ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 17.
சித்ரகேதுவிற்கு பார்வதி தேவி சாபம் கொடுத்தல்
அத₂ ஶப்தத₃ஶோऽத்₂யாய:

ஶ்ரீஶுக உவாச -
யதஶ்ச அந்தர்ஹிதோऽனந்தஸ் தஸ்யை க்ருத்வா தி3ஶே நம:|
வித்3யாத₄ரஶ்சித்ரகேதுஶ் சசார க3க3நேசர:|| 1

ஸ லக்ஷம் வர்ஷலக்ஷாணா மவ்யாஹத ப3லேந்த்3ரிய:|
ஸ்தூயமாநோ மஹாயோகீ3 முனிபி₄: ஸித்3த₄சாரணை:|| 2

குலாசலேந்த்3ர த்3ரோணீஷு நாநாஸங்‌கல்ப ஸித்3தி₄ஷு|
ரேமே வித்3யாத₄ரஸ்த்ரீபி₄ர் கா3பயன் ஹரிமீஶ்வரம்|| 3

ஏகதா3 ஸ விமானேன விஷ்ணுத3த்தேன பா₄ஸ்வதா|
கி3ரிஶம் த3த்3ருஶே க3ச்ச₂ன் பரீதம் ஸித்3த₄ சாரணை:|| 4

ஆலிங்‌க்3யாங்‌கீக்ருதாம் தே3வீம் பா3ஹுநா முனிஸம்ஸதி3|
உவாச தே3வ்யா: ஶ்ருண்வந்த்யா ஜஹாஸோச்சைஸ்தத3ந்திகே|| 5

சித்ரகேதுருவாச -
ஏஷ லோககு3ரு: ஸாக்ஷாத்3 த₄ர்மம் வக்தா ஶரீரிணாம்|
ஆஸ்தே முக்₂ய: ஸபா₄யாம் வை மிது₂நீபூ₄ய பா₄ர்யயா|| 6

ஜடாத₄ரஸ்தீவ்ரதபா ப்3ரஹ்மவாதி3 ஸபா₄பதி:|
அங்‌கீக்ருத்ய ஸ்த்ரியம் சாஸ்தே க3தஹ்ரீ: ப்ராக்ருதோ யதா₂|| 7

ப்ராயஶ: ப்ராக்ருதாஶ்சாபி ஸ்த்ரியம் ரஹஸி பி3ப்₄ரதி|
அயம் மஹாவ்ரதத₄ரோ பி3ப₄ர்தி ஸத3ஸி ஸ்த்ரியம்|| 8

ஶ்ரீஶுக உவாச -
ப₄க3வான் அபி தச்ச்₂ருத்வா ப்ரஹஸ்யாகா3த₄தீ₄ர் ந்ருப|
தூஷ்ணீம் ப3பூ₄வ ஸத3ஸி ஸப்₄யாஶ்ச தத3நுவ்ரதா:|| 9

இத்யதத்3வீர்யவிது3ஷி ப்3ருவாணே ப3ஹ்வஶோப₄நம்|
ருஷாऽऽஹ தே3வீ த்₄ருஷ்டாய நிர்ஜிதாத்மாபி₄மாநிநே|| 10

ஶ்ரீபார்வதி உவாச -
அயம் கிமது₄நா லோகே ஶாஸ்தா த3ண்ட3த₄ர: ப்ரபு₄:|
அஸ்மத்3விதா₄நாம் து3ஷ்டாநாம் நிர்லஜ்ஜாநாம் ச விப்ரக்ருத்|| 11

ந வேத3 த₄ர்மம் கில பத்3மயோநி:
      ந ப்3ரஹ்மபுத்ரா ப்₄ருகு3நாரதா3த்3யா:|
ந வை குமார: கபிலோ மநுஶ்ச
      யே நோ நிஷேத₄ந்த்யதிவர்தினம் ஹரம்|| 12

ஏஷாமநுத்₄யேய பதா3ப்3ஜயுக்3மம்
      ஜக3த்3‍கு3ரும் மங்‌க3ள மங்‌க3ளம் ஸ்வயம்|
ய: க்ஷத்ரப3ந்து₄: பரிபூ₄ய ஸூரீன்-
      ப்ரஶாஸ்தி த்₄ருஷ்டஸ்தத3யம் ஹி த3ண்ட்3ய:|| 13

நாயமர்ஹதி வைகுண்ட₂பாத3மூலோபஸர்பணம்|
ஸம்பா₄விதமதி: ஸ்தப்3த₄: ஸாது₄பி₄: பர்யுபாஸிதம்|| 14

அத: பாபீயஸீம் யோநிமாஸுரீம் யாஹி து3ர்மதே|
யதே₂ஹ பூ₄யோ மஹதாம் ந கர்தா புத்ர கில்பி3ஷம்|| 15

ஶ்ரீஶுக உவாச -
ஏவம் ஶப்தஶ்சித்ரகேதுர் விமாநாத3வருஹ்ய ஸ:|
ப்ரஸாத3யாமாஸ ஸதீம் மூர்த்₄நா நம்ரேண பா₄ரத|| 16

சித்ரகேதுருவாச -
ப்ரதிக்3ருஹ்ணாமி தே ஶாபமாத்மநோऽஞ்ஜலினாம்பி3கே|
தே3வைர் மர்த்யாய யத் ப்ரோக்தம் பூர்வதி3ஷ்டம் ஹி தஸ்ய தத்|| 17

ஸம்ஸாரசக்ர ஏதஸ்மின் ஜந்து: அஜ்ஞான மோஹித:|
ப்₄ராம்யன் ஸுக₂ம் ச து3:க₂ம் ச பு₄ங்‌க்தே ஸர்வத்ர ஸர்வதா3|| 18

நைவாத்மா ந பரஶ்சாபி கர்தா ஸ்யாத் ஸுக₂து3:க₂யோ:|
கர்தாரம் மன்யதேऽப்ராஜ்ஞ ஆத்மானம் பரமேவ ச|| 19

கு3ணப்ரவாஹ ஏதஸ்மின் க: ஶாப: கோன்வநுக்3ரஹ:|
க: ஸ்வர்கோ3 நரக: கோ வா கிம் ஸுக₂ம் து3:க₂மேவ வா|| 20

ஏக: ஸ்ருஜதி பூ₄தானி ப₄க3வான் ஆத்மமாயயா|
ஏஷாம் ப3ந்த₄ம் ச மோக்ஷம் ச ஸுக₂ம் து3:க₂ம் ச நிஷ்கல:|| 21

ந தஸ்ய கஶ்சித்3 த3யித: ப்ரதீபோ
      ந ஜ்ஞாதி ப3ந்து₄ர் ந பரோ ந ச ஸ்வ:|
ஸமஸ்ய ஸர்வத்ர நிரஞ்ஜனஸ்ய
      ஸுகே₂ ந ராக3: குத ஏவ ரோஷ:|| 22

ததா₂பி தச்ச₂க்திவிஸர்க3 ஏஷாம்
      ஸுகா₂ய து3:கா₂ய ஹிதாஹிதாய|
ப3ந்தா₄ய மோக்ஷாய ச ம்ருத்யுஜன்மநோ:
      ஶரீரிணாம் ஸம்ஸ்ருதயேऽவகல்பதே|| 23

அத₂ ப்ரஸாத3யே ந த்வாம் ஶாபமோக்ஷாய பா₄மினி|
யன்மன்யஸே அஸாதூ₄க்தம் மம தத் க்ஷம்யதாம் ஸதி|| 24

ஶ்ரீஶுக உவாச -
இதி ப்ரஸாத்₃ய கி₃ரிஶௌ சித்ரகேதுரரிந்த₃ம|
ஜகா₃ம ஸ்வவிமானேன பஶ்யதோ: ஸ்மயதோஸ்தயோ:|| 25

ததஸ்து ப₄க₃வான் ருத்₃ரோ ருத்₃ராணீமித₃மப்₃ரவீத்|
தே₃வர்ஷி தை₃த்ய ஸித்₃தா₄நாம் பார்ஷதா₃நாம் ச ஶ்ருண்வதாம்|| 26

ஶ்ரீருத்₃ர உவாச -
த்₃ருஷ்டவத்யஸி ஸுஶ்ரோணி ஹரேரத்₃‍பு₄தகர்மண:|
மாஹாத்ம்யம் ப்₄ருத்ய ப்₄ருத்யாநாம் நி:ஸ்ப்ருஹாணாம் மஹாத்மநாம்|| 27

நாராயணபரா: ஸர்வே ந குதஶ்சன பி₃ப்₄யதி|
ஸ்வர்கா₃பவர்க₃ நரகேஷ்வபி துல்யார்த₂த₃ர்ஶின:|| 28

தே₃ஹிநாம் தே₃ஹஸம்யோகா₃த்₃ த்₃வந்த்₃வாநீஶ்வரலீலயா|
ஸுக₂ம் து₃:க₂ம் ம்ருதிர்ஜன்ம ஶாபோऽநுக்₃ரஹ ஏவ ச|| 29

அவிவேகக்ருத: பும்ஸோ ஹ்யர்த₂பே₄த₃ இவாத்மநி|
கு₃ணதோ₃ஷ விகல்பஶ்ச பி₄தே₃வ ஸ்ரஜிவத் க்ருத:|| 30

வாஸுதே₃வே ப₄க₃வதி ப₄க்திமுத்₃வஹதாம் ந்ருணாம்|
ஜ்ஞான வைராக்₃ய வீர்யாணாம் நேஹ கஶ்சித்₃ வ்யபாஶ்ரய:|| 31

நாஹம் விரிஞ்சோ ந குமாரநாரதௌ₃
      ந ப்₃ரஹ்மபுத்ரா முனய: ஸுரேஶா:|
விதா₃ம யஸ்யேஹிதமம்ஶகாம்ஶகா
      ந தத்ஸ்வரூபம் ப்ருத₂கீ₃ஶமானின:|| 32

ந ஹி அஸ்யாஸ்தி ப்ரிய: கஶ்சிந்நாப்ரிய: ஸ்வ: பரோऽபி வா|
ஆத்மத்வாத் ஸர்வபூ₄தாநாம் ஸர்வபூ₄த ப்ரியோ ஹரி:|| 33

தஸ்ய சாயம் மஹாபா₄க₃ஶ்சித்ரகேது: ப்ரியோऽநுக₃:|
ஸர்வத்ர ஸமத்₃ருக் ஶாந்தோ ஹி அஹம் சைவ அச்யுதப்ரிய:|| 34

தஸ்மாந்ந விஸ்மய: கார்ய: புருஷேஷு மஹாத்மஸு|
மஹாபுருஷ ப₄க்தேஷு ஶாந்தேஷு ஸமத₃ர்ஶிஷு|| 35

ஶ்ரீஶுக உவாச -
இதி ஶ்ருத்வா ப₄க₃வத: ஶிவஸ்யோமாபி₄பா₄ஷிதம்|
ப₃பூ₄வ ஶாந்ததீ₄ ராஜன் தே₃வீ விக₃தவிஸ்மயா|| 36

இதி பா₄க₃வதோ தே₃வ்யா: ப்ரதிஶப்து மலந்தம:|
மூர்த்₄நா ஸஞ்ஜக்₃ருஹே ஶாபமேதாவத் ஸாது₄ லக்ஷணம்|| 37

ஜஜ்ஞே த்வஷ்டுர் த₃க்ஷிணாக்₃நௌ தா₃னவீம் யோநிமாஶ்ரித:|
வ்ருத்ர இத்யபி₄விக்₂யாதோ ஜ்ஞாநவிஜ்ஞாநஸம்யுத:|| 38

ஏதத்தே ஸர்வமாக்₂யாதம் யன்மாம் த்வம் பரிப்ருச்ச₂ஸி|
வ்ருத்ரஸ்யாஸுரஜாதேஶ்ச காரணம் ப₄க₃வன்மதே:|| 39

இதிஹாஸமிமம் புண்யம் சித்ரகேதோர் மஹாத்மன:|
மாஹாத்ம்யம் விஷ்ணு ப₄க்தாநாம் ஶ்ருத்வா ப₃ந்தா₄த்₃ விமுச்யதே|| 40

ய ஏதத் ப்ராதருத்தா₂ய ஶ்ரத்₃த₄யா வாக்₃யத: படே₂த்|
இதிஹாஸம் ஹரிம் ஸ்ம்ருத்வா ஸ யாதி பரமாம் க₃திம்|| 41

||இதி ஶ்ரீமத்₃‌பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் ஷஷ்ட₂ஸ்கந்தே₄ சித்ரகேதுஶாபோ நாம ஸப்தத₃ஶோऽத்₄யா‍ய:|| 17||

ஆறாம் ஸ்கந்தம் - பதினேழாம் அத்யாயம் முற்றும்.