Државно Средно Училиште „М.М.Брицо“ - Делчево

Кога ќе земете било кој телефон во рака, најпрво е важно како тој ќе лежи во неа. Денес имаме телефон кој одлично се вколопува во дланката, изгледа фантастично, механизмот за отворање е лизгачки, и е врв на новата генерација мобилни телефони! Денес во моби свет – Samsung d410.

Не е нов само изгледот на телефонот. И технологијата што тој ја носи во себе е исто така нова!

Сепак ова е голем телефон, тежи 116 грама, и има димензии 97,5 х 48,5 х 24 мм. Според ова, се вели дека е машки телефон, но кога јас го пробав, не се согласив комплетно со тоа. Одлично лежи во рака. Екранот е прв TFT на Самсунг компанијата што подржува 262 144 бои.

Резолуцијата на екранот е 137x220 пиксели, и се надеваме дека ова ќе прерасне во стандард за сите останати модели што ќе ни пристигнат. Резолуцијата овозможува до 8 линии текст + заглавје и 2 статусни линии. Квалитетот на сликата е неспоредлив. Претходните модели, не воодушевија со првите екрани во боја, кои во тоа време беа реткост, но исто така и беа далеку од добри. Зголемувањето на бројот на боите, не го подобрија квалитетот, се до последното изненадување, со воведување на TFT екраните, кои прикажуваа 65.536 бои, а сега 262.144 и Samsung најавува уште подобар модел.

Додека го дочекаме новиот модел, да кажеме нешто за вградената VGA камера, која се ротира за 180 степени и обезбедува резолуција од 640x480 пиксели. Исто така можете и да снимате видео клипчиња, со прилично солиден квалитет и резолуција од VGA ( 640x480 ), QVGA ( 320x240 ), QQVGA ( 160x120 ) и Мобилна ( 176x120 ) пиксели. Има 4-и видови на компресија, а на вас е да одберете, дали ќе користите Економична, Нормална, Фина и Супер Фина. Исто така ќе можете да снимате клипчиња и во ноќни услови. Multi Shot функцијата, овозможува сликање повеќе слики во мали интервали, во две брзини ( нормално и брзо ). За фотографиите има меморија од 3mb, а просечна фотографија зафаќа окулу 60 до 70 kb.

Додека одмара телефонот, екранот сам се исклучува, не покажувајќи никаква слика, иако вие можете да изберете позадина за екранот. Оваа функција ви овозможува вашата батерија да трае подолго, а лед светилката која што ќе ви свети во 8 бои, ќе ви покаже дека телефонот ви е вклучен. Додека е телефонот затворен, можете да го користите позициониот навигациски тастер, во кој имате копче за брз пристап кон веб пребарувачот. Копчињата на телефонот се пријатни за работа и нема да имате никаков проблем со нив, како ни со копчињата за контрола на звукот. Hands Free конекторот е заштитен со гумен додаток и се наоѓа веднаш до инфрацрвенот порт.

Си помисливме дека тоа е тоа, лимитот е тука и нема што повеќе да се подобрува.

Се лажете. Немам доволно време, па набрзина ќе набројам:

• 1000 Броеви Меморија

• Комуникација – преку СМС секако , ЕМС, ММС, е-Маил, Факс: GPR -class 10, Browser WAP 1.2

• Вградена Меморија- 6.6 mb

• 64 канални полофонични мелодии

• Конвертор на Валути

• Снимање на разговор

• Јава Подршка

• И секако Часовник, Аларм, Организатор, Калкулатор, Речник Т9, ииииии

Sony Ericsson Т610 e наследник на популарниот и многу користениот Sony Ericsson Т68 i ... Елегантен е, едноставен, а што се однесува до функциите, ги наследил сите добри особини на својот претходник со одредени подобрувања. Најголемиот напредок се состои во интегрираната камера и големината на екранот. Sony Ericsson Т 610 ги има овие димензии: 102 мм должина, 44 мм широчина и 19 мм дебелина, а тежи 95 грама. Батеријата е Li Polymer-на и е со јачина 700 mAh. Тастатурата ја сочинуваат квалитетно изработени копчиња, а на неа доминира џоистикот кој во овој модел на Ериксон е попрецизен и поосетлив од оној на неговиот претходник. Освен како навигатор, џоистикот ќе ви користи и како аларм за батеријата. Така, тој ќе светка кога батеријата треба да се полни. Камерата е интегрирана и е сместена на задната страна на телефонот. Сликите кои ќе ги правите ќе имаат резолуција од 120 х 160 или 288 х 352 pixel-и. Фотографиите излегуваат со одличен квалитет и на денско светло и кога се сликани на темно, па вака извадените фотографии потоа можете да ги испраќате преку ММS. 15 KB е големината на просечна слика, а вкупната меморија од 2 MB е и повеќе од доволна за да си направите солидна колекција од слики. Нема начин за надградба на меморијата, но затоа пак кога станува збор за полифоните мелодиите, мора да ја споменеме апликацијата Music DJ! Екранот е со графички дисплеј од 65000 бои, и резолуција од 128 х 160 pixela STN, а екранот има доволно простор за да опфати 9 линии, и тоа: 6 линии текст, 2 сервисни линии и 1 линија за иконите. Видливоста на дисплејот е за пофалба бидејќи сликата е јасна и чиста. Toa што дисплејот е STN, значи дека е побрз за игрите. Пораки може да испраќате и да примате преку EMS, SMS, MMS, e-mail, а има и chat!!!! Може да се поврзе со други апарати со помош на Bluetooth i IrDA, а новина е и можноста за поврзување со Aplle компјутерите со помош на iSync software-от. Стандардните функции се исто така интегрирани во него. Такви се секако: алармот, штоперката, калкулаторот, диктафонот и календарот кои се во овој модел подобрени, а во адесарот има слободни места за 510 пријатели. Подржува Java и GPRS, со можност за download на разни корисни и некорисни програми и игри. Три игри доаѓаат по дифолт и тоа: Deep Abyss, Five Stones i Minigolf, а може да се играат и сите Ј2МЕ и Мофун игри.

Една германска телекомуникациска компанија вчера објави дека развива прв мобилен телефон, кој корисникот ќе го извести ако устата му мириса, или ако тој мириса.

Телефонот ќе има вграден минијатурен чип, помал од милиметар, за откривање на непријатните мириси, изјавија од Сименс Мобил. Истражувачката екипа во Минхен развива нов апарат кој ќе се служи со сензорска технологија. “Телефонот во непосредна близина открива се, од непријатен здив и алкохол, до атмосферски гасови” велат од компанијата