ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 9.
மோகினிரூபத்தில் பகவான் மூலமாக அமிர்தம் விநியோகிக்கப்படுதல்
அத2 நவமோऽத்2யாய:
ஶ்ரீஶுக உவாச -
தேऽன்யோன்யதோऽஸுரா: பாத்ரம் ஹரந்தஸ்த்யக்தஸௌஹ்ருதா3:|
க்ஷிபந்தோ த3ஸ்யு த4ர்மாண ஆயாந்தீம் த3த்3ருஶு: ஸ்த்ரியம்|| 1
அஹோ ரூபமஹோ தா4ம அஹோ அஸ்யா நவம் வய:|
இதி தே தாமபி4த்3ருத்ய பப்ரச்சு2ர் ஜாத ஹ்ருச்ச2யா:|| 2
கா த்வம் கஞ்ஜபலாஶாக்ஷி குதோ வா கிம் சிகீர்ஷஸி|
கஸ்யாஸி வத3 வாமோரு மத்2னன்தீவ மநாம்ஸி ந:|| 3
ந வயம் த்வாமரைர் தை3த்யை: ஸித்3த4 க3ந்த4ர்வ சாரணை:|
நாஸ்ப்ருஷ்ட பூர்வாம் ஜாநீமோ லோகேஶைஶ்ச குதோ ந்ருபி4:|| 4
நூநம் த்வம் விதி4நா ஸுப்4ரூ: ப்ரேஷிதாஸி ஶரீரிணாம்|
ஸர்வேந்த்3ரிய மன:ப்ரீதிம் விதா4தும் ஸக்4ருணேன கிம்|| 5
ஸா த்வம் ந: ஸ்பர்த4மாநாநா மேகவஸ்துநி மாநிநி|
ஜ்ஞாதீநாம் ப3த்3த4வைராணாம் ஶம் வித4த்ஸ்வ ஸுமத்4யமே|| 6
வயம் கஶ்யபதா3யாதா3 ப்4ராதர: க்ருதபௌருஷா:|
விப4ஜஸ்வ யதா2ன்யாயம் நைவ பே4தோ3 யதா2 ப4வேத்|| 7
இத்யுபாமந்த்ரிதோ தை3த்யைர் மாயாயோஷித்3வபுர் ஹரி:|
ப்ரஹஸ்ய ருசிராபாங்கை3ர் நிரீக்ஷந்நித3 மப்3ரவீத்|| 8
ஶ்ரீப4க3வாநுவாச -
கத2ம் கஶ்யப தா3யாதா3: பும்ஶ்சல்யாம் மயி ஸங்க3தா:|
விஶ்வாஸம் பண்டி3தோ ஜாது காமிநீஷு ந யாதி ஹி|| 9
ஸாலாவ்ருகாணாம் ஸ்த்ரீணாம் ச ஸ்வைரிணீநாம் ஸுரத்3விஷ:|
ஸக்2யான்யாஹு ரநித்யாநி நூத்னம் நூத்னம் விசின்வதாம்|| 10
ஶ்ரீஶுக உவாச -
இதி தே க்ஷ்வேலிதைஸ் தஸ்யா ஆஶ்வஸ்த மனஸோऽஸுரா:|
ஜஹஸுர் பா4வ க3ம்பீ4ரம் த3து3ஶ்சாம்ருத பா4ஜனம்|| 11
ததோ க்3ருஹீத்வாம்ருதபா4ஜனம் ஹரி:
ப3பா4ஷ ஈஷத் ஸ்மிதஶோப4யா கி3ரா|
யத்3யப்4யுபேதம் க்வ ச ஸாத்4வஸாது4 வா
க்ருதம் மயா வோ விப4ஜே ஸுதா4மிமாம்|| 12
இத்யபி4வ்யாஹ்ருதம் தஸ்யா ஆகர்ண்ய அஸுரபுங்க3வா:|
அப்ரமாணவித3ஸ் தஸ்யாஸ் தத் ததே2த்யன்வ மம்ஸத|| 13
அதோ2போஷ்ய க்ருதஸ்நாநா ஹுத்வா ச ஹவிஷாநலம்|
த3த்வா கோ3விப்ர பூ4தேப்4ய: க்ருதஸ்வஸ்த்யயநா த்3விஜை:|| 14
யதோ2பஜோஷம் வாஸாம்ஸி பரிதா4யாஹதாநி தே|
குஶேஷு ப்ராவிஶன் ஸர்வே ப்ராக3க்3ரேஷ்வபி4பூ4ஷிதா:|| 15
ப்ராங்முகே2ஷூபவிஷ்டேஷு ஸுரேஷு தி3திஜேஷு ச|
தூ4பாமோதி3த ஶாலாயாம் ஜுஷ்டாயாம் மால்யதீ3பகை:|| 16
தஸ்யாம் நரேந்த்3ர கரபோ4ரு ருஶத்3து3கூல-
ஶ்ரோணீ தடாலஸ க3திர் மத3 விஹ்வலாக்ஷீ|
ஸா கூஜதீ கனக நூபுர ஶிஞ்ஜிதேன
கும்ப4ஸ்தனீ கலஸபாணிரதா2விவேஶ|| 17
தாம் ஶ்ரீஸகீ2ம் கனக குண்ட3ல சாருகர்ண
நாஸா கபோல வத3நாம் பரதே3வதாக்2யாம்|
ஸம்வீக்ஷ்ய ஸம்முமுஹு ருத்ஸ்மித வீக்ஷணேன
தே3வாஸுரா விக3ளித ஸ்தன பட்டிகாந்தாம்|| 18
அஸுராணாம் ஸுதா4தா3னம் ஸர்பாணாமிவ து3ர்நயம்|
மத்வா ஜாதிந்ருஶம்ஸாநாம் ந தாம் வ்யப4ஜத3ச்யுத:|| 19
கல்பயித்வா ப்ருத2க் பம்ங்க்தீ ருப4யேஷாம் ஜக3த்பதி:|
தாம்ஶ்சோபவேஶயாமாஸ ஸ்வேஷு ஸ்வேஷு ச பங்க்திஷு|| 20
தை3த்யான் க்3ருஹீத கலஸோ வஞ்சயன் உபஸஞ்சரை:|
தூ3ரஸ்தா2ன் பாயயாமாஸ ஜராம்ருத்யுஹராம் ஸுதா4ம்|| 21
தே பாலயந்த: ஸமயம் அஸுரா: ஸ்வக்ருதம் ந்ருப|
தூஷ்ணீமாஸன் க்ருதஸ்நேஹா: ஸ்த்ரீ விவாத3 ஜுகு3ப்ஸயா|| 22
தஸ்யாம் க்ருதாதிப்ரணயா: ப்ரணயாபாய காதரா:|
ப3ஹுமானேன சாப3த்3தா4 நோசு: கிஞ்சன விப்ரியம்|| 23
தே3வலிங்க3 ப்ரதிச்ச2ன்ன: ஸ்வர்பா4நுர் தே3வஸம்ஸதி3|
ப்ரவிஷ்ட: ஸோம மபிப3ச் சந்த்3ரார்காப்4யாம் ச ஸூசித:|| 24
சக்ரேண க்ஷுரதா4ரேண ஜஹார பிப3த: ஶிர:|
ஹரிஸ்தஸ்ய கப3ந்த4ஸ்து ஸுத4யாப்லாவிதோऽபதத்|| 25
ஶிரஸ்த்வமரதாம் நீதமஜோ க்3ரஹமசீக்ல்ருபத்|
யஸ்து பர்வணி சந்த்3ரார்கா வபி4தா4வதி வைரதீ4:|| 26
பீதப்ராயே ऽம்ருதே தே3வைர் ப4க3வான் லோகபா4வன:|
பஶ்யதாம் அஸுரேந்த்3ராணாம் ஸ்வம் ரூபம் ஜக்3ருஹே ஹரி:|| 27
ஏவம் ஸுராஸுரக3ணா: ஸம தே3ஶ கால-
ஹேத்வர்த2 கர்ம மதயோऽபி ப2லே விகல்பா:|
தத்ராம்ருதம் ஸுரக3ணா: ப2லமஞ்ஜஸா ऽऽபுர்-
யத்பாத3 பங்கஜரஜ:ஶ்ரயணாந்ந தை3த்யா:|| 28
யத்3 யுஜ்யதேऽஸுவஸு கர்ம மநோ வசோபி4ர்-
தே3ஹாத்மஜாதி3ஷு ந்ருபி4ஸ் தத3ஸத் ப்ருத2க்த்வாத்|
தைரேவ ஸத்3 ப4வதி யத் க்ரியதேऽப்ருத2க்த்வாத்
ஸர்வஸ்ய தத்3 ப4வதி மூலநிஷேசனம் யத்|| 29
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டமஸ்கந்தே4 அம்ருத மத2னே நவமோऽத்4யாய: || 9 ||
எட்டாம் ஸ்கந்தம் - ஒன்பதாம் அத்யாயம் முற்றும்.