ஶ்ரீமத்பாகவதமாஹாத்ம்யம் [ஶ்ரீஸ்காந்த புராணம்] :: அத்யாயம் 3.
பரிக்ஷித் - உத்தவர் சம்வாதம்
அத2 த்ருதீயோஅத்4யாய:
ஸூத உவாச -
அதோ2த்3த4வஸ்து தான் த்3ருஷ்ட்வா க்ருஷ்ண கீர்தந தத்பரான் |
ஸத்க்ருத்யாத2 பரிஷ்வஜ்ய பரீக்ஷிதமுவாச ஹ || 1
உத்3த4வ உவாச -
த4ன்யோऽஸி ராஜன் க்ருஷ்ணைக ப4க்த்யா பூர்ணோऽஸி நித்யதா3 |
யஸ்த்வம் நிமக்3ந சித்தோऽஸி க்ருஷ்ணஸம்ங்கீர்தநோத்ஸவே || 2
க்ருஷ்ண பத்நீஷு வஜ்ரே ச தி3ஷ்ட்யா ப்ரீதி: ப்ரவர்திதா |
தவோசித மித3ம் தாத க்ருஷ்ண த3த்தாங்க3 வைப4வ || 3
த்3வாரகாஸ்தே2ஷு ஸர்வேஷு த4ன்யா ஏதே ந ஸம்ஶய: |
யேஷாம் வ்ரஜநிவாஸாய பார்த2மாதி3ஷ்டவான் ப்ரபு4: || 4
ஶ்ரீக்ருஷ்ணஸ்ய மனஶ்சந்த்3ரோ ராதா4ஸ்ய ப்ரப4யான்வித: |
தத்3விஹாரவனம் கோ3பி4ர் மண்ட3யன் ரோசதே ஸதா3 || 5
க்ருஷ்ண சந்த்3ர: ஸதா3 பூர்ணஸ்தஸ்ய ஷோட3ஶ யா கலா: |
சித் ஸஹஸ்ர ப்ரப4பி4ந்நா அத்ராஸ்தே தத்ஸ்வரூபதா|| 6
ஏவம் வஜ்ரஸ்து ராஜேந்த்3ர ப்ரபந்நப4யப4ஞ்ஜக: |
ஶ்ரீக்ருஷ்ண த3க்ஷிணே பாதே3 ஸ்தா2ந மேதஸ்ய வர்ததே || 7
அவதாரேऽத்ர க்ருஷ்ணேன யோக3மாயாதி பா4விதா: |
தத்3 ப3லேநாத்ம விஸ்ம்ருத்யா ஸீத3ந்த்யேதே ந ஸம்ஶய: || 8
ருதே க்ருஷ்ண ப்ரகாஶம் து ஸ்வாத்மபோ3தோ4 ந கஸ்யசித் |
தத் ப்ரகாஶஸ்து ஜீவாநாம் மாயயா பிஹித: ஸதா3 || 9
அஷ்டாவிம்ஶே த்3வாபராந்தே ஸ்வயமேவ யதா3 ஹரி: |
உத்ஸாரயேந்நிஜாம் மாயாம் தத் ப்ரகாஶோ ப4வேத்ததா3 || 10
ஸ து காலோ வ்யதிக்ராந்தஸ்தேநேத3 மபரம் ஶ்ருணு |
அன்யதா3 தத் ப்ரகாஶஸ்து ஶ்ரீமத்3 பா4க3வதாத்3 ப4வேத் || 11
ஶ்ரீமத்3 பா4க3வதம் ஶாஸ்த்ரம் யத்ர பா4க3வதைர்யதா3 |
கீர்த்யதே ஶ்ரூயதே சாபி ஶ்ரீக்ருஷ்ணஸ் தத்ர நிஶ்சிதம் || 12
ஶ்ரீமத்3 பா4க3வதம் யத்ர ஶ்லோகம் ஶ்லோகார்த்3த4மேவ ச |
தத்ராபி ப4க3வான் க்ருஷ்ணோ வல்லவீ பி4ர்வராஜதே || 13
பா4ரதே மானவம் ஜன்ம ப்ராப்ய பா4க3வதம் ந யை: |
ஶ்ருதம் பாபபராதீ4னை ராத்மகா4தஸ்து தை: க்ருத: || 14
ஶ்ரீமத்3 பா4க3வதம் ஶாஸ்த்ரம் நித்யம் யை: பரிஸேவிதம் |
பிர்மாதுஶ்ச பா4ர்யாயா: குலபங்க்தி: ஸுதாரிதா || 15
வித்3யா ப்ரகாஶோ விப்ராணாம் ராஜ்ஞாம் ஶத்ருஜயோ விஶாம் |
த4னம் ஸ்வாஸ்த்2யம் ச ஶூத்3ராணாம் ஶ்ரீமத்3 பா4க3வதாத்3 ப4வேத் || 16
யோஷிதாமபரேஷாம் ச ஸர்வ வாஞ்சி2த பூரணம் |
அதோ பா4க3வதம் நித்யம் கோ ந ஸேவேத பா4க்3யவான் || 17
அனேக ஜன்மஸம்ஸித்3த4: ஶ்ரீமத்3 பா4க3வதம் லபே4த் |
ப்ரகாஶோ ப4க3வத்3 ப4க்தேருத்3ப4வஸ்தத்ர ஜாயதே || 18
ஸாங்க்2யாயன ப்ரஸாதா3ப்தம் ஶ்ரீமத்3 பா4க3வதம் புரா |
ப்3ருஹஸ்பதிர் த3த்தவான் மே தேநாஹம் க்ருஷ்ணவல்லப4: || 19
அக்2யாயிகாம் ச தேநோக்தாம் விஷ்ணுராத நிபோ3த4 தாம் |
ஜ்ஞாயதே ஸம்ப்ரதா3யோऽபி யத்ர பா4க3வதஶ்ருதே: || 20
ப்3ருஹஸ்பதிருவாச -
ஈக்ஷாஞ்சக்ரே யதா3 க்ருஷ்ணோ மாயாபுருஷ ரூபத்4ருக் |
ப்3ரஹ்மா விஷ்ணு: ஶிவஶ்சாபி ரஜ: ஸத்த்வ தமோ கு3ணை: || 21
புருஷாஸ்த்ரய உத்தஸ்து2ரதி4 காராம் ஸ்ததா3தி3ஶத் |
உத்பத்தௌ பாலநே சைவ ஸம்ஹாரே ப்ரக்ரமேண தான் || 22
ப்3ரஹ்மா து நாபி4கமலா து3த்பன்னஸ்தம் வ்யஜிஜ்ஞபத் |
ப்3ரஹ்மோவாச -
நாராயணாதி3 புருஷ பரமாத்மன் நமோऽஸ்து தே || 23
த்வயா ஸர்கே3 நியுக்தோऽஸ்மி பபீயான் மாம் ரஜோ கு3ண: |
த்வத் ஸ்ம்ருதௌ நைவ பா3தே4த ததை2வ க்ருபயா ப்ரபோ4 || 24
ப்3ருஹஸ்பதிருவாச -
யதா3 து ப4க3வான் தஸ்மை ஶ்ரீமத்3 பா4க3வதம் புரா |
உபதி3ஶ்யாப்3ரவீத்3 ப்3ரஹ்மன் ஸேவஸ்வைநத் ஸ்வஸித்3த4யே || 25
ப்3ரஹ்மா து பரம ப்ரீதஸ்தேந க்ருஷ்ணாப்தயேऽநிஶம் |
ஸப்தாவரண ப4ங்கா3ய ஸப்தாஹம் ஸமவர்தயத் || 26
ஶ்ரீபா4க3வத ஸப்தாஹ ஸேவநாப்த மநோரத2: |
ஸ்ருஷ்டிம் விதநுதே நித்யம் ஸஸப்தாஹ: புந: புந: || 27
விஷ்ணுரப்யர்த2யாமாஸ புமாம்ஸம் ஸ்வார்த2 ஸித்3த4யே |
ப்ரஜாநாம் பாலனே பும்ஸா யத3நேநாபி கல்பித: || 28
விஷ்ணுருவாச -
ப்ரஜாநாம் பாலனம் தே3வ கரிஷ்யாமி யதோ2சிதம் |
ப்ரவ்ருத்த்யா ச நிவ்ருத்த்யா ச கர்மஜ்ஞான ப்ரயோஜநாத் || 29
யதா3 யதை3வ காலேந த4ர்மக்3லாநிர் ப4விஷ்யதி |
த4ர்மம் ஸம்ஸ்தா2பயிஷ்யாமி ஹ்யவதாரைஸ்ததா3 ததா3 || 30
போ4கா3ர்தி2ப்4யஸ்து யஜ்ஞாதி3ப2லம் தா3ஸ்யாமி நிஶ்சிதம் |
மோக்ஷார்தி2ப்4யோ விரக்தேப்4யோ முக்திம் பஞ்சவிதா4ம் ததா2 || 31
யேऽபி மோக்ஷம் ந வாஞ்ச2ந்தி தான் கத2ம் பாலயாம்யஹம் |
ஆத்மானம் ச ஶ்ரியம் சாபி பாலயாமி கத2ம் வத3 || 32
தஸ்மா அபி புமாநாத்3ய: ஶ்ரீபா4க3வதமாதி3ஶத் |
உவாச ச பட2ஸ்வைநத் தவ ஸர்வார்த2 ஸித்3த4யே || 33
ததோ விஷ்ணு: ப்ரஸந்நாத்மா பரமார்த2கபாலநே |
ஸமர்தோ2 ऽபூ4ச்ச்2ரியா மாஸி மாஸி பா4க3வதம் ஸ்மரன் || 34
யதா3 விஷ்ணு: ஸ்வயம் வக்தா லக்ஷ்மீஶ்ச ஶ்ரவணே ரத: |
ததா3 பா4க3வதஶ்ராவோ மாஸே நைவ புந: புந: || 35
யதா3 லக்ஷ்மீ: ஸ்வயம் வக்த்ரீ விஷ்ணுஶ்ச ஶ்ரவணே ரத: |
மாஸத்3வயம் ரஸாஸ்வாத3ஸ்ததா3தீவ ஸுஶோப4தே || 36
அதி4காரே ஸ்தி2தோ விஷ்ணுர் லக்ஷ்மீர் நிஶ்சிந்த மானஸா |
தேந பா4க3வதாஸ்வாத3ஸ் தஸ்யா பூ4ரி ப்ரகாஶதே || 37
அத2 ருத்3ரோऽபி தம் தே3வம் ஸம்ஹாராதி4 க்ருத: புரா |
புமாம்ஸம் ப்ரார்த2யாமாஸ ஸ்வஸாமர்த்2யவிவ்ருத்3த4யே || 38
ருத்3ர உவாச -
நித்யே நைமித்திகே சைவ ஸம்ஹாரே ப்ராக்ருதே ததா2 |
ஶக்தயோ மம வித்3யந்தே தே3வ தே3வ மம ப்ரபோ4 || 39
ஆத்யந்திகே து ஸம்ஹாரே மம ஶக்திர் ந வித்3யதே |
மஹத்3 து3:க2ம் மமைதத்து தேன த்வாம் ப்ரார்த2யாம் யஹம் || 40
ப்3ருஹஸ்பதிருவாச -
ஶ்ரீமத்3 பா4க3வதம் தஸ்மா அபி நாராயணோ த3தௌ3 |
ஸ து ஸம்ஸேவநாத3ஸ்ய ஜிக்3யே சாபி தமோகு3ணம் || 41
கதா2 பா4க3வதீ தேநே ஸேவிதா வர்ஷமாத்ரத: |
லயே த்வாத்யந்திகே தேநவாப ஶக்திம் ஸதா3ஶிவ: || 42
உத்3த4வ உவாச -
ஶ்ரீபா4க3வத மாஹாத்ம்ய இமாமாக்2யாயிகாம் கு3ரோ: |
ஶ்ருத்வா பா4க3வதம் லப்3த்4வா முமுதே3ऽஹம் ப்ரணம்ய தம் || 43
ததஸ்து வைஷ்ணவீம் ரீதிம் க்3ருஹீத்வா மாஸமாத்ரத: |
ஶ்ரீமத்3 பா4க3வதாஸ்வாதோ3 மயா ஸம்யங்நிஷேவித: || 44
தாவதைவ ப3பூ4வாஹம் க்ருஷ்ணஸ்ய த3யித: ஸகா2 |
க்ருஷ்ணே நாத2 நியுக்தோऽஹம் வ்ரஜே ஸ்வப்ரேயஸீக3ணே || 45
விரஹார்த்தாஸு கோ3பீஷு ஸ்வயம் நித்யவிஹாரிணா |
ஶ்ரீமாக3வத ஸந்தே3ஶோ மன்முகே2ந ப்ரயோஜித: || 46
தம் யதா2மதி லப்3த்4வா தா ஆஸன் விரஹவர்ஜிதா: |
நாஜ்ஞாஸிஷம் ரஹஸ்யம் தச்சமத்காரஸ்து லோகித: || 47
ஸ்வர்வாஸம் ப்ரார்த்2ய க்ருஷ்ணம் ச ப்3ரஹ்மாத்3யேஷு க3தேஷு மே |
ஶ்ரீமத்3 பா4க3வதே க்ருஷ்ணஸ் தத்3ரஹஸ்யம் ஸ்வயம் த3தௌ3 || 48
புரதோऽஶ்வத்த2 மூலஸ்ய சகார மயி தத்3 த்3ருட4ம் |
தே நாத்ர வ்ரஜவல்லீஷு வஸாமி ப3த3ரீம் க3த: || 49
தஸ்மாந் நாரத3குண்டே3ऽத்ர திஷ்டா2மி ஸ்வேச்ச2யா ஸதா3 |
க்ருஷ்ண ப்ரகாஶோ ப4க்தாநாம் ஶ்ரீமத்3 பா4க3வதாத்3 ப4வேத் || 50
ததே3ஷாமபி கார்யார்த2ம் ஶ்ரீமத்3 பா4க3வதம் த்வஹம் |
ப்ரவக்ஷ்யாமி ஸஹாயோऽத்ர த்வயைவாநுஷ்டி2தோ ப4வேத் || 51
ஸூத உவாச -
விஷ்ணு ராதஸ்து ஶ்ருத்வா தது3த்3த4வம் ப்ரணதோऽப்3ரவீத் |
பரீக்ஷிது3வாச -
ஹரிதா3ஸ த்வயா கார்யம் ஶ்ரீபா4க3வத கீர்தனம் || 52
ஆஜ்ஞாப்யோऽஹம் யதா2 கார்ய: ஸஹாயோऽத்ர மயா ததா2 |
ஸூத உவாச -
ஶ்ருத் வை தது3த்3த4வோ வாக்யமுவாச ப்ரீதமாநஸ: || 53
உத்3த4வ உவாச -
ஶ்ரீக்ருஷ்ணேன பரித்யக்தே பூ4தலே ப3லவான் கலி: |
கரிஷ்யதி பரம் விக்4நம் ஸத்கார்யே ஸமுபஸ்தி2தே || 54
தஸ்மாத்3 தி3க்3விஜயம் யாஹி கலிநிக்3ரஹமாசர |
அஹம் து மாஸமாத்ரேண வைஷ்ணவீம் ரீதிமாஸ்தி2த: || 55
ஶ்ரீமத்3 பா4க3வதாஸ்வாத3ம் ப்ரசார்யம் த்வத்ஸஹாயத: |
ஏதான் ஸம்ப்ராபயிஷ்யாமி நித்யதா4ம்நி மது4த்3விஷ: || 56
ஸூத உவாச -
ஶ்ருத்வைவம் தத்3வசோ ராஜா முதி3தஶ்சிந்தயாऽऽதுர: |
ததா3 விஜ்ஞாபயாமாஸ ஸ்வாபி4 ப்ராயம் தமுத்3த4வம் || 57
பரீக்ஶிது3வாச -
கலிம் து நிக்3ரஹீஷ்யாமி தாத தே வசஸி ஸ்தி2த: |
ஶ்ரீபா4க3வதஸம்ப்ராப்தி: கத2ம் மம ப4விஷ்யதி || 58
அஹம் து ஸமநுக்3ராஹ்யஸ்தவ பாத3தலே ஶ்ரித: |
ஸூத உவாச -
ஶ்ருத்வைதத்3 வசனம் பூ4யோऽப்யுத்3த4வஸ் தமுவாச ஹ || 59
உத்3த4வ உவாச -
ராஜன் சிந்தா து தே காபி நைவ கார்யா கத2ஞ்சன |
தவைவ ப4க3வத் ஶாஸ்த்ரே யதோ முக்2யாதி4 காரிதா || 60
ஏதாவத் கால பர்யந்தம் ப்ராயோ பா4க3வத ஶ்ருதே: |
வார்தாமபி ந ஜாநந்தி மநுஷ்யா: கர்மதத்பரா: || 61
த்வத் ப்ரஸாதே3ந ப3ஹவோ மநுஷ்யா பா4ரதாஜிரே |
ஶ்ரீமத்3 பா4க3வத ப்ராப்தௌ ஸுக2ம் ப்ராப்ஸ்யந்தி ஶாஶ்வதம் || 62
நந்த3நந்த3நரூபஸ்து ஶ்ரீஶுகோ ப4க3வாந்ருஷி: |
ஶ்ரீமத்3 பா4க3வதம் துப்4யம் ஶ்ராவயிஷ்யத்ய ஸம்ஶயம் || 63
தேந ப்ராப்ஸ்யஸி ராஜன் த்வம் நித்யம் தா4ம வ்ரஜேஶிது: |
ஶ்ரீபா4க3வத ஸஞ்சாரஸ்ததோ பு4வி ப4விஷ்யதி || 64
தஸ்மாத் த்வம் க3ச்ச2 ராஜேந்த்3ர கலிநிக்3ரஹ மாசர |
ஸூத உவாச -
இத்யுக்தஸ்தம் பரிக்ரம்ய க3தோ ராஜா தி3ஶாம் ஜயே || 65
வஜ்ரஸ்து நிஜராஜ்யேஶம் ப்ரதிபா3ஹும் விதா4ய ச |
தத்ரைவ மாத்ருபி4: ஸாகம் தஸ்தௌ2 பா4க3வதாஶயா || 66
அத2 வ்ருந்தா3வனே மாஸம் கோ3வர்த4ன ஸமீபத: |
ஶ்ரீமத்3 பா4க3வாஸ்வாத3ஸ்தூத்3த4வேன ப்ரவர்தித: || 67
தஸ்மிந் நாஸ்வாத்3யமானே து ஸச்சிதா3நந்த3ரூபிணீ |
ப்ரசகாஶே ஹரேர்லீலா ஸர்வத: க்ருஷ்ண ஏவ ச || 68
ஆத்மாநம் ச தத3ந்த:ஸ்த2ம் ஸர்வேऽபி த3த்3ருஶுஸ்ததா3 |
வஜ்ரஸ்து த3க்ஷிணே த்3ருஷ்ட்வா க்ருஷ்ண பாத3 ஸரோப்ருஹே || 69
ஸ்வாத்மானம் க்ருஷ்ண வைது4ர்யான் முக்தஸ்தத்3பு4வ்யஶோப4த |
தாஶ்ச தன்மாதர: க்ருஷ்ணே ராஸராத்ரி ப்ரகாஶிநி || 70
சந்த்3ரே கலாப்ரபா4ரூபமாத்மானம் வீக்ஷ்ய விஸ்மிதா: |
ஸ்வ ப்ரேஷ்ட2 விரஹவ்யாதி4 விமுக்தா: ஸ்வபத3ம் யயு: || 71
யேऽன்யே ச தத்ர தே ஸர்வே நித்யலீலாந்தரம் க3தா: |
வ்யாவஹாரிக லோகேப்4ய: ஸத்3யோऽத3ர்ஶந மாக3தா: || 72
கோ3வர்த4ந நிகுஞ்ஜேஷு கோ3ஷு வ்ருந்தா3வநாதி3ஷு |
நித்யம் க்ருஷ்ணேன மோத3ந்தே த்3ருஶ்யந்தே ப்ரேம தத்பரை: || 73
ஸூத உவாச -
யே ஏதாம் ப4க3வத் ப்ராப்திம் ஶ்ருணுயாச்சாபி கீர்தயேத் |
தஸ்ய வை ப4க3வத் ப்ராப்திர் து3:க2ஹாநிஶ்ச ஜாயதே || 74
இதி ஶ்ரீஸ்காந்தே3 மஹாபுராண ஏகஶீதிஸாஹஸ்ர்யாம் ஸம்ஹிதாயாம் த்3விதீயே
வைஷ்ணவக2ண்டே3 ஶ்ரீமத்3 பா4க3வதமாஹாத்ம்யே த்ருதீயோऽத்4யாய: || 3 ||
மூன்றாம் அத்யாயம் முற்றும்.