ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 16.
கச்யபர் அதிதிக்குப் பயோவ்ரதத்தை உபதேசித்தல்
அத2 ஷோட3ஶோऽத்2யாய:
ஶ்ரீஶுக உவாச -
ஏவம் புத்ரேஷு நஷ்டேஷு தே3வமாதாதி3திஸ்ததா3|
ஹ்ருதே த்ரிவிஷ்டபே தை3த்யை: பர்யதப்யத3நாத2வத்|| 1
ஏகதா3 கஶ்யபஸ்தஸ்யா ஆஶ்ரமம் ப4க3வான் அகா3த்|
நிருத்ஸவம் நிராநந்த3ம் ஸமாதே4ர் விரதஶ்சிராத்|| 2
ஸ பத்நீம் தீ3னவத3நாம் க்ருதாஸன பரிக்3ரஹ:|
ஸபா4ஜிதோ யதா2ன்யாயம் இத3மாஹ குரூத்3வஹ|| 3
அப்யப4த்3ரம் ந விப்ராணாம் ப4த்3ரே லோகே ऽது4நா ऽऽக3தம்|
ந த4ர்மஸ்ய ந லோகஸ்ய ம்ருத்யோஶ்ச2ந்தா3நுவர்தின:|| 4
அபி வாகுஶலம் கிஞ்சித்3 க்3ருஹேஷு க்3ருஹமேதி4நி|
த4ர்மஸ்ய அர்த2ஸ்ய காமஸ்ய யத்ர யோகோ3 ஹ்யயோகி3நாம்|| 5
அபி வாதித2யோऽப்4யேத்ய குடும்பா3ஸக்தயா த்வயா|
க்3ருஹாத3பூஜிதா யாதா: ப்ரத்யுத்தா2னேன வா க்வசித்|| 6
க்3ருஹேஷு யேஷ்வதித2யோ நார்சிதா: ஸலிலைரபி|
யதி3 நிர்யாந்தி தே நூநம் பே2ருராஜ க்3ருஹோபமா:|| 7
அப்யக்3நயஸ்து வேலாயாம் ந ஹுதா ஹவிஷா ஸதி|
த்வயோத்3விக்3ன தி4யா ப4த்3ரே ப்ரோஷிதே மயி கர்ஹிசித்|| 8
யத்பூஜயா காமது3கா4ன் யாதி லோகான் க்3ருஹான்வித:|
ப்3ராஹ்மணோ ऽக்3நிஶ்ச வை விஷ்ணோ: ஸர்வதே3வாத்மநோ முக2ம்|| 9
அபி ஸர்வே குஶலினஸ்தவ புத்ரா மனஸ்விநி|
லக்ஷயேऽஸ்வஸ்த2 மாத்மானம் ப4வத்யா லக்ஷணைரஹம்|| 10
அதி3திருவாச -
ப4த்3ரம் த்3விஜக3வாம் ப்3ரஹ்மன் த4ர்மஸ்யாஸ்ய ஜனஸ்ய ச|
த்ரிவர்க3ஸ்ய பரம் க்ஷேத்ரம் க்3ருஹமேதி4ன் க்3ருஹா இமே|| 11
அக்3நயோऽதித2யோ ப்4ருத்யா பி4க்ஷவோ யே ச லிப்ஸவ:|
ஸர்வம் ப4க3வதோ ப்3ரஹ்மன் அநுத்4யாநாந்ந ரிஷ்யதி|| 12
கோ நு மே ப4க3வன் காமோ ந ஸம்பத்3யேத மானஸ:|
யஸ்யா ப4வான் ப்ரஜாத்4யக்ஷ ஏவம் த4ர்மான் ப்ரபா4ஷதே|| 13
தவைவ மாரீச மன:ஶரீரஜா:
ப்ரஜா இமா: ஸத்த்வரஜஸ்தமோ ஜுஷ:|
ஸமோ ப4வாம்ஸ்தாஸு அஸுராதி3ஷு ப்ரபோ4
ததா2பி ப4க்தம் ப4ஜதே மஹேஶ்வர:|| 14
தஸ்மாதீ3ஶ ப4ஜந்த்யா மே ஶ்ரேயஶ்சிந்தய ஸுவ்ரத|
ஹ்ருதஶ்ரியோ ஹ்ருதஸ்தா2நான் ஸபத்னை: பாஹி ந: ப்ரபோ4|| 15
பரைர் விவாஸிதா ஸாஹம் மக்3நா வ்யஸனஸாக3ரே|
ஐஶ்வர்யம் ஶ்ரீர் யஶ: ஸ்தா2னம் ஹ்ருதாநி ப்ரப3லைர் மம|| 16
யதா2 தானி புன: ஸாதோ4 ப்ரபத்3யேரன் மமாத்மஜா:|
ததா2 விதே4ஹி கல்யாணம் தி4யா கல்யாணக்ருத்தம|| 17
ஶ்ரீஶுக உவாச -
ஏவமப்4யர்தி2தோऽதி3த்யா கஸ்தாமாஹ ஸ்மயந்நிவ|
அஹோ மாயாப3லம் விஷ்ணோ: ஸ்நேஹப3த்3த4மித3ம் ஜக3த்|| 18
க்வ தே3ஹோ பௌ4திகோऽநாத்மா க்வ ச ஆத்மா ப்ரக்ருதே: பர:|
கஸ்ய கே பதிபுத்ராத்3யா மோஹ ஏவ ஹி காரணம்|| 19
உபதிஷ்ட2ஸ்வ புருஷம் ப4க3வந்தம் ஜநார்த3னம்|
ஸர்வபூ4த கு3ஹாவாஸம் வாஸுதே3வம் ஜக3த்3கு3ரும்|| 20
ஸ விதா4ஸ்யதி தே காமான் ஹரிர் தீ3நாநுகம்பன:|
அமோகா4 ப4க3வத்3 ப4க்திர் நேதரேதி மதிர் மம|| 21
அதி3திருவாச -
கேநாஹம் விதி4நா ப்3ரஹ்மன் உபஸ்தா2ஸ்யே ஜக3த்பதிம்|
யதா2 மே ஸத்யஸங்கல்போ வித3த்4யாத் ஸ மநோரத2ம்|| 22
ஆதி3ஶ த்வம் த்3விஜஶ்ரேஷ்ட2 விதி4ம் தது3பதா4வனம்|
ஆஶு துஷ்யதி மே தே3வ: ஸீத3ந்த்யா: ஸஹ புத்ரகை:| 23
கஶ்யப உவாச -
ஏதன்மே ப4க3வான் ப்ருஷ்ட: ப்ரஜாகாமஸ்ய பத்3மஜ:|
யதா3ஹ தே ப்ரவக்ஷ்யாமி வ்ரதம் கேஶவதோஷணம்|| 24
பா2ல்கு3னஸ்யாமலே பக்ஷே த்3வாத3ஶாஹம் பயோவ்ரதம்|
அர்சயேத3ரவிந்தா3க்ஷம் ப4க்த்யா பரமயான்வித:|| 25
ஸிநீவால்யாம் ம்ருதா3ऽऽலிப்ய ஸ்நாயாத் க்ரோட3 விதீ3ர்ணயா|
யதி3 லப்4யேத வை ஸ்ரோதஸ்யேதம் மந்த்ர முதீ3ரயேத்|| 26
த்வம் தே3வ்யாதி3வராஹேண ரஸாயா: ஸ்தா2னமிச்ச2தா|
உத்3த்4ருதாஸி நமஸ்துப்4யம் பாப்மானம் மே ப்ரணாஶய|| 27
நிர்வர்திதாத்மநியமோ தே3வமர்சேத் ஸமாஹித:|
அர்சாயாம் ஸ்த2ண்டி3லே ஸூர்யே ஜலே வஹ்நௌ கு3ராவபி|| 28
நமஸ்துப்4யம் ப4க3வதே புருஷாய மஹீயஸே|
ஸர்வபூ4த நிவாஸாய வாஸுதே3வாய ஸாக்ஷிணே|| 29
நமோऽவ்யக்தாய ஸூக்ஷ்மாய ப்ரதா4னபுருஷாய ச|
சதுர்விம்ஶத்3 கு3ணஜ்ஞாய கு3ணஸம்க்2யான ஹேதவே|| 30
நமோ த்3விஶீர்ஷ்ணே த்ரிபதே3 சது:ஶ்ருங்கா3ய தந்தவே|
ஸப்த ஹஸ்தாய யஜ்ஞாய த்ரயீவித்3யாத்மனே நம:|| 31
நம: ஶிவாய ருத்3ராய நம: ஶக்தித4ராய ச|
ஸர்வ வித்3யாதி4பதயே பூ4தாநாம் பதயே நம:|| 32
நமோ ஹிரண்யக3ர்பா4ய ப்ராணாய ஜக3தா3த்மனே|
யோகை3ஶ்வர்ய ஶரீராய நமஸ்தே யோக3ஹேதவே|| 33
நமஸ்தே ஆதி3தே3வாய ஸாக்ஷிபூ4தாய தே நம:|
நாராயணாய ருஷயே நராய ஹரயே நம:|| 34
நமோ மரகதஶ்யாமவபுஷேऽதி4க3தஶ்ரியே|
கேஶவாய நமஸ்துப்4யம் நமஸ்தே பீதவாஸஸே|| 35
த்வம் ஸர்வவரத3: பும்ஸாம் வரேண்ய வரத3ர்ஷப4|
அதஸ்தே ஶ்ரேயஸே தீ4ரா: பாத3ரேணு முபாஸதே|| 36
அன்வவர்தந்த யம் தே3வா: ஶ்ரீஶ்ச தத்பாத3பத்3மயோ:|
ஸ்ப்ருஹயந்த இவாமோத3ம் ப4க3வான் மே ப்ரஸீத3தாம்|| 37
ஏதைர் மந்த்ரைர் ஹ்ருஷீகேஶ மாவாஹந புரஸ்க்ருதம்|
அர்சயேத் ஶரத்3த4யா யுக்த: பாத்3யோபஸ்பர்ஶநாதி3பி4:|| 38
அர்சித்வா க3ந்த4மால்யாத்3யை: பயஸா ஸ்நபயேத்3 விபு4ம்|
வஸ்த்ரோபவீதாப4ரண பாத்3யோபஸ்பர்ஶனைஸ் தத:|
க3ந்த4தூ4பாதி3பி4ஶ்சார்சேத்3 த்3வாத3ஶாக்ஷர வித்3யயா|| 39
ஶ்ருதம் பயஸி நைவேத்3யம் ஶால்யன்னம் விப4வே ஸதி|
ஸஸர்பி: ஸகு3ட3ம் த3த்வா ஜுஹுயான் மூல வித்3யயா|| 40
நிவேதி3தம் தத்3 ப4க்தாய த3த்3யாத்3 பு4ஞ்ஜீத வா ஸ்வயம்|
த3த்த்வா ऽऽசமந மர்சித்வா தாம்பூ3லம் ச நிவேத3யேத்|| 41
ஜபேத் அஷ்டோத்தர ஶதம் ஸ்துவீத ஸ்துதிபி4: ப்ரபு4ம்|
க்ருத்வா ப்ரத3க்ஷிணம் பூ4மௌ ப்ரணமேத்3 த3ண்ட3வன்முதா3|| 42
க்ருத்வா ஶிரஸி தச்சே2ஷாம் தே3வ முத்3வாஸயேத் தத:|
த்3வ்யவரான் போ4ஜயேத்3 விப்ரான் பாயஸேன யதோ2சிதம்|| 43
பு4ஞ்ஜீத தைரநுஜ்ஞாத: ஶேஷம் ஸேஷ்ட: ஸபா4ஜிதை:|
ப்3ரஹ்மசார்யத2 தத்3ராத்ர்யாம் ஶ்வோபூ4தே ப்ரத2மே ऽஹநி|| 44
ஸ்நாத: ஶுசிர் யதோ2க்தேன விதி4நா ஸுஸமாஹித:|
பயஸா ஸ்நாபயித்வார்சேத்3 யாவத்3 வ்ரத ஸமாபனம்|| 45
பயோப4க்ஷோ வ்ரதமித3ம் சரேத்3 விஷ்ண்வர்சநாத்3ருத:|
பூர்வவஜ்ஜுஹுயாத3க்3நிம் ப்3ராஹ்மணாம்ஶ்சாபி போ4ஜயேத்|| 46
ஏவம் த்வஹரஹ: குர்யாத்3 த்3வாத3ஶாஹம் பயோவ்ரதம்|
ஹரேராராத4னம் ஹோம மர்ஹணம் த்3விஜ தர்பணம்|| 47
ப்ரதிபத்3தி3னமாரப்4ய யாவத் ஶுக்ல த்ரயோத3ஶீ|
ப்3ரஹ்மசர்ய மத4:ஸ்வப்னம் ஸ்நாநம் த்ரிஷவணம் சரேத்|| 48
வர்ஜயேத் அஸதா3லாபம் போ4கா3நுச்சாவசான் ததா2|
அஹிம்ஸ்ர: ஸர்வபூ4தாநாம் வாஸுதே3வ பராயண:|| 49
த்ரயோத3ஶ்யாமதோ2 விஷ்ணோ: ஸ்நபனம் பஞ்சகைர் விபோ4:|
காரயேச் ஶாஸ்த்ர த்3ருஷ்டேன விதி4நா விதி4கோவிதை3:|| 50
பூஜாம் ச மஹதீம் குர்யாத்3 வித்த ஶாட்2ய விவர்ஜித:|
சரும் நிரூப்ய பயஸி ஶிபிவிஷ்டாய விஷ்ணவே|| 51
ஶ்ருதேன தேன புருஷம் யஜேத ஸுஸமாஹித:|
நைவேத்3யம் சாதிகு3ணவத்3 த3த்3யாத் புருஷதுஷ்டித3ம்|| 52
ஆசார்யம் ஜ்ஞானஸம்பன்னம் வஸ்த்ராப4ரண தே4நுபி4:|
தோஷயேத்3 ருத்விஜஶ்சைவ தத்3வித்3 த்4யாராத4னம் ஹரே:|| 53
போ4ஜயேத் தான் கு3ணவதா ஸத3ன்னேன ஶுசிஸ்மிதே|
அன்யாம்ஶ்ச ப்3ராஹ்மணான் ஶக்த்யா யே ச தத்ர ஸமாக3தா:|| 54
த3க்ஷிணாம் கு3ரவே த3த்3யாத்3 ருத்விக்3ப்4யஶ்ச யதா2ர்ஹத:|
அந்நாத்3யேநாஶ்வபாகாம்ஶ்ச ப்ரீணயேத் ஸமுபாக3தான்|| 55
பு4க்தவத்ஸு ச ஸர்வேஷு தீ3நாந்த4க்ருபணாதி3ஷு ச|
விஷ்ணோஸ்தத் ப்ரீணனம் வித்3வான் பு4ஞ்ஜீத ஸஹ ப3ந்து4பி4:|| 56
ந்ருத்ய வாதி3த்ர கீ3தைஶ்ச ஸ்துதிபி4: ஸ்வஸ்திவாசகை:|
காரயேத் தத்கதா2பி4ஶ்ச பூஜாம் ப4க3வதோऽன்வஹம்|| 57
ஏதத் பயோவ்ரதம் நாம புருஷாராத4னம் பரம்|
பிதாமஹேநாபி4ஹிதம் மயா தே ஸமுதா3ஹ்ருதம்|| 58
த்வம் சானேன மஹாபா4கே3 ஸம்யக் சீர்ணேன கேஶவம்|
ஆத்மநா ஶுத்3த4பா4வேன நியதாத்மா ப4ஜாவ்யயம்|| 59
அயம் வை ஸர்வயஜ்ஞாக்2ய: ஸர்வவ்ரதமிதி ஸ்ம்ருதம் |
தப:ஸாரமித3ம் ப4த்3ரே தா3னம் ச ஈஶ்வர தர்பணம்|| 60
த ஏவ நியமா: ஸாக்ஷாத் த ஏவ ச யமோத்தமா:|
தபோ தா3னம் வ்ரதம் யஜ்ஞோ யேன துஷ்யத்யதோ4க்ஷஜ:|| 61
தஸ்மாதே3தத்3 வ்ரதம் ப4த்3ரே ப்ரயதா ஶ்ரத்3த4யா சர|
ப4க3வான் பரிதுஷ்டஸ்தே வராநாஶு விதா4ஸ்யதி|| 62
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டமஸ்கந்தே4 அதி3தி பயோவ்ரத கத2னம் நாம ஷோட3ஶோऽத்4யாய: || 16 ||
எட்டாம் ஸ்கந்தம் - பதினாறாம் அத்யாயம் முற்றும்.