ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 28.
அஷ்டாங்க யோகத்தின் விதி
த்ருதீயஸ்கந்தே4: அத2 அஷ்டாவிம்ஶோஅத்4யாய:
ஶ்ரீப4க3வாநுவாச
யோக3ஸ்ய லக்ஷணம் வக்ஷ்யே ஸபீ3ஜஸ்ய ந்ருபாத்மஜே|
மநோ யேனைவ விதி4நா ப்ரஸந்நம் யாதி ஸத்பத2ம்|| 1
ஸ்வத4ர்மாசரணம் ஶக்த்யா வித4ர்மாச்ச நிவர்தனம்|
தை3வால்லப்3தே4ன ஸந்தோஷ ஆத்மவிச்சரணார்சனம்|| 2
க்3ராம்ய த4ர்ம நிவ்ருத்திஶ்ச மோக்ஷத4ர்மரதிஸ்ததா2|
மிதமேத்4யாத3னம் ஶஶ்வத்3 விவிக்த க்ஷேமஸேவனம்|| 3
அஹிம்ஸா ஸத்யமஸ்தேயம் யாவத3ர்த2 பரிக்3ரஹ:|
ப்3ரஹ்மசர்யம் தப: ஶௌசம் ஸ்வாத்4யாய: புருஷார்சநம்|| 4
மௌனம் ஸதா3ऽऽஸன ஜய: ஸ்தை2ர்யம் ப்ராணஜய: ஶனை:|
ப்ரத்யாஹாரஶ்சேந்த்3ரியாணாம் விஷயான்மநஸா ஹ்ருதி3|| 5
ஸ்வதி4ஷ்ண்யாநாமேகதே3ஶே மநஸா ப்ராணதா4ரணம்|
வைகுண்ட2லீலாபி4த்4யானம் ஸமாதா4னம் ததா2ऽऽத்மன:|| 6
ஏதைரன்யைஶ்ச பதி2பி4ர் மநோ து3ஷ்டமஸத்பத2ம்|
பு3த்3த்4யா யுஞ்ஜீத ஶநகைர் ஜிதப்ராணோ ஹ்யதந்த்3ரித:|| 7
ஶுசௌ தே3ஶே ப்ரதிஷ்டா2ப்ய விஜிதாஸன ஆஸனம்|
தஸ்மின் ஸ்வஸ்தி ஸமாஸீந ருஜுகாய: ஸமப்4யஸேத்|| 8
ப்ராணஸ்ய ஶோத4யேன் மார்க3ம் பூரகும்ப4க ரேசகை:|
ப்ரதிகூலேன வா சித்தம் யதா2 ஸ்தி2ரமசஞ்சலம்|| 9
மநோऽசிராத் ஸ்யாத்3 விரஜம் ஜிதஶ்வாஸஸ்ய யோகி3ன:|
வாய்வக்3நிப்4யாம் யதா2 லோஹம் த்4மாதம் த்யஜதி வை மலம்|| 10
ப்ராணாயாமைர் த3ஹேத்3 தோ3ஷான் தா4ரணாபி4ஶ்ச கில்பி3ஷான்|
ப்ரத்யாஹாரேண ஸம்ஸர்கா3ன் த்4யாநேநாநீஶ்வரான் கு3ணான்|| 11
யதா3 மந: ஸ்வம் விரஜம் யோகே3ன ஸுஸமாஹிதம்|
காஷ்டா2ம் ப4க3வதோ த்4யாயேத் ஸ்வநாஸாக்3ராவலோகன:|| 12
ப்ரஸந்நவத3நாம்போ4ஜம் பத்3மக3ர்பா4ருணேக்ஷணம்|
நீலோத்பலத3ளஶ்யாமம் ஶங்க2சக்ரக3தா3த4ரம்|| 13
லஸத்பங்கஜ கிஞ்ஜல்க பீதகௌஶேயவாஸஸம்|
ஶ்ரீவத்ஸவக்ஷஸம் ப்4ராஜத் கௌஸ்துபா4முக்தகந்த4ரம்|| 14
மத்த த்3விரேப2கலயா பரீதம் வனமாலயா|
பரார்த்4யஹாரவலய கிரீடாங்க3த3நூபுரம்|| 15
காஞ்சீகு3ணோல்லஸச் ச்2ரோணிம் ஹ்ருத3யாம்போ4ஜவிஷ்டரம்|
த3ர்ஶநீயதமம் ஶாந்தம் மநோநயநவர்த4னம்|| 16
அபீச்யத3ர்ஶநம் ஶஶ்வத் ஸர்வலோகநமஸ்க்ருதம்|
ஸந்தம் வயஸி கைஶோரே ப்4ருத்யாநுக்3ரஹகாதரம்|| 17
கீர்தன்யதீர்த2யஶஸம் புண்யஶ்லோகயஶஸ்கரம்|
த்4யாயேத்3 தே3வம் ஸமக்3ராங்க3ம் யாவந்ந ச்யவதே மன:|| 18
ஸ்தி2தம் வ்ரஜந்தமாஸீனம் ஶயாநம் வா கு3ஹாஶயம்|
ப்ரேக்ஷணீயேஹிதம் த்4யாயேத் ஶுத்3த4பா4வேன சேதஸா|| 19
தஸ்மின் லப்3த4பத3ம் சித்தம் ஸர்வாவயவஸம்ஸ்தி2தம்|
விலக்ஷ்யைகத்ர ஸம்யுஜ்யாத3ங்கே3 ப4க3வதோ முனி:|| 20
ஸஞ்சிந்தயேத்3 ப4க3வதஶ்சரணாரவிந்த3ம்
வஜ்ராங்குஶத்4வஜ ஸரோருஹலாஞ்ச2நாட்4யம்|
உத்துங்க3ரக்தவிலஸந் நக2சக்ரவால-
ஜ்யோத்ஸ்நாபி4ராஹத மஹத்3 த்4ருத3யாந்த4காரம்|| 21
யச்சௌ2சநி:ஸ்ருதஸரித்ப்ரவரோத3கேன
தீர்தே2ன மூர்த்4ன்யதி4க்ருதேன ஶிவ: ஶிவோऽபூ4த்|
த்4யாதுர் மன:ஶமலஶைலநிஸ்ருஷ்டவஜ்ரம்
த்4யாயேச்சிரம் ப4க3வதஶ்சரணார விந்த3ம்|| 22
ஜாநுத்3வயம் ஜலஜலோசநயா ஜநன்யா
லக்ஷ்ம்யாகி2லஸ்ய ஸுரவந்தி3தயா விதா4து:|
ஊர்வோர் நிதா4ய கரபல்லவரோசிஷா யத்
ஸம்லாலிதம் ஹ்ருதி3 விபோ4ரப4வஸ்ய குர்யாத்|| 23
ஊரூ ஸுபர்ணபு4ஜயோரதி4 ஶோப4மாநா-
வோஜோநிதீ4 அதஸிகாகுஸுமாவபா4ஸௌ|
வ்யாலம்பி3 பீத வரவாஸஸி வர்தமாந-
காஞ்சீகலாப பரிரம்பி4 நிதம்ப3பி3ம்ப3ம்|| 24
நாபி4ஹ்ரத3ம் பு4வனகோஶகு3ஹோத3ரஸ்த2ம்
யத்ராத்மயோநிதி4ஷணாகி2ல லோகபத்3மம்|
வ்யூட4ம் ஹரின்மணிவ்ருஷஸ்தனயோரமுஷ்ய
த்4யாயேத்3 தூ3யம் விஶத3ஹாரமயூக2கௌ3ரம்|| 25
வக்ஷோ ऽதி4வாஸம் ருஷப4ஸ்ய மஹாவிபூ4தே:
பும்ஸாம் மநோநயன நிர்வ்ருதிமாத3தா4னம்|
கண்ட2ம் ச கௌஸ்துப4மணேரதி4பூ4ஷணார்த2ம்
குர்யான் மநஸ்யகி2லலோகநமஸ்க்ருதஸ்ய|| 26
பா3ஹூம்ஶ்ச மந்த3ரகி3ரே: பரிவர்தநேன
நிர்ணிக்தபா3ஹுவலயாநதி4 லோகபாலான்|
ஸஞ்சிந்தயேத்3 த3ஶ ஶதாரமஸஹ்யதேஜ:
ஶங்க2ம் ச தத் கர ஸரோருஹ ராஜ ஹம்ஸம்|| 27
கௌமோத3கீம் ப4க3வதோ த3யிதாம் ஸ்மரேத
தி3க்3தா4மராதிப4ட ஶோணிதகர்த3மேன|
மாலாம் மது4வ்ரதவரூத2 கி3ரோபகு4ஷ்டாம்
சைத்யஸ்ய தத்த்வமமலம் மணிமஸ்ய கண்டே2|| 28
ப்4ருத்யாநுகம்பிததி4யேஹ க்3ருஹீதமூர்தே:
ஸஞ்சிந்தயேத்3 ப4க3வதோ வத3நாரவிந்த3ம்|
யத்3விஸ்பு2ரன்மகர குண்ட3ல வல்கி3தேன
வித்3யோதிதாமல கபோல முதா3ர நாஸம்|| 29
யத் ஶ்ரீநிகேதமலிபி4: பரிஸேவ்யமானம்
பூ4த்யா ஸ்வயா குடிலகுந்தள வ்ருந்த3 ஜுஷ்டம்|
மீனத்3வயாஶ்ரய மதி4க்ஷிபத3ப்3ஜநேத்ரம்
த்4யாயேன் மநோமய மதந்த்3ரித உல்லஸத்3ப்4ரு|| 30
தஸ்யாவலோகமதி4கம் க்ருபயாதிகோ4ர
தாபத்ரயோபஶமநாய நிஸ்ருஷ்ட மக்ஷ்ணோ:|
ஸ்நிக்3த4ஸ்மிதாநுகு3ணிதம் விபுலப்ரஸாத3ம்
த்4யாயேச்சிரம் விபுலபா4வனயா கு3ஹாயாம்|| 31
ஹாஸம் ஹரேரவநதாகி2 லலோகதீவ்ர-
ஶோகாஶ்ருஸாக3ர விஶோஷண மத்யுதா3ரம்|
ஸம்மோஹநாய ரசிதம் நிஜமாயயாஸ்ய
ப்4ரூமண்ட3லம் முனிக்ருதே மகரத்4வஜஸ்ய|| 32
த்4யாநாயனம் ப்ரஹஸிதம் ப3ஹுலாத4ரோஷ்ட2-
பா4ஸாருணாயித தநுத்3விஜகுந்த3பங்க்தி|
த்4யாயேத் ஸ்வதே3ஹ குஹரே ऽவஸிதஸ்ய விஷ்ணோர்
ப4க்த்யா ऽऽர்த்3ரயார்பித மநா ந ப்ருத2க்3 தி3த்3ருக்ஷேத்|| 33
ஏவம் ஹரௌ ப4க3வதி ப்ரதிலப்3த4பா4வோ
ப4க்த்யா த்3ரவத்3 த்4ருத3ய உத்புலக: ப்ரமோதா3த்|
ஔத்கண்ட்2ய பா3ஷ்பகலயா முஹுரர் த்3யமான:
தச்சாபி சித்தப3டி3ஶம் ஶநகைர் வியுங்க்தே|| 34
முக்தாஶ்ரயம் யர்ஹி நிர்விஷயம் விரக்தம்
நிர்வாணம்ருச்ச2தி மந: ஸஹஸா யதா2ர்சி:|
ஆத்மாநமத்ர புருஷோ ऽவ்யவதா4நமேக
மன்வீக்ஷதே ப்ரதிநிவ்ருத்த கு3ணப்ரவாஹ:|| 35
ஸோऽப்யேதயா சரமயா மநஸோ நிவ்ருத்யா
தஸ்மின் மஹிம்ன்யவஸித: ஸுக2து3:க2பா3ஹ்யே|
ஹேதுத்வமப்யஸதி கர்தரி து3:க2யோர் யத்
ஸ்வாத்மன் வித4த்த உபலப்3த4 பராத்மகாஷ்ட2:|| 36
தே3ஹம் ச தம் ந சரம: ஸ்தி2தமுத்தி2தம் வா
ஸித்3தோ4 விபஶ்யதி யதோऽத்4யக3மத் ஸ்வரூபம்|
தை3வாது3பேதமத2 தை3வவஶாத3பேதம்
வாஸோ யதா2 பரிக்ருதம் மதி3ராமதா3ந்த4:|| 37
தே3ஹோऽபி தை3வ வஶக3: க2லு கர்ம யாவத்
ஸ்வாரம்ப4கம் ப்ரதிஸமீக்ஷத ஏவ ஸாஸு:|
தம் ஸப்ரபஞ்சமதி4ரூட4ஸமாதி4யோக3:
ஸ்வாப்னம் புனர்ன ப4ஜதே ப்ரதிபு3த்3த4வஸ்து:|| 38
யதா2 புத்ராச்ச வித்தாச்ச ப்ருத2ங்மர்த்ய: ப்ரதீயதே|
அப்யாத்மத்வேநாபி4மதாத்3 தே3ஹாதே3: புருஷஸ்ததா2|| 39
யதோ2ல்முகாத்3 விஸ்பு2லிங்கா3த்3 தூ4மாத்3வாபி ஸ்வஸம்ப4வாத்|
அப்யாத்மத்வேநாபி4மதாத்3 யதா2க்3நி: ப்ருத2கு3ல்முகாத்|| 40
பூ4தேந்த்3ரியாந்த: கரணாத் ப்ரதா4நாஜ்ஜீவஸஞ்ஜ்ஞிதாத்|
ஆத்மா ததா2 ப்ருத2க்3த்3ரஷ்டா ப4க3வான் ப்3ரஹ்ம ஸம்ஜ்ஞித:|| 41
ஸர்வபூ4தேஷு சாத்மானம் ஸர்வபூ4தாநி சாத்மனி|
ஈக்ஷேதாநன்யபா4வேன பூ4தேஷ்விவ ததா3த்மதாம்|| 42
ஸ்வயோநிஷு யதா2 ஜ்யோதிரேகம் நாநா ப்ரதீயதே|
யோநீநாம் கு3ணவைஷம்யாத் ததா2 ऽऽத்மா ப்ரக்ருதௌ ஸ்தி2த:|| 43
தஸ்மாதி3மாம் ஸ்வாம் ப்ரக்ருதிம் தை3வீம் ஸத3ஸதா3த்மிகாம்|
து3ர்விபா4வ்யாம் பராபா4வ்ய ஸ்வரூபேணாவதிஷ்ட2தே|| 44
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே4 காபிலேயே ஸாத4நாநுஷ்டா2னம் நாம அஷ்டாவிம்ஶோऽத்4யாய: || 28
மூன்றாம் ஸ்கந்தம் - இருபத்தி எட்டாவது அத்யாயம் முற்றும்.