ஶ்ரீமத்பாகவதமஹாபுராணம் :: இரண்டாம் ஸ்கந்தம் :: அத்யாயம் 8.
ராஜா பரீக்ஷித்தின் விதவிதமான கேள்விகள்
த்3விதீயஸ்கந்தே4: அத2 அஷ்டமோऽத்4யாய:
ராஜோவாச
ப்3ரஹ்மணா சோதி3தோ ப்3ரஹ்மன் கு3ணாக்2யாநேऽகு3ணஸ்ய ச|
யஸ்மை யஸ்மை யதா2 ப்ராஹ நாரதோ3 தே3வத3ர்ஶன:|| 1
ஏதத்3 வேதி3துமிச்சா2மி தத்வம் வேத3விதா3ம் வர|
ஹரேரத்3பு4த வீர்யஸ்ய கதா2 லோகஸுமங்க3லா:|| 2
கத2யஸ்வ மஹாபா4க3 யதா2ஹமகி2லாத்மனி|
க்ருஷ்ணே நிவேஶ்ய நி:ஸங்க3ம் மனஸ்த்யக்ஷ்யே களேவரம்|| 3
ஶ்ருண்வத: ஶ்ரத்3த4யா நித்யம் க்3ருணதஶ்ச ஸ்வசேஷ்டிதம்|
காலேன நாதிதீ3ர்கே4ண ப4க3வான் விஶதே ஹ்ருதி3|| 4
ப்ரவிஷ்ட: கர்ணரந்த்4ரேண ஸ்வாநாம் பா4வஸரோருஹம்|
து4நோதி ஶமலம் க்ருஷ்ண: ஸலிலஸ்ய யதா2 ஶரத்|| 5
தௌ4தாத்மா புருஷ: க்ருஷ்ண பாத3மூலம் ந முஞ்சதி|
முக்தஸர்வ பரிக்லேஶ: பாந்த2: ஸ்வஶரணம் யதா2|| 6
யத3தா4துமதோ ப்3ரஹ்மன் தே3ஹாரம்போ4ऽஸ்ய தா4துபி4:|
யத்3ருச்ச2யா ஹேதுநா வா ப4வந்தோ ஜானதே யதா2|| 7
ஆஸீத்3 யது3த3ராத் பத்3மம் லோகஸம்ஸ்தா2ன லக்ஷணம்|
யாவாநயம் வை புருஷ இயத்தாவயவை: ப்ருத2க்|
தாவாநஸாவிதி ப்ரோக்த: ஸம்ஸ்தா2வயவவாநிவ|| 8
அஜ: ஸ்ருஜதி பூ4தானி பூ4தாத்மா யத3நுக்3ரஹாத்|
த3த்3ருஶே யேன தத்3ரூபம் நாபி4பத்3மஸமுத்3ப4வ:|| 9
ஸ சாபி யத்ர புருஷோ விஶ்வஸ்தி2த்யுத்3 ப4வாப்யய:|
முக்த்வாऽऽத்மமாயாம் மாயேஶ: ஶேதே ஸர்வகு3ஹாஶய:|| 10
புருஷாவயவைர் லோகா: ஸபாலா: பூர்வகல்பிதா:|
லோகைரமுஷ்யாவயவா: ஸபாலைரிதி ஶுஶ்ரும|| 11
யாவான் கல்போ விகல்போ வா யதா2 காலோऽநுமீயதே|
பூ4த ப4வ்யப4வச்ச2ப்3த3 ஆயுர்மானம் ச யத் ஸத:|| 12
காலஸ்யாநுக3திர் யா து லக்ஷ்யதேऽண்வீ ப்3ருஹத்யபி|
யாவத்ய: கர்மக3தயோ யாத்3ருஶீர் த்3விஜஸத்தம|| 13
யஸ்மின் கர்மஸமாவாயோ யதா2 யேனோப க்3ருஹ்யதே|
கு3ணாநாம் கு3ணிநாம் சைவ பரிணாமமபீ4ப்ஸதாம்|| 14
பூ4 பாதாள ககுப்3 வ்யோம க்3ரஹ நக்ஷத்ர பூ4ப்4ருதாம்|
ஸரித் ஸமுத்3ர த்3வீபாநாம் ஸம்ப4வஶ்சைததோ3கஸாம்|| 15
ப்ரமாணமண்ட3 கோஶஸ்ய பா3ஹ்யாப்4யந்தரபே4த3த:|
மஹதாம் சாநுசரிதம் வர்ணாஶ்ரம விநிஶ்சய:|| 16
யுகா3னி யுக3மானம் ச த4ர்மோ யஶ்ச யுகே3 யுகே3|
அவதாராநுசரிதம் யதா3ஶ்சர்யதமம் ஹரே:|| 17
ந்ருணாம் ஸாதா4ரணோ த4ர்ம: ஸவிஶேஷஶ்ச யாத்3ருஶ:|
ஶ்ரேணீநாம் ராஜர்ஷீணாம் ச த4ர்ம: க்ருச்ச்2ரேஷு ஜீவதாம்|| 18
தத்த்வாநாம் பரிஸங்க்2யாநம் லக்ஷணம் ஹேதுலக்ஷணம்|
புருஷாராத4ந விதி4ர் யோக3ஸ்யாத்4யாத்மிகஸ்ய ச|| 19
யோகே3ஶ்வரைஶ்வர்ய க3திர் லிங்க3ப4ங்க3ஸ்து யோகி3நாம்|
வேதோ3ப வேத3 த4ர்மாணாமிதிஹாஸ புராணயோ:|| 20
ஸம்ப்லவ: ஸர்வபூ4தாநாம் விக்ரம: ப்ரதிஸங்க்ரம:|
இஷ்டாபூர்த்தஸ்ய காம்யாநாம் த்ரிவர்க3ஸ்ய ச யோ விதி4:|| 21
யஶ்சாநுஶாயிநாம் ஸர்க3: பாக2ண்ட3ஸ்ய ச ஸம்ப4வ:|
ஆத்மநோ ப3ந்த4மோக்ஷௌ ச வ்யவஸ்தா2நம் ஸ்வரூபத:|| 22
யதா2ऽऽத்மதந்த்ரோ ப4க3வான் விக்ரீட3த்யாத்ம மாயயா|
விஸ்ருஜ்ய வா யதா2 மாயாமுதா3ஸ்தே ஸாக்ஷிவத்3 விபு4:|| 23
ஸர்வமேதச்ச ப4க3வன் ப்ருச்ச2தே மேऽநுபூர்வஶ:|
தத்த்வதோऽர்ஹஸ்யுதா3ஹர்தும் ப்ரபந்நாய மஹாமுனே|| 24
அத்ர ப்ரமாணம் ஹி ப4வான் பரமேஷ்டீ2 யதா2ऽऽத்மபூ4:|
பரே சாஹாநு திஷ்ட2ந்தி பூர்வேஷாம் பூர்வஜை: க்ருதம்|| 25
ந மேऽஸவ: பராயந்தி ப்3ரஹ்மன் அநஶநாத3மீ|
பிப3தோऽச்யுதபீயூஷமன்யத்ர குபிதாத்3 த்3விஜாத்|| 26
ஸூத உவாச
ஸ உபாமந்த்ரிதோ ராஜ்ஞா கதா2யாமிதி ஸத்பதே:|
ப்3ரஹ்மராதோ ப்4ருஶம் ப்ரீதோ விஷ்ணுராதேன ஸம்ஸதி3|| 27
ப்ராஹ பா4க3வதம் நாம புராணம் ப்3ரஹ்மஸம்மிதம்|
ப்3ரஹ்மணே ப4க3வத் ப்ரோக்தம் ப்3ரஹ்ம கல்ப உபாக3தே|| 28
யத்3 யத் பரீக்ஷித்3ருஷப4: பாண்டூ3நா மநுப்ருச்ச2தி|
ஆநுபூர்வ்யேண தத்ஸர்வ மாக்2யாதுமுபசக்ரமே|| 29
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்3விதியமஸ்கந்தே4 நைமிஷீயோபாக்2யாநே ப்ரஶ்னவிதி4ர் நாம அஷ்டமோ அத்4யாய: || 8
இரண்டாம் ஸ்கந்தம் - எட்டாம் அத்யாயம் முற்றும்.