ஶ்ரீமத்பாகவதமஹாபுராணம் :: இரண்டாம் ஸ்கந்தம் :: அத்யாயம் 9.
பிரம்மா பகவத் தாம தர்சனம் செய்தலும் பகவான் அவருக்கு
நான்கு ஸ்லோக ரூபமான பாகவதத்தை உபதேசம் செய்தலும்
த்3விதீயஸ்கந்தே4: அத2 நவமோऽத்4யாய:
ஶ்ரீஶுக உவாச
ஆத்மமாயாம்ருதே ராஜன் பரஸ்யாநுப4வாத்மன:|
ந க4டேதார்த்த2ஸம்ப3ந்த4: ஸ்வப்நத்3ரஷ்டு ரிவாஞ்ஜஸா|| 1
ப3ஹுரூப இவாபா4தி மாயயா ப3ஹுரூபயா|
ரமமாணோ கு3ணேஷ்வஸ்யா மமாஹமிதி மன்யதே|| 2
யர்ஹி வாவ மஹிம்நி ஸ்வே பரஸ்மின் காலமாயயோ:|
ரமேத க3தஸம்மோஹஸ்த்யக்த்வோதா3ஸ்தே ததோ3ப4யம்|| 3
ஆத்மதத்வ விஶுத்3த்4யர்த2ம் யதா3ஹ ப4க3வாந்ருதம்|
ப்3ரஹ்மணே த3ர்ஶயன் ரூப மவ்யலீக வ்ரதாத்3ருத:|| 4
ஸ ஆதி3தே3வோ ஜக3தாம் பரோ கு3ரு:
ஸ்வதி4ஷ்ண்யமாஸ்தா2ய ஸிஸ்ருக்ஷயைக்ஷத|
தாம் நாத்4யக3ச்ச2த்3 த்3ருஶமத்ர ஸம்மதாம்
ப்ரபஞ்சநிர்மாணவிதி4ர் யயா ப4வேத்|| 5
ஸ சிந்தயன் த்3வ்யக்ஷர மேகதா3ம்ப4ஸ்
யுபாஶ்ருணோத்3 த்3விர்க3தி3தம் வசோ விபு4:|
ஸ்பர்ஶேஷு யத் ஷோட3ஶமேகவிம்ஶம்
நிஷ்கிஞ்சநாநாம் ந்ருப யத்3 த்4னம் விது3:|| 6
நிஶம்ய தத்3வக்த்ரு தி3த்3ருக்ஷயா தி3ஶோ
விலோக்ய தத்ரான்யத3பஶ்யமான:|
ஸ்வதி4ஷ்ண்யமாஸ்தா2ய விம்ருஶ்ய தத்3ஹிதம்
தபஸ்யுபாதி3ஷ்ட இவாத3தே4 மன:|| 7
தி3வ்யம் ஸஹஸ்ராப்3த3 மமோக4த3ர்ஶநோ
ஜிதாநிலாத்மா விஜிதோப4யேந்த்3ரிய:|
அதப்யத ஸ்மாகி2ல லோகதாபநம்
தபஸ்தபீயாம்ஸ்தபதாம் ஸமாஹித:|| 8
தஸ்மை ஸ்வலோகம் ப4க3வான் ஸபா4ஜித:
ஸந்த3ர்ஶயாமாஸ பரம் ந யத்பரம்|
வ்யபேத ஸங்க்லேஶ விமோஹஸாத்4வஸம்
ஸ்வத்3ருஷ்டவத்3பி4ர் விபு3தை4ர்பி4ஷ்டுதம்|| 9
ப்ரவர்ததே யத்ர ரஜஸ்தமஸ்தயோ:
ஸத்வம் ச மிஶ்ரம் ந ச காலவிக்ரம:|
ந யத்ர மாயா கிமுதாபரே ஹரே
ரநுவ்ரதா யத்ர ஸுராஸுரார்ச்சிதா:|| 10
ஶ்யாமாவதா3தா: ஶதபத்ரலோசநா:
பிஶங்க3வஸ்த்ரா: ஸுருச: ஸுபேஶஸ:|
ஸர்வே சதுர்பா3ஹவ உன்மிஷன்மணி
ப்ரவேக நிஷ்காப4ரணா: ஸுவர்சஸ:|
ப்ரவாலவைதூ3ர்ய ம்ருணாலவர்சஸ:
பரிஸ்பு2ரத்குண்ட3ல மௌலிமாலின:|| 11
ப்4ராஜிஷ்ணுபி4ர் ய: பரிதோ விராஜதே
லஸத்3விமாநாவலிபி4ர் மஹாத்மநாம்|
வித்3யோதமான: ப்ரமதோ3த்தமாத்3யுபி4:
ஸவித்3யுத3ப்4ராவலிபி4ர் யதா2 நப4:|| 12
ஶ்ரீர்யத்ர ரூபிண்யுருகா3ய பாத3யோ:
கரோதி மானம் ப3ஹுதா4 விபூ4திபி4:|
ப்ரேங்க2ம் ஶ்ரிதா யா குஸுமாகராநுகை3ர்
விகீ3யமாநா ப்ரியகர்ம கா3யதீ|| 13
த3த3ர்ஶ தத்ராகி2லஸாத்வதாம் பதிம்
ஶ்ரிய: பதிம் யஜ்ஞபதிம் ஜக3த்பதிம்|
ஸுநந்த3 நந்த3 ப்ரப3லார்ஹணாதி3பி4:
ஸ்வபார்ஷத3முக்2யை: பரிஸேவிதம் விபு4ம்|| 14
ப்4ருத்ய ப்ரஸாதா3பி4முக2ம் த்3ருகா3ஸவம்
ப்ரஸன்ன ஹாஸாருண லோசநாநநம்|
கிரீடிநம் குண்ட3லிநம் சதுர்பு4ஜம்
பீதாம்ப3ரம் வக்ஷஸி லக்ஷிதம் ஶ்ரியா|| 15
அத்4யர்ஹணீயாஸனமாஸ்தி2தம் பரம்
வ்ருதம் சது:ஷோட3ஶ பஞ்ச ஶக்திபி4:|
யுக்தம் ப4கை3: ஸ்வைரிதரத்ர சாத்4ருவை:
ஸ்வ ஏவ தா4மன் ரமமாணமீஶ்வரம்|| 16
தத்3 த3ர்ஶநாஹ்லாத3பரிப்லுதாந்தரோ
ஹ்ருஷ்யத்தநு: ப்ரேம ப4ராஶ்ருலோசன:|
நநாம பாதா3ம்பு3ஜமஸ்ய விஶ்வஸ்ருக்3
யத் பாரமஹம்ஸ்யேன பதா2தி4க3ம்யதே|| 17
தம் ப்ரீயமாணம் ஸமுபஸ்தி2தம் ததா3
ப்ரஜா விஸர்கே3 நிஜஶாஸநார்ஹணம்|
ப3பா4ஷ ஈஷத் ஸ்மித ஶோசிஷா கி3ரா
ப்ரிய: ப்ரியம் ப்ரீதமநா: கரே ஸ்ப்ருஶன்|| 18
ஶ்ரீப4க3வாநுவாச
த்வயாஹம் தோஷித: ஸம்யக்3 வேத3க3ர்ப4 ஸிஸ்ருக்ஷயா|
சிரம் ப்4ருதேன தபஸா து3ஸ்தோஷ: கூடயோகி3நாம்|| 19
வரம் வரய ப4த்3ரம் தே வரேஶம் மாபி4வாஞ்சி2தம்|
ப்3ரஹ்மஞ்ச்2ரேய: பரிஶ்ராம: பும்ஸோ மத்3த3ர்ஶநாவதி4:|| 20
மநீஷிதாநுபா4வோऽயம் மம லோகாவலோகனம்|
யது3பஶ்ருத்ய ரஹஸி சகர்த்த2 பரமம் தப:|| 21
ப்ரத்யாதி3ஷ்டம் மயா தத்ர த்வயி கர்மவிமோஹிதே|
தபோ மே ஹ்ருத3யம் ஸாக்ஷாதா3த்மாஹம் தபஸோऽனக4|| 22
ஸ்ருஜாமி தபஸைவேத3ம் க்3ரஸாமி தபஸா புன:|
பி3ப4ர்மி தபஸா விஶ்வம் வீர்யம் மே து3ஶ்சரம் தப:|| 23
ப்3ரஹ்மோவாச
ப4க3வன் ஸர்வபூ4தாநாமத்4யக்ஷோऽவஸ்தி2தோ கு3ஹாம்|
வேத3 ஹ்யப்ரதிருத்3தே4ன ப்ரஜ்ஞாநேன சிகீர்ஷிதம்|| 24
ததா2பி நாத2மாநஸ்ய நாத2 நாத2ய நாதி2தம்|
பராவரே யதா2 ரூபே ஜாநீயாம் தே த்வரூபிண:|| 25
யதா2ऽऽத்மமாயாயோகே3ன நாநாஶக்த்யுபப்3ரும்ஹிதம்|
விலும்பன் விஸ்ருஜன் க்3ருஹ்ணன் பி3ப்4ரதா3த்மாநமாத்மநா|| 26
க்ரீட3ஸ்யமோக4ஸங்கல்ப ஊர்ணநாபி4ர் யதோ2ர்ணுதே|
ததா2 தத்3விஷயாம் தே4ஹி மநீஷாம் மயி மாத4வ|| 27
ப4க3வச்சி2க்ஷிதமஹம் கரவாணி ஹ்யதந்த்3ரித:|
நேஹமான: ப்ரஜாஸர்க3ம் ப3த்4யேயம் யத3நுக்3ரஹாத்|| 28
யாவத் ஸகா2 ஸக்2யுரிவேஶ தே க்ருத:
ப்ரஜாவிஸர்கே3 விப4ஜாமி போ4 ஜனம்|
அவிக்லவஸ்தே பரிகர்மணி ஸ்தி2தோ
மா மே ஸமுந்நத்3த4மதோ3ऽஜ மானின:|| 29
ஶ்ரீப4க3வாநுவாச
ஜ்ஞாநம் பரமகு3ஹ்யம் மே யத்3 விஜ்ஞான ஸமன்விதம்|
ஸரஹஸ்யம் தத3ங்க3ம் ச க்3ருஹாண க3தி3தம் மயா|| 30
யாவாநஹம் யதா2பா4வோ யத்3ரூப கு3ணகர்மக:|
ததை2வ தத்வ விஜ்ஞானமஸ்து தே மத3நுக்3ரஹாத்|| 31
அஹமேவாஸமேவாக்3ரே நான்யத்3 யத் ஸத3ஸத் பரம்|
பஶ்சாத3ஹம் யதே3தச்ச யோऽவஶிஷ்யேத ஸோऽஸ்ம்யஹம்|| 32
ருதேऽர்த2ம் யத் ப்ரதீயேத ந ப்ரதீயேத சாத்மனி|
தத்3 வித்3யாதா3த்மநோ மாயாம் யதா2ऽऽபா4ஸோ யதா2 தம:|| 33
யதா2 மஹாந்தி பூ4தானி பூ4தேஷூச்சாவசேஷ்வநு|
ப்ரவிஷ்டான்யப்ரவிஷ்டாநி ததா2 தேஷு ந தேஷ்வஹம்|| 34
ஏதாவதே3வ ஜிஜ்ஞாஸ்யம் தத்த்வஜிஜ்ஞாஸுநாऽऽத்மன:|
அன்வயவ்யதிரேகாப்4யாம் யத் ஸ்யாத் ஸர்வத்ர ஸர்வதா3|| 35
ஏதன்மதம் ஸமாதிஷ்ட2 பரமேண ஸமாதி4நா|
ப4வான் கல்பவிகல்பேஷு ந விமுஹ்யதி கர்ஹிசித்|| 36
ஶ்ரீஶுக உவாச
ஸம்ப்ரதி3ஶ்யைவமஜநோ ஜநாநாம் பரமேஷ்டி2நம்|
பஶ்யதஸ்தஸ்ய தத்3 ரூபமாத்மநோ ந்யருணத்3 ஹரி:|| 37
அந்தர்ஹிதேந்த்3ரியார்தா2ய ஹரயே விஹிதாஞ்ஜலி:|
ஸர்வபூ4தமயோ விஶ்வம் ஸஸர்ஜேத3ம் ஸ பூர்வவத்|| 38
ப்ரஜாபதிர் த4ர்மபதிரேகதா3 நியமான் யமான்|
ப4த்3ரம் ப்ரஜாநாமன்விச்ச2ன்நாதிஷ்ட2த் ஸ்வார்த்த2காம்யயா|| 39
தம் நாரத3: ப்ரியதமோ ரிக்தா2தா3நாமநுவ்ரத:|
ஶுஶ்ரூஷமாண: ஶீலேன ப்ரஶ்ரயேண த3மேன ச|| 40
மாயாம் விவிதி3ஷன் விஷ்ணோர் மாயேஶஸ்ய மஹாமுனி:|
மஹாபா4க3வதோ ராஜன் பிதரம் பர்யதோஷயத்|| 41
துஷ்டம் நிஶாம்ய பிதரம் லோகாநாம் ப்ரபிதாமஹம்|
தே3வர்ஷி: பரிபப்ரச்ச2 ப4வான் யன்மாநுப்ருச்ச2தி|| 42
தஸ்மா இத3ம் பா4க3வதம் புராணம் த3ஶலக்ஷணம்|
ப்ரோக்தம் ப4க3வதா ப்ராஹ ப்ரீத: புத்ராய பூ4தக்ருத்|| 43
நாரத3: ப்ராஹ முனயே ஸரஸ்வத்யாஸ்தடே ந்ருப|
த்4யாயதே ப்3ரம்ஹ பரமம் வ்யாஸாயாமிததேஜஸே|| 44
யது3தாஹம் த்வயா ப்ருஷ்டோ வைராஜாத் புருஷாதி3த3ம்|
யதா2ऽऽஸீத் தது3பாக்2யாஸ்தே ப்ரஶ்நாநன்யாம்ஶ்ச க்ருத்ஸ்நஶ:|| 45
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்3விதியமஸ்கந்தே4 நைமிஷீயோபாக்2யாநே நவமோ அத்4யாய: || 9
இரண்டாம் ஸ்கந்தம் - ஒன்பதாம் அத்யாயம் முற்றும்.