ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 18.
அதிதி மற்றும் திதியின் சந்தானங்கள் மற்றும் மருத் கணங்களின் உற்பத்தியின் வர்ணனை
அதா2ஷ்டாத3ஶோऽத்4யாய:
ஶ்ரீஶுக உவாச
ப்ருஶ்நிஸ்து பத்நீ ஸவிது: ஸாவித்ரீம் வ்யாஹ்ருதிம் த்ரயீம்|
அக்3நிஹோத்ரம் பஶும் ஸோமம் சாதுர்மாஸ்யம் மஹாமகா2ன்|| 1
ஸித்3தி4ர் ப4க3ஸ்ய பா4ர்யாங்க3 மஹிமானம் விபு4ம் ப்ரபு4ம்|
ஆஶிஷம் ச வராரோஹாம் கன்யாம் ப்ராஸூத ஸுவ்ரதாம்|| 2
தா4து: குஹூ: ஸிநீவாலீ ராகா சாநுமதிஸ்ததா2|
ஸாயம் த3ர்ஶமத2 ப்ராத: பூர்ணமாஸ மநுக்ரமாத்|| 3
அக்3நீன் புரீஷ்யாநாத4த்த க்ரியாயாம் ஸமநந்தர:|
சர்ஷணீ வருணஸ்யாஸீத்3 யஸ்யாம் ஜாதோ ப்4ருகு3: புன:|| 4
வால்மீகிஶ்ச மஹாயோகீ3 வல்மீகாத3ப4வத் கில|
அக3ஸ்த்யஶ்ச வஸிஷ்ட2ஶ்ச மித்ராவருணயோர் ருஷீ|| 5
ரேத: ஸிஷிசது: கும்பே4 உர்வஶ்யா: ஸந்நிதௌ4 த்3ருதம்|
ரேவத்யாம் மித்ர உத்ஸர்க3மரிஷ்டம் பிப்பலம் வ்யதா4த்|| 6
பௌலோம்யாமிந்த்3ர ஆத4த்த த்ரீன் புத்ராநிதி ந: ஶ்ருதம்|
ஜயந்த ம்ருஷப4ம் தாத த்ருதீயம் மீடு4ஷம் ப்ரபு4:|| 7
உருக்ரமஸ்ய தே3வஸ்ய மாயா வாமன ரூபிண:|
கீர்தௌ பத்ன்யாம் ப்3ருஹச் ச்2லோகஸ் தஸ்யாஸன் ஸௌப4கா3த3ய:|| 8
தத்கர்ம கு3ணவீர்யாணி காஶ்யபஸ்ய மஹாத்மன:|
பஶ்சாத்3 வக்ஷ்யாமஹே ऽதி3த்யாம் யதா2 வாவததார ஹ|| 9
அத2 கஶ்யபதா3யாதா3ன் தை3தேயான் கீர்தயாமி தே|
யத்ர பா4க3வத: ஶ்ரீமான் ப்ரஹ்லாதோ3 ப3லிரேவ ச|| 10
தி3தேர் த்3வாவேவ தா3யாதௌ3 தை3த்ய தா3னவ வந்தி3தௌ|
ஹிரண்யகஶிபுர் நாம ஹிரண்யாக்ஷஶ்ச கீர்திதௌ|| 11
ஹிரண்யகஶிபோர் பா4ர்யா கயாது4ர் நாம தா3னவீ|
ஜம்ப4ஸ்ய தனயா த3த்தா ஸுஷுவே சதுர: ஸுதான்|| 12
ஸம்ஹ்ராத3ம் ப்ராக3நுஹ்ராத3ம் ஹ்ராத3ம் ப்ரஹ்ராத3மேவ ச|
தத்ஸ்வஸா ஸிம்ஹிகா நாம ராஹும் விப்ரசிதோऽக்3ரஹீத்|| 13
ஶிரோऽஹரத்3 யஸ்ய ஹரிஶ்சக்ரேண பிப3தோऽம்ருதம்|
ஸம்ஹ்ராத3ஸ்ய க்ருதிர் பா4ர்யாஸூத பஞ்சஜனம் தத:|| 14
ஹ்ராத3ஸ்ய த4மநிர் பா4ர்யாஸூத வாதாபிம் இல்வலம்|
யோऽக3ஸ்த்யாய த்வதித2யே பேசே வாதாபிம் இல்வல:|| 15
அநுஹ்ராத3ஸ்ய ஸூர்யாயாம் பா3ஷ்கலோ மஹிஷஸ்ததா2|
விரோசநஸ்து ப்ராஹ்ராதி3ர் தே3வ்யாஸ்தஸ்யாப4வத்3 ப3லி:|| 16
பா3ணஜ்யேஷ்ட2ம் புத்ரஶதமஶநாயாம் ததோऽப4வத்|
தஸ்யாநுபா4வ: ஸுஶ்லோக்யம் பஶ்சாதே3வாபி4தா4ஸ்யதே|| 17
பா3ண ஆராத்4ய கி3ரிஶம் லேபே4 தத்3க3ண முக்2யதாம்|
யத்பார்ஶ்வே ப4க3வாநாஸ்தே ஹ்யத்3யாபி புரபாலக:|| 18
மருதஶ்ச தி3தே: புத்ராஶ்சத்வாரிம்ஶந் நவாதி4கா:|
த ஆஸந்நப்ரஜா: ஸர்வே நீதா இந்த்3ரேண ஸாத்மதாம்|| 19
ஶ்ரீராஜோவாச|
கத2ம் த ஆஸுரம் பா4வமபோஹ்யௌத்பத்திகம் கு3ரோ|
இந்த்3ரேண ப்ராபிதா: ஸாத்ம்யம் கிம் தத் ஸாது4 க்ருதம் ஹி தை:|| 20
இமே ஶ்ரத்3த3த4தே ப்3ரஹ்மன் ருஷயோ ஹி மயா ஸஹ|
பரிஜ்ஞாநாய ப4க3வன் தந்நோ வ்யாக்2யாது மர்ஹஸி|| 21
ஶ்ரீஸூத உவாச|
தத்3விஷ்ணுராதஸ்ய ஸ பா3த3ராயணிர்
வசோ நிஶம்யாத்3ருத மல்பமர்த2வத்|
ஸபா4ஜயன் ஸம்நிப்4ருதேன சேதஸா
ஜகா3த3 ஸத்ராயண ஸர்வத3ர்ஶன:|| 22
ஶ்ரீஶுக உவாச|
ஹதபுத்ரா தி3தி: ஶக்ரபார்ஷ்ணிக்3ராஹேண விஷ்ணுநா|
மன்யுநா ஶோகதீ3ப்தேன ஜ்வலந்தீ பர்யசிந்தயத்|| 23
கதா3 நு ப்4ராத்ருஹந்தார மிந்த்3ரியாராம முல்ப3ணம்|
அக்லின்ன ஹ்ருத3யம் பாபம் கா4தயித்வா ஶயே ஸுக2ம்|| 24
க்ருமி விட்3ப4ஸ்ம ஸம்ஜ்ஞாऽऽஸீத்3 யஸ்யேஶாபி4ஹிதஸ்ய ச|
பூ4தத்4ருக் தத்க்ருதே ஸ்வார்த2ம் கிம் வேத3 நிரயோ யத:|| 25
ஆஶாஸானஸ்ய தஸ்யேத3ம் த்4ருவ முன்னத்3த4சேதஸ:|
மத3ஶோஷக இந்த்3ரஸ்ய பூ4யாத்3 யேன ஸுதோ ஹி மே|| 26
இதி பா4வேன ஸா ப4ர்துராசசாராஸக்ருத் ப்ரியம்|
ஶுஶ்ரூஷயாநுராகே3ண ப்ரஶ்ரயேண த3மேன ச|| 27
ப4க்த்யா பரமயா ராஜன் மநோஜ்ஞைர் வல்கு3 பா4ஷிதை:|
மநோ ஜக்3ராஹ பா4வஜ்ஞா ஸஸ்மிதாபாங்க3 வீக்ஷணை:|| 28
ஏவம் ஸ்த்ரியா ஜடீ3பூ4தோ வித்3வாநபி வித3க்3த4யா|
பா3ட4மித்யாஹ விவஶோ ந தச்சித்ரம் ஹி யோஷிதி|| 29
விலோக்யைகாந்தபூ4தாநி பூ4தான்யாதௌ3 ப்ரஜாபதி:|
ஸ்த்ரியம் சக்ரே ஸ்வதே3ஹார்த4ம் யயா பும்ஸாம் மதிர் ஹ்ருதா|| 30
ஏவம் ஶுஶ்ரூஷிதஸ்தாத ப4க3வான் கஶ்யப: ஸ்த்ரியா|
ப்ரஹஸ்ய பரமப்ரீதோ தி3திமாஹாபி4நந்த்3ய ச|| 31
ஶ்ரீகஶ்யப உவாச|
வரம் வரய வாமோரு ப்ரீதஸ்தேऽஹமநிந்தி3தே|
ஸ்த்ரியா ப4ர்தரி ஸுப்ரீதே க: காம இஹ சாக3ம:|| 32
பதிரேவ ஹி நாரீணாம் தை3வதம் பரமம் ஸ்ம்ருதம்|
மானஸ: ஸர்வபூ4தாநாம் வாஸுதே3வ: ஶ்ரிய: பதி:|| 33
ஸ ஏவ தே3வதாலிங்கை3ர் நாம ரூப விகல்பிதை:|
இஜ்யதே ப4க3வான் பும்பி4: ஸ்த்ரீபி4ஶ்ச பதிரூபத்4ருக்|| 34
தஸ்மாத் பதிவ்ரதா நார்ய: ஶ்ரேயஸ்காமா: ஸுமத்4யமே|
யஜந்தேऽனன்ய பா4வேன பதிமாத்மாநமீஶ்வரம்|| 35
ஸோऽஹம் த்வயார்சிதோ ப4த்3ரே ஈத்3ருக்3பா4வேன ப4க்தித:|
தத்தே ஸம்பாத3யே காமமஸதீநாம் ஸுது3ர்லப4ம்|| 36
தி3திருவாச|
வரதோ3 யதி3 மே ப்3ரஹ்மன் புத்ர மிந்த்3ரஹணம் வ்ருணே|
அம்ருத்யும் ம்ருதபுத்ராஹம் யேன மே கா4திதௌ ஸுதௌ|| 37
நிஶம்ய தத்3வசோ விப்ரோ விமநா: பர்யதப்யத|
அஹோ அத4ர்ம: ஸுமஹாநத்3ய மே ஸமுபஸ்தி2த:|| 38
அஹோ அத்3யேந்த்3ரியாராமோ யோஷின்மய்யேஹ மாயயா|
க்3ருஹீதசேதா: க்ருபண: பதிஷ்யே நரகே த்4ருவம்|| 39
கோऽதிக்ரமோऽநுவர்தந்த்யா: ஸ்வபா4வமிஹ யோஷித:|
தி4ங் மாம் ப3தாபு3த4ம் ஸ்வார்தே2 யத3ஹம் த்வஜிதேந்த்3ரிய:|| 40
ஶரத்பத்3மோத்ஸவம் வக்த்ரம் வசஶ்ச ஶ்ரவணாம்ருதம்|
ஹ்ருத3யம் க்ஷுரதா4ராப4ம் ஸ்த்ரீணாம் கோ வேத3 சேஷ்டிதம்|| 41
ந ஹி கஶ்சித் ப்ரிய: ஸ்த்ரீணா மஞ்ஜஸா ஸ்வாஶிஷாத்மநாம்|
பதிம் புத்ரம் ப்4ராதரம் வா க்4நந்த்யர்தே2 கா4தயந்தி ச|| 42
ப்ரதிஶ்ருதம் த3தா3மீதி வசஸ்தன்ன ம்ருஷா ப4வேத்|
வத4ம் நார்ஹதி சேந்த்3ரோऽபி தத்ரேத3 முபகல்பதே|| 43
இதி ஸஞ்சிந்த்ய ப4க3வான் மாரீச: குருநந்த3ன|
உவாச கிஞ்சித் குபித ஆத்மானம் ச விக3ர்ஹயன்|| 44
ஶ்ரீகஶ்யப உவாச|
புத்ரஸ்தே ப4விதா ப4த்3ரே இந்த்3ரஹா தே3வபா3ந்த4வ:|
ஸம்வத்ஸரம் வ்ரதமித3ம் யத்3யஞ்ஜோ தா4ரயிஷ்யஸி|| 45
தி3திருவாச|
தா4ரயிஷ்யே வ்ரதம் ப்3ரஹ்மன் ப்3ரூஹி கார்யாணி யானி மே|
யானி சேஹ நிஷித்3தா4னி ந வ்ரதம் க்4நந்தி யானி து|| 46
ஶ்ரீகஶ்யப உவாச|
ந ஹிம்ஸ்யாத்3 பூ4தஜாதாநி ந ஶபேந் நாந்ருதம் வதே3த்|
நச்சி2ந்த்3யாந்நக2 ரோமாணி ந ஸ்ப்ருஶேத்3 யத3மங்க3ளம்|| 47
நாப்ஸு ஸ்நாயாந்ந குப்யேத ந ஸம்பா4ஷேத து3ர்ஜனை:|
ந வஸீதாதௌ4தவாஸ: ஸ்ரஜம் ச வித்4ருதாம் க்வசித்|| 48
நோச்சி2ஷ்டம் சண்டி3காந்நம் ச ஸாமிஷம் வ்ருஷலாஹ்ருதம்|
பு4ஞ்ஜீதோத3க்யயா த்3ருஷ்டம் பிபே3த் அஞ்ஜலிநா த்வப:|| 49
நோச்சி2ஷ்டாஸ்ப்ருஷ்டஸலிலா ஸந்த்4யாயாம் முக்தமூர்த4ஜா|
அனர்சிதாஸம்யதவாக் நாஸம்வீதா ப3ஹிஶ்சரேத்|| 50
நாதௌ4தபாதா3ப்ரயதா நார்த்3ரபாந்நோ உத3க்ஶிரா:|
ஶயீத நாபராங் நான்யைர் ந நக்3நா ந ச ஸந்த்4யயோ:|| 51
தௌ4தவாஸா ஶுசிர்நித்யம் ஸர்வமங்க3ளஸம்யுதா|
பூஜயேத் ப்ராதராஶாத் ப்ராக்3 கோ3விப்ரான் ஶ்ரிய மச்யுதம்|| 52
ஸ்த்ரியோ வீரவதீஶ்சார்சேத் ஸ்ரக்3க3ந்த4ப3லிமண்ட3னை:|
பதிம் சார்ச்யோபதிஷ்டே2த த்4யாயேத் கோஷ்ட2க3தம் ச தம்|| 53
ஸாம்வத்ஸரம் பும்ஸவனம் வ்ரதமேதத3விப்லுதம்|
தா4ரயிஷ்யஸி சேத் துப்4யம் ஶக்ரஹா ப4விதா ஸுத:|| 54
பா3ட4மித்யப்4யுபேத்யாத2 தி3தீ ராஜன் மஹாமநா:|
கஶ்யபம் க3ர்ப4மாத4த்த வ்ரதம் சாஞ்ஜோ த3தா4ர ஸா|| 55
மாத்ருஷ்வஸு ரபி4,ப்ராயமிந்த்3ர ஆஜ்ஞாய மானத3|
ஶுஶ்ரூஷணேநாஶ்ரமஸ்தா2ம் தி3திம் பர்யசரத் கவி:|| 56
நித்யம் வநாத் ஸுமனஸ: ப2லமூலஸமித் குஶான்|
பத்ராங்குர ம்ருதோ3ऽபஶ்ச காலே கால உபாஹரத்|| 57
ஏவம் தஸ்யா வ்ரதஸ்தா2யா வ்ரதச்சி2த்3ரம் ஹரிர் ந்ருப|
ப்ரேப்ஸு: பர்யசரஜ்ஜிஹ்மோ ம்ருக3ஹேவ ம்ருகா3க்ருதி:|| 58
நாத்4யக3ச்ச2த்3 வ்ரதச்சி2த்3ரம் தத்பரோऽத2 மஹீபதே|
சிந்தாம் தீவ்ராம் க3த: ஶக்ர: கேன மே ஸ்யாச்சி2வம் த்விஹ|| 59
ஏகதா3 ஸா து ஸந்த்4யாயா முச்சி2ஷ்டா வ்ரதகர்ஶிதா|
அஸ்ப்ருஷ்டவார்யதௌ4தாங்க்4ரி: ஸுஷ்வாப விதி4மோஹிதா|| 60
லப்3த்4வா தத3ந்தரம் ஶக்ரோ நித்3ராபஹ்ருதசேதஸ:|
தி3தே: ப்ரவிஷ்ட உத3ரம் யோகே3ஶோ யோக3மாயயா|| 61
சகர்த ஸப்ததா4 க3ர்ப4ம் வஜ்ரேண கனகப்ரப4ம்|
ருத3ந்தம் ஸப்ததை4கைகம் மா ரோதீ3ரிதி தான் புன:|| 62
தே தமூசு: பாட்யமாநா: ஸர்வே ப்ராஞ்ஜலயோ ந்ருப|
நோ ஜிகா4ம்ஸஸி கிமிந்த்3ர ப்4ராதரோ மருதஸ்தவ|| 63
மா பை4ஷ்ட ப்4ராதரோ மஹ்யம் யூயமித்யாஹ கௌஶிக:|
அனன்யபா4வான் பார்ஷதா3நாத்மநோ மருதாம் க3ணான்|| 64
ந மமார தி3தேர்க3ர்ப4: ஶ்ரீநிவாஸாநுகம்பயா|
ப3ஹுதா4 குலிஶக்ஷுண்ணோ த்3ரௌண்யஸ்த்ரேண யதா2 ப4வான்|| 65
ஸக்ருதி3ஷ்ட்வாऽऽதி3புருஷம் புருஷோ யாதி ஸாம்யதாம்|
ஸம்வத்ஸரம் கிஞ்சிதூ3னம் தி3த்யா யத்3 ஹரிரர்சித:|| 66
ஸஜூரிந்த்3ரேண பஞ்சாஶத்3 தே3வாஸ்தே மருதோऽப4வன்|
வ்யபோஹ்ய மாத்ருதோ3ஷம் தே ஹரிணா ஸோமபா: க்ருதா:|| 67
தி3திருத்தா2ய த3த்3ருஶே குமாராநநலப்ரபா4ன்|
இந்த்3ரேண ஸஹிதான் தே3வீ பர்யதுஷ்யத3நிந்தி3தா|| 68
அதே2ந்த்3ரமாஹ தாதாஹ மாதி3த்யாநாம் ப4யாவஹம்|
அபத்ய மிச்ச2ந்த்யசரம் வ்ரதமேதத் ஸுது3ஷ்கரம்|| 69
ஏக: ஸங்கல்பித: புத்ர: ஸப்த ஸப்தாப4வன் கத2ம்|
யதி3 தே விதி3தம் புத்ர ஸத்யம் கத2ய மா ம்ருஷா|| 70
இந்த்3ர உவாச|
அம்ப3 தேऽஹம் வ்யவஸித முபதா4ர்யாக3தோऽந்திகம்|
லப்3தா4ந்தரோऽச்சி2த3ம் க3ர்ப4மர்த2பு3த்3தி4ர் ந த4ர்மவித்|| 71
க்ருத்தோ மே ஸப்ததா4 க3ர்ப4 ஆஸன் ஸப்த குமாரகா:|
தேऽபி சைகைகஶோ வ்ருக்ணா: ஸப்ததா4 நாபி மம்ரிரே|| 72
ததஸ்தத் பரமாஶ்சர்யம் வீக்ஷ்யாத்4யவஸிதம் மயா|
மஹாபுருஷபூஜாயா: ஸித்3தி4: காப்யாநுஷங்கி3ணீ|| 73
ஆராத4னம் ப4க3வத ஈஹமாநா நிராஶிஷ:|
யே து நேச்ச2ந்த்யபி பரம் தே ஸ்வார்த2குஶலா: ஸ்ம்ருதா:|| 74
ஆராத்4யாத்மப்ரத3ம் தே3வம் ஸ்வாத்மானம் ஜக3தீ3ஶ்வரம்|
கோ வ்ருணீதே கு3ணஸ்பர்ஶம் பு3த4: ஸ்யாந்நரகேऽபி யத்|| 75
ததி3த3ம் மம தௌ3ர்ஜன்யம் பா3லிஶஸ்ய மஹீயஸி|
க்ஷந்துமர்ஹஸி மாதஸ்த்வம் தி3ஷ்ட்யா க3ர்போ4 ம்ருதோத்தி2த:|| 76
ஶ்ரீஶுக உவாச|
இந்த்3ரஸ்தயாப்4யநுஜ்ஞாத: ஶுத்3த4பா4வேன துஷ்டயா|
மருத்3பி4: ஸஹ தாம் நத்வா ஜகா3ம த்ரிதி3வம் ப்ரபு4:|| 77
ஏவம் தே ஸர்வமாக்2யாதம் யன்மாம் த்வம் பரிப்ருச்ச2ஸி|
மங்க3ளம் மருதாம் ஜன்ம கிம் பூ4ய: கத2யாமி தே|| 78
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஷஷ்ட2ஸ்கந்தே4 மருது3த்பத்தி கத2னம் நாம அஷ்டாத3ஶோऽத்4யாய:|| 18 ||
ஆறாம் ஸ்கந்தம் - பதினெட்டாம் அத்யாயம் முற்றும்.