ஶ்ரீமத்பாகவதமஹாபுராணம் :: நான்காம் ஸ்கந்தம் :: அத்யாயம் 7.
தக்ஷ யக்ஞத்தின் பூர்த்தி
சதுர்த2: ஸ்கந்த4: அத2 ஸ்ப்தமோஅத்4யாய:
மைத்ரேய உவாச
இத்யஜேநாநுநீதேன ப4வேன பரிதுஷ்யதா|
அப்4யதா4யி மஹாபா3ஹோ ப்ரஹஸ்ய ஶ்ரூயதாமிதி|| 01
மஹாதே3வ உவாச
நாக4ம் ப்ரஜேஶ பா3லாநாம் வர்ணயே நாநுசிந்தயே|
தே3வமாயாபி4பூ4தாநாம் த3ண்ட3ஸ்தத்ர த்4ருதோ மயா|| 02
ப்ரஜாபதேர் த3க்3த4ஶீர்ஷ்ணோ ப4வத்வஜமுக2ம் ஶிர:|
மித்ரஸ்ய சக்ஷுஷேக்ஷேத பா4க3ம் ஸ்வம் ப3ர்ஹிஷோ ப4க3:|| 03
பூஷா து யஜமானஸ்ய த3த்3பி4ர் ஜக்ஷது பிஷ்டபு4க்|
தே3வா: ப்ரக்ருதஸர்வாங்கா3 யே ம உச்சே2ஷணம் த3து3:|| 04
பா3ஹுப்4யாமஶ்விநோ: பூஷ்ணோ ஹஸ்தாப்4யாம் க்ருதபா3ஹவ:|
ப4வன்த்வத்4வர்யவஶ்சான்யே ப3ஸ்தஶ்மஶ்ருர் ப்4ருகு3ர் ப4வேத்|| 05
மைத்ரேய உவாச
ததா3 ஸர்வாணி பூ4தாநி ஶ்ருத்வா மீடு4ஷ்டமோதி3தம்|
பரிதுஷ்டாத்மபி4ஸ்தாத ஸாது4 ஸாத்4வித்யதா2ப்3ருவன்|| 06
ததோ மீட்4வாம்ஸமாமந்த்ர்ய ஶுநாஸீரா: ஸஹர்ஷிபி4:|
பூ4யஸ்தத்3 தே3வயஜனம் ஸமீட்4வத்3வேத4ஸோ யயு:|| 07
விதா4ய கார்த்ஸ்ன்யேன ச தத்3 யதா3ஹ ப4க3வான் ப4வ:|
ஸந்த3து4: கஸ்ய காயேன ஸவநீயபஶோ: ஶிர:|| 08
ஸன்தீ4யமாநே ஶிரஸி த3க்ஷோ ருத்3ராபி4வீக்ஷித:|
ஸத்3ய: ஸுப்த இவோத்தஸ்தௌ2 த3த்3ருஶே ச ஆக்3ரதோ ம்ருட3ம்|| 09
ததா3 வ்ருஷத்4வஜத்3வேஷ கலிலாத்மா ப்ரஜாபதி:|
ஶிவாவலோகா த3ப4வச்ச2ரத்3த்4ரத3 இவாமல:|| 10
ப4வஸ்தவாய க்ருததீ4ர் நாஶக்நோத3நுராக3த:|
ஔத்கண்ட்2யாத்3 பா3ஷ்பகலயா ஸம்பரேதாம் ஸுதாம் ஸ்மரன்|| 11
க்ருச்ச்2ராத் ஸம்ஸ்தப்4ய ச மன: ப்ரேமவிஹ்வலித: ஸுதீ4:|
ஶஶம்ஸ நிர்வ்யலீகேன பா4வேநேஶம் ப்ரஜாபதி:|| 12
த3க்ஷ உவாச
பூ4யாநநுக்3ரஹ அஹோ ப4வதா க்ருதோ மே
த3ண்ட3ஸ்த்வயா மயி ப்4ருதோ யத3பி ப்ரலப்3த4:|
ந ப்3ரஹ்ம ப3ந்து4ஷு ச வாம் ப4க3வன் நவஜ்ஞா
துப்4யம் ஹரேஶ்ச குத ஏவ த்4ருத வ்ரதேஷு|| 13
வித்3யா தபோவ்ரத த4ரான் முக2த: ஸ்ம விப்ரான்
ப்3ரஹ்மா ऽऽத்மதத்த்வமவிதும் ப்ரத2மம் த்வமஸ்ராக்|
தத்3 ப்3ராஹ்மணான் பரம ஸர்வவிபத்ஸு பாஸி
பால: பஶூன் இவ விபோ4 ப்ரக்3ருஹீத த3ண்ட3:|| 14
யோऽஸௌ மயாவிதி3த தத்த்வத்3ருஶா ஸபா4யாம்
க்ஷிப்தோ து3ருக்தி விஶிகை2ர் விக3ணய்ய தன்மாம்|
அர்வாக் பதந்த மர்ஹத்தம நிந்த3யாபாத்3
த்3ருஷ்ட்யா ऽऽர்த்3ரயா ஸ ப4க3வான் ஸ்வக்ருதேன துஷ்யேத்|| 15
மைத்ரேய உவாச
க்ஷமாப்யைவம் ஸ மீட்4வாம்ஸம் ப்3ரஹ்மணா சாநுமந்த்ரித:|
கர்ம ஸந்தாநயாமாஸ ஸோபாத்4யாயர் த்விகா3தி3பி4:|| 16
வைஷ்ணவம் யஜ்ஞஸந்தத்யை த்ரிகபாலம் த்3விஜோத்தமா:|
புரோடா3ஶம் நிரவபன் வீரஸம்ஸர்க3 ஶுத்3த4யே|| 17
அத்4வர்யுணா ऽऽத்தஹவிஷா யஜமாநோ விஶாம்பதே|
தி4யா விஶுத்3த4யா த3த்4யௌ ததா2 ப்ராது3ரபூ4த் ஹரி:|| 18
ததா3 ஸ்வப்ரப4யா தேஷாம் த்3யோதயன்த்யா தி3ஶோ த3ஶ|
முஷ்ணம்ஸ்தேஜ உபாநீத: தார்க்ஷ்யேண ஸ்தோத்ர வாஜிநா|| 19
ஶ்யாமோ ஹிரண்யரஶநோऽர்ககிரீடஜுஷ்டோ
நீலாலக ப்4ரமர மண்டி3த குண்ட3லாஸ்ய:|
கம்ப்3வப்3ஜ சக்ர ஶரசாபக3தா3ஸி சர்ம-
வ்யக்3ரைர் ஹிரண்மயபு4ஜைரிவ கர்ணிகார:|| 20
வக்ஷஸ்யதி4ஶ்ரித வதூ4ர் வனமால்யுதா3ர
ஹாஸாவலோக கலயா ரமயம்ஶ்ச விஶ்வம்|
பார்ஶ்வப்4ரமத்3வ்யஜன சாமர ராஜஹம்ஸ:
ஶ்வேதாதபத்ர ஶஶிநோபரி ரஜ்யமான:|| 21
தமுபாக3த மாலக்ஷ்ய ஸர்வே ஸுரக3ணாத3ய:|
ப்ரணேமு: ஸஹஸோத்தா2ய ப்3ரஹ்மேந்த்3ர த்ர்யக்ஷ நாயகா:|| 22
தத்தேஜஸா ஹதருச: ஸந்நஜிஹ்வா: ஸஸாத்4வஸா:|
மூர்த்4நா த்4ருதாஞ்ஜலிபுடா உபதஸ்து2ரதோ4க்ஷஜம்|| 23
அப்யர்வாக்3வ்ருத்தயோ யஸ்ய மஹி த்வாத்மபு4வாத3ய:|
யதா2மதி க்3ருணன்தி ஸ்ம க்ருதாநுக்3ரஹவிக்3ரஹம்|| 24
த3க்ஷோ க்3ருஹீதார்ஹண ஸாத3நோத்தமம்
யஜ்ஞேஶ்வரம் விஶ்வஸ்ருஜாம் பரம் கு3ரும்|
ஸுநந்த3நந்தா3த்3யநுகை3ர் வ்ருதம் முதா3
க்3ருணன் ப்ரபேதே3 ப்ரயத: க்ருதாஞ்ஜலி:|| 25
த3க்ஷ உவாச
ஶுத்3த4ம் ஸ்வதா4ம்ந்யுபரதாகி2ல பு3த்3த்4யவஸ்த2ம்
சின்மாத்ரமேக மப4யம் ப்ரதிஷித்4ய மாயாம்|
திஷ்ட2ம்ஸ்தயைவ புருஷத்வ முபேத்ய தஸ்யாம்
ஆஸ்தே ப4வாநபரிஶுத்3த4 இவாத்மதந்த்ர:|| 26
ருத்விஜ ஊசு:
தத்வம் ந தே வயமனஞ்ஜன ருத்3ரஶாபாத்
கர்மண்யவக்3ரஹதி4யோ ப4க3வன் விதா3ம:|
த4ர்மோபலக்ஷணமித3ம் த்ரிவ்ருத3த்4வராக்2யம்
ஜ்ஞாதம் யத3ர்த2மதி4தை3வ மதோ3 வ்யவஸ்தா2:|| 27
ஸத3ஸ்யா ஊசு:
உத்பத்த்யத்4வன்யஶரண உருக்லேஶது3ர்கே3 ऽந்தகோக்3ர-
வ்யாலான்விஷ்டே விஷயம்ருக3த்ருஷ்யாத்ம கே3ஹோருபா4ர:|
த்3வந்த்3வஶ்வப்4ரே க2லம்ருக3ப4யே ஶோகதா3வே ऽஜ்ஞஸார்த2:
பாதௌ3கஸ்தே ஶரணத3 கதா3 யாதி காமோபஸ்ருஷ்ட:|| 28
ருத்3ர உவாச
தவ வரத3 வராங்க்4ராவாஶிஷேஹாகி2லார்தே2
ஹ்யபி முநிபி4ரஸக்தைராத3ரேணார்ஹணீயே|
யதி3 ரசிததி4யம் மாவித்3யலோகோ ऽபவித்3த4ம்
ஜபதி ந க3ணயே தத் த்வத் பராநுக்3ரஹேண|| 29
ப்4ருகு3ருவாச
யன்மாயயா க3ஹநயாபஹ்ருதாத்ம போ3தா4
ப்3ரஹ்மாத3யஸ்தநுப்4ருதஸ்தமஸி ஸ்வபந்த:|
நாத்மன் ஶ்ரிதம் தவ வித3ந்த்யது4 நாபி தத்வம்
ஸோऽயம் ப்ரஸீத3து ப4வான் ப்ரணதாத்மப3ந்து4:|| 30
ப்3ரஹ்மோவாச
நைதத் ஸ்வரூபம் ப4வதோऽஸௌ
பதா3ர்த2 பே4த3க்3ரஹை: புருஷோ யாவதீ3க்ஷேத்|
ஜ்ஞானஸ்ய சார்த2ஸ்ய கு3ணஸ்ய சாஶ்ரயோ
மாயாமயாத்3 வ்யதிரிக்தோ யதஸ்த்வம்|| 31
இந்த்3ர உவாச
இத3மப்யச்யுத விஶ்வபா4வனம்
வபுராநந்த3கரம் மநோத்3ருஶாம்|
ஸுரவித்3விட்க்ஷபணைருதா3யுதை4ர்
பு4ஜத3ண்டை3 ருபபன்ன மஷ்டபி4:|| 32
பத்ன்ய ஊசு:
யஜ்ஞோऽயம் தவ யஜநாய கேன ஸ்ருஷ்டோ
வித்4வஸ்த: பஶுபதிநாத்3ய த3க்ஷகோபாத்|
தம் நஸ்த்வம் ஶவஶயநாப4ஶாந்த மேத4ம்
யஜ்ஞாத்மன் நளின ருசா த்3ருஶா புனீஹி|| 33
ருஷய ஊசு:
அனன்விதம் தே ப4க3வன் விசேஷ்டிதம்
யதா3த்மநா ऽऽசரஸி ஹி கர்ம நாஜ்யஸே|
விபூ4தயே யத உபஸேது3ரீஶ்வரீம் ந
மன்யதே ஸ்வயமநுவர்ததீம் ப4வான்|| 34
ஸித்3தா4 ஊசு:
அயம் த்வத்கதா2ம்ருஷ்டபீயூஷ நத்3யாம்
மநோவாரண: க்லேஶதா3வாக்3நி த3க்3த4:|
த்ருஷார்தோ ऽவகா3டோ3 ந ஸஸ்மார தா3வம்
ந நிஷ்க்ராமதி ப்3ரஹ்மஸம்பந்நவன்ன:|| 35
யஜமான்யுவாச
ஸ்வாக3தம் தே ப்ரஸீதே3ஶ துப்4யம் நம:
ஶ்ரீநிவாஸ ஶ்ரியா கான்தயா த்ராஹி ந:|
த்வாம்ருதே ऽதீ4ஶ நாங்கை3ர் மக2: ஶோப4தே
ஶீர்ஷஹீன: கப3ந்தோ4 யதா2 புருஷ:|| 36
லோகபாலா ஊசு:
த்3ருஷ்ட: கிம் நோ த்3ருக்3பி4ரஸத்3க்3ரஹைஸ்த்வம்
ப்ரத்யக்3த்3ரஷ்டா த்3ருஶ்யதே யேன த்3ருஶ்யம்|
மாயா ஹ்யேஷா ப4வதீ3யா ஹி பூ4மன்
யஸ்த்வம் ஷஷ்ட2: பஞ்சபி4ர் பா4ஸி பூ4தை:|| 37
யோகே3ஶ்வரா ஊசு:
ப்ரேயான்ன தேऽன்யோ ऽஸ்த்ய முதஸ்த்வயி ப்ரபோ4
விஶ்வாத்மநீக்ஷேன்ன ப்ருத2க்3ய ஆத்மன:|
அதா2பி ப4க்த்யேஶ தயோபதா4வதாம்
அனன்யவ்ருத்த்யாநுக்3ருஹாண வத்ஸல|| 38
ஜக3து3த்3ப4வஸ்தி2திலயேஷு தை3வதோ
ப3ஹு பி4த்3யமான கு3ணயா ऽऽத்மமாயயா|
ரசிதாத்மபே4த3 மதயே ஸ்வஸம்ஸ்த2யா
விநிவர்தித ப்4ரமகு3ணாத்மனே நம:|| 39
ப்3ரஹ்மோவாச
நமஸ்தே ஶ்ரிதஸத்த்வாய த4ர்மாதீ3நாம் ச ஸூதயே|
நிர்கு3ணாய ச யத்காஷ்டா2ம் நாஹம் வேதா3பரேऽபி ச|| 40
அக்3நிருவாச
யத்தேஜஸாஹம் ஸுஸமித்3த4 தேஜா
ஹவ்யம் வஹே ஸ்வத்4வர ஆஜ்யஸிக்தம்|
தம் யஜ்ஞியம் பஞ்சவித4ம் ச பஞ்சபி4:
ஸ்விஷ்டம் யஜுர்பி4: ப்ரணதோऽஸ்மி யஜ்ஞம்|| 41
தே3வா ஊசு:
புரா கல்பாபாயே ஸ்வக்ருத முத3ரீக்ருத்ய விக்ருதம்
த்வமேவாத்3யஸ்தஸ்மின் ஸலில உரகே3ந்த்3ராதி4ஶயனே|
புமான் ஶேஷே ஸித்3தை4ர் ஹ்ருதி3 விம்ருஶிதாத்4யாத்ம பத3வி:
ஸ ஏவாத்3யாக்ஷ்ணோர் ய: பதி2 சரஸி ப்4ருத்யாநவஸி ந:|| 42
க3ந்த4ர்வா ஊசு:
அம்ஶாம்ஶாஸ்தே தே3வ மரீச்யாத3ய ஏதே
ப்3ரஹ்மேந் த்3ராத்3யா தே3வக3ணா ருத்3ரபுரோகா3:|
க்ரீடா3பா4ண்ட3ம் விஶ்வமித3ம் யஸ்ய விபூ4மன்
தஸ்மை நித்யம் நாத2 நமஸ்தே கரவாம|| 43
வித்3யாத4ரா ஊசு:
த்வன் மாயயார்த2மபி4பத்3ய களேவரே ऽஸ்மின்
க்ருத்வா மமாஹமிதி து3ர்மதி ருத்பதை2: ஸ்வை:|
க்ஷிப்தோ ऽப்யஸத்3 விஷயலாலஸ ஆத்ம மோஹம்
யுஷ்மத் கதா2ம்ருத நிஷேவக உத்3 வ்யுத3ஸ்யேத்|| 44
ப்3ராஹ்மணா ஊசு:
த்வம் க்ரதுஸ்த்வம் ஹவிஸ்த்வம் ஹுதாஶ: ஸ்வயம்
த்வம் ஹி மந்த்ர: ஸமித்3த3ர்ப4பாத்ராணி ச|
த்வம் ஸத3ஸ்யர்த்விஜோ த3ம்பதீ தே3வதா
அக்3நிஹோத்ரம் ஸ்வதா4 ஸோம ஆஜ்யம் பஶு:|| 45
த்வம் புரா கா3ம் ரஸாயா மஹாஸூகரோ
த3ம்ஷ்ட்ரயா பத்3மிநீம் வாரணேந்த்3ரோ யதா2|
ஸ்தூயமாநோ நத3ன் லீலயா யோகி3பி4ர்
வ்யுஜ்ஜஹர்த2 த்ரயீகா3த்ர யஜ்ஞக்ரது:|| 46
ஸ ப்ரஸீத3 த்வமஸ் மாகமாகாங்க்ஷதாம்
த3ர்ஶனம் தே பரிப்4ரஷ்ட ஸத்கர்மணாம்|
கீர்த்யமானே ந்ருபி4ர் நாம்நி யஜ்ஞிஶ தே
யஜ்ஞவிக்4நா: க்ஷயம் யாந்தி தஸ்மை நம:|| 47
மைத்ரேய உவாச
இதி த3க்ஷ: கவிர்யஜ்ஞம் ப4த்3ர ருத்3ராவமர்ஶிதம்|
கீர்த்யமானே ஹ்ருஷீகேஶே ஸந்நிந்யே யஜ்ஞபா4வனே|| 48
ப4க3வான் ஸ்வேன பா4கே3ன ஸர்வாத்மா ஸர்வபா4க3பு4க்|
த3க்ஷம் ப3பா4ஷ ஆபா4ஷ்ய ப்ரீயமாண இவானக4|| 49
ஶ்ரீப4க3வாநுவாச
அஹம் ப்3ரஹ்மா ச ஶர்வஶ்ச ஜக3த: காரணம் பரம்|
ஆத்மேஶ்வர உபத்3ரஷ்டா ஸ்வயம்த்3ருக3விஶேஷண:|| 50
ஆத்மமாயாம் ஸமாவிஶ்ய ஸோऽஹம் கு3ணமயீம் த்3விஜ|
ஸ்ருஜன் ரக்ஷன் ஹரன் விஶ்வம் த3த்4ரே ஸஞ்ஜ்ஞாம் க்ரியோசிதாம்|| 51
தஸ்மின் ப்3ரஹ்மண்யத்3விதீயே கேவலே பரமாத்மனி|
ப்3ரஹ்மருத்3ரௌ ச பூ4தானி பே4தே3நாஜ்ஞோऽநுபஶ்யதி|| 52
யதா2 புமான் ந ஸ்வாங்கே3ஷு ஶிர:பாண்யாதி3ஷு க்வசித்|
பாரக்யபு3த்3தி4ம் குருதே ஏவம் பூ4தேஷு மத்பர:|| 53
த்ரயாணாமேகபா4வாநாம் யோ ந பஶ்யதி வை பி4தா3ம்|
ஸர்வ பூ4தாத்மநாம் ப்3ரஹ்மன் ஸ ஶாந்தி மதி4க3ச்ச2தி|| 54
மைத்ரேய உவாச
ஏவம் ப4க3வதா ऽऽதி3ஷ்ட: ப்ரஜாபதிபதிர் ஹரிம்|
அர்சித்வா க்ரதுநா ஸ்வேன தே3வாநுப4யதோऽயஜத்|| 55
ருத்3ரம் ச ஸ்வேன பா4கே3ன ஹ்யுபாதா4வத் ஸமாஹித:|
கர்மணோத3வஸாநேன ஸோமபாநிதராநபி|
உத3வஸ்ய ஸஹர்த்விக்3பி4: ஸஸ்நாவவப்4ருத2ம் தத:|| 56
தஸ்மா அப்யநு பா4வேன ஸ்வேனைவாவாப்தராத4ஸே|
த4ர்ம ஏவ மதிம் த3த்வா த்ரித3ஶாஸ்தே தி3வம் யயு:|| 57
ஏவம் தா3க்ஷாயணீ ஹித்வா ஸதீ பூர்வகளேவரம்|
ஜஜ்ஞே ஹிமவத: க்ஷேத்ரே மேநாயாமிதி ஶுஶ்ரும|| 58
தமேவ த3யிதம் பூ4ய ஆவ்ருங்க்தே பதிமம்பி3கா|
அநன்யபா4வைக க3திம் ஶக்தி: ஸுப்தேவ பூருஷம்|| 59
ஏதத்3 ப4க3வத: ஶம்போ4: கர்ம த3க்ஷாத்4வரத்3ருஹ:|
ஶ்ருதம் பா4க3வதாச்சி2ஷ்யாது3த்3த4வான்மே ப்3ருஹஸ்பதே:|| 60
இத3ம் பவித்ரம் பரமீஶசேஷ்டிதம்
யஶஸ்ய மாயுஷ்ய மகௌ4க4மர்ஷணம்|
யோ நித்யதா3 ऽऽகர்ண்ய நரோऽநுகீர்தயேத்3
து4நோத்யக4ம் கௌரவ ப4க்திபா4வத:|| 61
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
சதுர்த2ஸ்கந்தே4 த3க்ஷயஜ்ஞஸந்தா4னம் நாம ஸப்தமோऽத்4யாய: || 7
நான்காம் ஸ்கந்தம் - ஏழாம் அத்யாயம் முற்றும்.