ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 9.
துருவன் வரம் பெற்று வீடு திரும்புதல்
சதுர்த₂: ஸ்கந்த₄: அத₂ நவமோஅத்₄யாய:

மைத்ரேய உவாச
த ஏவமுத்ஸந்நப₄யா உருக்ரமே
க்ருதாவநாமா: ப்ரயயுஸ்த்ரிவிஷ்டபம்।
ஸஹஸ்ர ஶீர்ஷாபி ததோ க₃ருத்மதா
மதோ₄ர்வனம் ப்₄ருத்யதி₃த்₃ருக்ஷயா க₃த:|| 01

ஸ வை தி₄யா யோக₃விபாக தீவ்ரயா
ஹ்ருத்பத்₃மகோஶே ஸ்பு₂ரிதம் தடி₃த்ப்ரப₄ம்।
திரோஹிதம் ஸஹஸைவோபலக்ஷ்ய ப₃ஹி:
ஸ்தி₂தம் தத₃வஸ்த₂ம் த₃த₃ர்ஶ|| 02

தத்₃த₃ர்ஶனேநாக₃த ஸாத்₄வஸ: க்ஷிதௌ
அவந்த₃தாங்க₃ம் விநமய்ய த₃ண்ட₃வத்।
த்₃ருக்₃ப்₄யாம் ப்ரபஶ்யன் ப்ரபிப₃ந்நிவார்ப₄கஶ்-
சும்ப₃ந்நிவாஸ்யேன பு₄ஜை ரிவாஶ்லிஷன்|| 03

ஸ தம் விவக்ஷந்த மதத்₃வித₃ம் ஹரி:
ஜ்ஞாத்வாஸ்ய ஸர்வஸ்ய ச ஹ்ருத்₃யவஸ்தி₂த:।
க்ருதாஞ்ஜலிம் ப்₃ரஹ்மமயேன கம்பு₃நா
பஸ்பர்ஶ பா₃லம் க்ருபயா கபோலே|| 04

ஸ வை ததை₃வ ப்ரதிபாதி₃தாம் கி₃ரம்
தை₃வீம் பரிஜ்ஞாத பராத்ம நிர்ணய:।
தம் ப₄க்தி பா₄வோऽப்₄யக்₃ருணாத₃ஸத்வரம்
பரிஶ்ருதோருஶ்ரவஸம் த்₄ருவக்ஷிதி:|| 05

த்₄ருவ உவாச
யோऽந்த: ப்ரவிஶ்ய மம வாசமிமாம் ப்ரஸுப்தாம்
ஸஞ்ஜீவயத்யகி₂ல ஶக்தித₄ர: ஸ்வதா₄ம்நா।
அன்யாம்ஶ்ச ஹஸ்த சரண ஶ்ரவண த்வகா₃தீ₃ன்
ப்ராணான் நமோ ப₄க₃வதே புருஷாய துப்₄யம்|| 06

ஏகஸ்த்வமேவ ப₄க₃வந்நித₃ மாத்ம ஶக்த்யா
மாயாக்₂யயோருகு₃ணயா மஹதா₃த்₃யஶேஷம்।
ஸ்ருஷ்ட்வாநுவிஶ்ய புருஷஸ்தத₃ஸத்₃ கு₃ணேஷு
நாநேவ தா₃ருஷு விபா₄வஸுவத்₃ விபா₄ஸி|| 07

த்வத்₃த₃த்தயா வயுனயேத₃மசஷ்ட விஶ்வம்
ஸுப்தப்ரபு₃த்₃த₄ இவ நாத₂ ப₄வத்ப்ரபன்ன:।
தஸ்யாபவர்க்₃யஶரணம் தவ பாத₃ மூலம்
விஸ்மர்யதே க்ருதவிதா₃ கத₂மார்தப₃ந்தோ₄|| 08

நூனம் விமுஷ்டமதயஸ்தவ மாயயா தே
யே த்வாம் ப₄வாப்யய விமோக்ஷண மன்யஹேதோ:।
அர்சந்தி கல்பகதரும் குணபோப போ₄க்₃யம்
இச்ச₂ந்தி யத் ஸ்பர்ஶஜம் நிரயேऽபி ந்ருணாம்|| 09

யா நிர்வ்ருதிஸ்தநுப்₄ருதாம் தவ பாத₃பத்₃ம
த்₄யாநாத்₃ ப₄வஜ்ஜன கதா₂ஶ்ரவணேந வா ஸ்யாத்।
ஸா ப்₃ரஹ்மணி ஸ்வமஹிமன்யபி நாத₂ மா பூ₄த்
கிம் த்வந்தகாஸி லுலிதாத் பததாம் விமாநாத்|| 10

ப₄க்திம் முஹு: ப்ரவஹதாம் த்வயி மே ப்ரஸங்கோ₃
பூ₄யாத் அனந்த மஹதாமமலாஶயாநாம்।
யேநாஞ்ஜஸோல்ப₃ண முருவ்யஸனம் ப₄வாப்₃தி₄ம்
நேஷ்யே ப₄வத்₃கு₃ண கதா₂ம்ருதபானமத்த:|| 11

தே ந ஸ்மரந்தி அதிதராம் ப்ரியமீஶ மர்த்யம்
யே சான்வத₃: ஸுதஸுஹ்ருத்₃ க்₃ருஹ வித்ததா₃ரா:।
யே த்வப்₃ஜநாப₄ ப₄வதீ₃யபதா₃ரவிந்த₃-
ஸௌக₃ந்த்₄யலுப்₃த₄ ஹ்ருத₃யேஷு க்ருதப்ரஸங்கா₃:|| 12

திர்யங்நக₃த்₃விஜ ஸரீஸ்ருப தே₃வ தை₃த்ய
மர்த்யாதி₃பி₄: பரிசிதம் ஸத₃ஸத்₃விஶேஷம்।
ரூபம் ஸ்த₂விஷ்ட₂மஜ தே மஹதா₃த்₃யநேகம்
நாத: பரம் பரம வேத்₃மி ந யத்ர வாத₃:|| 13

கல்பாந்த ஏதத₃கி₂லம் ஜட₂ரேண க்₃ருஹ்ணன்
ஶேதே புமான் ஸ்வத்₃ருக்₃ அநந்தஸக₂ஸ்தத₃ங்கே।
யந்நாபி₄ ஸிந்து₄ருஹகாஞ்சன லோகபத்₃ம
க₃ர்பே₄ த்₃யுமான் ப₄க₃வதே ப்ரணதோऽஸ்மி தஸ்மை|| 14

த்வம் நித்ய முக்தபரிஶுத்₃த₄ விபு₃த்₃த₄ ஆத்மா
கூடஸ்த₂ ஆதி₃புருஷோ ப₄க₃வான் த்ர்யதீ₄ஶ:।
யத்₃ பு₃த்₃த்₄யவஸ்தி₂தி மக₂ண்டி₃தயா ஸ்வத்₃ருஷ்ட்யா
த்₃ரஷ்டா ஸ்தி₂தாவதி₄மகோ₂ வ்யதிரிக்த ஆஸ்ஸே|| 15

யஸ்மின் விருத்₃த₄க₃தயோ ஹ்யநிஶம் பதந்தி
வித்₃யாத₃யோ விவித₄ஶக்தய ஆநுபூர்வ்யாத்।
தத்₃ ப்₃ரஹ்ம விஶ்வப₄வமேக மனந்தமாத்₃யம்
ஆனந்த₃ மாத்ர மவிகாரமஹம் ப்ரபத்₃யே|| 16

ஸத்யாஶிஷோ ஹி ப₄க₃வன் தவ பாத₃பத்₃மம்
ஆஶீஸ் ததா₂நுப₄ஜத: புருஷார்த₂மூர்தே:।
அப்யேவமர்ய ப₄க₃வான் பரிபாதி தீ₃நான்
வாஶ்ரேவ வத்ஸகமநுக்₃ரஹகாதரோऽஸ்மான்|| 17

மைத்ரேய உவாச
அதா₂பி₄ஷ்டுத ஏவம் வை ஸத்ஸங்கல்பேன தீ₄மதா।
ப்₄ருத்யாநுரக்தோ ப₄க₃வான் ப்ரதிநந்த்₃யேத₃மப்₃ரவீத்|| 18

ஶ்ரீப₄க₃வாநுவாச
வேதா₃ஹம் தே வ்யவஸிதம் ஹ்ருதி₃ ராஜன்யபா₃லக।
தத் ப்ரயச்சா₂மி ப₄த்₃ரம் தே து₃ராபமபி ஸுவ்ரத|| 19

நான்யைரதி₄ஷ்டி₂தம் ப₄த்₃ர யத்₃ ப்₄ராஜிஷ்ணு த்₄ருவக்ஷிதி।
யத்ர க்₃ரஹர்க்ஷதாராணாம் ஜ்யோதிஷாம் சக்ரமாஹிதம்|| 20

மேட்₄யாம் கோ₃சக்ரவத் ஸ்தா₂ஸ்நு பரஸ்தாத் கல்பவாஸிநாம்।
த₄ர்மோऽக்₃நி: கஶ்யப: ஶுக்ரோ முனயோ யே வநௌகஸ:।
சரந்தி த₃க்ஷிணீக்ருத்ய ப்₄ரமந்தோ யத் ஸதாரகா:|| 21

ப்ரஸ்தி₂தே து வனம் பித்ரா த₃த்த்வா கா₃ம் த₄ர்மஸம்ஶ்ரய:।
ஷட் த்ரிம்ஶத்₃வர்ஷ ஸாஹஸ்ரம் ரக்ஷிதாவ்யாஹதேந்த்₃ரிய:|| 22

த்வத்₃ப்₄ராதர்யுத்தமே நஷ்டே ம்ருக₃யாயாம் து தன்மநா:।
அன்வேஷந்தீ வனம் மாதா தா₃வாக்₃நிம் ஸா ப்ரவேக்ஷ்யதி|| 23

இஷ்ட்வா மாம் யஜ்ஞஹ்ருத₃யம் யஜ்ஞை: புஷ்கலத₃க்ஷிணை:।
பு₄க்த்வா சேஹாஶிஷ: ஸத்யா அந்தே மாம் ஸம்ஸ்மரிஷ்யஸி|| 24

ததோ க₃ந்தாஸி மத்ஸ்தா₂னம் ஸர்வலோக நமஸ்க்ருதம்।
உபரிஷ்டாத்₃ ருஷிப்₄யஸ்த்வம் யதோ நாவர்ததே க₃த:|| 25

மைத்ரேய உவாச
இத்யர்சித: ஸ ப₄க₃வாநதிதி₃ஶ்யாத்மன: பத₃ம்।
பா₃லஸ்ய பஶ்யதோ தா₄ம ஸ்வமகா₃த்₃ க₃ருட₃த்₄வஜ:|| 26

ஸோऽபி ஸங்கல்பஜம் விஷ்ணோ: பாத₃ஸேவோபஸாதி₃தம்।
ப்ராப்ய ஸங்கல்ப நிர்வாணம் நாதிப்ரீதோऽப்₄யகா₃த் புரம்|| 27

விது₃ர உவாச
ஸுது₃ர்லப₄ம் யத்பரமம் பத₃ம் ஹரேர்
மாயாவிநஸ்தச்சரணார்சநார்ஜிதம்।
லப்₃த்₄வாப்யஸித்₃தா₄ர்த₂ மிவைகஜன்மநா
கத₂ம் ஸ்வமாத்மாநமமன்யதார்த₂வித்|| 28

மைத்ரேய உவாச
மாது: ஸபத்ன்யா வாக்₃பா₃ணைர்
ஹ்ருதி₃ வித்₃த₄ஸ்து தான் ஸ்மரன்।
நைச்ச₂ன்முக்திபதேர் முக்திம்
தஸ்மாத்தாப முபேயிவான்|| 29

த்₄ருவ உவாச
ஸமாதி₄நா நைகப₄வேன யத்பத₃ம் விது₃:
ஸநந்தா₃த₃ய ஊர்த்₄வரேதஸ:।
மாஸைரஹம் ஷட்₃பி₄ரமுஷ்ய பாத₃யோ:
சா₂யாமுபேத்யாபக₃த: ப்ருத₂ங்மதி:|| 30

அஹோ ப₃த மமாநாத்ம்யம் மந்த₃பா₄க்₃யஸ்ய பஶ்யத।
ப₄வச்சி₂த₃: பாத₃மூலம் க₃த்வா யாசே யத₃ந்தவத்|| 31

மதிர் விதூ₃ஷிதா தே₃வை: பதத்₃பி₄ரஸஹிஷ்ணுபி₄:।
யோ நாரத₃வசஸ்தத்₂யம் நாக்₃ராஹிஷமஸத்தம:|| 32

தை₃வீம் மாயாமுபாஶ்ரித்ய ப்ரஸுப்த இவ பி₄ன்னத்₃ருக்।
தப்யே த்₃விதீயேऽப்யஸதி ப்₄ராத்ருப்₄ராத்ருவ்ய ஹ்ருத்₃ருஜா|| 33

மயைதத் ப்ரார்தி₂தம் வ்யர்த₂ம் சிகித்ஸேவ க₃தாயுஷி।
ப்ரஸாத்₃ய ஜக₃தா₃த்மானம் தபஸா து₃ஷ்ப்ரஸாத₃னம்।
ப₄வச்சி₂த₃மயாசேऽஹம் ப₄வம் பா₄க்₃ய விவர்ஜித:|| 34

ஸ்வாராஜ்யம் யச்ச₂தோ மௌட்₄யாத் மாநோ மே பி₄க்ஷிதோ ப₃த।
ஈஶ்வராத் க்ஷீண புண்யேன ப₂லீகாரா நிவாத₄ன:|| 35

மைத்ரேய உவாச
ந வை முகுந்த₃ஸ்ய பதா₃ரவிந்த₃யோ
ரஜோஜுஷஸ்தாத ப₄வாத்₃ருஶா ஜநா:।
வாஞ்ச₂ந்தி தத்₃தா₃ஸ்யம்ருதே ऽர்த₂மாத்மநோ
யத்₃ருச்ச₂யா லப்₃த₄மன: ஸம்ருத்₃த₄ய:|| 36

ஆகர்ண்யாத்மஜமாயாந்தம் ஸம்பரேத்ய யதா₂ ऽऽக₃தம்।
ராஜா ந ஶ்ரத்₃த₃தே₄ ப₄த்₃ரம் அப₄த்₃ரஸ்ய குதோ மம|| 37

ஶ்ரத்₃தா₄ய வாக்யம் தே₃வர்ஷே: ஹர்ஷவேகே₃ன த₄ர்ஷித:।
வார்தாஹர்துரதிப்ரீதோ ஹாரம் ப்ராதா₃ன் மஹாத₄னம்|| 38

ஸத₃ஶ்வம் ரத₂மாருஹ்ய கார்தஸ்வர பரிஷ்க்ருதம்।
ப்₃ராஹ்மணை: குலவ்ருத்₃தை₄ஶ்ச பர்யஸ்தோऽமாத்யப₃ந்து₄பி₄:|| 39

ஶங்க₂து₃ந்து₃பி₄நாதே₃ன ப்₃ரஹ்மகோ₄ஷேண வேணுபி₄:।
நிஶ்சக்ராம புராத்தூர்ண மாத்மஜாபீ₄க்ஷணோத்ஸுக:|| 40

ஸுநீதி: ஸுருசிஶ்சாஸ்ய மஹிஷ்யௌ ருக்மபூ₄ஷிதே।
ஆருஹ்ய ஶிபி₃காம் ஸார்த₄ முத்தமேநாபி₄ஜக்₃மது:|| 41

தம் த்₃ருஷ்ட்வோபவநாப்₄யாஶ ஆயாந்தம் தரஸா ரதா₂த்।
அவருஹ்ய ந்ருபஸ்தூர்ண மாஸாத்₃ய ப்ரேம விஹ்வல:|| 42

பரிரேபே₄ ऽங்க₃ஜம் தோ₃ர்ப்₄யாம் தீ₃ர்கோ₄த்கண்ட₂மநா: ஶ்வஸன்।
விஷ்வக்ஸேநாங்க்₄ரி ஸம்ஸ்பர்ஶ ஹதாஶேஷாக₄ ப₃ந்த₄னம்|| 43

அதா₂ஜிக்₄ரன் முஹுர் மூர்த்₄நி ஶீதைர் நயநவாரிபி₄:।
ஸ்நாபயாமாஸ தனயம் ஜாதோத்₃தா₃ம மநோரத₂:|| 44

அபி₄வந்த்₃ய பிது: பாதா₃வாஶீர்பி₄ஶ்சாபி₄மந்த்ரித:।
நநாம மாதரௌ ஶீர்ஷ்ணா ஸத்க்ருத: ஸஜ்ஜநாக்₃ரணீ:|| 45

ஸுருசிஸ்தம் ஸமுத்தா₂ப்ய பாதா₃வநதமர்ப₄கம்।
பரிஷ்வஜ்யாஹ ஜீவேதி பா₃ஷ்பக₃த்₃க₃த₃யா கி₃ரா|| 46

யஸ்ய ப்ரஸந்நோ ப₄க₃வான் கு₃ணைர் மைத்ர்யாதி₃பி₄ர் ஹரி:।
தஸ்மை நமந்தி பூ₄தாநி நிம்நமாப இவ ஸ்வயம்|| 47

உத்தமஶ்ச த்₄ருவஶ்சோபா₄வன்யோன்யம் ப்ரேமவிஹ்வலௌ।
அங்க₃ஸங்கா₃து₃த்புலகா வஸ்ரௌக₄ம் முஹுரூஹது:|| 48

ஸுநீதிரஸ்ய ஜனனீ ப்ராணேப்₄யோऽபி ப்ரியம் ஸுதம்।
உபகு₃ஹ்ய ஜஹாவாதி₄ம் தத₃ங்க₃ஸ்பர்ஶ நிர்வ்ருதா|| 49

பய: ஸ்தநாப்₄யாம் ஸுஸ்ராவ நேத்ரஜை: ஸலிலை: ஶிவை:।
ததா₃பி₄ஷிச்யமாநாப்₄யாம் வீர வீரஸுவோ முஹு:|| 50

தாம் ஶஶம்ஸுர் ஜநா ராஜ்ஞீம் தி₃ஷ்ட்யா தே புத்ர ஆர்திஹா।
ப்ரதிலப்₃த₄ஶ்சிரம் நஷ்டோ ரக்ஷிதா மண்ட₃லம் பு₄வ:|| 51

அப்₄யர்சிதஸ்த்வயா நூனம் ப₄க₃வான் ப்ரணதார்திஹா।
யத₃நுத்₄யாயிநோ தீ₄ரா ம்ருத்யும் ஜிக்₃யு: ஸுது₃ர்ஜயம்|| 52

லால்யமானம் ஜனைரேவம் த்₄ருவம் ஸப்₄ராதரம் ந்ருப:।
ஆரோப்ய கரிணீம் ஹ்ருஷ்ட: ஸ்தூயமாநோऽவிஶத் புரம்|| 53

தத்ர தத்ரோபஸங்க்ல்ருப்தைர் லஸன் மகரதோரணை:।
ஸவ்ருந்தை₃: கத₃லீஸ்தம்பை₄: பூக₃போதைஶ்ச தத்₃விதை₄:|| 54

சூதபல்லவ வாஸ: ஸ்ரங் முக்தாதா₃மவிலம்பி₃பி₄:।
உபஸ்க்ருதம் ப்ரதித்₃வாரமபாம் கும்பை₄: ஸதீ₃பகை:|| 55

ப்ராகாரைர் கோ₃புராகா₃ரை: ஶாதகும்ப₄ பரிச்ச₂தை₃:।
ஸர்வதோऽலங்க்ருதம் ஶ்ரீமத்₃ விமான ஶிக₂ரத்₃யுபி₄:|| 56

ம்ருஷ்ட சத்வர ரத்₂யாட்ட மார்க₃ம் சந்த₃னசர்சிதம்।
லாஜாக்ஷதை: புஷ்பப₂லை: தண்டு₃லைர் ப₃லிபி₄ர் யுதம்|| 57

த்₄ருவாய பதி₂ த்₃ருஷ்டாய தத்ர தத்ர புரஸ்த்ரிய:।
ஸித்₃தா₄ர்தா₂க்ஷத த₃த்₄யம்பு₃ தூ₃ர்வா புஷ்ப ப₂லானி ச|| 58

உபஜஹ்ரு: ப்ரயுஞ்ஜாநா வாத்ஸல்யாதா₃ஶிஷ: ஸதீ:।
ஶ்ருண்வம்ஸ்தத்₃வல்கு₃ கீ₃தாநி ப்ராவிஶத்₃ ப₄வனம் பிது:|| 59

மஹாமணி வ்ராதமயே ஸ தஸ்மின் ப₄வநோத்தமே।
லாலிதோ நிதராம் பித்ரா ந்யவஸத்₃ தி₃வி தே₃வவத்|| 60

பய: பே₂நநிபா₄: ஶய்யா தா₃ந்தா ருக்மபரிச்ச₂தா₃:।
ஆஸநாநி மஹார்ஹாணி யத்ர ரௌக்மா உபஸ்கரா:|| 61

யத்ர ஸ்ப₂டிக குட்₃யேஷு மஹாமாரகதேஷு ச।
மணிப்ரதீ₃பா ஆபா₄ந்தி லலநாரத்ன ஸம்யுதா:|| 62

உத்₃யாநாநி ச ரம்யாணி விசித்ரை ரமரத்₃ருமை:।
கூஜத்₃விஹங்க₃ மிது₂னைர் கா₃யன் மத்த மது₄வ்ரதை:|| 63

வாப்யோ வைதூ₃ர்யஸோபாநா: பத்₃மோத்பல குமுத்₃வதீ:।
ஹம்ஸகாரண்ட₃வகுளைர் ஜுஷ்டாஶ் சக்ராஹ்வ ஸாரஸை:|| 64

உத்தாநபாதோ₃ ராஜர்ஷி: ப்ரபா₄வம் தனயஸ்ய தம்।
ஶ்ருத்வா த்₃ருஷ்ட்வாத்₃பு₄ததமம் ப்ரபேதே₃ விஸ்மயம் பரம்|| 65

வீக்ஷ்யோட₄வயஸம் தம் ச ப்ரக்ருதீநாம் ச ஸம்மதம்।
அநுரக்தப்ரஜம் ராஜா த்₄ருவம் சக்ரே பு₄வ: பதிம்|| 66

ஆத்மானம் ச ப்ரவயஸமாகலய்ய விஶாம்பதி:।
வனம் விரக்த: ப்ராதிஷ்ட₂த்₃ விம்ருஶந்நாத்மநோ க₃திம்|| 67

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த₂ஸ்கந்தே₄ த்4ருவராஜ்யாபி₄ஷேக வர்ணனம் நாம நவமோऽத்₄யாய: || 9

நான்காம் ஸ்கந்தம் - ஒன்பதாவது அத்யாயம் முற்றும்.