе грабуваме регион од Desktop-от.

Гледаме дека сме фатиле и дел кој не соодвестува да се наоѓа на сликата бидејќи таа изгледа како да е пресечена. Од горниот дел ја избираме алатката за кропување.

Го означуваме делот кој сакаме да го користиме и понатаму и притискаме Enter. Од копчето до него ќе ја zoom-ирме сликата за да ни биде попрегледно додека работиме. До него има копченце со кое добивате помош кога ќе кликнете на било кој дел од прозорецот на Hyper Snap – DX, т.е. ќе добиете објаснување за корисноста на оној дел од прозорчето каде сте кликнале. Од лево се копчињата со кои можете да ја ротирате сликата. Сега сакам да ја означам иконата со која се повикува програмот. Тоа ќе го направиме со алатката Highlight.

За да биде уште појасно дека сакам да ја посочам токму таа икона ќе ги користиме стрелките. Или тоа е алатката Arrow со која ќе насочиме некоја од трите понудени стрелки кон иконата на Hyper Snap – DX.

Исто така, дополнително можеме и да го обиколиме просторот на кој посочуваме. И на крајот ќе додаваме марки односно Stamps. Еве каде се наоѓа алатката и еве што може да се постигне како ефект.

Исто така може и да додадеме нова марка на која ќе испишеме некој текст кој ќе биде објаснување за она што сакаме да го кажеме со сликата. Може да додадеме и некој фајл, на пример дополнителна слика како марка.

На крајот го добивме ова.

Има на располагање уште многу други опции. Така можете да исцртувате со молив, да бришете или вадите одредени делови од грабуваната слика, да ја превртите сликата како во огледало, да и смените резолуција, да менувате бои со кои ќе работите итн. Што се однесува до текстот што го испишувате, мора да се спомне уште еден голем + на Hyper Snap – DX, а тоа е кириличната поддршка.

Што е Knoppix? Knoppix претставува дистрибуција на Linux. Се наоѓа на бутабилно CD на кое има колекција од Linux софтвер. Автоматски го препознава хардверот и има поддршка за многу типови на графички и звучни картици, SCSI и USB уреди, како и за останатите компјутерски делови. Knoppix може да послужи како демонстарција за работењето на Linux, потоа може да се користи како едукативно CD, за спасување, односно поправка на системот или може да биде адаптиран и употербен како платформа за работа. Не е потербна инсталација на хард диск. Со оглед на моменталната декомпресија, ова CD содржи и до 2 GB софтвер.

Што содржи оваа дистрибуција на Linux?
1. Linux-Kernel 2.4.x
2. KDE 3.1.x како стандарден десктоп, KOffice-от и Konqueror web пребарувачот.
3. X Multimedia System за MPEG-video, MP3 и OGG поддршка
4. софтвер за интернет конекција
5. GIMP како програм за дигитална обработка на слики
6. алатки за работење со податоци и поправка на системот дури и за други оперативни системи
7. алатки за анализа на мрежата и сигурноста за мрежни администратори
8. Open Office
9. многу програмски јазици
10. и во суштина повеќе од 900 инсталирани софтверски пакети со повеќе од 2000 програми, алатки и игри.

Каде може да се набави ова содржински примамливо CD?
Knoppix на интернет ќе го најдете на http://www.knopper.net/knoppix/ каде што имате можност со ограничен опсег да симнете дел од моменталниот Knoppix ISO image. Инаку можете да нарачате и верзија адаптирана на вашите барања преку делот Contact на Knopper.Net.

Што треба да направите откога ќе го набавите CD-то?
• прв чекор е да го ставите CD-то во CD ROM-от
• потоа во BIOS-от подесете го CD ROM-от да биде прв уред од кој ќе се подига системот а не тоа да биде хард дискот кој ќе го наместите како втор уред
• на крајот рестартирате го компјутерот

На екранот што се појавува притиснете само Enter и Knoppix-от ќе продолжи со своето натамошно стартување. Потоа следува автоматско конфигурирање на уредите во вашиот компјутер како што се матичната плоча, процесорот, графичката и звучната картица, хард дискот, CD ROM-oт и сите останати уреди. Откако ќе заврши оваа фаза, Knoppix се префрла во графички мод кој визуелно многу наликува на Windows.

Kако изгледаше моето запознавање со Knoppix?
На екранот веднаш го забележав овој прозорец каде што најдов информации од типот што е Knoppix, што содржи и друга документација која ми помогна во натамошното истражување.
На Desktop-от автоматски беа поставени short-кати за пристап до хард дискот, дискетната единица и CD ROM-от.

По што е специфичен долниот дел на овој Desktop наречен Panel?
Во долниот лев агол е поставено менито за пристап до програмите и алатките за разни подесувања на Knoppix-от. Во средниот дел ги гледаме 4-те квадрати кои претставуваат 4 виртуелни Desktop-и и функционираат како 4 различни монитори, што значи дека секој програм може да биде стартуван во било кој од нив. Десно од нив се наоѓа листата на активни програми. Најдесно се наоѓаат часовникот, календарот и индикаторот кој покажува со кое писмо пишувате. Мора да напоменам дека Knoppix има македонска поддршка која многу лесно може да се активира. Со десен клик на икончето го добиваме ова мени од каде избираме Configure. Од приложената листа го чекираме македонското писмо и кликаме OK. За префрлање на друго писмо се служиме со левото копче на глувчето.

Подесувањата, поточно шминкањето на Knoppix-от е многу лесно. Со десен клик на било кој дел што сакате да го промените се појавува мени на кое најчесто постои опцијата Configure или Settings. Па така многу лесно можете да го смените изгледот на прозорите, на panel-от, да промените икона итн. Доколку и ова не ви е доволно постои control center кој ќе го најдете во К менито и потоа во Settings или тоа е 5-тото иконче на panel-от. Таму можете да подесите сетирања буквално за се, од изгледот на Knoppix-от до подесување на графички, звучни картици, мрежа, интернет и уште куп други работи. Исто така, тука го гледате и Help табот кој дава упатство за тоа како работи KDE (K Desktop Environment) и за што тој се користи.

Што друго содржи Knoppix-от?
Во К менито програмите се организирани во групи односно во различни секции како што се апликации, игри, програми за работа на Интернет, едукативни и мултимедијални програми, подесувања и разни алатки.

Од апликациите ќе ги спомнам K Geo-тоа е програм за интерактивна геометрија и K Stars – програм за астрологија. Од Open Office погледнете како изгледаат Open Office Writer, Open Office Draw и Open Office Impress. Од K Office-от ги издвоив да ги разгледате K Presenter-от во кој се изработуваат слајд презентации, K Word кој служи за процесирање на текст и Karbon а тоа е програм за цртање. Од мултимедијалните програми вреди да се спомне GIMP кој кореспондира со Photoshop од Windows пакетот, дури е и посимпатичен. Постојат и други алатки како што се потсетници, органајзери, mail клиенти и друго.

Knoppix-от е направен со цел што повеќе луѓе да се запознаат со Linux оперативниот систем. Наменет е и за почетници што значи без претходно подесување, корисниците нема да можат да избришат ништо од хард дискот, а ниту пак Knoppix тоа ќе го направи сам. Се што ќе сработите во Knoppix ќе можете да снимите на CD што значи и дека има соодветен и многу едноставен програм за таа цел, или пак на дискета. Исто така, доколку целото конфигурирање на Knoppix-от не го сочувате на дискета, во следното стартување на Knoppix ќе биде заборавено.

Како да се одлогирате?
Кога конечно ќе сакате да го исклучите Knoppix појдете во К менито и изберете Logout Knoppix. Извадете го CD-то од CD ROM-oт и веќе при следното стартување на вашиот компјутер повторно ќе ја видите познатата околина на оперативниот систем кој го користите, секако доколку Knoppix CD-то не е повторно внатре.

Кои се хардверските побарувања на Кnoppix?
Треба да имате процесор 486 или подобар, 20 MB RAM за текстуален мод и најмалку 82 MB за графички мод со KDE. За користење на разни апликации во Office-от, препорачливо е да располагате со 128 MB RAM. Потоа ви треба бутабилен CD ROM или DVD drive или пак бутабилно floppy со стандарден CD ROM или DVD drive; стандардна графичка картица и глувче.