ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 21.
பரத வம்சத்தின் வர்ணனை, ராஜா ரந்தி தேவரின் கதை
அத2 ஏகவிம்ஶோऽத்2யாய:
ஶ்ரீஶுக உவாச|
விதத2ஸ்ய ஸுதோ மன்யுர் ப்3ருஹத் க்ஷத்ரோ ஜயஸ்தத:|
மஹாவீர்யோ நரோ க3ர்க3: ஸங்க்ருதிஸ்து நராத்மஜ:|| 1
கு3ருஶ்ச ரந்திதே3வஶ்ச ஸங்க்ருதே: பாண்டு3நந்த3ன|
ரந்திதே3வஸ்ய ஹி யஶ இஹாமுத்ர ச கீ3யதே|| 2
வியத்3வித்தஸ்ய த3த3தோ லப்3த4ம் லப்3த4ம் பு3பு4க்ஷத:|
நிஷ்கிஞ்சனஸ்ய தீ4ரஸ்ய ஸகுடும்ப3ஸ்ய ஸீத3த:|| 3
வ்யதீயுரஷ்ட சத்வாரிம்ஶத3ஹன்யபிப3த: கில|
க்4ருதபாயஸஸம்யாவம் தோயம் ப்ராதருபஸ்தி2தம்|| 4
க்ருச்ச்2ர ப்ராப்த குடும்ப3ஸ்ய க்ஷுத்த்ருட்3ப்4யாம் ஜாதவேபதோ2:|
அதிதி2ர் ப்3ராஹ்மண: காலே போ4க்து காமஸ்ய சாக3மத்|| 5
தஸ்மை ஸம்வ்யப4ஜத் ஸோऽன்னமாத்3ருத்ய ஶ்ரத்3த4யான்வித:|
ஹரிம் ஸர்வத்ர ஸம்பஶ்யன் ஸ பு4க்த்வா ப்ரயயௌ த்3விஜ:|| 6
அதா2ன்யோ போ4க்ஷ்யமாணஸ்ய விப4க்தஸ்ய மஹீபதே:|
விப4க்தம் வ்யப4ஜத் தஸ்மை வ்ருஷலாய ஹரிம் ஸ்மரன்|| 7
யாதே ஶூத்3ரே தமன்யோऽகா3த்3 அதிதி2: ஶ்வபி4ராவ்ருத:|
ராஜன் மே தீ3யதாமன்னம் ஸக3ணாய பு3பு4க்ஷதே|| 8
ஸ ஆத்3ருத்யாவஶிஷ்டம் யத்3 ப3ஹுமான புரஸ்க்ருதம்|
தச்ச த3த்த்வா நமஶ்சக்ரே ஶ்வப்4ய: ஶ்வபதயே விபு4:|| 9
பாநீயமாத்ர முச்சே2ஷம் தச்சைகபரிதர்பணம்|
பாஸ்யத: புல்கஸோऽப்4யாகா3த3போ தே3ஹ்யஶுப4ஸ்ய மே|| 10
தஸ்ய தாம் கருணாம் வாசம் நிஶம்ய விபுலஶ்ரமாம்|
க்ருபயா பு4ஶஸந்தப்த இத3 மாஹாம்ருதம் வச:|| 11
ந காமயேऽஹம் க3திமீஶ்வராத் பரா-
மஷ்டர்த்3தி4யுக்தாமபுனர்ப4வம் வா|
ஆர்திம் ப்ரபத்3யேऽகி2ல தே3ஹபா4ஜா-
மந்த:ஸ்தி2தோ யேன ப4வந்த்யது3:கா2:|| 12
க்ஷுத் த்ருட்ஶ்ரமோ கா3த்ர பரிஶ்ரமஶ்ச
தை3ன்யம் க்லம: ஶோகவிஷாத3 மோஹா:|
ஸர்வே நிவ்ருத்தா: க்ருபணஸ்ய ஜந்தோர்
ஜிஜீவிஷோர் ஜீவ ஜலார்பணான்மே|| 13
இதி ப்ரபா4ஷ்ய பாநீயம் ம்ரியமாண: பிபாஸயா|
புல்கஸாயாத3தா3த்3 தீ4ரோ நிஸர்க3கருணோ ந்ருப:|| 14
தஸ்ய த்ரிபு4வநாதீ4ஶா: ப2லதா3: ப2லமிச்ச2தாம்|
ஆத்மானம் த3ர்ஶயாஞ்சக்ருர் மாயா விஷ்ணுவிநிர்மிதா:|| 15
ஸ வை தேப்4யோ நமஸ்க்ருத்ய நி:ஸங்கோ3 விக3தஸ்ப்ருஹ:|
வாஸுதே3வே ப4க3வதி ப4க்த்யா சக்ரே மன: பரம்|| 16
ஈஶ்வராலம்ப3னம் சித்தம் குர்வதோऽநன்ய ராத4ஸ:|
மாயா கு3ணமயீ ராஜன் ஸ்வப்நவத் ப்ரத்யலீயத|| 17
தத் ப்ரஸங்கா3நுபா4வேன ரந்திதே3வாநுவர்தின:|
அப4வன் யோகி3ன: ஸர்வே நாராயணபராயணா:|| 18
க3ர்கா3ச்சி2நிஸ்ததோ கா3ர்க்3ய: க்ஷத்ராத்3 ப்3ரஹ்ம ஹ்யவர்தத|
து3ரிதக்ஷயோ மஹாவீர்யாத் தஸ்ய த்ரய்யாருணி: கவி:|| 19
புஷ்கராருணிரித்யத்ர யே ப்3ராஹ்மண க3திம் க3தா:|
ப்3ருஹத் க்ஷத்ரஸ்ய புத்ரோऽபூ4த்3 த4ஸ்தீ யத்3 ஹஸ்திநாபுரம்|| 20
அஜமீடோ3 த்3விமீட4ஶ்ச புருமீட4ஶ்ச ஹஸ்தின:|
அஜமீட4ஸ்ய வம்ஶ்யா: ஸ்யு: ப்ரியமேதா4த3யோ த்3விஜா:|| 21
அஜமீடா4த்3 ப்3ருஹதி3ஷுஸ் தஸ்ய புத்ரோ ப்3ருஹத்3த4னு:|
ப்3ருஹத்காயஸ் ததஸ்தஸ்ய புத்ர ஆஸீஜ்ஜயத்3ரத2:|| 22
தத்ஸுதோ விஶத3ஸ் தஸ்ய ஸேநஜித் ஸமஜாயத|
ருசிராஶ்வோ த்3ருட4ஹநு: காஶ்யோ வத்ஸஶ்ச தத்ஸுதா:|| 23
ருசிராஶ்வஸுத: பார: ப்ருது2ஸேநஸ் ததா3த்மஜ:|
பாரஸ்ய தனயோ நீபஸ்தஸ்ய புத்ரஶதம் த்வபூ4த்|| 24
ஸ க்ருத்வ்யாம் ஶுககன்யாயாம் ப்3ரஹ்மத3த்த மஜீஜனத்|
ஸ யோகீ3 க3வி பா4ர்யாயாம் விஷ்வக்ஸேந மதா4த் ஸுதம்|| 25
ஜைகீ3ஷவ்யோபதே3ஶேன யோக3தம்த்ரம் சகார ஹ|
உத3க்ஸ்வனஸ்ததஸ்தஸ்மாத்3 ப4ல்லாதோ3 பா3ர்ஹதீ3ஷவா:|| 26
யவீநரோ த்3விமீட4ஸ்ய க்ருதிமாம்ஸ்தத்ஸுத: ஸ்ம்ருத:|
நாம்நா ஸத்யத்4ருதிர் யஸ்ய த்3ருட4நேமி: ஸுபார்ஶ்வக்ருத்|| 27
ஸுபார்ஶ்வாத் ஸுமதிஸ்தஸ்ய புத்ர: ஸந்நதிமாம்ஸ்தத:|
க்ருதீர் ஹிரண்யநாபா4த்3 யோ யோக3ம் ப்ராப்ய ஜகௌ3 ஸ்ம ஷட்|| 28
ஸம்ஹிதா: ப்ராச்யஸாம்நாம் வை நீபோ ஹ்யுக்3ராயுத4ஸ்தத:|
தஸ்ய க்ஷேம்ய: ஸுவீரோऽத2 ஸுவீரஸ்ய ரிபுஞ்ஜய:|| 29
ததோ ப3ஹுரதோ2 நாம புருமீடோ3ऽப்ரஜோऽப4வத்|
நளின்யாமஜமீட4ஸ்ய நீல: ஶாந்தி: ஸுதஸ்தத:|| 30
ஶாந்தே: ஸுஶாந்திஸ் தத்புத்ர: புருஜோऽர்கஸ்ததோऽப4வத்|
ப4ர்ம்யாஶ்வஸ்தனயஸ் தஸ்ய பஞ்சாஸன் முத்3க3லாத3ய:|| 31
யவீநரோ ப்3ருஹதி3ஷு: காம்பில்ய: ஸம்ஜய: ஸுதா:|
ப4ர்ம்யாஶ்வ: ப்ராஹ புத்ரா மே பஞ்சாநாம் ரக்ஷணாய ஹி|| 32
விஷயாணாமலமிமே இதி பஞ்சால ஸம்ஜ்ஞிதா:|
முத்3க3லாத்3 ப்3ரஹ்ம நிர்வ்ருத்தம் கோ3த்ரம் மௌத்3க3ல்யஸம்ஜ்ஞிதம்|| 33
மிது2னம் முத்3க3லாத்3 பா4ர்ம்யாத்3 தி3வோதா3ஸ: புமான் அபூ4த்|
அஹல்யா கன்யகா யஸ்யாம் ஶதாநந்த3ஸ்து கௌ3தமாத்|| 34
தஸ்ய ஸத்யத்4ருதி: புத்ரோ த4நுர்வேத3 விஶாரத3:|
ஶரத்3வான் தத்ஸுதோ யஸ்மாத் உர்வஶீ த3ர்ஶநாத் கில|| 35
ஶரஸ்தம்பே3ऽபதத்3 ரேதோ மிது2னம் தத3பூ4ச்சு2ப4ம்|
தத்3 த்3ருஷ்ட்வா க்ருபயா க்3ருஹ்ணாத் ஶந்தநுர் ம்ருக3யாம் சரன்|
க்ருப: குமார: கன்யா ச த்3ரோணபத்ன்யப4வத் க்ருபீ|| 36
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 எகவிம்ஶோऽத்4யாய:|| 21 ||
ஒன்பதாம் ஸ்கந்தம் - இருபத்தொன்றாம் அத்யாயம் முற்றும்.