ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 7.
சமுத்ரத்தைக் கடைய ஆரம்பித்தலும், பகவான் சங்கரர் விஷத்தைக் குடித்தலும்
அத2 ஸப்தமோऽத்2யாய:
ஶ்ரீஶுக உவாச|
தே நாக3ராஜம் ஆமந்த்ர்ய ப2லபா4கே3ன வாஸுகிம்|
பரிவீய கி3ரௌ தஸ்மின் நேத்ரமப்3தி4ம் முதா3ன்விதா:|| 1
ஆரேபி4ரே ஸுஸம்யத்தா அம்ருதார்த2ம் குரூத்3வஹ|
ஹரி: புரஸ்தாஜ் ஜக்3ருஹே பூர்வம் தே3வாஸ்ததோऽப4வன்|| 2
தன்னைச்ச2ன் தை3த்யபதயோ மஹாபுருஷசேஷ்டிதம்|
ந க்3ருஹ்ணீமோ வயம் புச்ச2ம் அஹேரங்க3ம் அமங்க3ளம்|| 3
ஸ்வாத்4யாய ஶ்ருத ஸம்பந்நா: ப்ரக்2யாதா ஜன்மகர்மபி4:|
இதி தூஷ்ணீம் ஸ்தி2தான் தை3த்யான் விலோக்ய புருஷோத்தம:|
ஸ்மயமாநோ விஸ்ருஜ்யாக்3ரம் புச்ச2ம் ஜக்3ராஹ ஸாமர:|| 4
க்ருதஸ்தா2ன விபா4கா3ஸ்த ஏவம் கஶ்யபநந்த3நா:|
மமந்து2: பரமாயத்தா அம்ருதார்த2ம் பயோநிதி4ம்|| 5
மத்2யமாநேऽர்ணவே ஸோऽத்3ரிரநாதா4ரோ ஹ்யபோऽவிஶத்|
த்4ரியமாணோऽபி ப3லிபி4ர் கௌ3ரவாத் பாண்டு3நந்த3ன|| 6
தே ஸுநிர்விண்ண மனஸ: பரிம்லானமுக2ஶ்ரிய:|
ஆஸன் ஸ்வபௌருஷே நஷ்டே தை3வேநாதிப3லீயஸா|| 7
விலோக்ய விக்4நேஶவிதி4ம் ததே3ஶ்வரோ
து3ரந்தவீர்யோऽவிததா2பி4ஸந்தி4:|
க்ருத்வா வபு: கச்ச2பமத்3பு4தம் மஹத்
ப்ரவிஶ்ய தோயம் கி3ரிமுஜ்ஜஹார|| 8
தமுத்தி2தம் வீக்ஷ்ய குலாசலம் புன:
ஸமுத்தி2தா நிர்மதி2தும் ஸுராஸுரா:|
த3தா4ர ப்ருஷ்டே2ன ஸ லக்ஷயோஜன
ப்ரஸ்தாரிணா த்3வீப இவாபரோ மஹான்|| 9
ஸுராஸுரேந்த்3ரை: பு4ஜவீர்ய வேபிதம்
பரிப்4ரமந்தம் கி3ரிமங்க3 ப்ருஷ்ட2த:|
பி3ப்4ரத் ததா3வர்தந மாதி3கச்ச2போ
மேனே ऽங்க3கண்டூ3யந மப்ரமேய:|| 10
ததா2ஸுராநாவிஶதா3ஸுரேண
ரூபேண தேஷாம் ப3லவீர்ய மீரயன்|
உத்3தீ3பயன் தே3வக3ணாம்ஶ்ச விஷ்ணு:
தை3வேன நாகே3ந்த்3ர மபோ3த4ரூப:|| 11
உபர்யகே3ந்த்3ரம் கி3ரிராடி3வான்ய
ஆக்ரம்ய ஹஸ்தேன ஸஹஸ்ரபா3ஹு:|
தஸ்தௌ2 தி3வி ப்3ரஹ்ம ப4வேந்த்3ர முக்2யை:
அபி4ஷ்டுவத்3பி4: ஸுமநோऽபி4வ்ருஷ்ட:|| 12
உபர்யத4ஶ்சாத்மநி கோ3த்ர நேத்ரயோ:
பரேண தே ப்ராவிஶதா ஸமேதி4தா:|
மமந்து2ரப்3தி4ம் தரஸா மதோ3த்கடா
மஹாத்3ரிணா க்ஷோபி4த நக்ரசக்ரம்|| 13
அஹீந்த்3ர ஸாஹஸ்ர கடோ2ர த்3ருங் முக2-
ஶ்வாஸாக்3நி தூ4மாஹத வர்சஸோऽஸுரா:|
பௌலோம காலேய ப3லீல்வலாத3யோ
த3வாக்3நித3க்3தா4: ஸரளா இவாப4வன்|| 14
தே3வாம்ஶ்ச தத்ஶ்வாஸ ஶிகா2ஹதப்ரபா4ன்
தூ4ம்ராம்ப3ர ஸ்ரக்3 வர கஞ்சுகாநநான்|
ஸமப்4யவர்ஷன் ப4க3வத்3வஶா க4நா
வவு: ஸமுத்3ரோர்ம்யுபகூ3ட4வாயவ:|| 15
மத்2யமாநாத் ததா2 ஸிந்தோ4ர் தே3வாஸுர வரூத2பை:|
யதா3 ஸுதா4 ந ஜாயேத நிர்மமந்தா2ஜித: ஸ்வயம்|| 16
மேக4ஶ்யாம: கனகபரிதி4: கர்ணவித்3யோத வித்3யுத்
மூர்த்4நி ப்4ராஜத்3 விலுலித கச: ஸ்ரக்3த4ரோ ரக்தநேத்ர:|
ஜைத்ரைர் தோ3ர்பி4ர் ஜக3த3ப4யதை3ர் த3ந்த3ஶூகம் க்3ருஹீத்வா
மத்2நன் மத்2நா ப்ரதிகி3ரிரிவாஶோப4தாதோ2த்3 த்4ருதாத்3ரி:|| 17
நிர்மத்2யமாநாது3த3தே4ரபூ4த்3 விஷம்
மஹோல்ப3ணம் ஹாலஹலாஹ்வ மக்3ரத:|
ஸம்ப்4ராந்த மீநோன்மகராஹி கச்ச2பாத்
திமித்3விப க்3ராஹ திமிங்கி3லாகுலாத்|| 18
தது3க்3ரவேக3ம் தி3ஶி தி3ஶ்யுபர்யதோ4
விஸர்ப து3த்ஸர்ப த3ஸஹ்யமப்ரதி|
பீ4தா: ரஜா து3த்3ருவுரங்க3 ஸேஶ்வரா
அரக்ஷ்யமாணா: ஶரணம் ஸதா3ஶிவம்|| 19
விலோக்ய தம் தே3வவரம் த்ரிலோக்யா
ப4வாய தே3வ்யாபி4மதம் முனீனாம்|
ஆஸீநமத்3ராவபவர்க3 ஹேதோ:
தபோ ஜுஷாணம் ஸ்துதிபி4: ப்ரணேமு:|| 20
ஶ்ரீப்ரஜாபதய ஊசு:|
தே3வதே3வ மஹாதே3வ பூ4தாத்மன் பூ4தபா4வன|
த்ராஹி ந: ஶரணாபந்நான் த்ரைலோக்ய த3ஹநாத்3 விஷாத்|| 21
த்வமேக: ஸர்வஜக3த ஈஶ்வரோ ப3ந்த4மோக்ஷயோ:|
தம் த்வாமர்சந்தி குஶலா: ப்ரபந்நார்திஹரம் கு3ரும்|| 22
கு3ணமய்யா ஸ்வஶக்த்யாஸ்ய ஸர்க3 ஸ்தி2த்யப்யயான் விபோ4|
த4த்ஸே யதா3 ஸ்வத்3ருக்3 பூ4மன் ப்3ரஹ்ம விஷ்ணு ஶிவாபி4தா4ம்|| 23
த்வம் ப்3ரஹ்ம பரமம் கு3ஹ்யம் ஸத3ஸத்3பா4வபா4வன:|
நாநாஶக்திபி4ராபா4தஸ்த்வமாத்மா ஜக3தீ3ஶ்வர:|| 24
த்வம் ஶப்3த3யோநிர் ஜக3தா3தி3ராத்மா
ப்ராணேந்த்3ரியத்3ரவ்ய கு3ணஸ்ஸ்வபா4வ:|
கால: க்ரது: ஸத்யம்ருதம் ச த4ர்மஸ்-
த்வய்யக்ஷரம் யத் த்ரிவ்ருதா3மனந்தி|| 25
அக்3நிர்முக2ம் தேऽகி2லதே3வதாத்மா
க்ஷிதிம் விது3ர் லோகப4வாங்க்4ரி பங்கஜம்|
காலம் க3திம் தே ऽகி2ல தே3வதாத்மநோ
தி3ஶஶ்ச கர்ணௌ ரஸனநம் ஜலேஶம்|| 26
நாபி4ர் நப4ஸ்தே ஶ்வஸனம் நப4ஸ்வான்
ஸூர்யஶ்ச சக்ஷூம்ஷி ஜலம் ஸ்ம ரேத:|
பராவராத்மாஶ்ரயணம் தவாத்மா
ஸோமோ மநோ த்3யௌர் ப4க3வன் ஶிரஸ்தே|| 27
குக்ஷி: ஸமுத்3ரா கி3ரயோऽஸ்தி2ஸங்கா4
ரோமாணி ஸர்வௌஷதி4 வீருத4ஸ்தே|
ச2ந்தா3ம்ஸி ஸாக்ஷாத் தவ ஸப்த தா4தவ-
ஸ்த்ரயீமயாத்மன் ஹ்ருத3யம் ஸர்வத4ர்ம:|| 28
முகா2னி பஞ்சோபநிஷத3ஸ்தவேஶ
யைஸ்த்ரிம்ஶத3ஷ்டோத்தர மந்த்ரவர்க3:|
யத் தச்சி2வாக்2யம் பரமார்த2 தத்வம்
தே3வ ஸ்வயம் ஜ்யோதிரவஸ்தி2திஸ்தே|| 29
சா2யா த்வத4ர்மோர்மிஷு யைர் விஸர்கோ3
நேத்ர த்ரயம் ஸத்வ ரஜஸ்தமாம்ஸி|
ஸாங்க்2யாத்மன: ஶாஸ்த்ர க்ருதஸ்தவேக்ஷா
ச2ந்தோ3மயோ தே3வ ருஷி: புராண:|| 30
ந தே கி3ரித்ராகி2ல லோகபால-
விரிஞ்ச வைகுண்ட2 ஸுரேந்த்3ர க3ம்யம்|
ஜ்யோதி: பரம் யத்ர ரஜஸ்தமஶ்ச
ஸத்வம் ந யத்3 ப்3ரஹ்ம நிரஸ்தபே4த3ம்|| 31
காமாத்4வர த்ரிபுரகாலக3ராத்3யனேக-
பூ4தத்3ருஹ: க்ஷபயத: ஸ்துதயே ந தத் தே|
யஸ்த்வந்தகால இத3மாத்மக்ருதம் ஸ்வநேத்ர-
வஹ்நி ஸ்பு2லிங்க3 ஶிக2யா ப4ஸிதம் ந வேத3|| 32
யே த்வாத்மராம கு3ருபி4ர் ஹ்ருதி3 சிந்திதாங்க்4ரி-
த்3வந்த்3வம் சரந்தமுமயா தபஸாபி4தப்தம்|
கத்த2ந்த உக்3ரபருஷம் நிரதம் ஶ்மஶானே
தே நூநமூதிம் அவித3ம்ஸ்தவ ஹாதலஜ்ஜா:|| 33
தத் தஸ்ய தே ஸத3ஸதோ: பரத: பரஸ்ய
நாஞ்ஜ: ஸ்வரூபக3மநே ப்ரப4வந்தி பூ4ம்ன:|
ப்3ரஹ்மாத3ய: கிமுத ஸம்ஸ்தவனே வயம் து
தத்ஸர்க3ஸர்க3விஷயா அபி ஶக்திமாத்ரம்|| 34
ஏதத் பரம் ப்ரபஶ்யாமோ ந பரம் தே மஹேஶ்வர|
ம்ருட3நாய ஹி லோகஸ்ய வ்யக்திஸ்தே ऽவ்யக்த கர்மண:|| 35
ஶ்ரீஶுக உவாச|
தத்3வீக்ஷ்ய வ்யஸனம் தாஸாம் க்ருபயா ப்4ருஶபீடி3த:|
ஸர்வபூ4த ஸுஹ்ருத்3 தே3வ இத3மாஹ ஸதீம் ப்ரியாம்|| 36
ஶ்ரீஶிவ உவாச|
அஹோ ப3த ப4வான்யேதத் ப்ரஜாநாம் பஶ்ய வைஶஸம்|
க்ஷீரோத3 மத2நோத்3பூ4தாத் காலகூடாது3பஸ்தி2தம்|| 37
ஆஸாம் ப்ராணபரீப்ஸூநாம் விதே4ய மப4யம் ஹி மே|
ஏதாவான் ஹி ப்ரபோ4ரர்தோ2 யத்3 தீ3ன பரிபாலனம்|| 38
ப்ராணை: ஸ்வை: ப்ராணிந: பாந்தி ஸாத4வ: க்ஷணப4ங்கு3ரை:|
ப3த்3த4வைரேஷு பூ4தேஷு மோஹிதேஷ்வாத்மமாயயா|| 39
பும்ஸ: க்ருபயதோ ப4த்3ரே ஸர்வாத்மா ப்ரீயதே ஹரி:|
ப்ரீதே ஹரௌ ப4க3வதி ப்ரீயேऽஹம் ஸசராசர:|
தஸ்மாதி3த3ம் க3ரம் பு4ஞ்ஜே ப்ரஜாநாம் ஸ்வஸ்திரஸ்து மே|| 40
ஶ்ரீஶுக உவாச|
ஏவமாமந்த்ர்ய ப4க3வான் ப4வாநீம் விஶ்வபா4வன:|
தத்3 விஷம் ஜக்3து4மாரேபே4 ப்ரபா4வஜ்ஞான்வமோத3த|| 41
தத: கரதலீக்ருத்ய வ்யாபி ஹாலாஹலம் விஷம்|
அப4க்ஷயன் மஹாதே3வ: க்ருபயா பூ4தபா4வன:|| 42
தஸ்யாபி த3ர்ஶயாமாஸ ஸ்வவீர்யம் ஜலகல்மஷ:|
யச்சகார க3லே நீலம் தச்ச ஸாதோ4ர் விபூ4ஷணம்|| 43
தப்யந்தே லோகதாபேன ஸாத4வ: ப்ராயஶோ ஜநா:|
பரமாராத4னம் தத்3தி4 புருஷஸ்யாகி2லாத்மன:|| 44
நிஶம்ய கர்ம தச்ச2ம்போ4ர் தே3வதே3வஸ்ய மீடு4ஷ:|
ப்ரஜா தா3க்ஷாயணீ ப்3ரஹ்மா வைகுண்ட2ஶ்ச ஶஶம்ஸிரே|| 45
ப்ரஸ்கன்னம் பிப3த: பாணேர் யத் கிஞ்சிஜ்ஜக்3ருஹு: ஸ்ம தத்|
வ்ருஶ்சிகாஹி விஷௌஷத்4யோ த3ந்த3ஶூகாஶ்ச யேऽபரே|| 46
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டமஸ்கந்தே4 அம்ருதமத2னே ஸப்தமோऽத்4யாய: || 7 ||
எட்டாம் ஸ்கந்தம் - ஏழாம் அத்யாயம் முற்றும்.