ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 9.
பிரஹ்லாதர் நரசிம்ஹ பகவானைத் துதித்தல்
அத2 நவமோऽத்2யாய:
ஶ்ரீநாரத3 உவாச
ஏவம் ஸுராத3ய: ஸர்வே ப்3ரஹ்மருத்3ர புர:ஸரா:|
நோபைதுமஶகன் மன்யுஸம்ரம்ப4ம் ஸுது3ராஸத3ம்|| 1
ஸாக்ஷாத் ஶ்ரீ: ப்ரேஷிதா தே3வைர் த்3ருஷ்ட்வா தன்மஹத3த்3பு4தம்|
அத்3ருஷ்டாஶ்ருத பூர்வத்வாத் ஸா நோபேயாய ஶங்கிதா|| 2
ப்ரஹ்ராத3ம் ப்ரேஷயாமாஸ ப்3ரஹ்மாவஸ்தி2த மந்திகே|
தாத ப்ரஶமயோபேஹி ஸ்வபித்ரே குபிதம் ப்ரபு4ம்|| 3
ததே2தி ஶனகை ராஜன் மஹாபா4க3வதோऽர்ப4க:|
உபேத்ய பு4வி காயேன நநாம வித்4ருதாஞ்ஜலி:|| 4
ஸ்வபாத3மூலே பதிதம் தமர்ப4கம்
விலோக்ய தே3வ: க்ருபயா பரிப்லுத:|
உத்தா2ப்ய தச்சீ2ர்ஷ்ண்யத3தா4த் கராம்பு3ஜம்
காலாஹி வித்ரஸ்ததி4யாம் க்ருதாப4யம்|| 5
ஸ தத்கரஸ்பர்ஶ து4தாகி2லாஶுப4:
ஸபத்3யபி4வ்யக்த பராத்ம த3ர்ஶன:|
தத் பாத3பத்3மம் ஹ்ருதி3 நிர்வ்ருதோ த3தௌ4
ஹ்ருஷ்யத்தநு: க்லின்ன ஹ்ருத3ஶ்ருலோசன:|| 6
அஸ்தௌஷீத்3 ஹரிமேகாக்3ர மனஸா ஸுஸமாஹித:|
ப்ரேமக3த்3க3த3யா வாசா தந்ந்யஸ்த ஹ்ருத3யேக்ஷண:|| 7
ஶ்ரீப்ரஹ்ராத3 உவாச|
ப்3ரஹ்மாத3ய: ஸுரக3ணா முனயோऽத2 ஸித்3தா4:
ஸத்வைகதானக3தயோ வசஸாம் ப்ரவாஹை:|
நாராதி4தும் புருகு3ணை ரது4நாபி பிப்ரு:
கிம் தோஷ்டு மர்ஹதி ஸ மே ஹரிருக்3ரஜாதே:|| 8
மன்யே த4நாபி4ஜனரூப தப: ஶ்ருதௌஜ:
தேஜ: ப்ரபா4வ ப3லபௌருஷ பு3த்3தி4 யோகா3:|
நாராத4னாய ஹி ப4வந்தி பரஸ்ய பும்ஸோ
ப4க்த்யா துதோஷ ப4க3வான் க3ஜயூத2பாய|| 9
விப்ராத்3 த்3விஷட்3 கு3ணயுதா த3ரவிந்த3நாப4-
பாதா3ரவிந்த3 விமுகா2த் ஶ்வபசம் வரிஷ்ட2ம்|
மன்யே தத3ர்பித மநோ வசநே ஹிதார்த2-
ப்ராணம் புநாதி ஸ குலம் ந து பூ4ரிமான:|| 10
னைவாத்மன: ப்ரபு4ரயம் நிஜலாப4 பூர்ணோ
மானம் ஜனாத3விது3ஷ: கருணோ வ்ருணீதே|
யத்3 யஜ்ஜனோ ப4க3வதே வித3தீ4த மானம்
தச்சாத்மனே ப்ரதிமுக2ஸ்ய யதா2 முக2ஶ்ரீ:|| 11
தஸ்மாத3ஹம் விக3தவிக்லவ ஈஶ்வரஸ்ய
ஸர்வாத்மநா மஹி க்3ருணாமி யதா2மநீஷம்|
நீசோऽஜயா கு3ணவிஸர்க3 மநுப்ரவிஷ்ட:
பூயேத யேன ஹி புமாநநுவர்ணிதேன|| 12
ஸர்வே ஹ்யமீ விதி4கராஸ்தவ ஸத்வதா4ம்நோ
ப்3ரஹ்மாத3யோ வயமிவேஶ ந சோத்3விஜந்த:|
க்ஷேமாய பூ4தய உதாத்மஸுகா2ய சாஸ்ய
விக்ரீடி3தம் ப4க3வதோ ருசிராவதாரை:|| 13
தத்3 யச்ச2 மன்யுமஸுரஶ்ச ஹதஸ்த்வயாத்3ய
மோதே3த ஸாது4ரபி வ்ருஶ்சிக ஸர்பஹத்யா|
லோகாஶ்ச நிர்வ்ருதி மிதா: ப்ரதியந்தி ஸர்வே
ரூபம் ந்ருஸிம்ஹ விப4யாய ஜநா: ஸ்மரந்தி|| 14
நாஹம் பி3பே4ம்யஜித தேऽதிப4யானகாஸ்ய-
ஜிஹ்வார்க நேத்ர ப்4ருகுடீ ரப4ஸோக்3ர த3ம்ஷ்ட்ராத்|
ஆந்த்ர ஸ்ரஜ: க்ஷதஜ கேஶர ஶங்கு கர்ணாத்
நிர்ஹ்ராத3 பீ4த தி3கி3பா4த3ரிபி4ந்நகா2க்3ராத்|| 15
த்ரஸ்தோऽஸ்ம்யஹம் க்ருபணவத்ஸல து3:ஸஹோக்3ர
ஸம்ஸார சக்ர கத3நாத்3 க்3ரஸதாம் ப்ரணீத:|
ப3த்3த4: ஸ்வகர்மபி4ருஶத்தம தேऽங்க்4ரிமூலம்
ப்ரீதோऽபவர்க3 ஶரணம் ஹ்வயஸே கதா3 நு|| 16
யஸ்மாத் ப்ரியாப்ரிய வியோக3 ஸயோக3 ஜன்ம-
ஶோகாக்3நிநா ஸகல யோநிஷு த3ஹ்யமான:|
து3:கௌ2ஷத4ம் தத3பி து3:க2மதத்3தி4யாஹம்
பூ4மன் ப்4ரமாமி வத3 மே தவ தா3ஸ்ய யோக3ம்|| 17
ஸோऽஹம் ப்ரியஸ்ய ஸுஹ்ருத3: பரதே3வதாயா
லீலாகதா2ஸ்தவ ந்ருஸிம்ஹ விரிஞ்ச கீ3தா:|
அஞ்ஜஸ்திதர்ம்யநு க்3ருணன் கு3ண விப்ரமுக்தோ
து3ர்கா3ணி தே பத3யுகா3லய ஹம்ஸ ஸங்க3:|| 18
பா3லஸ்ய நேஹ ஶரணம் பிதரௌ ந்ருஸிம்ஹ
நார்தஸ்ய சாக3த3 முத3ன்வதி மஞ்ஜதோ நௌ:|
தப்தஸ்ய தத்ப்ரதிவிதி4ர் ய இஹாஞ்ஜஸேஷ்ட:
தாவத்3விபோ4 தநுப்4ருதாம் த்வது3பேக்ஷி தானாம்|| 19
யஸ்மின் யதோ யர்ஹி யேன ச யஸ்ய யஸ்மாத்3
யஸ்மை யதா2 யது3த யஸ்த்வபர: பரோ வா|
பா4வ: கரோதி விகரோதி ப்ருத2க் ஸ்வபா4வ:
ஸஞ்சோதி3தஸ் தத3கி2லம் ப4வத: ஸ்வரூபம்|| 20
மாயா மன: ஸ்ருஜதி கர்ம மயம் ப3லீய:
காலேன சோதி3த கு3ணாநுமதேன பும்ஸ:|
ச2ந்தோ3மயம் யத3ஜயார்பித ஷோட3ஶாரம்
ஸம்ஸார சக்ரமஜ கோऽதிதரேத் த்வத3ன்ய:|| 21
ஸ த்வம் ஹி நித்ய விஜிதாத்ம கு3ண: ஸ்வதா4ம்நா
காலோ வஶீக்ருத விஸ்ருஜ்ய விஸர்க3 ஶக்தி:|
சக்ரே விஸ்ருஷ்டம் அஜயேஶ்வர ஷோட3ஶாரே
நிஷ்பீட்3ய மானமுபகர்ஷ விபோ4 ப்ரபன்னம்|| 22
த்3ருஷ்டா மயா தி3வி விபோ4ऽகி2லதி4ஷ்ண்யபாநா-
மாயு: ஶ்ரியோ விப4வ இச்ச2தி யாஞ்ஜநோऽயம்|
யேऽஸ்மத்பிது: குபித ஹாஸ விஜ்ரும்பி4த ப்4ரூ-
விஸ்பூ2ர்ஜிதேன லுலிதா: ஸ து தே நிரஸ்த:|| 23
தஸ்மாத3மூஸ்தநுப்4ருதாம் அஹமாஶிஷோ ஜ்ஞ
ஆயு: ஶ்ரியம் விப4வ மைந்த்3ரியம் ஆவிரிஞ்ச்யாத்|
நேச்சா2மி தே விலுலிதான் உருவிக்ரமேண
காலாத்மநோபனய மாம் நிஜப்4ருத்ய பார்ஶ்வம்|| 24
குத்ராஶிஷ: ஶ்ருதிஸுகா2 ம்ருக3த்ருஷ்ணிரூபா:
க்வேத3ம் களேவர மஶேஷ ருஜாம் விரோஹ:|
நிர்வித்3யதே ந து ஜநோ யத3பீதி வித்3வான்
காமாநலம் மது4லவை: ஶமயந் து3ராபை:|| 25
க்வாஹம் ரஜ:ப்ரப4வ ஈஶ தமோऽதி4கேऽஸ்மின்
ஜாத: ஸுரேதரகுலே க்வ தவாநுகம்பா|
ந ப்3ரஹ்மணோ ந து ப4வஸ்ய ந வை ரமாயா
யன்மேऽர்பித: ஶிரஸி பத்3மகர: ப்ரஸாத3:|| 26
நைஷா பராவரமதிர் ப4வதோ நநு ஸ்யாத்
ஜந்தோர் யதா2ऽऽத்மஸுஹ்ருதோ3 ஜக3தஸ்ததா2பி|
ஸம்ஸேவயா ஸுரதரோரிவ தே ப்ரஸாத3:
ஸேவாநுரூப முத3யோ ந பராவரத்வம்|| 27
ஏவம் ஜனம் நிபதிதம் ப்ரப4வாஹிகூபே
காமாபி4காமமனு ய: ப்ரபதன் ப்ரஸங்கா3த்|
க்ருத்வாऽऽத்மஸாத் ஸுரர்ஷிணா ப4க3வன் க்3ருஹீத:
ஸோऽஹம் கத2ம் நு விஸ்ருஜே தவ ப்4ருத்யஸேவாம்|| 28
மத்ப்ராணரக்ஷணம் அநந்த பிதுர்வத4ஶ்ச
மன்யே ஸ்வப்4ருத்ய ருஷிவாக்யம்ருதம் விதா4தும்|
க2ட்3க3ம் ப்ரக்3ருஹ்ய யத3வோசத3ஸத்3 விதி4த்ஸு:
த்வாமீஶ்வரோ மத3பரோऽவது கம் ஹராமி|| 29
ஏகஸ்த்வமேவ ஜக3தே3தமுஷ்ய யத் த்வம்
ஆத்3யந்தயோ: ப்ருத2க3வஸ்யஸி மத்4யதஶ்ச|
ஸ்ருஷ்ட்வா கு3ணவ்யதிகரம் நிஜமாயயேத3ம்
நாநேவ தைரவஸிதஸ்தத3நு ப்ரவிஷ்ட:|| 30
த்வம் வா இத3ம் ஸத3ஸதீ3ஶ ப4வாம்ஸ்ததோऽன்யோ
மாயா யதா3த்ம பரபு3த்3தி4ரியம் ஹ்யபார்தா2|
யத்3 யஸ்ய ஜன்ம நித4னம் ஸ்தி2திரீக்ஷணம் ச
தத்3 வை ததே3வ வஸுகாலவத3ஷ்டி தர்வோ:|| 31
ந்யஸ்யேத3 மாத்மனி ஜக3த்3 விலயாம்பு3 மத்4யே
ஶேஷேऽऽத்மநா நிஜஸுகா2நுப4வோ நிரீஹ:|
யோகே3ன மீலித த்3ருகா3த்மநிபீத நித்3ர:
துர்யே ஸ்தி2தோ ந து தமோ ந கு3ணாம்ஶ்ச யுங்க்ஷே|| 32
தஸ்யைவ தே வபுரித3ம் நிஜகால ஶக்த்யா
ஸஞ்சோதி3த ப்ரக்ருதி த4ர்மண ஆத்ம கூ3ட4ம்|
அம்ப4ஸ்யநந்த ஶயநாத்3 விரமத் ஸமாதே4ர்
நாபே4ரபூ4த் ஸ்வகணிகாவடவன் மஹாப்3ஜம்|| 33
தத்ஸம்ப4வ: கவிரதோऽன்யத3பஶ்யமாநஸ்-
த்வாம் பீ3ஜமாத்மநி ததம் ஸ்வப3ஹிர் விசிந்த்ய|
நாவிந்த3 த3ப்3த3 ஶதமப்ஸு நிமஜ்ஜமாநோ
ஜாதேऽங்குரே கத2மு ஹோபலபே4த பீ3ஜம்|| 34
ஸ த்வாத்மயோநிரதிவிஸ்மித ஆஸ்தி2தோऽப்3ஜம்
காலேன தீவ்ரதபஸா பரிஶுத்3த4பா4வ:|
த்வாமாத்மநீஶ பு4வி க3ந்த4மிவாதி ஸூக்ஷ்மம்
பூ4தேந்த்3ரியாஶயமயே விததம் த3த3ர்ஶ|| 35
ஏவம் ஸஹஸ்ர வத3னாங்க்4ரிஶிர: கரோரு
நாஸாத்3ய கர்ண நயநாப4ரணாயுதா4ட்4யம்|
மாயாமயம் ஸது3பலக்ஷித ஸந்நிவேஶம்
த்3ருஷ்ட்வா மஹாபுருஷ மாப முத3ம் விரிஞ்ச:|| 36
தஸ்மை ப4வான் ஹயஶிரஸ்தநுவம் ஹி பி3ப்4ரத்3
வேத3த்3ருஹாவதிப3லௌ மது4கைடபா4க்2யௌ|
ஹத்வாऽऽநயத் ஶ்ருதிக3ணாம்ஸ்து ரஜஸ்தமஶ்ச
ஸத் த்வம் தவ ப்ரியதமாம் தநுமாமநந்தி|| 37
இத்த2ம் ந்ரு திர்யக்3ருஷிதே3வ ஜ2ஷாவதாரைர்
லோகான் விபா4வயஸி ஹம்ஸி ஜக3த்ப்ரதீபான்|
த4ர்மம் மஹாபுருஷ பாஸி யுகா3நுவ்ருத்தம்
ச2ந்ந: கலௌ யத3ப4வஸ்த்ரியுகோ3ऽத2 ஸ த்வம்|| 38
நைதன்மனஸ்தவ கதா2ஸு விகுண்ட2நாத2
ஸம்ப்ரீயதே து3ரித து3ஷ்ட மஸாது4 தீவ்ரம்|
காமாதுரம் ஹர்ஷ ஶோக ப4யைஷணார்தம்
தஸ்மின் கத2ம் தவ க3திம் விம்ருஶாமி தீ3ன:|| 39
ஜிஹ்வைகதோऽச்யுத விகர்ஷதி மாவித்ருப்தா
ஶிஶ்நோऽன்யதஸ்த்வகு3த3ரம் ஶ்ரவணம் குதஶ்சித்|
க்4ராணோऽன்யதஶ்சபலத்3ருக் க்வ ச கர்மஶக்திர்
ப3ஹ்வ்ய: ஸபத்ன்ய இவ கே3ஹபதிம் லுனந்தி|| 40
ஏவம் ஸ்வகர்ம பதிதம் ப4வ வைதரண்யாம்
அன்யோன்ய ஜன்ம மரணாஶன பீ4த பீ4தம்|
பஶ்யன்ஜனம் ஸ்வபரவிக்3ரஹ வைர மைத்ரம்
ஹந்தேதி பாரசர பீப்ருஹி மூட4மத்3ய|| 41
கோன்வத்ர தேऽகி2லகு3ரோ ப4க3வன் ப்ரயாஸ
உத்தாரணேऽஸ்ய ப4வஸம்ப4வ லோபஹேதோ:|
மூடே4ஷு வை மஹத3நுக்3ரஹ ஆர்தப3ந்தோ4
கிம் தேன தே ப்ரிய ஜநான் அநு ஸேவதாம் ந:|| 42
நைவோத்3விஜே பர து3ரத்யயவைதரண்யாஸ்
த்வத்3 வீர்யகா3யன மஹாம்ருத மக்3நசித்த:|
ஶோசே ததோ விமுக2 சேதஸ இந்த்3ரியார்த2-
மாயாஸுகா2ய ப4ரமுத்3வஹதோ விமூடா4ன்|| 43
ப்ராயேண தே3வ முனய: ஸ்வ விமுக்திகாமா
மௌனம் சரந்தி விஜனே ந பரார்த2 நிஷ்டா2:|
நைதான் விஹாய க்ருபணான் விமுமுக்ஷ ஏகோ
நான்யம் த்வத3ஸ்ய ஶரணம் ப்4ரமதோऽநுபஶ்யே|| 44
யன்மைது2நாதி3 க்3ருஹமேதி4 ஸுக2ம் ஹி துச்ச2ம்
கண்டூ3யனேன கரயோரிவ து3:க2 து3:க2ம்|
த்ருப்யந்தி நேஹ க்ருபணா ப3ஹுது3:க2பா4ஜ:
கண்டூ3திவன்மனஸிஜம் விஷஹேத தீ4ர:|| 45
மௌனவ்ரத ஶ்ருத தபோऽத்4யயன ஸ்வத4ர்ம-
வ்யாக்2யாரஹோ ஜப ஸமாத4ய ஆபவர்க்3யா:|
ப்ராய: பரம் புருஷ தே த்வஜிதேந்த்3ரியாணாம்
வார்தா ப4வந்த்யுத ந வாத்ர து தா3ம்பி4கானாம்|| 46
ரூபே இமே ஸத3ஸதீ தவ வேத3ஸ்ருஷ்டே
பீ3ஜாங்குராவிவ ந சான்யத3ரூபகஸ்ய|
யுக்தா: ஸமக்ஷமுப4யத்ர விசின்வதே த்வாம்
யோகே3ன வஹ்நிமிவ தா3ருஷு நான்யத: ஸ்யாத்|| 47
த்வம் வாயுரக்3நிரவநிர் வியத3ம்பு3 மாத்ரா:
ப்ராணேந்த்3ரியாணி ஹ்ருத3யம் சித3நுக்3ரஹஶ்ச|
ஸர்வம் த்வமேவ ஸகு3ணோ விகு3ணஶ்ச பூ4மன்
நான்யத் த்வத3ஸ்த்யபி மநோவசஸா நிருக்தம்|| 48
நைதே கு3ணா ந கு3ணிநோ மஹதா3த3யோ யே
ஸர்வே மன: ப்ரப்4ருதய: ஸஹதே3வ மர்த்யா:|
ஆத்3யன்தவந்த உருகா3ய வித3ந்தி ஹி த்வா-
மேவம் விம்ருஶ்ய ஸுதி4யோ விரமந்தி ஶப்3தா3த்|| 49
தத் தேऽர்ஹத்தம நம: ஸ்துதி கர்ம பூஜா:
கர்ம ஸ்ம்ருதிஶ் சரணயோ: ஶ்ரவணம் கதா2யாம்|
ஸம்ஸேவயா த்வயி விநேதி ஷட3ங்க3யா கிம்
ப4க்திம் ஜன: பரமஹம்ஸக3தௌ லபே4த|| 50
ஶ்ரீநாரத3 உவாச|
ஏதாவத்3 வர்ணித கு3ணோ ப4க்த்யா ப4க்தேன நிர்கு3ண:|
ப்ரஹ்ராத3ம் ப்ரணதம் ப்ரீதோ யதமன்யுரபா4ஷத|| 51
ஶ்ரீப4க3வாநுவாச|
ப்ரஹ்ராத3 ப4த்3ர ப4த்3ரம் தே ப்ரீதோऽஹம் தேऽஸுரோத்தம|
வரம் வ்ருணீஷ்வ அபி4மதம் காம பூரோऽஸ்ம்யஹம் ந்ருணாம்|| 52
மாமப்ரீணத ஆயுஷ்மந் த3ர்ஶனம் து3ர்லப4ம் ஹி மே|
த்3ருஷ்ட்வா மாம் ந புனர் ஜந்து ராத்மாநம் தப்துமர்ஹதி|| 53
ப்ரீணந்தி ஹ்யத2 மாம் தீ4ரா: ஸர்வபா4வேன ஸாத4வ:|
ஶ்ரேயஸ்காமா மஹாபா4க3 ஸர்வாஸா மாஶிஷாம் பதிம்|| 54
ஏவம் ப்ரலோப்4யமாநோऽபி வரைர் லோக ப்ரலோப4னை:|
ஏகாந்தித்வாத்3 ப4க3வதி நைச்ச2த் தான் அஸுரோத்தம:|| 55
|| இதி ஶ்ரீமத்3பா4க3வதே மஹா புராணே பாரமஹம்ஸ்யாம் ஸம்ஹிதாயாம் ஸப்தம ஸ்கந்தே4 ப்ரஹ்லாத3சரிதே ப4க3வத்ஸ்தவோ நாம நவமோऽத்4யாய: || 9 ||
ஏழாம் ஸ்கந்தம் - ஒன்பாதாம் அத்யாயம் முற்றும்.