ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 15.
சித்ரகேதுவிற்கு அங்கிராவும் நாரதரும் உபதேசித்தல்
அத2 பஞ்சத3ஶோऽத்2யாய:
ஶ்ரீஶுக உவாச -
ஊசதுர் ம்ருதகோபாந்தே பதிதம் ம்ருதகோபமம்|
ஶோகாபி4பூ4தம் ராஜாநம் போ3த4யந்தௌ ஸது3க்திபி4:|| 1
கோऽயம் ஸ்யாத் தவ ராஜேந்த்3ர ப4வான் யமநுஶோசதி|
த்வம் சாஸ்ய கதம: ஸ்ருஷ்டௌ புரேதா3னீமத: பரம்|| 2
யதா2 ப்ரயாந்தி ஸம்யாந்தி ஸ்ரோதோவேகே3ன வாலுகா:|
ஸம்யுஜ்யந்தே வியுஜ்யந்தே ததா2 காலேன தே3ஹின:|| 3
யதா2 தா4நாஸு வை தா4நா ப4வந்தி ந ப4வந்தி ச|
ஏவம் பூ4தேஷு பூ4தாநி சோதி3தாநீஶமாயயா|| 4
வயம் ச த்வம் ச யே சேமே துல்யகாலாஶ்சராசரா:|
ஜன்ம ம்ருத்யோர் யதா2 பஶ்சாத் ப்ராங்னைவ மது4நாபி போ4:|| 5
பூ4தைர் பூ4தாநி பூ4தேஶ: ஸ்ருஜத்யவதி ஹந்த்யஜ:|
ஆத்மஸ்ருஷ்டைரஸ்வதந்த்ரை: அநபேக்ஷோऽபி பா3லவத்|| 6
தே3ஹேன தே3ஹிநோ ராஜன் தே3ஹாத்3 தே3ஹோऽபி4ஜாயதே|
பீ3ஜாதே3வ யதா2 பீ3ஜம் தே3ஹ்யர்த2 இவ ஶாஶ்வத:|| 7
தே3ஹ தே3ஹி விபா4கோ3ऽயம் அவிவேக க்ருத: புரா|
ஜாதிவ்யக்திவிபா4கோ3ऽயம் யதா2 வஸ்துநி கல்பித:|| 8
ஶ்ரீஶுக உவாச -
ஏவ மாஶ்வாஸிதோ ராஜா சித்ர கேதுர் த்3விஜோக்திபி4:|
ப்ரம்ருஜ்ய பாணிநா வக்த்ர மாதி4ம்லாநமபா4ஷத|| 9
ஶ்ரீராஜோவாச -
கௌ யுவாம் ஜ்ஞானஸம்பந்நௌ மஹிஷ்டௌ2 ச மஹீயஸாம்|
அவதூ4தேன வேஷேண கூ3டா4விஹ ஸமாக3தௌ|| 10
சரந்தி ஹ்யவநௌ காமம் ப்3ராஹ்மணா ப4க3வத்ப்ரியா:|
மாத்3ருஶாம் க்3ராம்யபு3த்3தீ4நாம் போ3தா4யோன்மத்தலிங்கி3ன:|| 11
குமாரோ நாரத3 ருபு4ரங்கி3ரா தே3வலோऽஸித:|
அபாந்தரதமோ வ்யாஸோ மார்கண்டே3யோऽத2 கௌ3தம:|| 12
வஸிஷ்டோ2 ப4க3வான் ராம: கபிலோ பா3த3ராயணி:|
து3ர்வாஸா யாஜ்ஞவல்க்யஶ்ச ஜாதுகர்ணஸ்ததா2 ஆருணி:|| 13
ரோமஶஶ்ச்யவநோ த3த்த ஆஸுரி: ஸபதஞ்ஜலி:|
ருஷிர் வேத3ஶிரா போ3த்4யோ முனி: பஞ்சஶிக2ஸ்ததா2|| 14
ஹிரண்யநாப4: கௌஸல்ய: ஶ்ருததே3வ ருதத்4வஜ:|
ஏதே பரே ச ஸித்3தே4ஶாஶ்சரந்தி ஜ்ஞானஹேதவ:|| 15
தஸ்மாத்3 யுவாம் க்3ராம்யபஶோர் மம மூட4தி4ய: ப்ரபூ4|
அந்தே4 தமஸி மக்3நஸ்ய ஜ்ஞானதீ3ப உதீ3ர்யதாம்|| 16
ஶ்ரீஅங்கி3ரா உவாச -
அஹம் தே புத்ரகாமஸ்ய புத்ரதோ3ऽஸ்ம்யங்கி3ரா ந்ருப|
ஏஷ ப்3ரஹ்மஸுத: ஸாக்ஷாந்நாரதோ3 ப4க3வான் ருஷி:|| 17
இத்த2ம் த்வாம் புத்ரஶோகேன மக்3நம் தமஸி து3ஸ்தரே|
அதத3ர்ஹமநுஸ்ம்ருத்ய மஹாபுருஷ கோ3சரம்|| 18
அநுக்3ரஹாய ப4வத: ப்ராப்தாவாவாமிஹ ப்ரபோ4|
ப்3ரஹ்மண்யோ ப4க3வத்3ப4க்தோ நாவஸீதி3துமர்ஹஸி|| 19
ததை3வ தே பரம் ஜ்ஞானம் த3தா3மி க்3ருஹமாக3த:|
ஜ்ஞாத்வான்யாபி4நிவேஶம் தே புத்ரமேவ த3தா3வஹம்|| 20
அது4நா புத்ரிணாம் தாபோ ப4வதைவாநுபூ4யதே|
ஏவம் தா3ரா க்3ருஹா ராயோ விவிதை4ஶ்வர்ய ஸம்பத3:|| 21
ஶப்3தா3த3யஶ்ச விஷயாஶ்சலா ராஜ்யவிபூ4தய:|
மஹீ ராஜ்யம் ப3லம் கோஶோ ப்4ருத்யாமாத்யா: ஸுஹ்ருஜ்ஜநா:|| 22
ஸர்வேऽபி ஶூரஸேநேமே ஶோகமோஹப4யார்திதா3:|
க3ந்த4ர்வ நக3ர ப்ரக்2யா: ஸ்வப்நமாயா மநோரதா2:|| 23
த்3ருஶ்யமாநா விநார்தே2ன ந த்3ருஶ்யந்தே மநோப4வா:|
கர்மபி4ர் த்4யாயதோ நாநாகர்மாணி மனஸோऽப4வன்|| 24
அயம் ஹி தே3ஹிநோ தே3ஹோ த்3ரவ்ய ஜ்ஞானக்ரியாத்மக:|
தே3ஹிநோ விவித4 க்லேஶ ஸந்தாபக்ருது3தா3ஹ்ருத:|| 25
தஸ்மாத் ஸ்வஸ்தே2ன மனஸா விம்ருஶ்ய க3திமாத்மன:|
த்3வைதே த்4ருவார்த2 விஶ்ரம்ப4ம் த்யஜோபஶமமாவிஶ|| 26
ஶ்ரீநாரத3 உவாச -
ஏதாம் மந்த்ரோபநிஷத3ம் ப்ரதீச்ச2 ப்ரயதோ மம|
யாம் தா4ரயன் ஸப்தராத்ராத்3 த்3ரஷ்டா ஸங்கர்ஷணம் ப்ரபு4ம்|| 27
யத்பாத3மூல முபஸ்ருத்ய நரேந்த்3ர பூர்வே
ஶர்வாத3யோ ப்4ரமமிமம் த்3விதயம் விஸ்ருஜ்ய|
ஸத்3யஸ்ததீ3ய மதுலாநதி4கம் மஹித்வம்
ப்ராபுர் ப4வாநபி பரம் ந சிராத் உபைதி|| 28
||இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஷஷ்ட2ஸ்கந்தே4 சித்ரகேது ஸாந்த்வனம் நாம பஞ்சத3ஶோऽத்4யாய: || 15 ||
ஆறாம் ஸ்கந்தம் - பதினைந்தாம் அத்யாயம் முற்றும்.