ஶ்ரீமத்பாகவதமஹாபுராணம் :: ஏழாம் ஸ்கந்தம் :: அத்யாயம் 11.
மானவ தர்மம், வர்ணதர்மம் மற்றும் ஸ்தீரி தர்மங்களின் நிரூபணம்
அத₂ ஏகாத₃ஶோऽத்₂யாய:

ஶ்ரீஶுக உவாச -
ஶ்ருத்வேஹிதம் ஸாது₄ ஸபா₄ஸபா₄ஜிதம்
      மஹத்தமாக்₃ரண்ய உருக்ரமாத்மன:|
யுதி₄ஷ்டி₂ரோ தை₃த்யபதேர்முதா₃ யுத:
      பப்ரச்ச₂ பூ₄யஸ்தனயம் ஸ்வயம்பு₄வ:|| 1

யுதி₄ஷ்டி₂ர உவாச -
ப₄க₃வன் ஶ்ரோது மிச்சா₂மி ந்ருணாம் த₄ர்மம் ஸநாதனம்|
வர்ணாஶ்ரமாசாரயுதம் யத் புமான் விந்த₃தே பரம்|| 2

ப₄வான் ப்ரஜாபதே: ஸாக்ஷாதா₃த்மஜ: பரமேஷ்டி₂ன:|
ஸுதானாம் ஸம்மதோ ப்₃ரஹ்மன் தபோ யோக₃ ஸமாதி₄பி₄:|| 3

நாராயணபரா விப்ரா த₄ர்மம் கு₃ஹ்யம் பரம் விது₃:|
கருணா: ஸாத₄வ: ஶாந்தாஸ்த்வத்₃விதா₄ ந ததா₂பரே|| 4

நாரத₃ உவாச -
நத்வா ப₄க₃வதேऽஜாய லோகாநாம் த₄ர்மஹேதவே|
வக்ஷ்யே ஸநாதனம் த₄ர்மம் நாராயணமுகா₂த் ஶ்ருதம்|| 5

யோऽவதீர்யாத்மநோம்ऽஶேன தா₃க்ஷாயண்யாம் து த₄ர்மத:|
லோகாநாம் ஸ்வஸ்தயேऽத்₄யாஸ்தே தபோ ப₃த₃ரிகாஶ்ரமே|| 6

த₄ர்மமூலம் ஹி ப₄க₃வான் ஸர்வ வேத₃மயோ ஹரி:|
ஸ்ம்ருதம் ச தத்₃விதா₃ம் ராஜன் யேன சாத்மா ப்ரஸீத₃தி|| 7

ஸத்யம் த₃யா தப: ஶௌசம் திதிக்ஷேக்ஷா ஶமோ த₃ம:|
அஹிம்ஸா ப்₃ரஹ்மசர்யம் ச த்யாக₃: ஸ்வாத்₄யாய ஆர்ஜவம்|| 8

ஸந்தோஷ: ஸமத்₃ருக் ஸேவா க்₃ராம்யேஹோபரம: ஶனை:|
ந்ருணாம் விபர்யயேஹேக்ஷா மௌன மாத்ம விமர்ஶனம்|| 9

அன்னாத்₃யாதே₃: ஸம்விபா₄கோ₃ பூ₄தேப்₄யஶ்ச யதா₂ர்ஹத:|
தேஷ்வாத்ம தே₃வதா பு₃த்₃தி₄: ஸுதராம் ந்ருஷு பாண்ட₃வ|| 10

ஶ்ரவணம் கீர்தனம் சாஸ்ய ஸ்மரணம் மஹதாம் க₃தே:|
ஸேவேஜ்யாவனதிர் தா₃ஸ்யம் ஸக்₂யமாத்ம ஸமர்பணம்|| 11

ந்ருணாமயம் பரோ த₄ர்ம: ஸர்வேஷாம் ஸமுதா₃ஹ்ருத:|
த்ரிம்ஶல்ல க்ஷணவான் ராஜன் ஸர்வாத்மா யேன துஷ்யதி|| 12

ஸம்ஸ்காரா யத₃விச்சி₂ன்னா: ஸ த்₃விஜோऽஜோ ஜகா₃த₃ யம்|
இஜ்யாத்₄யயன தா₃நாநி விஹிதாநி த்₃விஜன்மநாம்|
ஜன்ம கர்மாவதா₃தாநாம் க்ரியாஶ் சாஶ்ரம சோதி₃தா:|| 13

விப்ரஸ்யாத்₄யயநாதீ₃னி ஷட₃ன்யஸ்யாப்ரதிக்₃ரஹ:|
ராஜ்ஞோ வ்ருத்தி: ப்ரஜாகோ₃ப்துரவிப்ராத்₃ வா கராதி₃பி₄:|| 14

வைஶ்யஸ்து வார்தாவ்ருத்திஶ்ச நித்யம் ப்₃ரஹ்மகுலாநுக₃:|
ஶூத்₃ரஸ்ய த்₃விஜ ஶுஶ்ரூஷா வ்ருத்திஶ்ச ஸ்வாமிநோ ப₄வேத்|| 15

வார்தா விசித்ரா ஶாலீந யாயாவர ஶிலோஞ்ச₂னம்|
விப்ரவ்ருத்திஶ் சதுர்தே₄யம் ஶ்ரேயஸீ சோத்தரோத்தரா|| 16

ஜக₄ன்யோ நோத்தமாம் வ்ருத்தி மநாபதி₃ ப₄ஜேந்நர:|
ருதே ராஜன்ய மாபத்ஸு ஸர்வேஷாமபி ஸர்வஶ:|| 17

ருதாம்ருதாப்₄யாம் ஜீவேத ம்ருதேன ப்ரம்ருதேன வா|
ஸத்யாந்ருதாப்₄யாம் ஜீவேத ந ஶ்வவ்ருத்த்யா கத₂ஞ்சன|| 18

ருத முஞ்ச₂ஶிலம் ப்ரோக்தமம்ருதம் யத₃யாசிதம்|
ம்ருதம் து நித்யயாம்ச்ஞா ஸ்யாத் ப்ரம்ருதம் கர்ஷணம் ஸ்ம்ருதம்|| 19

ஸத்யாந்ருதம் ச வாணிஜ்யம் ஶ்வவ்ருத்திர் நீசஸேவனம்|
வர்ஜயேத் தாம் ஸதா₃ விப்ரோ ராஜன்யஶ்ச ஜுகு₃ப்ஸிதாம்|
ஸர்வ வேத₃மயோ விப்ர: ஸர்வ தே₃வமயோ ந்ருப:|| 20

ஶமோ த₃மஸ்தப: ஶௌசம் ஸந்தோஷ: க்ஷாந்திரார்ஜவம்|
ஜ்ஞானம் த₃யாச்யுதாத்மத்வம் ஸத்யம் ச ப்₃ரஹ்மலக்ஷணம்|| 21

ஶௌர்யம் வீர்யம் த்₄ருதிஸ் தேஜஸ்த்யாக₃ ஆத்மஜய: க்ஷமா|
ப்₃ரஹ்மண்யதா ப்ரஸாத₃ஶ்ச ரக்ஷா ச க்ஷத்ர லக்ஷணம்|| 22

தே₃வகு₃ர்வச்யுதே ப₄க்திஸ்த்ரிவர்க₃ பரிபோஷணம்|
ஆஸ்திக்யமுத்₃யமோ நித்யம் நைபுண்யம் வைஶ்ய லக்ஷணம்|| 23

ஶூத்₃ரஸ்ய ஸம்நதி: ஶௌசம் ஸேவா ஸ்வாமின்யமாயயா|
அமந்த்ர யஜ்ஞோ ஹ்யஸ்தேயம் ஸத்யம் கோ₃விப்ர ரக்ஷணம்|| 24

ஸ்த்ரீணாம் ச பதிதே₃வாநாம் தச்ச்₂ருஶ்ரூஷாநுகூலதா|
தத்₃‍ ப₃ந்து₄ஷ்வநுவ்ருத்திஶ்ச நித்யம் தத்₃வ்ரத தா₄ரணம்|| 25

ஸம்மார்ஜநோபலேபாப்₄யாம் க்₃ருஹமண்ட₃ல வர்தனை:|
ஸ்வயம் ச மண்டி₃தா நித்யம் பரிம்ருஷ்ட பரிச்ச₂தா₃|| 26

காமைருச்சாவசை: ஸாத்₄வீ ப்ரஶ்ரயேண த₃மேன ச|
வாக்யை: ஸத்யை: ப்ரியை: ப்ரேம்ணா காலே காலே ப₄ஜேத் பதிம்|| 27

ஸந்துஷ்டாலோலுபா த₃க்ஷா த₄ர்மஜ்ஞா ப்ரியஸத்யவாக்|
அப்ரமத்தா ஶுசி: ஸ்நிக்₃தா₄ பதிம் த்வபதிதம் ப₄ஜேத்|| 28

யா பதிம் ஹரிபா₄வேன ப₄ஜேத் ஶ்ரீரிவ தத்பரா|
ஹர்யாத்மநா ஹரேர் லோகே பத்யா ஶ்ரீரிவ மோத₃தே|| 29

வ்ருத்தி: ஸங்‌கரஜாதீநாம் தத்தத் குலக்ருதா ப₄வேத்|
அசௌராணாம் அபாபாநாம் அந்த்யஜாந்தேऽவஸாயிநாம்|| 30

ப்ராய: ஸ்வபா₄வ விஹிதோ ந்ருணாம் த₄ர்மோ யுகே₃ யுகே₃|
வேத₃ த்₃ருக்₃பி₄: ஸ்ம்ருதோ ராஜன் ப்ரேத்ய சேஹ ச ஶர்மக்ருத்|| 31

வ்ருத்த்யா ஸ்வபா₄வக்ருதயா வர்தமான: ஸ்வகர்மக்ருத்|
ஹித்வா ஸ்வபா₄வஜம் கர்ம ஶனைர் நிர்கு₃ணதாமியாத்|| 32

உப்யமானம் முஹு: க்ஷேத்ரம் ஸ்வயம் நிர்வீர்யதாமியாத்|
ந கல்பதே புன: ஸூத்யை உப்தம் பீ₃ஜம் ச நஶ்யதி|| 33

ஏவம் காமாஶயம் சித்தம் காமானாமதிஸேவயா|
விரஜ்யேத யதா₂ ராஜன் நாக்₃நிவத் காமபி₃ந்து₃பி₄:|| 34

யஸ்ய யல்லக்ஷணம் ப்ரோக்தம் பும்ஸோ வர்ணாபி₄ வ்யஞ்ஜகம்|
யத₃ன்யத்ராபி த்₃ருஶ்யேத தத் தேனைவ விநிர் தி₃ஶேத்|| 35

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் ஸப்தமஸ்கந்தே₄ யுதி₄ஷ்டி₂ர நாரத₃ஸம்வாதே₃ ஸதா₃சாரநிர்ணயோ நாம ஏகாத₃ஶோऽத்₄யாய: || 11 ||

ஏழாம் ஸ்கந்தம் - பதினொன்றாம் அத்யாயம் முற்றும்.