ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 8.
துருவன் வனத்திற்குப் போதல்
சதுர்த2: ஸ்கந்த4: அத2 அஷ்டமோஅத்4யாய:
மைத்ரேய உவாச
ஸநகாத்3யா நாரத3ஶ்ச ருபு4ர் ஹம்ஸோऽருணிர்யதி:|
நைதே க்3ருஹான் ப்3ரஹ்மஸுதா ஹ்யாவஸந்நூர்த்4வரேதஸ:|| 01
ம்ருஷாத4ர்மஸ்ய பா4ர்யா ऽऽஸீத்3 த3ம்ப4ம் மாயாம் ச ஶத்ருஹன்|
அஸூத மிது2னம் தத்து நிர்ருதிர் ஜக்3ருஹே ऽப்ரஜ:|| 02
தயோ: ஸமப4வல்லோபோ4 நிக்ருதிஶ்ச மஹாமதே|
தாப்4யாம் க்ரோத4ஶ்ச ஹிம்ஸா ச யத்3து3ருக்தி: ஸ்வஸா கலி:|| 03
து3ருக்தௌ கலிராத4த்த ப4யம் ம்ருத்யும் ச ஸத்தம|
தயோஶ்ச மிது2னம் ஜஜ்ஞே யாதநா நிரயஸ்ததா2|| 04
ஸங்க்3ரஹேண மயா ऽऽக்2யாத: ப்ரதிஸர்க3ஸ்தவாநக4|
த்ரி: ஶ்ருத்வைதத் புமான் புண்யம் விது4நோதி ஆத்மநோ மலம்|| 05
அதா2த: கீர்தயே வம்ஶம் புண்யகீர்தே: குரூத்3வஹ|
ஸ்வாயம்பு4வஸ்யாபி மநோர் ஹரேரம்ஶாம்ஶ ஜன்மன:|| 06
ப்ரியவ்ரதோத்தாநபாதௌ3 ஶதரூபாபதே: ஸுதௌ|
வாஸுதே3வஸ்ய கலயா ரக்ஷாயாம் ஜக3த: ஸ்தி2தௌ|| 07
ஜாயே உத்தானபாத3ஸ்ய ஸுநீதி: ஸுருசிஸ்தயோ:|
ஸுருசி: ப்ரேயஸீ பத்யுர் நேதரா யத்ஸுதோ த்4ருவ:|| 08
ஏகதா3 ஸுருசே: புத்ரமங்கமாரோப்ய லாலயன்|
உத்தமம் நாருருக்ஷந்தம் த்4ருவம் ராஜாப்4யநந்த3த|| 09
ததா2 சிகீர்ஷமாணம் தம் ஸபத்ந்யாஸ்தனயம் த்4ருவம்|
ஸுருசி: ஶ்ருண்வதோ ராஜ்ஞ: ஸேர்ஷ்ய மாஹாதிக3ர்விதா|| 10
ந வத்ஸ ந்ருபதேர் தி4ஷ்ண்யம் ப4வாநாரோடு4 மர்ஹதி|
ந க்3ருஹீதோ மயா யத் த்வம் குக்ஷாவபி ந்ருபாத்மஜ:|| 11
பா3லோऽஸி ப3த நாத்மான மன்யஸ்த்ரீக3ர்ப4 ஸம்ப்4ருதம்|
நூனம் வேத3 ப4வான் யஸ்ய து3ர்லபே4 ऽர்தே2 மநோரத2:|| 12
தபஸா ऽऽராத்4ய புருஷம் தஸ்யைவாநுக்3ரஹேண மே|
க3ர்பே4 த்வம் ஸாத4யாத்மானம் யதீ3ச்ச2ஸி ந்ருபாஸனம்|| 13
மைத்ரேய உவாச
மாது: ஸபத்ந்யா: ஸ து3ருக்திவித்3த4:
ஶ்வஸன் ருஷா த3ண்ட3ஹதோ யதா2ஹி:|
ஹித்வா மிஷந்தம் பிதரம் ஸந்நவாசம்
ஜகா3ம மாது: ப்ரருத3ன் ஸகாஶம்|| 14
தம் நி:ஶ்வஸந்தம் ஸ்பு2ரிதாத4ரோஷ்ட2ம்
ஸுநீதிருத்ஸங்க3 உதூ3ஹ்ய பா3லம்|
நிஶம்ய தத் பௌரமுகா2ந்நிதாந்தம் ஸா
விவ்யதே2 யத்3க3தி3தம் ஸபத்ந்யா|| 15
ஸோத்ஸ்ருஜ்ய தை4ர்யம் விலலாப
ஶோக தா3வாக்3நிநா தா3வலதேவ பா3லா|
வாக்யம் ஸபத்ந்யா: ஸ்மரதீ ஸரோஜ
ஶ்ரியா த்3ருஶா பா3ஷ்பகலா முவாஹ|| 16
தீ3ர்க4ம் ஶ்வஸந்தீ வ்ருஜிநஸ்ய பாரம்
அபஶ்யதீ பா3லகமாஹ பா3லா|
மாமங்க3ளம் தாத பரேஷு மம்ஸ்தா2
பு4ங்க்தே ஜநோ யத் பரது3:க2த3ஸ்தத்|| 17
ஸத்யம் ஸுருச்யாபி4ஹிதம் ப4வான்மே
யத்3 து3ர்ப4கா3யா உத3ரே க்3ருஹீத:|
ஸ்தன்யேன வ்ருத்3த4ஶ்ச விலஜ்ஜதே யாம்
பா4ர்யேதி வா வோடு4மிட3ஸ்பதிர் மாம்|| 18
ஆதிஷ்ட2 தத் தாத விமத்ஸரஸ்த்வன்
உக்தம் ஸமாத்ராபி யத3வ்யலீகம்|
ஆராத4யாதோ4க்ஷஜபாத3 பத்3மம்
யதீ3ச்ச2ஸே ऽத்4யாஸன முத்தமோ யதா2|| 19
யஸ்யாங்க்4ரி பத்3மம் பரிசர்ய விஶ்வ
விபா4வநாயாத்த கு3ணாபி4பத்தே:|
அஜோऽத்4யதிஷ்ட2த் க2லு பாரமேஷ்ட்2யம்
பத3ம் ஜிதாத்மஶ்வஸநாபி4வந்த்3யம்|| 20
ததா2 மநுர் வோ ப4க3வான் பிதாமஹோ
யமேகமத்யா புருத3க்ஷிணைர் மகை2:|
இஷ்ட்வாபி4பேதே3 து3ரவாபமன்யதோ
பௌ4மம் ஸுக2ம் தி3வ்யமதா2பவர்க்3யம்|| 21
தமேவ வத்ஸாஶ்ரய ப்4ருத்யவத்ஸலம்
முமுக்ஷுபி4ர் ம்ருக்3ய பதா3ப்3ஜபத்3த4திம்|
அனன்யபா4வே நிஜத4ர்மபா4விதே மநஸ்-
யவஸ்தா2ப்ய ப4ஜஸ்வ பூருஷம்|| 22
நான்யம் தத: பத்3மபலாஶலோசநாத்3
து3:க2ச்சி2த3ம் தே ம்ருக3யாமி கஞ்சன|
யோ ம்ருக்3யதே ஹஸ்தக்3ருஹீத பத்3மயா
ஶ்ரியேதரைரங்க3 விம்ருக்3யமாணயா|| 23
மைத்ரேய உவாச
ஏவம் ஸஞ்ஜல்பிதம் மாதுராகர்ண்யார்தா2க3மம் வச:|
ஸந்நியம்யாத்மனா ऽऽத்மானம் நிஶ்சக்ராம பிது: புராத்|| 24
நாரத3ஸ்தது3பாகர்ண்ய ஜ்ஞாத்வா தஸ்ய சிகீர்ஷிதம்|
ஸ்ப்ருஷ்ட்வா மூர்த4ன்யக4க்4னேன பாணிநா ப்ராஹ விஸ்மித:|| 25
அஹோ தேஜ: க்ஷத்ரியாணாம் மானப4ங்க3 மம்ருஷ்யதாம்|
பா3லோऽப்யயம் ஹ்ருதா3 த4த்தே யத்ஸமாதுரஸத்3வச:|| 26
நாரத3 உவாச
நாது4நாப்யவமானம் தே ஸம்மானம் வாபி புத்ரக|
லக்ஷயாம: குமாரஸ்ய ஸக்தஸ்ய க்ரீட3நாதி3ஷு|| 27
விகல்பே வித்3யமாநேऽபி ந ஹ்யஸந்தோஷ ஹேதவ:|
பும்ஸோ மோஹம்ருதே பி4ந்நா யல்லோகே நிஜகர்மபி4:|| 28
பரிதுஷ்யேத் ததஸ்தாத தாவன்மாத்ரேண பூருஷ:|
தை3வோபஸாதி3தம் யாவத்3 வீக்ஷ்யேஶ்வரக3திம் பு3த4:|| 29
அத2 மாத்ரோபதி3ஷ்டேன யோகே3நாவருருத்ஸஸி|
யத்ப்ரஸாத3ம் ஸ வை பும்ஸாம் து3ராராத்4யோ மதோ மம|| 30
முனய: பத3வீம் யஸ்ய நி:ஸங்கே3நோருஜன்மபி4:|
ந விது3ர் ம்ருக3யந்தோऽபி தீவ்ரயோக3 ஸமாதி4நா|| 31
அதோ நிவர்ததா மேஷ நிர்ப3ந்த4ஸ்தவ நிஷ்ப2ல:|
யதிஷ்யதி ப4வான் காலே ஶ்ரேயஸாம் ஸமுபஸ்தி2தே|| 32
யஸ்ய யத்3 தை3வ விஹிதம் ஸ தேன ஸுக2து3:க2யோ:|
ஆத்மானம் தோஷயன் தே3ஹீ தமஸ: பாரம்ருச்ச2தி|| 33
கு3ணாதி4கான்முத3ம் லிப்ஸேத3நுக்ரோஶம் கு3ணாத4மாத்|
மைத்ரீம் ஸமாநா த3ன்விச்சே2ன்ன தாபைரபி4பூ4யதே|| 34
த்4ருவ உவாச
ஸோऽயம் ஶமோ ப4க3வதா ஸுக2து3:க2ஹதாத்மனாம்|
த3ர்ஶித: க்ருபயா பும்ஸாம் து3ர்த3ர்ஶோऽஸ்மத்3விதை4ஸ்து ய:|| 35
அதா2பி மே ऽவிநீதஸ்ய க்ஷாத்ரம் கோ4ரமுபேயுஷ:|
ஸுருச்யா து3ர்வசோபா3ணைர் ந பி4ன்னே ஶ்ரயதே ஹ்ருதி3|| 36
பத3ம் த்ரிபு4வன உத்க்ருஷ்டம் ஜிகீ3ஷோ: ஸாது4 வர்த்ம மே|
ப்3ரூஹ்யஸ்மத் பித்ருபி4ர் ப்3ரஹ்மன் அன்யைரப்யனதி4ஷ்டி2தம்|| 37
நூனம் ப4வான் ப4க3வதோ யோऽங்க3ஜ: பரமேஷ்டி2ன:|
விதுத3ந்நடதே வீணாம் ஹிதார்த2ம் ஜக3தோऽர்கவத்|| 38
மைத்ரேய உவாச
இத்யுதா3ஹ்ருதமாகர்ண்ய ப4க3வான் நாரத3ஸ்ததா3|
ப்ரீத: ப்ரத்யாஹ தம் பா3லம் ஸத்3வாக்யம் அநுகம்பயா|| 39
நாரத3 உவாச
ஜனன்யாபி4ஹித: பந்தா2: ஸ வை நி:ஶ்ரேயஸஸ்ய தே|
ப4க3வான் வாஸுதே3வஸ்தம் ப4ஜ தத்ப்ரவணாத்மநா|| 40
த4ர்மார்த2 காமமோக்ஷாக்2யம் ய இச்சே2ச்ச்2ரேய ஆத்மன:|
ஏகமேவ ஹரேஸ்தத்ர காரணம் பாத3ஸேவனம்|| 41
தத் தாத க3ச்ச2 ப4த்3ரம் தே யமுநாயாஸ்தடம் ஶுசி|
புண்யம் மது4வனம் யத்ர ஸாந்நித்4யம் நித்யதா3 ஹரே:|| 42
ஸ்நாத்வாநுஸவனம் தஸ்மின் காளிந்த்3யா: ஸலிலே ஶிவே|
க்ருத்வோசிதாநி நிவஸந்நாத்மன: கல்பிதாஸன:|| 43
ப்ராணாயாமேன த்ரிவ்ருதா ப்ராணேந்த்3ரிய மநோமலம்|
ஶனைர் வ்யுத3ஸ்யாபி4த்4யாயேத் மனஸா கு3ருணா கு3ரும்|| 44
ப்ரஸாதா3பி4முக2ம் ஶஶ்வத் ப்ரஸந்நவத3நேக்ஷணம்|
ஸுநாஸம் ஸுப்4ருவம் சாரு கபோலம் ஸுரஸுந்த3ரம்|| 45
தருணம் ரமணீயாங்க3ம் அருணோஷ்டே2க்ஷணாத4ரம்|
ப்ரணதாஶ்ரயணம் ந்ரும்ணம் ஶரண்யம் கருணார்ணவம்|| 46
ஶ்ரீவத்ஸாங்கம் க4னஶ்யாமம் புருஷம் வனமாலினம்|
ஶங்க2 சக்ர க3தா3 பத்3மை: அபி4வ்யக்த சதுர்பு4ஜம்|| 47
கிரீடினம் குண்ட3லினம் கேயூரவலயான்விதம்|
கௌஸ்துபா4ப4ரணக்3ரீவம் பீத கௌஶேய வாஸஸம்|| 48
காஞ்சீகலாப பர்யஸ்தம் லஸத்காஞ்சநநூபுரம்|
த3ர்ஶநீயதமம் ஶாந்தம் மநோநயநவர்த4னம்|| 49
பத்3ப்4யாம் நக2மணிஶ்ரேண்யா விலஸத்3ப்4யாம் ஸமர்சதாம்|
ஹ்ருத்பத்3மகர்ணிகா தி4ஷ்ண்யம் ஆக்ரம்யாத்மன்யவஸ்தி2தம்|| 50
ஸ்மயமான மபி4த்4யாயேத் ஸாநுராகா3வலோகனம்|
நியதேனைகபூ4தேன மனஸா வரத3ர்ஷப4ம்|| 51
ஏவம் ப4க3வதோ ரூபம் ஸுப4த்3ரம் த்4யாயதோ மன:|
நிர்வ்ருத்யா பரயா தூர்ணம் ஸம்பன்னம் ந நிவர்ததே|| 52
ஜப்யஶ்ச பரமோ கு3ஹ்ய: ஶ்ரூயதாம் மே ந்ருபாத்மஜ|
யம் ஸப்தராத்ரம் ப்ரபட2ன் புமான் பஶ்யதி கே2சரான்|| 53
’ௐ நமோ ப4க3வதே வாஸுதே3வாய’|
மந்த்ரேணாநேன தே3வஸ்ய குர்யாத்3 த்3ரவ்யமயீம் பு3த4:|
ஸபர்யாம் விவிதை4ர் த்3ரவ்யைர் தே3ஶகால விபா4க3வித்|| 54
ஸலிலை: ஶுசிபி4ர் மால்யைர் வன்யைர் மூலப2லாதி3பி4:|
ஶஸ்தாங்குராம்ஶுகைஶ்சார்சேத் துளஸ்யா ப்ரியயா ப்ரபு4ம்|| 55
லப்3த்4வா த்3ரவ்யமயீம் அர்சாம் க்ஷித்யம்ப்3வாதி3ஷு வார்சயேத்|
ஆப்4ருதாத்மா முனி: ஶாந்தோ யதவாங்மிதவன்யபு4க்|| 56
ஸ்வேச்சா2வதார சரிதை-ரசிந்த்ய நிஜமாயயா|
கரிஷ்யத்யுத்தமஶ்லோகஸ்தத்3 த்4யாயேத்3 ஹ்ருத3யங்க3மம்|| 57
பரிசர்யா ப4க3வதோ யாவத்ய: பூர்வஸேவிதா:|
தா மந்த்ரஹ்ருத3யேனைவ ப்ரயுஞ்ஜ்யான் மந்த்ரமூர்தயே|| 58
ஏவம் காயேன மனஸா வசஸா ச மநோக3தம்|
பரிசர்யமாணோ ப4க3வான் ப4க்திமத் பரிசர்யயா|| 59
பும்ஸாமமாயிநாம் ஸம்யக்3ப4ஜதாம் பா4வவர்த4ன:|
ஶ்ரேயோ தி3ஶத்யபி4மதம் யத்3த4ர்மாதி3ஷு தே3ஹிநாம்|| 60
விரக்தஶ்சேந்த்3ரியரதௌ ப4க்தியோகே3ன பூ4யஸா|
தம் நிரந்தர பா4வேன ப4ஜேதாத்3தா4 விமுக்தயே|| 61
இத்யுக்தஸ்தம் பரிக்ரம்ய ப்ரணம்ய ச ந்ருபார்ப4க:|
யயௌ மது4வனம் புண்யம் ஹரேஶ்சரணசர்சிதம்|| 62
தபோவனம் க3தே தஸ்மின் ப்ரவிஷ்டோऽந்த:புரம் முனி:|
அர்ஹிதார்ஹணகோ ராஜ்ஞா ஸுகா2ஸீன உவாச தம்|| 63
நாரத3 உவாச
ராஜன் கிம் த்4யாயஸே தீ3ர்க4ம் முகே2ன பரிஶுஷ்யதா|
கிம் வா ந ரிஷ்யதே காமோ த4ர்மோ வார்தே2ன ஸம்யுத:|| 64
ராஜோவாச
ஸுதோ மே பா3லகோ ப்3ரஹ்மன் ஸ்த்ரைணேநாகருணாத்மநா|
நிர்வாஸித: பஞ்சவர்ஷ: ஸஹ மாத்ரா மஹான் கவி:|| 65
அப்யநாத2ம் வனே ப்3ரஹ்மன் மா ஸ்மாத3ந்த்யர்ப4கம் வ்ருகா:|
ஶ்ராந்தம் ஶயானம் க்ஷுதி4தம் பரிம்லாந முகா2ம்பு3ஜம்|| 66
அஹோ மே ப3த தௌ3ராத்ம்யம் ஸ்த்ரீஜிதஸ்யோபதா4ரய|
யோऽங்கம் ப்ரேம்ணா ऽऽருருக்ஷந்தம் நாப்4யநந்த3மஸத்தம:|| 67
நாரத3 உவாச
மா மா ஶுச: ஸ்வதநயம் தே3வகு3ப்தம் விஶாம்பதே|
தத் ப்ரபா4வ மவிஜ்ஞாய ப்ராவ்ருங்க்தே யத்3யஶோ ஜக3த்|| 68
ஸுது3ஷ்கரம் கர்ம க்ருத்வா லோகபாலைரபி ப்ரபு4:|
ஐஷ்யத்யசிரதோ ராஜன் யஶோ விபுலயம்ஸ்தவ|| 69
மைத்ரேய உவாச
இதி தே3வர்ஷிணா ப்ரோக்தம் விஶ்ருத்ய ஜக3தீபதி:|
ராஜலக்ஷ்மீமநாத்3ருத்ய புத்ரமேவான்வசிந்தயத்|| 70
தத்ராபி4ஷிக்த: ப்ரயதஸ்தாமுபோஷ்ய விபா4வரீம்|
ஸமாஹித: பர்யசரத்3 ருஷ்யாதே3ஶேன பூருஷம்|| 71
த்ரிராத்ராந்தே த்ரிராத்ராந்தே கபித்த2 ப3த3ராஶன:|
ஆத்மவ்ருத்த்யநுஸாரேண மாஸம் நின்யேऽர்சயன் ஹரிம்|| 72
த்3விதீயம் ச ததா2 மாஸம் ஷஷ்டே2 ஷஷ்டே2ऽர்ப4கோ தி3னே|
த்ருணபர்ணாதி3பி4: ஶீர்ணை: க்ருதாந்நோऽப்4யர்சயத் விபு4ம்|| 73
த்ருதீயம் சாநயன்மாஸம் நவமே நவமேऽஹனி|
அப்3ப4க்ஷ உத்தமஶ்லோக முபாதா4வத் ஸமாதி4நா|| 74
சதுர்த2மபி வை மாஸம் த்3வாத3ஶே த்3வாத3ஶே ऽஹனி|
வாயுப4க்ஷோ ஜிதஶ்வாஸோ த்4யாயன் தே3வ மதா4ரயத்|| 75
பஞ்சமே மாஸ்யநுப்ராப்தே ஜிதஶ்வாஸோ ந்ருபாத்மஜ:|
த்4யாயன் ப்3ரஹ்ம பதை3கேன தஸ்தௌ2 ஸ்தா2ணுரிவாசல:|| 76
ஸர்வதோ மன ஆக்ருஷ்ய ஹ்ருதி3 பூ4தேந்த்3ரியாஶயம்|
த்4யாயன் ப4க3வதோ ரூபம் நாத்3ராக்ஷீத் கிஞ்சநாபரம்|| 77
ஆதா4ரம் மஹதா3தீ3நாம் ப்ரதா4ன புருஷேஶ்வரம்|
ப்3ரஹ்ம தா4ரயமாணஸ்ய த்ரயோ லோகாஶ்சகம்பிரே|| 78
யதை3கபாதே3ன ஸ பார்தி2வார்ப4க:
தஸ்தௌ2 தத3ங்கு3ஷ்ட2நிபீடி3தா மஹீ|
நநாம தத்ரார்த4மிபே4ந்த்3ர தி4ஷ்டி2தா
தரீவ ஸவ்யேதரத: பதே3 பதே3|| 79
தஸ்மின் அபி4த்4யாயதி விஶ்வமாத்மநோ
த்3வாரம் நிருத்4யாஸுமநன்யயா தி4யா|
லோகா நிருச்ச்2வாஸ நிபீடி3தா ப்4ருஶம்
ஸலோகபாலா: ஶரணம் யயுர் ஹரிம்|| 80
தே3வா ஊசு:
நைவம் விதா3மோ ப4க3வன் ப்ராணரோத4ம்
சராசரஸ்யாகி2ல ஸத்வதா4ம்ன:|
விதே4ஹி தந்நோ வ்ருஜிநாத்3 விமோக்ஷம்
ப்ராப்தா வயம் த்வாம் ஶரணம் ஶரண்யம்|| 81
ஶ்ரீப4க3வாநுவாச
மா பை4ஷ்ட பா3லம் தபஸோ து3ரத்யயாத்
நிவர்தயிஷ்யே ப்ரதியாத ஸ்வதா4ம|
யதோ ஹி வ: ப்ராண நிரோத4 ஆஸீதௌ3
உத்தாநபாதி3ர் மயி ஸங்க3தாத்மா|| 82
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 த்4ருவசரிதேऽஷ்டமோऽத்4யாய: || 8
நான்காம் ஸ்கந்தம் - எட்டாம் அத்யாயம் முற்றும்.