ஶ்ரீமத்பாகவதமாஹாத்ம்யம் [ஶ்ரீஸ்காந்த புராணம்] :: அத்யாயம் 2.
கோவர்தன மலையடிவாரத்தில் பரிக்ஷித் - உத்தவர் தரிசனம்
அத2 த்3விதீயோஅத்4யாய:
ருஷய: ஊசு: -
ஶாண்டி3ல்யே தௌ ஸமாதி3ஶ்ய பராவ்ருத்தீ ஸ்வமாஶ்ரமம் |
கிம் கத2ம் சக்ரதுஸ்தௌ து ராஜாநௌ ஸூத தத்3 வத3 || 1
ஸூத உவாச -
ததஸ்து விஷ்ணுராதேந ஶ்ரேணீ முக்2யா: ஸஹஸ்ரஶ: |
இந்த்3ரப்ரஸ்தா2த் ஸமாநாய்ய மது2ராஸ்தா2நமாபிதா: || 2
மாது2ரான் ப்3ராஹ்மணாம்ஸ்தத்ர வானராம்ஶ்ச புராதநான் |
விஜ்ஞாய மாநநீயத்வம் தேஷு ஸ்தா2பிதவான் ஸ்வராட் || 3
வஜ்ரஸ்து தத் ஸஹாயேந ஶாண்டி3ல்யஸ்யாப்யநுக்3ரஹாத் |
கோ3விந்த3 கோ3ப கோ3பீநாம் லீலாஸ்தா2நான்யநுக்ரமாத் || 4
விஜ்ஞாயாபி4த4யாऽऽஸ்தா2ப்ய க்3ராமாநாவாஸயத்3 ப3ஹூன் |
குண்ட3 கூபாதி3 பூர்தேந ஶிவாதி3ஸ்தா2பநேந ச || 5
கோ3விந்த3 ஹரி தே3வாதி3 ஸ்வரூபா ரோபணேன ச |
க்ருஷ்ணைகப4க்திம் ஸ்வே ராஜ்யே ததாந ச முமோத3 ஹ || 6
ப்ரஜாஸ்து முதி3தாஸ்தஸ்ய க்ருஷ்ண கீர்தந தத்பரா: |
பரமாநந்த3 ஸம்பந்நா ராஜ்யம் தஸ்யைவ துஷ்டுவு: || 7
ஏகதா3 க்ருஷ்ண பத்ந்யஸ்து ஶ்ரீக்ருஷ்ணவிரஹாதுரா: |
காளிந்தீ3ம் முதி3தாம் வீக்ஷ்ய பப்ரச்சு2ர்க3த மத்ஸரா:|| 8
ஶ்ரீக்ருஷ்ண பத்ந்ய ஊசு:
யதா2 வயம் க்ருஷ்ணபத்ந்யஸ்ததா2 த்வமபி ஶோப4நே|
வயம் விரஹது3: கா2ர்தாஸ்த்வம் ந காளிந்தி3 தத்3 வத3|| 9
தத் ஶ்ருத்வா ஸ்மயமாநா ஸா காளிந்தீ3 வாக்யமப்3ரவீத்|
ஸாபத்ந்யம் வீக்ஷ்ய தத்தாஸாம் கருணாபரமாநஸா || 10
காளிந்தீ3 உவாச -
ஆத்மா ராமஸ்ய க்ருஷ்ணஸ்ய த்4ருவமாத்மாஸ்தி ராதி4கா |
தஸ்யா தா3ஸ்ய ப்ரபா4வேண விரஹோऽஸ்மான் ந ஸம்ஸ்ப்ருஶேத் || 11
தஸ்யா ஏவாம்ஶவிஸ்தாரா: ஸர்வா: ஶ்ரீக்ருஷ்ண நாயிகா: |
நித்ய ஸம்போ4க3 ஏவாஸ்தி தஸ்யா: ஸாம்முக்2யயோக3த: || 12
ஸ ஏவ ஸா ஸ ஸைவாஸ்தி வம்ஶீ தத்ப்ரேம ரூபிகா |
ஶ்ரீக்ருஷ்ண நக2சந்த்3ராலிஸங்கா4ச்சந்த்3ராவளீ ஸ்ம்ருதா || 13
ரூபாந்தரமக்3ருஹ்ணாநா தயோ: ஸேவாதி லாலஸா |
ருக்மிண்யாதி3ஸமாவேஶோ மயாத்ரைவ விலோகித: || 14
யுஷ்மாகமபி க்ருஷ்ணேன விரஹோ நைவ ஸர்வத: |
கிந்து ஏவம் ந ஜாநீத2 தஸ்மாத்3 வ்யாகுலதாமிதா: || 15
ஏவ மேவாத்ர கோ3பீநாமக்ரூராவஸரே புரா |
விரஹாபா4ஸ ஏவாஸீது3த்3த4வேன ஸமாஹித: || 16
தேனைவ ப4வதீநாம் சேத்3 ப4வே த3த்ர ஸமாக3ம: |
தர்ஹி நித்யம் ஸ்வகாந்தேந விஹாரமபி லப்ஸ்யத2 || 17
ஸூத உவாச -
ஏவ முக்தாஸ்து தா: பத்ந்ய: ப்ரஸந்நாம் புனரப்3ருவன் |
உத்3த4வாலோகநே நாத்மப்ரேஷ்ட2 ஸங்க3ம லாலஸா: || 18
ஶ்ரீக்ருஷ்ண பத்ந்ய ஊசு: -
த4ன்யாஸி ஸகி2 காந்தேந யஸ்யா நைவாஸ்தி விச்யுதி: |
யதஸ்தே ஸ்வார்த2 ஸம் ஸித்3தி4ஸ் தஸ்யா தா3ஸ்யோ ப3பூ4விம || 19
பரந்தூத்3த4வலாபே4 ஸ்யாத3ஸ்மத் ஸர்வார்த2ஸாத4னம் |
ததா2 வத3ஸ்வ காளிந்தி3 தல்லாபோ4ऽபி யதா2 ப4வேத் || 20
ஸூத உவாச -
ஏவ முக்தா து காளிந்தீ3 ப்ரத்யுவாசாத2 தாஸ்ததா2 |
ஸ்மரந்தீ க்ருஷ்ண சந்த்3ரஸ்ய கலா: ஷோட3ஶ ரூபிணீ: || 21
ஸாத4நபூ4மிர் ப3த3ரீ வ்ரஜதா க்ருஷ்ணேன மந்த்ரிணே ப்ரோக்தா |
தத்ராஸ்தே ஸ து ஸாக்ஷாத் தத்3வயுநம் க்3ராஹ யம்ல்லோகான் || 22
ப2ல பூ4மிர் வ்ரஜ பூ4மிர் த3த்தா தஸ்மை புரைவ ஸரஹஸ்யம் |
ப2லமிஹ திரோஹிதம் ஸத்ததி3ஹேதா3நீம் ஸ உத்3த4வோ அலக்ஷ்ய: || 23
கோ3வர்த்3த4ந கி3ரிநிகடே ஸகீ2ஸ்த2லே தத்3ரஜ: காம: |
தத்ரத்யாங்குர வல்லீரூபேணாஸ்தே ஸ உத்3த4வோ நூநம் || 24
ஆத்மோத்ஸவரூபத்வம் ஹரிணா தஸ்மை ஸமார்பிதம் நியதம் |
தஸ்மாத்தத்ர ஸ்தி2த்வா குஸுமஸர: பரிஸரே ஸவஜ்ராபி4: || 25
வீணாவேணும்ருத3ங்கை3: கீர்தந காவ்யாதி3 ஸரஸஸங்கீ3தை: |
உத்ஸவ ஆரப்3த4வ்யோ ஹரிரதலோகான் ஸமாநாய்ய || 26
தத்ரோத்3த4வா வலோகோ ப4விதா நியதம் மஹோத்ஸவே விததே |
யௌஷ்மாகீணா மபி4மதஸித்3தி4ம் ஸவிதா ஸ ஏவ ஸவிதாநாம் || 27
ஸூத உவாச -
இதி ஶ்ருத்வா ப்ரஸந்நாஸ்தா: காளிந்தீ3மபி4வந்த்3ய தத் |
கத2யாமாஸுராக3த்ய வஜ்ரம் ப்ரதி பரீக்ஷிதம் || 28
விஷ்ணுராதஸ்து தத் ஶ்ருத்வா ப்ரஸந்நஸ்தத்3யுதஸ்ததா3 |
தத்ரைவாக3த்ய தத் ஸர்வம் காரயாமாஸ ஸத்வரம் || 29
கோ3வர்த்3த4நாத3தூ3ரேண வ்ருந்தா3ரண்யே ஸகீ2ஸ்த2லே |
ப்ரவ்ருத்த: குஸுமாம்போ4 தௌ4 க்ருஷ்ண ஸங்கீர்தநோத்ஸவ: || 30
வ்ருஷபா4நு ஸுதாகாந்த விஹாரே கீர்தந ஶ்ரியா |
ஸாக்ஷாதி3வ ஸமாவ்ருத்தே ஸர்வேऽநன்யத்3ருஶோऽப4வன் || 31
தத: பஶ்யத்ஸு ஸர்வேஷு த்ருணகு3ல்மலதாசயாத் |
ஆஜகா3மோத்3த4வ: ஸ்ரக்3வீ ஶ்யாம: பீதாம்ப3ராவ்ருத: || 32
கு3ஞ்ஜமாலாத4ரோ கா3யன் வல்லவீவல்லப4ம் முஹு: |
ததா3க3மநதோ ரேஜே ப்4ருஶம் ஸங்கீர்தநோத்ஸவ: || 33
சந்த்3ரிகா க3மதோ யத்3வத் ஸ்பா2டிகாட்டாலபூ4மணி: |
அத2 ஸர்வே ஸுகா2ம்போ4தௌ4 மக்3நா: ஸர்வம் விஸஸ்மரு: || 34
க்ஷணே நாக3த விஜ்ஞாநா த்3ருஷ்ட்வா ஶ்ரீக்ருஷ்ண ரூபிணம் |
உத்3த4வம் பூஜயாஞ்சக்ரு: ப்ரதிலப்3த4 மநோரதா2: || 35
இதி ஶ்ரீஸ்காந்தே3 மஹாபுராண ஏகஶீதிஸாஹஸ்ர்யாம் ஸம்ஹிதாயாம் த்3விதீயே
வைஷ்ணவக2ண்டே3 ஶ்ரீமத்3 பா4க3வதமாஹாத்ம்யே
கோ3வர்த4ந பர்வத ஸமீபே பரீக்ஷிதா3தீ3நாமுத்3த4வ த3ர்ஶந வர்ணநம் நாம த்3விதீயோऽத்4யாய: || 2 ||
இரண்டாம் அத்யாயம் முற்றும்.