ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 14.
மனு முதலியவர்களின் தனித்தனிக் கர்மங்களின் நிரூபணம்
அத₂ சதுர்த₃ஶோऽத்₂யாய:

ஶ்ரீராஜோவாச -
மன்வந்தரேஷு ப₄க₃வன் யதா₂ மன்வாத₃யஸ்த்விமே|
யஸ்மின் கர்மணி யே யேன நியுக்தாஸ்தத்₃ வத₃ஸ்வ மே|| 1

ஶ்ரீருஷிருவாச -
மனவோ மநுபுத்ராஶ்ச முனயஶ்ச மஹீபதே|
இந்த்₃ரா: ஸுரக₃ணாஶ்சைவ ஸர்வே புருஷஶாஸநா:|| 2

யஜ்ஞாத₃யோ யா: கதி₂தா: பௌருஷ்யஸ்தனவோ ந்ருப|
மன்வாத₃யோ ஜக₃த்₃யாத்ராம் நயந்த்யாபி₄: ப்ரசோதி₃தா:|| 3

சதுர்யுகா₃ந்தே காலேன க்₃ரஸ்தான் ஶ்ருதிக₃ணான் யதா₂|
தபஸா ருஷயோऽபஶ்யன் யதோ த₄ர்ம: ஸநாதன:|| 4

ததோ த₄ர்மம் சதுஷ்பாத₃ம் மனவோ ஹரிணோதி₃தா:|
யுக்தா: ஸஞ்சாரயந்தி அத்₃தா₄ ஸ்வே ஸ்வே காலே மஹீம் ந்ருப|| 5

பாலயந்தி ப்ரஜாபாலா யாவத₃ந்தம் விபா₄க₃ஶ:|
யஜ்ஞபா₄க₃பு₄ஜோ தே₃வா யே ச தத்ரான்விதாஶ்ச தை:|| 6

இந்த்₃ரோ ப₄க₃வதா த₃த்தாம் த்ரைலோக்யஶ்ரியமூர்ஜிதாம்|
பு₄ஞ்ஜான: பாதி லோகாம்ஸ்த்ரீன் காமம் லோகே ப்ரவர்ஷதி|| 7

ஜ்ஞானம் ச அநுயுக₃ம் ப்₃ரூதே ஹரி: ஸித்₃த₄ஸ்வரூபத்₄ருக்|
ருஷிரூபத₄ர: கர்ம யோக₃ம் யோகே₃ஶரூப த்₄ருக்|| 8

ஸர்க₃ம் ப்ரஜேஶரூபேண த₃ஸ்யூன் ஹன்யாத் ஸ்வராட்₃ வபு:|
காலரூபேண ஸர்வேஷாம் அபா₄வாய ப்ருத₂க்₃ கு₃ண:|| 9

ஸ்தூயமாநோ ஜனைரேபி₄ர் மாயயா நாமரூபயா|
விமோஹிதாத்மபி₄ர் நாநாத₃ர்ஶனைர் ந ச த்₃ருஶ்யதே|| 10

ஏதத் கல்பவிகல்பஸ்ய ப்ரமாணம் பரிகீர்திதம்|
யத்ர மன்வந்தராண்யாஹுஶ் சதுர்த₃ஶ புராவித₃:|| 11

|| இதி ஶ்ரீமத்₃‌பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டமஸ்கந்தே₄ சதுர்த₃ஶோऽத்₄யாய: || 14 ||

எட்டாம் ஸ்கந்தம் - பதினான்காம் அத்யாயம் முற்றும்.