ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 10.
தேவாசுர யுத்தம்
அத2 த3ஶமோऽத்2யாய:
ஶ்ரீஶுக உவாச
இதி தா3னவ தை3தேயா நாவிந்த3ன் அம்ருதம் ந்ருப|
யுக்தா: கர்மணி யத்தாஶ்ச வாஸுதே3வபராங்முகா2:|| 1
ஸாத4யித்வாம்ருதம் ராஜன்பாயயித்வா ஸ்வகான் ஸுரான்|
பஶ்யதாம் ஸர்வபூ4தாநாம் யயௌ க3ருட3வாஹன:|| 2
ஸபத்நாநாம் பராம் ருத்3தி4ம் த்3ருஷ்ட்வா தே தி3திநந்த3நா:|
அம்ருஷ்யமாணா உத்பேதுர் தே3வான் ப்ரத்யுத்3யதாயுதா4:|| 3
தத: ஸுரக3ணா: ஸர்வே ஸுத4யா பீதயைதி4தா:|
ப்ரதிஸம்யுயுது4: ஶஸ்த்ரைர் நாராயண பதா3ஶ்ரயா:|| 4
தத்ர தை3வாஸுரோ நாம ரண: பரமதா3ருண:|
ரோத4ஸ்யுத3ன்வதோ ராஜன் துமுலோ ரோமஹர்ஷண:|| 5
தத்ரான்யோன்யம் ஸபத்நாஸ்தே ஸம்ரப்3த4மநஸோ ரணே|
ஸமாஸாத்3யாஸிபி4ர் பா3ணைர் நிஜக்4நுர் விவிதா4யுதை4:|| 6
ஶங்க2தூர்ய ம்ருத3ங்கா3னாம் பே4ரீட3மரிணாம் மஹான்|
ஹஸ்த்யஶ்வரத2 பத்தீநாம் நத3தாம் நிஸ்வநோऽப4வத்|| 7
ரதி2நோ ரதி2பி4ஸ் தத்ர பத்திபி4: ஸஹ பத்தய:|
ஹயா ஹயைரிபா4ஶ்சேபை4: ஸமஸஜ்ஜந்த ஸம்யுகே3|| 8
உஷ்ட்ரை: கேசிதி3பை4: கேசித3பரே யுயுது4: க2ரை:|
கேசித்3 கௌ3ரம்ருகை3ர் ருக்ஷைர் த்3வீபிபி4ர் ஹரிபி4ர் ப4டா:|| 9
க்3ருத்4ரை: கங்கைர் ப3கைரன்யே ஶ்யேன பா4ஸைஸ் திமிங்கி3லை:|
ஶரபை4ர் மஹிஷை: க2ட்3கை3ர் கோ3வ்ருஷைர் க3வயாருணை:|| 10
ஶிவாபி4ராகு2பி4: கேசித் க்ருகலாஸை: ஶஶைர் நரை:|
ப3ஸ்தைரேகே க்ருஷ்ணஸாரைர் ஹம்ஸைரன்யே ச ஸூகரை:|| 11
அன்யே ஜலஸ்த2ல க2கை3: ஸத்வைர் விக்ருத விக்3ரஹை:|
ஸேநயோருப4யோ ராஜன் விவிஶுஸ்தேऽக்3ரதோऽக்3ரத:|| 12
சித்ரத்4வஜபடை ராஜன்நாதபத்ரை: ஸிதாமலை:|
மஹாத4னைர் வஜ்ர த3ண்டை3ர் வ்யஜனைர் பா3ர்ஹ சாமரை:|| 13
வாதோத்3தூ4தோத்தரோஷ்ணீஷை: அர்சிர்பி4ர் வர்ம பூ4ஷணை:|
ஸ்பு2ரத்3பி4ர் விஶதை3: ஶஸ்த்ரை: ஸுதராம் ஸூர்யரஶ்மிபி4:|| 14
தே3வதா3னவ வீராணாம் த்4வஜின்யௌ பாண்டு3நந்த3ந|
ரேஜதுர் வீரமாலாபி4ர் யாத3ஸாமிவ ஸாக3ரௌ|| 15
வைரோசநோ ப3லி: ஸங்க்2யே ஸோऽஸுராணாம் சமூபதி:|
யானம் வைஹாயஸம் நாம காமக3ம் மயநிர்மிதம்|| 16
ஸர்வஸாங்க்3ராமிகோபேதம் ஸர்வாஶ்சர்யமயம் ப்ரபோ4|
அப்ரதர்க்ய மநிர்தே3ஶ்யம் த்3ருஶ்யமாநமத3ர்ஶனம்|| 17
ஆஸ்தி2தஸ் தத்3 விமாநாக்3ர்யம் ஸர்வாநீகாதி4பைர் வ்ருத:|
வாலவ்யஜன ச2த்ராக்3ர்யை ரேஜே சந்த்3ர இவோத3யே|| 18
தஸ்யாஸன்ஸர்வதோ யானைர்யூதா2நாம் பதயோऽஸுரா:|
நமுசி: ஶம்ப3ரோ பா3ணோ விப்ரசித்திரயோமுக2:|| 19
த்3விமூர்தா4 காலநாபோ4ऽத2 ப்ரஹேதிர் ஹேதிரில்வல:|
ஶகுநிர் பூ4தஸந்தாபோ வஜ்ரத3ம்ஷ்ட்ரோ விரோசன:|| 20
ஹயக்3ரீவ: ஶங்குஶிரா: கபிலோ மேக4து3ந்து3பி4:|
தாரகஶ்சக்ரத்3ருக் ஶும்போ4 நிஶும்போ4 ஜம்ப4 உத்கல:|| 21
அரிஷ்டோऽரிஷ்டநேமிஶ்ச மயஶ்ச த்ரிபுராதி4ப:|
அன்யே பௌலோமகாலேயா நிவாதகவசாத3ய:|| 22
அலப்3த4பா4கா3: ஸோமஸ்ய கேவலம் க்லேஶபா4கி3ந:|
ஸர்வ ஏதே ரணமுகே2 ப3ஹுஶோ நிர்ஜிதாமரா:|| 23
ஸிம்ஹநாதா3ன்விமுஞ்சந்த: ஶங்கா2ந்த3த்4முர்மஹாரவான்|
த்3ருஷ்ட்வா ஸபத்நாநுத்ஸிக்தான்ப3லபி4த் குபிதோ ப்4ருஶம்|| 24
ஐராவதம் தி3க்கரிணமாரூட4: ஶுஶுபே4 ஸ்வராட்|
யதா2 ஸ்ரவத்ப்ரஸ்ரவணமுத3யாத்3ரிமஹர்பதி:|| 25
தஸ்யாஸன்ஸர்வதோ தே3வா நாநாவாஹத்4வஜாயுதா4:|
லோகபாலா: ஸஹ க3ணைர்வாய்வக்3நிவருணாத3ய:|| 26
தேऽன்யோன்யமபி4ஸம்ஸ்ருத்ய க்ஷிபந்தோ மர்மபி4ர்மித2:|
ஆஹ்வயந்தோ விஶந்தோऽக்3ரே யுயுது4ர்த்3வந்த்3வயோதி4ந:|| 27
யுயோத4 ப3லிரிந்த்3ரேண தாரகேண கு3ஹோऽஸ்யத|
வருணோ ஹேதிநாயுத்4யன்மித்ரோ ராஜன்ப்ரஹேதிநா|| 28
யமஸ்து காலநாபே4ந விஶ்வகர்மா மயேந வை|
ஶம்ப3ரோ யுயுதே4 த்வஷ்ட்ரा ஸவித்ரா து விரோசந:|| 29
அபராஜிதேந நமுசிரஶ்விநௌ வ்ருஷபர்வணா|
ஸூர்யோ ப3லிஸுதைர்தே3வோ பா3ணஜ்யேஷ்டை2: ஶதேந ச|| 30
ராஹுணா ச ததா2 ஸோம: புலோம்நா யுயுதே4ऽநில:|
நிஶும்ப4ஶும்ப4யோர்தே3வீ ப4த்3ரகாலீ தரஸ்விநீ|| 31
வ்ருஷாகபிஸ்து ஜம்பே4ந மஹிஷேண விபா4வஸு:|
இல்வல: ஸஹ வாதாபிர்ப்3ரஹ்மபுத்ரைரரிந்த3ம|| 32
காமதே3வேந து3ர்மர்ஷ உத்கலோ மாத்ருபி4: ஸஹ|
ப்3ருஹஸ்பதிஶ்சோஶநஸா நரகேண ஶனைஶ்சர:|| 33
மருதோ நிவாதகவசை: காலேயைர்வஸவோऽமரா:|
விஶ்வேதே3வாஸ்து பௌலோமை ருத்3ரா: க்ரோத4வஶை: ஸஹ|| 34
த ஏவமாஜாவஸுரா: ஸுரேந்த்3ரா
த்3வந்த்3வேந ஸம்ஹத்ய ச யுத்4யமாநா:|
அன்யோன்யமாஸாத்3ய நிஜக்4நுரோஜஸா
ஜிகீ3ஷவஸ்தீக்ஷ்ணஶராஸிதோமரை:|| 35
பு4ஶுண்டி3பி4ஶ்சக்ரக3த3ர்ஷ்டிபட்டிஶை:
ஶக்த்யுல்முகை: ப்ராஸபரஶ்வதை4ரபி|
நிஸ்த்ரிம்ஶப4ல்லை: பரிகை4: ஸமுத்3க3ரை:
ஸபி4ந்தி3பாலைஶ்ச ஶிராம்ஸி சிச்சி2து3:|| 36
க3ஜாஸ்துரங்கா3: ஸரதா2: பதா3தய:
ஸாரோஹவாஹா விவிதா4 விக2ண்டி3தா:|
நிக்ருத்தபா3ஹூருஶிரோத4ராங்க்4ரய-
ஶ்சி2ந்நத்4வஜேஷ்வாஸதநுத்ரபூ4ஷணா:|| 37
தேஷாம் பதா3கா4தரதா2ங்க3சூர்ணிதா-
தா3யோத4நாது3ல்ப3ண உத்தி2தஸ்ததா3|
ரேணுர்தி3ஶ: க2ம் த்3யுமணிம் ச சா2த3யன்
ந்யவர்ததாஸ்ருக்ஸ்ருதிபி4: பரிப்லுதாத்|| 38
ஶிரோபி4ருத்3தூ4தகிரீடகுண்ட3லை:
ஸம்ரம்ப4த்3ருக்3பி4: பரித3ஷ்டத3ச்ச2தை3:|
மஹாபு4ஜை: ஸாப4ரணை: ஸஹாயுதை4:
ஸா ப்ராஸ்த்ருதா பூ4: கரபோ4ருபி4ர்ப3பௌ4|| 39
கப3ந்தா4ஸ்தத்ர சோத்பேது: பதிதஸ்வஶிரோऽக்ஷிபி4:|
உத்3யதாயுத4தோ3ர்த3ண்டை3ராதா4வந்தோ ப4டான் ம்ருதே4|| 40
ப3லிர்மஹேந்த்3ரம் த3ஶபி4ஸ்த்ரிபி4ரைராவதம் ஶரை:|
சதுர்பி4ஶ்சதுரோ வாஹாநேகேநாரோஹமார்ச்ச2யத்|| 41
ஸ தாநாபதத: ஶக்ரஸ்தாவத்3பி4: ஶீக்4ரவிக்ரம:|
சிச்சே2த3 நிஶிதைர்ப4ல்லைரஸம்ப்ராப்தான்ஹஸந்நிவ
தஸ்ய கர்மோத்தமம் வீக்ஷ்ய து3ர்மர்ஷ: ஶக்திமாத3தே3|
தாம் ஜ்வலந்தீம் மஹோல்காபா4ம் ஹஸ்தஸ்தா2மச்சி2நத்3த4ரி:|| 43
தத: ஶூலம் தத: ப்ராஸம் ததஸ்தோமரம்ருஷ்டய:|
யத்3 யச்ச2ஸ்த்ரம் ஸமாத3த்3யாத்ஸர்வம் தத3ச்சி2நத்3 விபு4:|| 44
ஸஸர்ஜாதா2ஸுரீம் மாயாமந்தர்தா4நக3தோऽஸுர:|
தத: ப்ராது3ரபூ4ச்சை2ல: ஸுராநீகோபரி ப்ரபோ4|| 45
ததோ நிபேதுஸ்தரவோ த3ஹ்யமாநா த3வாக்3நிநா|
ஶிலா: ஸடங்கஶிக2ராஶ்சூர்ணயந்த்யோ த்3விஷத்3ப3லம்|| 46
மஹோரகா3: ஸமுத்பேதுர்த3ந்த3ஶூகா: ஸவ்ருஶ்சிகா:|
ஸிம்ஹவ்யாக்4ரவராஹாஶ்ச மர்த3யந்தோ மஹாக3ஜான்|| 47
யாதுதா4ன்யஶ்ச ஶதஶ: ஶூலஹஸ்தா விவாஸஸ:|
சி2ந்தி4 பி4ந்தீ4தி வாதி3ன்யஸ்ததா2 ரக்ஷோக3ணா: ப்ரபோ4|| 48
ததோ மஹாக4நா வ்யோம்நி க3ம்பீ4ரபருஷஸ்வநா:|
அங்கா3ரான்முமுசுர்வாதைராஹதா: ஸ்தநயித்நவ:|| 49
ஸ்ருஷ்டோ தை3த்யேந ஸுமஹான்வஹ்நி: ஶ்வஸநஸாரதி2:|
ஸாம்வர்தக இவாத்யுக்3ரோ விபு3த4த்4வஜிநீமதா4க்|| 50
தத: ஸமுத்3ர உத்3வேல: ஸர்வத: ப்ரத்யத்3ருஶ்யத|
ப்ரசண்ட3வாதைருத்3தூ4ததரங்கா3வர்த-பீ4ஷண:|| 51
ஏவம் தை3த்யைர்மஹாமாயைரலக்ஷ்யக3தி-பீ4ஷணை:|
ஸ்ருஜ்யமாநாஸு மாயாஸு விஷேது3: ஸுரஸைநிகா:|| 52
ந தத்ப்ரதிவிதி4ம் யத்ர விது3ரிந்த்3ராத3யோ ந்ருப|
த்4யாத: ப்ராது3ரபூ4த் தத்ர ப4க3வான்விஶ்வபா4வந:|| 53
தத: ஸுபர்ணாம்ஸக்ருதாங்க்4ரிபல்லவ:
பிஶங்க3வாஸா நவகஞ்ஜலோசந:|
அத்3ருஶ்யதாஷ்டாயுத4பா3ஹுருல்லஸ-
ச்ச்2ரीகௌஸ்துபா4நர்க்4யகிரீடகுண்ட3ல:|| 54
தஸ்மின்ப்ரவிஷ்டேऽஸுரகூடகர்மஜா
மாயா விநேஶுர்மஹிநா மஹீயஸ:|
ஸ்வப்நோ யதா2 ஹி ப்ரதிபோ3த4 ஆக3தே
ஹரிஸ்ம்ருதி: ஸர்வவிபத்3விமோக்ஷணம்|| 55
த்3ருஷ்ட்வா ம்ருதே4 க3ருட3வாஹமிபா4ரிவாஹ
ஆவித்4ய ஶூலமஹிநோத3த2 காலநேமி:|
தல்லீலயா க3ருட3மூர்த்4நி பதத்3 க்3ருஹீத்வா
தேநாஹநந்ந்ருப ஸவாஹமரிம் த்ர்யதீ4ஶ:|| 56
மாலீ ஸுமால்யதிப3லௌ யுதி4 பேததுர்ய-
ச்சக்ரேண க்ருத்தஶிரஸாவத2 மால்யவாம்ஸ்தம்|
ஆஹத்ய திக்3மக3த3யாஹநத3ண்ட3ஜேந்த்3ரம்
தாவச்சி2ரோऽச்சி2நத3ரேர்நத3தோऽரிணா ऽऽத்3ய:|| 57
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாமஷ்டமஸ்கந்தே4 தே3வாஸுரஸங்க்3ராமே த3ஶமோऽத்4யாய: || 10 ||
எட்டாம் ஸ்கந்தம் - பத்தாம் அத்யாயம் முற்றும்.