ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 6.
தேவர்களும் அசுரர்களும் சந்தித்து சமுத்ரத்தைக் கடைவது பற்றி யோசனை செய்தல்
அத2 ஷஷ்டோ2ऽத்2யாய:
ஶ்ரீஶுக உவாச -
ஏவம் ஸ்துத: ஸுரக3ணைர் ப4வான் ஹரிரீஶ்வர:|
தேஷாமாவிரபூ4த்3 ராஜன் ஸஹஸ்ரார்கோத3ய த்3யுதி:|| 1
தேனைவ மஹஸா ஸர்வே தே3வா: ப்ரதிஹதேக்ஷணா:|
நாபஶ்யன் க2ம் தி3ஶ: க்ஷௌணீமாத்மானம் ச குதோ விபு4ம்|| 2
விரிஞ்சோ ப4க3வான் த்3ருஷ்ட்வா ஸஹ ஶர்வேண தாம் தநும்|
ஸ்வச்சா2ம் மரகதஶ்யாமாம் கஞ்ஜ க3ர்பா4ருண ஈக்ஷணாம்|| 3
தப்த ஹேமாவதா3தேன லஸத்கௌஶேய வாஸஸா|
ப்ரஸன்ன சாருஸர்வாங்கீ3ம் ஸுமுகீ2ம் ஸுந்த3ர ப்4ருவம்|| 4
மஹாமணி கிரீடேன கேயூராப்4யாம் ச பூ4ஷிதாம்|
கர்ணாப4ரண நிர்பா4த கபோல ஶ்ரீ முகா2ம்பு3ஜாம்|| 5
காஞ்சீகலாப வலய ஹார நூபுர ஶோபி4தாம்|
கௌஸ்துபா4ப4ரணாம் லக்ஷ்மீம் பி3ப்4ரதீம் வனமாலிநீம்|| 6
ஸுத3ர்ஶநாதி3பி4: ஸ்வாஸ்த்ரைர் மூர்திமத்3பி4 ருபாஸிதாம்|
துஷ்டாவ தே3வப்ரவர: ஸஶர்வ: புருஷம் பரம்|
ஸர்வாமரக3ணை: ஸாகம் ஸர்வாங்கை3ரவனிம் க3தை:|| 7
ஶ்ரீப்3ரஹ்மோவாச -
அஜாத ஜன்மஸ்தி2தி ஸம்யமாய
அகு3ணாய நிர்வாண ஸுகா2ர்ணவாய|
அணோரணிம்நேऽபரிக3ண்ய தா4ம்நே
மஹாநுபா4வாய நமோ நமஸ்தே|| 8
ரூபம் தவைதத் புருஷர்ஷபே4ஜ்யம்
ஶ்ரேயோऽர்தி2பி4ர் வைதி3க தாந்த்ரிகேண|
யோகே3ன தா4த: ஸஹ நஸ்த்ரிலோகான்
பஶ்யாம்யமுஷ்மின் நு ஹ விஶ்வமூர்தௌ|| 9
த்வய்யக்3ர ஆஸீத் த்வயி மத்4ய ஆஸீத்
த்வய்யந்த ஆஸீதி3த3ம் ஆத்ம தந்த்ரே|
த்வம்மாதி3ரந்தோ ஜக3தோऽஸ்ய மத்4யம்
க4டஸ்ய ம்ருத்ஸ்நேவ பர: பரஸ்மாத்|| 10
த்வம் மாயயாऽऽத்மாஶ்ரயயா ஸ்வயேத3ம்
நிர்மாய விஶ்வம் தத3நுப்ரவிஷ்ட:|
பஶ்யந்தி யுக்தா மனஸா மனீஷிணோ
கு3ணவ்யவாயேऽப்யகு3ணம் விபஶ்சித:|| 11
யதா2க்3நி மேத4ஸ்யம்ருதம் ச கோ3ஷு
பு4வ்யந்நமம்பூ3த்3யமனே ச வ்ருத்திம்|
யோகை3ர் மநுஷ்யா அதி4யந்தி ஹி த்வாம்
கு3ணேஷு பு3த்3த்4யா கவயோ வத3ந்தி|| 12
தம் த்வாம் வயம் நாத2 ஸமுஜ்ஜிஹானம்
ஸரோஜநாப4 அதிசிரேப்ஸிதார்த2ம்|
த்3ருஷ்ட்வா க3தா நிர்வ்ருதமத்3ய ஸர்வே
க3ஜா த3வார்தா இவ கா3ங்க3மம்ப4:|| 13
ஸ த்வம் வித4த்ஸ்வாகி2ல லோகபாலா
வயம் யத3ர்தா2ஸ்தவ பாத3மூலம்|
ஸமாக3தாஸ்தே ப3ஹிரந்தராத்மன்
கிம் வான்யவிஜ்ஞாப்யம் அஶேஷ ஸாக்ஷிண:|| 14
அஹம் கி3ரித்ரஶ்ச ஸுராத3யோ யே
த3க்ஷாத3யோऽக்3னேரிவ கேதவஸ்தே|
கிம் வா விதா3மேஶ ப்ருத2க்3விபா4தா
வித4த்ஸ்வ ஶம் நோ த்3விஜதே3வ மம்த்ரம்|| 15
ஶ்ரீஶுக உவாச -
ஏவம் விரிஞ்சாதி3பி4ரீடி3தஸ்தத்3
விஜ்ஞாய தேஷாம் ஹ்ருத3யம் ததை2வ|
ஜகா3த3 ஜீமூத க3பீ4ரயா கி3ரா
ப3த்3தா4ஞ்ஜலீன் ஸம்வ்ருத ஸர்வ காரகான்|| 16
ஏக ஏவேஶ்வரஸ் தஸ்மின் ஸுரகார்யே ஸுரேஶ்வர:|
விஹர்துகாமஸ் தாநாஹ ஸமுத்3ரோன்மத2நாதி3பி4:|| 17
ஶ்ரீப4க3வாநுவாச -
ஹந்த ப்3ரஹ்மன் அஹோ ஶம்போ4 ஹே தே3வா மம பா4ஷிதம்|
ஶ்ருணுதாவஹிதா: ஸர்வே ஶ்ரேயோ வ: ஸ்யாத்3 யதா2 ஸுரா:|| 18
யாத தா3னவதை3தேயை: தாவத் ஸந்தி4ர் விதீ4யதாம்|
காலேநாநுக்3ருஹீதை: தைர் யாவத்3 வோ ப4வ ஆத்மன:|| 19
அரயோऽபி ஹி ஸந்தே4யா: ஸதி கார்யார்த2கௌ3ரவே|
அஹிமூஷிகவத்3 தே3வா ஹ்யர்த2ஸ்ய பத3வீம் க3தை:|| 20
அம்ருதோத்பாத3னே யத்ந: க்ரியதாம் அவிலம்பி3தம்|
யஸ்ய பீதஸ்ய வை ஜந்து: ம்ருத்யுக்3ரஸ்தோऽமரோ ப4வேத்|| 21
க்ஷிப்த்வா க்ஷீரோத3தௌ4 ஸர்வா வீருத்த்ருண லதௌஷதீ4:|
மந்தா2னம் மந்த3ரம் க்ருத்வா நேத்ரம் க்ருத்வா து வாஸுகிம்|| 22
ஸஹாயேன மயா தே3வா நிர்மந்த2த்4வம் அதந்த்3ரிதா:|
க்லேஶ பா4ஜோ ப4விஷ்யந்தி தை3த்யா யூயம் ப2லக்3ரஹா:|| 23
யூயம் தத3நுமோத3த்4வம் யதி3ச்ச2ந்த்யஸுரா: ஸுரா:|
ந ஸம்ரம்பே4ண ஸித்4யந்தி ஸர்வா ऽர்தா2: ஸாந்த்வயா யதா2|| 24
ந பே4தவ்யம் காலகூடாத்3 விஷாஜ்ஜலதி4 ஸம்ப4வாத்|
லோப4: கார்யோ ந வோ ஜாது ரோஷ: காமஸ்து வஸ்துஷு|| 25
ஶ்ரீஶுக உவாச -
இதி தே3வான் ஸமாதி3ஶ்ய ப4க3வான் புருஷோத்தம:|
தேஷாமந்தர்த3தே4 ராஜன் ஸ்வச்ச2ந்த3 க3திரீஶ்வர:|| 26
அத2 தஸ்மை ப4க3வதே நமஸ்க்ருத்ய பிதாமஹ:|
ப4வஶ்ச ஜக்3மது: ஸ்வம் ஸ்வம் தா4மோபேயுர் ப3லிம் ஸுரா:|| 27
த்3ருஷ்ட்வாரீநப்யஸம்யத்தான் ஜாத க்ஷோபா4ன் ஸ்வநாயகான்|
ந்யஷேத4த்3 தை3த்யராட் ஶ்லோக்ய: ஸந்தி4விக்3ரஹ காலவித்|| 28
தே வைரோசநிமாஸீநம் கு3ப்தம் சாஸுரயூத2பை:|
ஶ்ரியா பரமயா ஜுஷ்டம் ஜிதாஶேஷ முபாக3மன்|| 29
மஹேந்த்3ர: ஶ்லக்ஷ்ணயா வாசா ஸாந்த்வயித்வா மஹாமதி:|
அப்4யபா4ஷத தத் ஸர்வம் ஶிக்ஷிதம் புருஷோத்தமாத்|| 30
தத3ரோசத தை3த்யஸ்ய தத்ரான்யே யேऽஸுராதி4பா:|
ஶம்ப3ரோऽரிஷ்டநேமிஶ்ச யே ச த்ரிபுரவாஸின:|| 31
ததோ தே3வாஸுரா: க்ருத்வா ஸம்வித3ம் க்ருதஸௌஹ்ருதா3:|
உத்3யமம் பரமம் சக்ருரம்ருதார்தே2 பரந்தப|| 32
ததஸ்தே மந்த3ரகி3ரி மோஜஸோத்பாட்ய து3ர்மதா3:|
நத3ந்த உத3தி4ம் நின்யு: ஶக்தா: பரிக4பா3ஹவ:|| 33
தூ3ரபா4ரோத்3வஹஶ்ராந்தா: ஶக்ர வைரோசநாத3ய:|
அபாரயந்தஸ்தம் வோடு4ம் விவஶா விஜஹு: பதி2|| 34
நிபதன் ஸ கி3ரிஸ்தத்ர ப3ஹூநமரதா3நவான்|
சூர்ணயாமாஸ மஹதா பா4ரேண கனகாசல:|| 35
தாம்ஸ்ததா2 ப4க்3னமனஸோ ப4க்3னபா3ஹூரு கந்த4ரான்|
விஜ்ஞாய ப4க3வாம்ஸ்தத்ர ப3பூ4வ க3ருட3த்4வஜ:|| 36
கி3ரிபாதவிநிஷ்பிஷ்டான் விலோக்யாமர தா3னவான்|
ஈக்ஷயா ஜீவயாமாஸ நிர்ஜரான் நிர்வ்ரணான்யதா2|| 37
கி3ரிம் ச ஆரோப்ய க3ருடே3 ஹஸ்தேனைகேன லீலயா|
ஆருஹ்ய ப்ரயயாவப்3தி4ம் ஸுராஸுரக3ணைர் வ்ருத:|| 38
அவரோப்ய கி3ரிம் ஸ்கந்தா4த் ஸுபர்ண: பததாம் வர:|
யயௌ ஜலாந்த உத்ஸ்ருஜ்ய ஹரிணா ஸ விஸர்ஜித:|| 39
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டமஸ்கந்தே4ऽம்ருத மத2னே மந்த3ராசல ஆநயநம் நாம ஷஷ்டோ2ऽத்4யாய: || 6 ||
எட்டாம் ஸ்கந்தம் - ஆறாம் அத்யாயம் முற்றும்.