ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 14.
வ்ருத்ராசுரனின் பூர்வ சரித்ரம்
அத2 சதுர்த3ஶோऽத்2யாய:
ஶ்ரீபரீக்ஷிது3வாச -
ரஜஸ்தம:ஸ்வபா4வஸ்ய ப்3ரஹ்மன் வ்ருத்ரஸ்ய பாப்மன: |
நாராயணே ப4க3வதி கத2மாஸீத்3 த்3ருடா4 மதி:|| 1
தே3வாநாம் ஶுத்3த4ஸத்த்வாநாம் ருஷீணாம் ச அமலாத்மநாம்|
ப4க்திர் முகுந்த3 சரணே ந ப்ராயேணோபஜாயதே|| 2
ரஜோபி4: ஸமஸங்க்2யாதா: பார்தி2வைரிஹ ஜந்தவ:|
தேஷாம் யே கேசநேஹந்தே ஶ்ரேயோ வை மநுஜாத3ய:|| 3
ப்ராயோ முமுக்ஷவஸ்தேஷாம் கேசனைவ த்3விஜோத்தம|
முமுக்ஷூணாம் ஸஹஸ்ரேஷு கஶ்சின்முச்யேத ஸித்4யதி|| 4
முக்தாநாமபி ஸித்3தா4நாம் நாராயண பராயண:|
ஸுது3ர்லப4: ப்ரஶாந்தாத்மா கோடிஷ்வபி மஹாமுனே|| 5
வ்ருத்ரஸ்து ஸ கத2ம் பாப: ஸர்வலோகோபதாபன:|
இத்த2ம் த்3ருட4மதி: க்ருஷ்ண ஆஸீத் ஸம்க்3ராம உல்ப3ணே|| 6
அத்ர ந: ஸம்ஶயோ பூ4யாஞ்ச்2ரோதும் கௌதூஹலம் ப்ரபோ4|
ய: பௌருஷேண ஸமரே ஸஹஸ்ராக்ஷமதோஷயத்|| 7
ஶ்ரீஸூத உவாச -
பரீக்ஷிதோऽத2 ஸம்ப்ரஶ்நம் ப4க3வான் பா3த3ராயணி:|
நிஶம்ய ஶ்ரத்3த3 தா4னஸ்ய ப்ரதிநந்த்3ய வசோऽப்3ரவீத்|| 8
ஶ்ரீஶுக உவாச -
ஶ்ருணுஷ்வாவஹிதோ ராஜந் இதிஹாஸமிமம் யதா2|
ஶ்ருதம் த்3வைபாயன முகா2த் நாரதா3த்3 தே3வலாத3பி|| 9
ஆஸீத்3 ராஜா ஸார்வபௌ4ம: ஶூரஸேநேஷு வை ந்ருப|
சித்ரகேதுரிதி க்2யாதோ யஸ்யாஸீத் காமது4ங் மஹீ|| 10
தஸ்ய பா4ர்யாஸஹஸ்ராணாம் ஸஹஸ்ராணி த3ஶாப4வன்|
ஸாந்தாநிகஶ்சாபி ந்ருபோ ந லேபே4 தாஸு ஸந்ததிம்|| 11
ரூப ஔதா3ர்ய வயோஜன்ம வித்3யைஶ்வர்ய ஶ்ரியாதி3பி4:|
ஸம்பன்னஸ்ய கு3ணை: ஸர்வைஶ்சிந்தா வந்த்4யாபதேரபூ4த்|| 12
ந தஸ்ய ஸம்பத3: ஸர்வா மஹிஷ்யோ வாமலோசநா:|
ஸார்வ பௌ4மஸ்ய பூ4ஶ்சேயமப4வன் ப்ரீதிஹேதவ:|| 13
தஸ்ய ஏகதா3 து ப4வனமங்கி3ரா ப4க3வான் ருஷி:|
லோகாநநுசரந் நேதாநுபாக3ச்ச2த்3 யத்3ருச்ச2யா|| 14
தம் பூஜயித்வா விதி4வத் ப்ரத்யுத்தா2ன அர்ஹணாதி3பி4:|
க்ருதாதித்2ய முபாஸீத3த் ஸுகா2ஸீனம் ஸமாஹித:|| 15
மஹர்ஷிஸ்தமுபாஸீனம் ப்ரஶ்ரயாவனதம் க்ஷிதௌ|
ப்ரதிபூஜ்ய மஹாராஜ ஸமாபா4ஷ்யேத3 மப்3ரவீத்|| 16
அங்கி3ரா உவாச -
அபி தேऽநாமயம் ஸ்வஸ்தி ப்ரக்ருதீநாம் ததா2ऽऽத்மந:|
யதா2 ப்ரக்ருதிபி4ர் கு3ப்த: புமான் ராஜாபி ஸப்தபி4:|| 17
ஆத்மானம் ப்ரக்ருதிஷ்வத்3தா4 நிதா4ய ஶ்ரேய ஆப்நுயாத்|
ராஜ்ஞா ததா2 ப்ரக்ருதயோ நரதே3வாஹிதாத4ய:|| 18
அபி தா3ரா: ப்ரஜாமாத்யா ப்4ருத்யா: ஶ்ரேண்யோऽத2 மந்த்ரிண:|
பௌரா ஜானபதா3 பூ4பா ஆத்மஜா வஶவர்தின:|| 19
யஸ்யாத்மாநுவஶஶ்சேத் ஸ்யாத் ஸர்வே தத்3வஶகா3 இமே|
லோகா: ஸபாலா யச்ச2ந்தி ஸர்வே ப3லிம் அதந்த்3ரிதா:|| 20
ஆத்மன: ப்ரீயதே நாத்மா பரத: ஸ்வத ஏவ வா|
லக்ஷயேऽலப்3த4காமம் த்வாம் சிந்தயா ஶப3லம் முக2ம்|| 21
ஏவம் விகல்பிதோ ராஜன் விது3ஷா முநிநாபி ஸ:|
ப்ரஶ்ரயா வனதோऽப்4யாஹ ப்ரஜாகாமஸ்ததோ முனிம்|| 22
சித்ரகேதுருவாச -
ப4க3வன் கிம் ந விதி3தம் தபோஜ்ஞானஸமாதி4பி4:|
யோகி3நாம் த்4வஸ்தபாபாநாம் ப3ஹிரந்த: ஶரீரிஷு|| 23
ததா2பி ப்ருச்ச2தோ ப்3ரூயாம் ப்3ரஹ்மந்நாத்மனி சிந்திதம்|
ப4வதோ விது3ஷஶ்சாபி சோதி3தஸ்த்வத3நுஜ்ஞயா|| 24
லோகபாலைரபி ப்ரார்த்2யா: ஸாம்ராஜ்ய ஐஶ்வர்யஸம்பத3:|
ந நந்த3யந்த்யப்ரஜம் மாம் க்ஷுத்த்ருட் காம மிவாபரே|| 25
தத: பாஹி மஹாபா4க3 பூர்வை: ஸஹ க3தம் தம:|
யதா2 தரேம து3ஷ்பாரம் ப்ரஜயா தத்3 விதே4ஹி ந:|| 26
ஶ்ரீஶுக உவாச -
இத்யர்தி2த: ஸ ப4க3வான் க்ருபாளுர் ப்3ரஹ்மண: ஸுத:|
ஶ்ரபயித்வா சரும் த்வாஷ்ட்ரம் த்வஷ்டாரமயஜத்3 விபு4:|| 27
ஜ்யேஷ்டா2 ஶ்ரேஷ்டா2 ச யா ராஜ்ஞோ மஹிஷீணாம் ச பா4ரத|
நாம்நா க்ருதத்3யுதிஸ்தஸ்யை யஜ்ஞோச்சி2ஷ்டமதா3த்3 த்3விஜ:|| 28
அதா2ஹ ந்ருபதிம் ராஜன் ப4விதைகஸ்தவாத்மஜ:|
ஹர்ஷஶோகப்ரத3ஸ்துப்4யமிதி ப்3ரஹ்மஸுதோ யயௌ|| 29
ஸாபி தத்ப்ராஶநாதே3வ சித்ரகேதோரதா4ரயத்|
க3ர்ப4ம் க்ருதத்3யுதிர் தே3வீ க்ருத்திகாக்3நேரிவாத்மஜம்|| 30
தஸ்யா அநுதி3னம் க3ர்ப4: ஶுக்லபக்ஷ இவோடு3ப:|
வவ்ருதே4 ஶூரஸேநேஶதேஜஸா ஶனகைர் ந்ருப|| 31
அத2 கால உபாவ்ருத்தே குமார: ஸமஜாயத|
ஜனயன் ஶூரஸேநாநாம் ஶ்ருண்வதாம் பரமாம் முத3ம்|| 32
ஹ்ருஷ்டோ ராஜா குமாரஸ்ய ஸ்நாத: ஶுசிரலங்க்ருத:|
வாசயித்வா ऽऽஶிஷோ விப்ரை: காரயாமாஸ ஜாதகம்|| 33
தேப்4யோ ஹிரண்யம் ரஜதம் வாஸாம்ஸ்யாப4ரணாநி ச|
க்3ராமான் ஹயான் க3ஜான் ப்ராதா3த்3 தே4நூநாம் அர்பு3தா3நி ஷட்|| 34
வவர்ஷ காமாநன்யேஷாம் பர்ஜன்ய இவ தே3ஹிநாம்|
த4ன்யம் யஶஸ்யம் ஆயுஷ்யம் குமாரஸ்ய மஹாமநா:|| 35
க்ருச்ச்2ரலப்3தே4ऽத2 ராஜர்ஷேஸ்தனயே ऽநுதி3னம் பிது:|
யதா2 நி:ஸ்வஸ்ய க்ருச்ச்2ராப்தே த4னே ஸ்நேஹோऽன்வவர்த4த|| 36
மாதுஸ்த்வதிதராம் புத்ரே ஸ்நேஹோ மோஹஸமுத்3ப4வ:|
க்ருதத்3யுதே: ஸபத்நீநாம் ப்ரஜாகாமஜ்வரோऽப4வத்|| 37
சித்ரகேதோரதிப்ரீதிர் யதா2 தா3ரே ப்ரஜாவதி|
ந ததா2ன்யேஷு ஸஞ்ஜஜ்ஞே பா3லம் லாலயதோऽன்வஹம்|| 38
தா: பர்யதப்யந்நாத்மானம் க3ர்ஹயந்த்யோऽப்4யஸூயயா|
ஆநபத்யேன து3:கே2ன ராஜ்ஞோऽநாத3ரணேன ச|| 39
தி4க3ப்ரஜாம் ஸ்த்ரியம் பாபாம் பத்யுஶ்சாக்3ருஹஸம்மதாம்|
ஸுப்ரஜாபி4: ஸபத்நீபி4ர் தா3ஸீமிவ திரஸ்க்ருதாம்|| 40
தா3ஸீநாம் கோ நு ஸந்தாப: ஸ்வாமின: பரிசர்யயா|
அபீ4க்ஷ்ணம் லப்3த4மாநாநாம் தா3ஸ்யா தா3ஸீவ து3ர்ப4கா3:|| 41
ஏவம் ஸந்த3ஹ்யமாநாநாம் ஸபத்ன்யா: புத்ரஸம்பதா3|
ராஜ்ஞோऽஸம்மதவ்ருத்தீநாம் வித்3வேஷோ ப3லவானபூ4த்|| 42
வித்3வேஷ நஷ்டமதய: ஸ்த்ரியோ தா3ருண சேதஸ:|
க3ரம் த3து3: குமாராய து3ர்மர்ஷா ந்ருபதிம் ப்ரதி|| 43
க்ருதத்3யுதிரஜாநந்தீ ஸபத்நீநாமக4ம் மஹத்|
ஸுப்த ஏவேதி ஸஞ்சிந்த்ய நிரீக்ஷ்ய வ்யசரத்3 க்3ருஹே|| 44
ஶயானம் ஸுசிரம் பா3லமுபதா4ர்ய மநீஷிணீ|
புத்ரமானய மே ப4த்3ரே இதி தா4த்ரீமசோத3யத்|| 45
ஸா ஶயாநமுபவ்ரஜ்ய த்3ருஷ்ட்வா ச உத்தாரலோசனம்|
ப்ராணேந்த்3ரிய ஆத்மபி4ஸ்த்யக்தம் ஹதாஸ்மீத்யபதத்3 பு4வி|| 46
தஸ்யாஸ்ததா3ऽऽகர்ண்ய ப்4ருஶாதுரம் ஸ்வரம்
க்4நந்த்யா: கராப்4யாமுர உச்சகைரபி|
ப்ரவிஶ்ய ராஜ்ஞீ த்வரயா ஆத்மஜாந்திகம்
த3த3ர்ஶ பா3லம் ஸஹஸா ம்ருதம் ஸுதம்|| 47
பபாத பூ4மௌ பரிவ்ருத்3த4யா ஶுசா
முமோஹ விப்4ரஷ்ட ஶிரோருஹாம்ப3ரா|| 48
ததோ ந்ருபாந்த:புரவர்திநோ ஜநா
நராஶ்ச நார்யஶ்ச நிஶம்ய ரோத3னம்|
ஆக3த்ய துல்யவ்யஸநா: ஸுது3:கி2தாஸ்-
தாஶ்ச வ்யலீகம் ருருது3: க்ருதாக3ஸ:|| 49
ஶ்ருத்வா ம்ருதம் புத்ரமலக்ஷிதாந்தகம்
விநஷ்டத்3ருஷ்டி: ப்ரபதன் ஸ்க2லன் பதி2|
ஸ்நேஹாநு ப3ந்தை4தி4தயா ஶுசா ப்4ருஶம்
விமூர்ச்சி2தோऽநுப்ரக்ருதிர் த்3விஜைர் வ்ருத:|| 50
பபாத பா3லஸ்ய ஸ பாத3மூலே
ம்ருதஸ்ய விஸ்ரஸ்த ஶிரோருஹாம்ப3ர:|
தீ3ர்க4ம் ஶ்வஸன் பா3ஷ்ப கலோபரோத4தோ
நிருத்3த4கண்டோ2 ந ஶஶாக பா4ஷிதும்|| 51
பதிம் நிரீக்ஷ்யோரு ஶுசார்பிதம் ததா3
ம்ருதம் ச பா3லம் ஸுதமேகஸந்ததிம்|
ஜனஸ்ய ராஜ்ஞீ ப்ரக்ருதேஶ்ச ஹ்ருத்3ருஜம்
ஸதீ த3தா4நா விலலாப சித்ரதா4|| 52
ஸ்தனத்3வயம் குங்கும க3ந்த4மண்டி3தம்
நிஷிஞ்சதீ ஸாஞ்ஜந பா3ஷ்ப பி3ந்து3பி4:|
விகீர்ய கேஶான் விக3லத் ஸ்ரஜ: ஸுதம்
ஶுஶோச சித்ரம் குரரீவ ஸுஸ்வரம்|| 53
அஹோ விதா4தஸ்த்வமதீவ பா3லிஶோ
யஸ்த்வாத்மஸ்ருஷ்ட்யப்ரதிரூப மீஹஸே|
பரேऽநுஜீவத்யபரஸ்ய யா ம்ருதிர்
விபர்யயஶ்சேத் த்வமஸி த்4ருவ: பர:|| 54
ந ஹி க்ரமஶ்சேதி3ஹ ம்ருத்யுஜன்மநோ:
ஶரீரிணாமஸ்து ததா3ऽऽத்மகர்மபி4:|
ய: ஸ்நேஹபாஶோ நிஜ ஸர்க3வ்ருத்3த4யே
ஸ்வயம் க்ருதஸ்தே தமிமம் விவ்ருஶ்சஸி|| 55
த்வம் தாத நார்ஹஸி ச மாம் க்ருபணாமநாதா2ம்
த்யக்தும் விசக்ஷ்வ பிதரம் தவ ஶோகதப்தம்|
அஞ்ஜஸ்தரேம ப4வதாப்ரஜது3ஸ்தரம் யத்3
த்4வாந்தம் ந யாஹ்யகருணேன யமேன தூ3ரம்|| 56
உத்திஷ்ட2 தாத த இமே ஶிஶவோ வயஸ்யா:
த்வாமாஹ்வயந்தி ந்ருபநந்த3ன ஸம்விஹர்தும்|
ஸுப்தஶ்சிரம் ஹ்யஶநயா ச ப4வான் பரீதோ
பு4ங்க்ஷ்வ ஸ்தனம் பிப3 ஶுசோ ஹர ந: ஸ்வகாநாம்|| 57
நாஹம் தநூஜ த3த்3ருஶே ஹதமங்க3லா தே
முக்3த4ஸ்மிதம் முதி3த வீக்ஷணமானநாப்3ஜம்|
கிம் வா க3தோऽஸ்யபுநரன்வய மன்யலோகம்
நீதோऽக்4ருணேந ந ஶ்ருணோமி கலா கி3ரஸ்தே|| 58
ஶ்ரீஶுக உவாச -
விலபந்த்யா ம்ருதம் புத்ரமிதி சித்ரவிலாபனை:|
சித்ரகேதுர் ப்4ருஶம் தப்தோ முக்தகண்டோ2 ருரோத3 ஹ|| 59
தயோர்விலபதோ: ஸர்வே த3ம்பத்யோஸ் தத3நுவ்ரதா:|
ருருது3: ஸ்ம நரா நார்ய: ஸர்வமாஸீத3சேதனம்|| 60
ஏவம் கஶ்மலமாபன்னம் நஷ்ட ஸம்ஜ்ஞமநாயகம்|
ஜ்ஞாத்வாங்கி3ரா நாம முனிராஜகா3ம ஸநாரத3:|| 61
||இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஷஷ்ட2ஸ்கந்தே4 சித்ரகேது விலாபோ நாம சதுர்ஶோऽத்4யாய:|| 14||
ஆறாம் ஸ்கந்தம் - பதினான்காம் அத்யாயம் முற்றும்.