ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 15.
ராஜா பலி ஸ்வர்க்கத்தை ஜயித்தல்
அத2 பஞ்சத3ஶோऽத்2யாய:
ஶ்ரீராஜோவாச|
ப3லே: பத3த்ரயம் பூ4மே: கஸ்மாத்3 ஹரிரயாசத|
பூ4த்வேஶ்வர: க்ருபணவத் லப்3தா4ர்தோ2ऽபி ப3ப3ந்த4 தம்|| 1
ஏதத்3 வேதி3துமிச்சா2மோ மஹத் கௌதூஹலம் ஹி ந:|
யஜ்ஞேஶ்வரஸ்ய பூர்ணஸ்ய ப3ந்த4னம் சாப்யநாக3ஸ:|| 2
ஶ்ரீஶுக உவாச|
பராஜிதஶ்ரீ ரஸுபி4ஶ்ச ஹாபிதோ
ஹீந்த்3ரேண ராஜன் ப்4ருகு3பி4: ஸ ஜீவித:|
ஸர்வாத்மநா தானப4ஜத்3 ப்4ருகூ3ன் ப3லி:
ஶிஷ்யோ மஹாத்மார்த2 நிவேத3னேன|| 3
தம் ப்3ராஹ்மணா ப்4ருக3வ: ப்ரீயமாணா
அயாஜயன் விஶ்வஜிதா த்ரிணாகம்|
ஜிகீ3ஷமாணம் விதி4நாபி4ஷிச்ய
மஹாபி4ஷேகேண மஹாநுபா4வா:|| 4
ததோ ரத2: காஞ்சன பட்டநத்3தோ4
ஹயாஶ்ச ஹர்யஶ்வ துரங்க3வர்ணா:|
த்4வஜஶ்ச ஸிம்ஹேன விராஜமாநோ
ஹுதாஶநாதா3ஸ ஹவிர்பி4ரிஷ்டாத்|| 5
த4நுஶ்ச தி3வ்யம் புரடோபநத்3த4ம்
தூணாவரிக்தௌ கவசம் ச தி3வ்யம்|
பிதாமஹஸ் தஸ்ய த3தௌ3 ச மாலாம்
அம்லாந புஷ்பாம் ஜலஜம் ச ஶுக்ர:|| 6
ஏவம் ஸ விப்ரார்ஜித யோத4நார்த2:
தை: கல்பிதஸ்வஸ்த்யயநோऽத2 விப்ரான்|
ப்ரத3க்ஷிணீக்ருத்ய க்ருத ப்ரணாம:
ப்ரஹ்லாத3மாமந்த்ர்ய நமஶ்சகார|| 7
அதா2ருஹ்ய ரத2ம் தி3வ்யம் ப்4ருகு3த3த்தம் மஹாரத2:|
ஸுஸ்ரக்3த4ரோऽத2 ஸம்நஹ்ய த4ன்வீ க2ட்3கீ3 த்4ருதேஷுதி4:|| 8
ஹேமாங்க3த3லஸத்3பா3ஹு: ஸ்பு2ரன் மகர குண்ட3ல:|
ரராஜ ரத2மாரூடோ3 தி4ஷ்ண்யஸ்த2 இவ ஹவ்யவாட்|| 9
துல்யைஶ்வர்ய ப3லஶ்ரீபி4: ஸ்வயூதை2ர் தை3த்யயூத2பை:|
பிப3த்3பி4ரிவ க2ம் த்3ருக்3பி4ர் த3ஹத்3பி4: பரிதீ4நிவ|| 10
வ்ருதோ விகர்ஷன் மஹதீமாஸுரீம் த்4வஜிநீம் விபு4:|
யயாவிந்த்3ரபுரீம் ஸ்வ்ருத்3தா4ம் கம்பயன்னிவ ரோத3ஸீ|| 11
ரம்யாமுபவநோத்3யானை: ஶ்ரீமத்3பி4ர் நந்த3நாதி3பி4:|
கூஜத்3விஹங்க3 மிது2னைர் கா3யன் மத்த மது4வ்ரதை:|| 12
ப்ரவாலப2ல புஷ்போரு பா4ரஶாகா2மரத்3ருமை:|
ஹம்ஸ ஸாரஸ சக்ராஹ்வ காரண்ட3வகுலாகுலா:|
நளின்யோ யத்ர க்ரீட3ந்தி ப்ரமதா3: ஸுரஸேவிதா:|| 13
ஆகாஶ க3ங்க3யா தே3வ்யா வ்ருதாம் பரிக2பூ4தயா|
ப்ராகாரேணாக்3நி வர்ணேன ஸாட்டாலேன உந்நதேன ச|| 14
ருக்மபட்ட கபாடைஶ்ச த்3வாரை: ஸ்ப2டிககோ3புரை:|
ஜுஷ்டாம் விப4க்த ப்ரபதா2ம் விஶ்வகர்ம விநிர்மிதாம்|| 15
ஸபா4சத்வர ரத்2யாட்4யாம் விமானைர் ந்யர்பு3தை3ர் யுதாம்|
ஶ்ருங்கா3டகைர் மணிமயைர் வஜ்ர வித்3ருமவேதி3பி4:|| 16
யத்ர நித்யவயோரூபா: ஶ்யாமா விரஜவாஸஸ:|
ப்4ராஜந்தே ரூபவந்நார்யோ ஹ்யர்சிர்பி4ரிவ வஹ்நய:|| 17
ஸுரஸ்த்ரீ கேஶ விப்4ரஷ்ட நவ ஸௌக3ந்தி4க ஸ்ரஜாம்|
யத்ராமோத3முபாதா3ய மார்க3 ஆவாதி மாருத:|| 18
ஹேம ஜாலாக்ஷ நிர்க3ச்ச2த்3தூ4மேநாகு3ருக3ந்தி4நா|
பாண்டு3ரேண ப்ரதிச்ச2ன்னமார்கே3 யாந்தி ஸுரப்ரியா:|| 19
முக்தாவிதானைர் மணிஹேம கேதுபி4ர்
நாநாபதாகா வலபீ4பி4ராவ்ருதாம்|
ஶிக2ண்டி3 பாராவத ப்4ருங்க3 நாதி3தாம்
வைமானிக ஸ்த்ரீ கல கீ3த மங்க3ளாம்|| 20
ம்ருத3ங்க3 ஶங்கா2நக து3ந்து3பி4ஸ்வனை:
ஸதாலவீணாமுரஜர்ஷ்டி வேணுபி4:|
ந்ருத்யை: ஸவாத்3யைருபதே3வகீ3தகை:
மநோரமாம் ஸ்வப்ரப4யா ஜிதப்ரபா4ம்|| 21
யாம் ந வ்ரஜந்த்யத4ர்மிஷ்டா2: க2லா பூ4தத்3ருஹ: ஶடா2:|
மானின:: காமிநோ லுப்3தா4 ஏபி4ர் ஹீநா வ்ரஜந்தி யத்|| 22
தாம் தே3வதா4நீம் ஸ வரூதி2நீபதி:
ப3ஹி: ஸமந்தாத்3 ருருதே4 ப்ருதன்யயா|
ஆசார்யத3த்தம் ஜலஜம் மஹாஸ்வனம்
த3த்4மௌ ப்ரயுஞ்ஜன் ப4யமிந்த்3ரயோஷிதாம்|| 23
மக4வாம்ஸ்தம் அபி4ப்ரேத்ய ப3லே: பரமமுத்3யமம்|
ஸர்வ தே3வக3ணோபேதோ கு3ருமேத து3வாச ஹ|| 24
ப4க3வந்நுத்3யமோ பூ4யான் ப3லேர் ந: பூர்வவைரிண:|
அவிஷஹ்யமிமம் மன்யே கேநாஸீத் தேஜஸோர்ஜித:|| 25
நைநம் கஶ்சித் குதோ வாபி ப்ரதிவ்யோடு4மதீ4ஶ்வர:|
பிப3ந்நிவ முகே2நேத3ம் லிஹந்நிவ தி3ஶோ த3ஶ|
த3ஹந்நிவ தி3ஶோ த்3ருக்3பி4: ஸம்வர்தாக்3நிரிவோத்தி2த:|| 26
ப்3ரூஹி காரணமேதஸ்ய து3ர்த4ர்ஷத்வஸ்ய மத்3ரிபோ:|
ஓஜ: ஸஹோ ப3லம் தேஜோ யத ஏதத்ஸமுத்3யம:|| 27
ஶ்ரீகு3ருருவாச|
ஜாநாமி மக4வஞ்ச2த்ரோருந்நதேரஸ்ய காரணம்|
ஶிஷ்யாயோபப்4ருதம் தேஜோ ப்4ருகு3பி4ர் ப்3ரஹ்மவாதி3பி4:|| 28
ப4வத்3விதோ4 ப4வான் வாபி வர்ஜயித்வேஶ்வரம் ஹரிம்|
நாஸ்ய ஶக்த: புர: ஸ்தா2தும் க்ருதாந்தஸ்ய யதா2 ஜநா:|| 29
தஸ்மாந் நிலயமுத்ஸ்ருஜ்ய யூயம் ஸர்வே த்ரிவிஷ்டபம்|
யாத காலம் ப்ரதீக்ஷந்தோ யத: ஶத்ரோர் விபர்யய:|| 30
ஏஷ விப்ரப3லோத3ர்க: ஸம்ப்ரத்யூர்ஜித விக்ரம:|
தேஷாமேவாபமானேன ஸாநுப3ந்தோ4 வினங்க்ஷ்யதி|| 31
ஏவம் ஸுமந்த்ரிதார்தா2ஸ்தே கு3ருணார்தா2நுத3ர்ஶிநா|
ஹித்வா த்ரிவிஷ்டபம் ஜக்3மு: கீ3ர்வாணா: காமரூபிண:|| 32
தே3வேஷ்வத2 நிலீநேஷு ப3லிர் வைரோசன: புரீம்|
தே3வதா4நீமதி4ஷ்டா2ய வஶம் நின்யே ஜக3த்த்ரயம்|| 33
தம் விஶ்வஜயினம் ஶிஷ்யம் ப்4ருக3வ: ஶிஷ்யவத்ஸலா:|
ஶதேன ஹயமேதா4நாம் அநுவ்ரத மயாஜயன்|| 34
ததஸ்தத3நுபா4வேன பு4வனத்ரய விஶ்ருதாம்|
கீர்திம் தி3க்ஷு விதன்வான: ஸ ரேஜ உடு3ராடி3வ|| 35
பு3பு4ஜே ச ஶ்ரியம் ஸ்வ்ருத்3தா4ம் த்3விஜ தே3வோப லம்பி4தாம்|
க்ருத க்ருத்ய மிவாத்மானம் மன்யமாநோ மஹாமநா:|| 36
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாமஷ்டமஸ்கந்தே4 பஞ்சத3ஶோऽத்4யாய: || 15 ||
எட்டாம் ஸ்கந்தம் - பதினைந்தாம் அத்யாயம் முற்றும்.