ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 20.
பூருவின் வம்சம், ராஜா துஷ்யந்தன் மற்றும் பரதனின் சரித்ர வர்ணனை
அத2 விம்ஶோऽத்2யாய:
ஶ்ரீஶுக உவாச|
பூரோர் வம்ஶம் ப்ரவக்ஷ்யாமி யத்ர ஜாதோऽஸி பா4ரத|
யத்ர ராஜர்ஷயோ வம்ஶ்யா ப்3ரஹ்மவம்ஶ்யாஶ்ச ஜஜ்ஞிரே|| 1
ஜனமேஜயோ ஹ்யபூ4த் பூரோ: ப்ரசின்வாம்ஸ் தத்ஸுதஸ்தத:|
ப்ரவீரோऽத2 நமஸ்யுர்வை தஸ்மாச்சாருபதோ3ऽப4வத்|| 2
தஸ்ய ஸுத்3யுரபூ4த் புத்ரஸ் தஸ்மாத்3 ப3ஹுக3வஸ்தத:|
ஸம்யாதிஸ்தஸ்யாஹம்யாதீ ரௌத்3ராஶ்வஸ்தத்ஸுத: ஸ்ம்ருத:|| 3
ருதேயுஸ்தஸ்ய கக்ஷேயு: ஸ்த2ண்டி3லேயு: க்ருதேயுக:|
ஜலேயு: ஸந்ததேயுஶ்ச த4ர்மஸத்யவ்ரதேயவ:|| 4
த3ஶைதேऽப்ஸரஸ: புத்ரா வனேயுஶ்சாவம: ஸ்ம்ருத:|
க்4ருதாச்யா மிந்த்3ரியாணீவ முக்2யஸ்ய ஜக3தா3த்மன:|| 5
ருதேயோ ரந்திபா4ரோऽபூ4த் த்ரயஸ்தஸ்யாத்மஜா ந்ருப|
ஸுமதிர் த்4ருவோऽப்ரதிரத2: கண்வோऽப்ரதிரதா2த்மஜ:|| 6
தஸ்ய மேதா4திதி2ஸ்தஸ்மாத் ப்ரஸ்கண்வாத்3யா த்3விஜாதய:|
புத்ரோऽபூ4த் ஸுமதே ரைப்4யோ து3ஷ்யந்தஸ்தத் ஸுதோ மத:|| 7
து3ஷ்யந்தோ ம்ருக3யாம் யாத: கண்வாஶ்ரமபத3ம் க3த:|
தத்ராஸீநாம் ஸ்வப்ரப4யா மண்ட3யந்தீம் ரமாமிவ|| 8
விலோக்ய ஸத்3யோ முமுஹே தே3வமாயாமிவ ஸ்த்ரியம்|
ப3பா4ஷே தாம் வராரோஹாம் ப4டை: கதிபயைர் வ்ருத:|| 9
தத்3த3ர்ஶந ப்ரமுதி3த: ஸந்நிவ்ருத்த பரிஶ்ரம:|
பப்ரச்ச2 காமஸந்தப்த: ப்ரஹஸன் ஶ்லக்ஷ்ணயா கி3ரா|| 10
கா த்வம் கமலபத்ராக்ஷி கஸ்யாஸி ஹ்ருத3யங்க3மே|
கிம் வா சிகீர்ஷிதம் த்வத்ர ப4வத்யா நிர்ஜனே வனே|| 11
வ்யக்தம் ராஜன்ய தநயாம் வேத்3ம்யஹம் த்வாம் ஸுமத்4யமே|
ந ஹி சேத: பௌரவாணாமத4ர்மே ரமதே க்வசித்|| 12
ஶ்ரீஶகுந்தலோவாச|
விஶ்வாமித்ராத்மஜைவாஹம் த்யக்தா மேனகயா வனே|
வேதை3தத்3 ப4க3வான் கண்வோ வீர கிம் கரவாம தே|| 13
ஆஸ்யதாம் ஹ்யரவிந்தா3க்ஷ க்3ருஹ்யதாமர்ஹணம் ச ந:|
ப்4ருஜ்யதாம் ஸந்தி நீவாரா உஷ்யதாம் யதி3 ரோசதே|| 14
து3ஷ்யந்த உவாச|
உபபந்நமித3ம் ஸுப்4ரு ஜாதாயா: குஶிகான்வயே|
ஸ்வயம் ஹி வ்ருணுதே ராஜ்ஞாம் கன்யகா: ஸத்3ருஶம் வரம்|| 15
ஓமித்யுக்தே யதா2த4ர்ம முபயேமே ஶகுந்தலாம்|
கா3ந்த4ர்வவிதி4நா ராஜா தே3ஶகால விதா4நவித்|| 16
அமோக4வீர்யோ ராஜர்ஷிர் மஹிஷ்யாம் வீர்யமாத3தே4|
ஶ்வோபூ4தே ஸ்வபுரம் யாத: காலேநாஸூத ஸா ஸுதம்|| 17
கண்வ: குமாரஸ்ய வனே சக்ரே ஸமுசிதா: க்ரியா:|
ப3த்3த்4வா ம்ருகே3ந்த்3ராம்ஸ்தரஸா க்ரீட3தி ஸ்ம ஸ பா3லக:|| 18
தம் து3ரத்யய விக்ராந்த மாதா3ய ப்ரமதோ3த்தமா|
ஹரேரம்ஶாம்ஶஸம்பூ4தம் ப4ர்துரந்திக மாக3மத்|| 19
யதா3 ந ஜக்3ருஹே ராஜா பா4ர்யாபுத்ராவநிந்தி3தௌ|
ஶ்ருண்வதாம் ஸர்வபூ4தாநாம் கே2 வாகா3ஹாஶரீரிணீ|| 20
மாதா ப4ஸ்த்ரா பிது: புத்ரோ யேன ஜாத: ஸ எவ ஸ:|
ப4ரஸ்வ புத்ரம் து3ஷ்யந்த மாவமம்ஸ்தா2: ஶகுந்தலாம்|| 21
ரேதோதா4: புத்ரோ நயதி நரதே3வ யமக்ஷயாத்|
த்வம் சாஸ்ய தா4தா க3ர்ப4ஸ்ய ஸத்யமாஹ ஶகுந்தலா|| 22
பிதர்யுபரதே ஸோऽபி சக்ரவர்தீ மஹாயஶா:|
மஹிமா கீ3யதே தஸ்ய ஹரேரம்ஶபு4வோ பு4வி|| 23
சக்ரம் த3க்ஷிணஹஸ்தேऽஸ்ய பத்3மகோஶோऽஸ்ய பாத3யோ:|
ஈஜே மஹாபி4ஷேகேண ஸோऽபி4ஷிக்தோऽதி4ராட்3 விபு4:|| 24
பஞ்சபஞ்சாஶதா மேத்4யைர் க3ங்கா3யாமநு வாஜிபி4:|
மாமதேயம் புரோதா4ய யமுநாமநு ப்ரபு4:|| 25
அஷ்ட ஸப்ததிமேத்4யாஶ்வான் ப3ப3ந்த4 ப்ரத3த3த்3 வஸு|
ப4ரதஸ்ய ஹி த்3ரௌஷ்யந்தே ரக்3நி: ஸாசீகு3ணே சித:|
ஸஹஸ்ரம் ப3த்3வஶோ யஸ்மின் ப்3ராஹ்மணா கா3 விபே4ஜிரே|| 26
த்ரயஸ்த்ரிம்ஶச்ச2தம் ஹ்யஶ்வான் ப3த்3த்4வா விஸ்மாபயன் ந்ருபான்|
த்3ரௌஷ்யந்திரத்யகா3ன் மாயாம் தே3வாநாம் கு3ருமாயயௌ|| 27
ம்ருகா3ன் ஶுக்லத3த: க்ருஷ்ணான் ஹிரண்யேந பரீவ்ருதான்|
அதா3த் கர்மணி மஷ்ணாரே நியுதானி சதுர்த3ஶ|| 28
ப4ரதஸ்ய மஹத் கர்ம ந பூர்வே நாபரே ந்ருபா:|
நைவாபுர் நைவ ப்ராப்ஸ்யந்தி பா3ஹுப்4யாம் த்ரிதி3வம் யதா2|| 29
கிராதஹூணான் யவநாநந்த்4ரான் கங்கான் க2ஶான் ஶகான்|
அப்3ரஹ்மண்யான் ந்ருபாம்ஶ்சாஹன் ம்லேச்சா2ன் தி3க்3விஜயேऽகி2லான்|| 30
ஜித்வா புராஸுரா தே3வான் யே ரஸௌகாம்ஸி பே4ஜிரே|
தே3வஸ்த்ரியோ ரஸாம் நீதா: ப்ராணிபி4: புனராஹரத்|| 31
ஸர்வாகாமான் து3து3ஹது: ப்ரஜாநாம் தஸ்ய ரோத3ஸீ|
ஸமாஸ்த்ரிணவ ஸாஹஸ்ரீர் தி3க்ஷு சக்ரமவர்தயத்|| 32
ஸ ஸம்ராட்3 லோகபாலாக்2ய மைஶ்வர்ய மதி4ராட் ஶ்ரியம்|
சக்ரம் சாஸ்க2லிதம் ப்ராணான் ம்ருஷேத்யுபரராம ஹ|| 33
தஸ்யாஸன் ந்ருப வைத3ர்ப்4ய: பத்ன்யஸ்திஸ்ர: ஸுஸம்மதா:|
ஜக்4நுஸ்த்யாக3 ப4யாத் புத்ரான் நாநுரூபா இதீரிதே|| 34
தஸ்யைவம் விததே2 வம்ஶே தத3ர்த2ம் யஜத: ஸுதம்|
மருத்ஸ்தோமேன மருதோ ப4ரத்3வாஜ முபாத3து3:|| 35
அந்தர்வத்ன்யாம் ப்4ராத்ருபத்ன்யாம் மைது2நாய ப்3ருஹஸ்பதி:|
ப்ரவ்ருத்தோ வாரிதோ க3ர்ப4ம் ஶப்த்வா வீர்ய மவாஸ்ருஜத்|| 36
தம் த்யக்துகாமாம் மமதாம் ப4ர்துத் யாக3 விஶம்கிதாம்|
நாமநிர்வாசனம் தஸ்ய ஶ்லோகமேனம் ஸுரா ஜகு3:|| 37
மூடே4 ப4ர த்3வாஜமிமம் ப4ர த்3வாஜம் ப்3ருஹஸ்பதே|
யாதௌ யது3க்த்வா பிதரௌ ப4ரத்3வாஜஸ் ததஸ்த்வயம்|| 38
சோத்3யமாநா ஸுரைரேவம் மத்வா விதத2மாத்மஜம்|
வ்யஸ்ருஜன் மருதோऽபி3ப்4ரன் த3த்தோऽயம் விததே2ऽன்வயே|| 39
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 விம்ஶோऽத்4யாய: || 20
ஒன்பதாம் ஸ்கந்தம் - இருபதாம் அத்யாயம் முற்றும்.