ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 10.
பிரஹ்லாதரின் ராஜ்யாபிஷேகமும் திரிபுர தகனத்தின் கதையும்
அத2 த3ஶமோऽத்2யாய:
ஶ்ரீநாரத3 உவாச
ப4க்தியோக3ஸ்ய தத் ஸர்வமந்தராயதயார்ப4க:|
மன்யமானோ ஹ்ருஷீகேஶம் ஸ்மயமான உவாச ஹ|| 1
ஶ்ரீப்ரஹ்லாத3 உவாச
மா மாம் ப்ரலோப4யோத்பத்யாऽऽஸக்தம் காமேஷு தைர்வரை:|
தத்ஸங்க3 பீ4தோ நிர்விண்ணோ முமுக்ஷுஸ்த்வாமுபாஶ்ரித:|| 2
ப்4ருத்யலக்ஷண ஜிஜ்ஞாஸுர் ப4க்தம் காமேஷ்வசோத3யத்|
ப4வான் ஸம்ஸார பீ3ஜேஷு ஹ்ருத3ய க்3ரந்தி2ஷு ப்ரபோ4|| 3
நான்யதா2 தேऽகி2லகு3ரோ க4டேத கருணாத்மன:|
யஸ்த ஆஶிஷ ஆஶாஸ்தே ந ஸ ப்4ருத்ய: ஸ வை வணிக்|| 4
ஆஶாஸாநோ ந வை ப்4ருத்ய: ஸ்வாமின்யாஶிஷ ஆத்மன:|
ந ஸ்வாமீ ப்4ருத்யத: ஸ்வாம்யமிச்ச2ன் யோ ராதி சாஶிஷ:|| 5
அஹம் த்வகாமஸ் த்வத்3ப4க்தஸ்த்வம் ச ஸ்வாம்யனபாஶ்ரய:|
நான்யதே2ஹாவயோரர்தோ2 ராஜஸேவகயோரிவ|| 6
யதி3 ராஸீஶ மே காமான் வராம்ஸ்த்வம் வரத3ர்ஷப4|
காமாநாம் ஹ்ருத்3யஸம்ரோஹம் ப4வதஸ்து வ்ருணே வரம்|| 7
இந்த்3ரியாணி மன: ப்ராண ஆத்மா த4ர்மோ த்4ருதிர் மதி:|
ஹ்ரீ: ஶ்ரீஸ்தேஜ: ஸ்ம்ருதி: ஸத்யம் யஸ்ய நஶ்யந்தி ஜன்மநா|| 8
விமுஞ்சதி யதா3 காமான்மானவோ மனஸி ஸ்தி2தான்|
தர்ஹ்யேவ புண்ட3ரீகாக்ஷ ப4க3வத் த்வாய கல்பதே|| 9
நமோ ப4க3வதே துப்4யம் புருஷாய மஹாத்மநே|
ஹரயேऽத்3பு4த ஸிம்ஹாய ப்3ரஹ்மணே பரமாத்மனே|| 10
ந்ருஸிம்ஹ உவாச
நை காந்தினோ மே மயி ஜாத்விஹா ஶிஷ
ஆஶாஸதேऽமுத்ர ச யே ப4வத்3விதா4:|
அதா2பி மன்வந்தர மேத த3த்ர
தை3த்யேஶ்வராணாமநு பு4ங்க்ஷ்வ போ4கா3ன்|| 11
கதா2 மதீ3யா ஜுஷமாண: ப்ரியாஸ்த்வ-
மாவேஶ்ய மாமாத்மனி ஸந்தமேகம்|
ஸர்வேஷு பூ4தேஷ்வதி4யஜ்ஞமீஶம்
யஜஸ்வ யோகே3ன ச கர்ம ஹின்வன்|| 12
போ4கே3ன புண்யம் குஶலேன பாபம்
களேவரம் காலஜவேன ஹித்வா|
கீர்திம் விஶுத்3தா4ம் ஸுரலோக கீ3தாம்
விதாய மாமேஷ்யஸி முக்த ப3ந்த4:|| 13
ய ஏதத் கீர்தயேன் மஹ்யம் த்வயா கீ3த மித3ம் நர:|
த்வாம் ச மாம் ச ஸ்மரன் காலே கர்மப3ந்தா4த் ப்ரமுச்யதே|| 14
ஶ்ரீப்ரஹ்லாத3 உவாச|
வரம் வரய ஏதத் தே வரதே3ஶான் மஹேஶ்வர|
யத3நிந்த3த் பிதா மே த்வாமவித்3வாம்ஸ்தேஜ ஐஶ்வரம்|| 15
வித்3தா4மர்ஷாஶய: ஸாக்ஷாத் ஸர்வ லோக கு3ரும் ப்ரபு4ம்|
ப்4ராத்ருஹேதி ம்ருஷாத்3ருஷ்டிஸ் த்வத்3ப4க்தே மயி சாக4வான்|| 16
தஸ்மாத் பிதா மே பூயேத து3ரந்தாத்3 து3ஸ்தராத3கா4த்|
பூதஸ்தேऽபாங்க3 ஸம்த்3ருஷ்டஸ்ததா3 க்ருபண வத்ஸல|| 17
ஶ்ரீப4க3வாநுவாச|
த்ரி: ஸப்தபி4: பிதா பூத: பித்ருபி4: ஸஹ தேऽநக4|
யத் ஸாதோ4ऽஸ்ய க்3ருஹே ஜாதோ ப4வான் வை குலபாவன:|| 18
யத்ர யத்ர ச மத்3ப4க்தா: ப்ரஶாந்தா: ஸமத3ர்ஶின:|
ஸாத4வ: ஸமுதா3சாராஸ்தே பூயந்தேऽபி கீகடா:|| 19
ஸர்வாத்மனா ந ஹிம்ஸந்தி பூ4தக்3ராமேஷு கிஞ்சன|
உச்சாவசேஷு தை3த்யேந்த்3ர மத்3பா4வேன க3தஸ்ப்ருஹா:|| 20
ப4வந்தி புருஷா லோகே மத்3ப4க்தாஸ்த்வா மநுவ்ரதா:|
ப4வான்மே க2லு ப4க்தாநாம் ஸர்வேஷாம் ப்ரதிரூபத்4ருக்|| 21
குரு த்வம் ப்ரேதகார்யாணி பிது: பூதஸ்ய ஸர்வஶ:|
மத3ங்க3ஸ்பர்ஶனேன அங்க3 லோகான் யாஸ்யதி ஸுப்ரஜா:|| 22
பித்ர்யம் ச ஸ்தா2ன மாதிஷ்ட2 யதோ2க்தம் ப்3ரஹ்மவாதி3பி4:|
மய்யாவேஶ்ய மனஸ்தாத குரு கர்மாணி மத்பர:|| 23
ஶ்ரீநாரத3 உவாச|
ப்ரஹ்ராதோ3ऽபி ததா2 சக்ரே பிதுர்யத் ஸாம்பராயிகம்|
யதா2ऽऽஹ ப4க3வான் ராஜன் அபி4ஷிக்தோ த்3விஜோத்தமை:|| 24
ப்ரஸாத3 ஸுமுக2ம் த்3ருஷ்ட்வா ப்3ரஹ்மா நரஹரிம் ஹரிம்|
ஸ்துத்வா வாக்3பி4: பவித்ராபி4: ப்ராஹ தே3வாதி3பி4ர் வ்ருத:|| 25
ஶ்ரீப்3ரஹ்மோவாச|
தே3வதே3வாகி2லாத்4யக்ஷ பூ4தபா4வன பூர்வஜ|
தி3ஷ்ட்யா தே நிஹத: பாபோ லோக ஸந்தாபநோऽஸுர:|| 26
யோऽஸௌ லப்3த4வரோ மத்தோ ந வத்4யோ மம ஸ்ருஷ்டிபி4:|
தபோ யோக3 ப3லோந்நத்3த4: ஸமஸ்த நிக3மானஹன்|| 27
தி3ஷ்ட்யாஸ்ய தனய: ஸாது4ர் மஹாபா4க3வதோऽர்ப4க:|
த்வயா விமோசிதோ ம்ருத்யோர் தி3ஷ்ட்யா த்வாம் ஸமிதோऽது4நா|| 28
ஏதத்3 வபுஸ்தே ப4க3வன் த்4யாயத: பரமாத்மன:|
ஸர்வதோ கோ3ப்த்ரு ஸந்த்ராஸான் ம்ருத்யோரபி ஜிகா4ம்ஸத:|| 29
ந்ருஸிம்ஹ உவாச|
மைவம் வரோऽஸுராணாம் தே ப்ரதே3ய: பத்3மஸம்ப4வ|
வர: க்ரூர நிஸர்கா3ணாமஹீநாம் அம்ருதம் யதா2|| 30
ஶ்ரீநாரத3 உவாச|
இத்யுக்த்வா ப4க3வான் ராஜம்ஸ்தத த்ரைவாந்தர்த3தே4 ஹரி:|
அத்3ருஶ்ய: ஸர்வபூ4தாநாம் பூஜித: பரமேஷ்டி2நா|| 31
தத: ஸம்பூஜ்ய ஶிரஸா வவந்தே3 பரமேஷ்டி2நம்|
ப4வம் ப்ரஜாபதீன் தே3வான் ப்ரஹ்லாதோ3 ப4க3வத்கலா:|| 32
தத: காவ்யாதி3பி4: ஸார்த4ம் முனிபி4: கமலாஸன:|
தை3த்யாநாம் தா3னவானாம் ச ப்ரஹ்லாத3 மகரோத் பதிம்|| 33
ப்ரதிநந்த்3ய ததோ தே3வா: ப்ரயுஜ்ய பரமாஶிஷ:|
ஸ்வதா4மாநி யயூ ராஜன் ப்3ரஹ்மாத்3யா: ப்ரதிபூஜிதா:|| 34
ஏவம் தௌ பார்ஷதௌ3 விஷ்ணோ: புத்ரத்வம் ப்ராபிதௌ தி3தே:|
ஹ்ருதி3 ஸ்தி2தேன ஹரிணா வைரபா4வேன தௌ ஹதௌ|| 35
புனஶ்ச விப்ரஶாபேன ராக்ஷஸௌ தௌ ப3பூ4வது:|
கும்ப4கர்ண த3ஶக்3ரீவௌ ஹதௌ தௌ ராமவிக்ரமை:|| 36
ஶயாநௌ யுதி4 நிர்பி4ன்ன ஹ்ருத3யௌ ராமஶாயகை:|
தச்சித்தௌ ஜஹதுர் தே3ஹம் யதா2 ப்ராக்தன ஜன்மனி|| 37
தாவிஹாத2 புனர்ஜாதௌ ஶிஶுபால கரூஷஜௌ|
ஹரௌ வைராநுப3ந்தே4ன பஶ்யதஸ்தே ஸமீயது:|| 38
ஏன: பூர்வக்ருதம் யத் தத்3 ராஜான: க்ருஷ்ணவைரிண:|
ஜஹுஸ்தேऽந்தே ததா3த்மான: கீட: பேஶஸ்க்ருதோ யதா2|| 39
யதா2 யதா2 ப4க3வதோ ப4க்த்யா பரமயாபி4தா3|
ந்ருபாஶ்சைத்3யாத3ய: ஸாத்ம்யம் ஹரேஸ் தச்சிந்தயா யயு:|| 40
ஆக்2யாதம் ஸர்வமேதத் தே யன்மாம் த்வம் பரிப்ருஷ்டவான்|
த3மகோ4ஷ ஸுதாதீ3நாம் ஹரே: ஸாத்ம்யமபி த்3விஷாம்|| 41
ஏஷா ப்3ரஹ்மண்ய தே3வஸ்ய க்ருஷ்ணஸ்ய ச மஹாத்மன:|
அவதாரகதா2 புண்யா வதோ4 யத்ராதி3தை3த்யயோ:|| 42
ப்ரஹ்லாத3ஸ்யாநு சரிதம் மஹாபா4க3வதஸ்ய ச|
ப4க்திர் ஜ்ஞானம் விரக்திஶ்ச யாதா2த்ம்யம் சாஸ்ய வை ஹரே:|| 43
ஸர்க3 ஸ்தி2த்யப்யயேஶஸ்ய கு3ணகர்மாநு வர்ணனம்|
பராவரேஷாம் ஸ்தா2நாநாம் காலேன வ்யத்யயோ மஹான்|| 44
த4ர்மோ பா4க3வதாநாம் ச ப4க3வான் யேன க3ம்யதே|
ஆக்2யாநேऽஸ்மின் ஸமாம்நாத மாத்4யாத்மிக மஶேஷத:|| 45
ய ஏதத் புண்ய மாக்2யானம் விஷ்ணோர் வீர்யோபப்3ரும்ஹிதம்|
கீர்தயேத் ஶ்ரத்3த4யா ஶ்ருத்வா கர்மபாஶைர் விமுச்யதே|| 46
ஏதத்3 ய ஆதி3புருஷஸ்ய ம்ருகே3ந்த்3ரலீலாம்
தை3த்யேந்த்3ர யூத2பவத4ம் ப்ரயத: படே2த|
தை3த்யாத்மஜஸ்ய ச ஸதாம் ப்ரவரஸ்ய புண்யம்
ஶ்ருத்வாநுபா4வ மகுதோப4யமேதி லோகம்|| 47
யூயம் ந்ருலோகே ப3த பூ4ரிபா4கா3
லோகம் புநாநா முனயோऽபி4யந்தி|
யேஷாம் க்3ருஹாநாவஸதீதி ஸாக்ஷாத்3
கூ3ட4ம் பரம் ப்3ரஹ்ம மனுஷ்யலிங்க3ம்|| 48
ஸ வா அயம் ப்3ரஹ்ம மஹத்3 விம்ருக்3ய
கைவல்ய நிர்வாண ஸுகா2நுபூ4தி:|
ப்ரிய: ஸுஹ்ருத்3 வ: க2லு மாதுலேய
ஆத்மார்ஹணீயோ விதி4க்ருத்3 கு3ருஶ்ச|| 49
ந யஸ்ய ஸாக்ஷாத்3 ப4வபத்3மஜாதி3பீ4
ரூபம் தி4யா வஸ்துதயோப வர்ணிதம்|
மௌனேன ப4க்த்யோபஶமேன பூஜித:
ப்ரஸீத3தாமேஷ ஸ ஸாத்வதாம் பதி:|| 50
ஸ ஏஷ ப4க3வான் ராஜன் வ்யதநோத்3 விஹதம் யஶ:|
புரா ருத்3ரஸ்ய தே3வஸ்ய மயேன அநந்தமாயினா|| 51
ராஜோவாச|
கஸ்மின் கர்மணி தே3வஸ்ய மயோऽஹன்ஜக3தீ3ஶிது:|
யதா2 சோபசிதா கீர்தி: க்ருஷ்ணேநானேன கத்2யதாம்|| 52
ஶ்ரீநாரத3 உவாச|
நிர்ஜிதா அஸுரா தே3வைர் யுத்4யநேநோப ப்3ரும்ஹிதை:|
மாயினாம் பரமாசார்யம் மயம் ஶரணமாயயு:|| 53
ஸ நிர்மாய புரஸ்திஸ்ரோ ஹைமீ ரௌப்யாயஸீர் விபு4:|
து3ர்லக்ஷ்யாபாய ஸம்யோகா3 து3ர்விதர்க்ய பரிச்ச2தா3:|| 54
தாபி4ஸ்தேऽஸுரஸேநான்யோ லோகாம் ஸ்த்ரீன் ஸேஶ்வரான் ந்ருப|
ஸ்மரந்தோ நாஶயாஞ்சக்ரு: பூர்வ வைர மலக்ஷிதா:|| 55
ததஸ்தே ஸேஶ்வரா லோகா உபாஸாத்3யேஶ்வரம் விபோ4|
த்ராஹி நஸ்தாவகான் தே3வ வினஷ்டாம்ஸ்த்ரிபுராலயை:|| 56
அதா2நுக்3ருஹ்ய ப4க3வான் மா பை4ஷ்டேதி ஸுரான் விபு4:|
ஶரம் த4நுஷி ஸந்தா4ய புரேஷ்வஸ்த்ரம் வ்யமுஞ்சத|| 57
ததோऽக்3நிவர்ணா இஷவ உத்பேது: ஸூர்யமண்ட3லாத்|
யதா2 மயூக2 ஸந்தோ3ஹா நாத்3ருஶ்யந்த புரோ யத:|| 58
தை: ஸ்ப்ருஷ்டா வ்யஸவ: ஸர்வே நிபேது: ஸ்ம புரௌகஸ:|
தாநாநீய மஹாயோகீ3 மய: கூபரஸேऽக்ஷிபத்|| 59
ஸித்3தா4ம்ருத ரஸஸ்ப்ருஷ்டா வஜ்ரஸாரா மஹௌஜஸ:|
உத்தஸ்து2ர் மேக4த3லநா வைத்3யுதா இவ வஹ்நய:|| 60
விலோக்ய ப4க்3ன ஸங்கல்பம் விமனஸ்கம் வ்ருஷத்4வஜம்|
ததா3யம் ப4க3வான் விஷ்ணுஸ் தத்ரோபாய மகல்பயத்|| 61
வத்ஸ ஆஸீத் ததா3 ப்3ரஹ்மா ஸ்வயம் விஷ்ணுரயம் ஹி கௌ3:|
ப்ரவிஶ்ய த்ரிபுரம் காலே ரஸகூபாம்ருதம் பபௌ|| 62
தேऽஸுரா ஹ்யபி பஶ்யந்தோ ந ந்யஷேத4ன் விமோஹிதா:|
தத்3 விஜ்ஞாய மஹாயோகீ3 ரஸபாலாநித3ம் ஜகௌ3|| 63
ஸ்வயம் விஶோக: ஶோகார்தான் ஸ்மரன் தை3வக3திம் ச தாம்|
தே3வோऽஸுரோ நரோऽன்யோ வா நேஶ்வரோऽஸ்தீஹ கஶ்சன|| 64
ஆத்மநோऽன்யஸ்ய வா தி3ஷ்டம் தை3வேநாபோஹிதும் த்3வயோ:|
அதா2ஸௌ ஶக்திபி4: ஸ்வாபி4: ஶம்போ4: ப்ராதா4நிகம் வ்யதா4த்|| 65
த4ர்ம ஜ்ஞான விரக்தி ருத்3தி4 தபோ வித்3யா க்ரியாதி3பி4:|
ரத2ம் ஸூதம் த்4வஜம் வாஹாந் த4நுர்வர்ம ஶராதி3 யத்|| 66
ஸந்நத்3தோ4 ரத2மாஸ்தா2ய ஶரம் த4நுருபாத3தே3|
ஶரம் த4நுஷி ஸந்தா4ய முஹூர்தேऽபி4ஜிதீஶ்வர:|| 67
த3தா3ஹ தேன து3ர்பே4த்3யா ஹரோऽத2 த்ரிபுரோ ந்ருப|
தி3வி து3ந்து3ப4யோ நேது3ர் விமான ஶத ஸங்குலா:|| 68
தே3வர்ஷி பித்ரு ஸித்3தே4ஶா ஜயேதி குஸுமோத்கரை:|
அவாகிரன்ஜகு3ர் ஹ்ருஷ்டா நந்ருதுஶ்சாப்ஸரோக3ணா:|| 69
ஏவம் த3க்3த்4வா புரஸ்திஸ்ரோ ப4க3வான் புரஹா ந்ருப|
ப்3ரஹ்மாதி3பி4: ஸ்தூயமான: ஸ்வதா4ம ப்ரத்யபத்3யத|| 70
ஏவம் விதா4ன்யஸ்ய ஹரே: ஸ்வமாயயா
விட3ம்ப3மானஸ்ய ந்ருலோகமாத்மன:|
வீர்யாணி கீ3தானி ருஷிபி4ர் ஜக3த்3கு3ரோர்
லோகன் புநாநான்யபரம் வதா3மி கிம்|| 71
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஸப்தமஸ்கந்தே4 யுதி4ஷ்டி2ர நாரத3 ஸம்வாதே3 த்ரிபுரவிஜயோ நாம த3ஶமோऽத்4யாய: || 10 ||
ஏழாம் ஸ்கந்தம் - பத்தாம் அத்யாயம் முற்றும்.