ஶ்ரீமத்பாகவதமஹாபுராணம் :: இரண்டாம் ஸ்கந்தம் :: அத்யாயம் 7.
பகவானின் லீலாவதாரங்களின் சரித்ரம்
த்3விதீயஸ்கந்தே4: அத2 ஸப்தமோऽத்4யாய:
ப்3ரஹ்மோவாச
யத்ரோத்3யத: க்ஷிதிதலோத்3த4ரணாய பி3ப்4ரத்
க்ரௌடீ3ம் தநும் ஸகல யஜ்ஞமயீமநந்த:|
அந்தர்மஹார்ணவ உபாக3தமாதி3தை3த்யம்
தம் த3ம்ஷ்ட்ரயாத்3ரிமிவ வஜ்ரத4ரோ த3தா3ர|| 1
ஜாதோ ருசேரஜநயத் ஸுயமான் ஸுயஜ்ஞ
ஆகூதிஸூநுரமராநத2 த3க்ஷிணாயாம்|
லோகத்ரயஸ்ய மஹதீமஹரத்3 யதா3ர்திம்
ஸ்வாயம்பு4வேன மநுநா ஹரிரித்யநூக்த:|| 2
ஜஜ்ஞே ச கர்த3ம க்3ருஹே த்3விஜ தே3வஹூத்யாம்
ஸ்த்ரீபி4: ஸமம் நவபி4ராத்மக3திம் ஸ்வமாத்ரே|
ஊசே யயாऽऽத்ம ஶமலம் கு3ணஸங்க3பங்க-
மஸ்மின் விதூ4ய கபிலஸ்ய க3திம் ப்ரபேதே3|| 3
அத்ரேரபத்யமபி4காங்க்ஷத ஆஹ துஷ்டோ
த3த்தோ மயாஹமிதி யத்3 ப4க3வான் ஸ த3த்த:|
யத்பாத3 பங்கஜ பராக3 பவித்ர தே3ஹா
யோக3ர்த்3தி4மாபு ருப4யீம் யது3ஹைஹயாத்3யா:|| 4
தப்தம் தபோ விவித4லோக ஸிஸ்ருக்ஷயா மே
ஆதௌ3 ஸநாத் ஸ்வதபஸ: ஸ சது:ஸநோऽபூ4த்|
ப்ராக்கல்ப ஸம்ப்லவ விநஷ்ட மிஹாத்ம தத்வம்
ஸம்யக்3 ஜகா3த3 முனயோ யத3சக்ஷதாத்மன்|| 5
த4ர்மஸ்ய த3க்ஷது3ஹிதர்யஜநிஷ்ட மூர்த்யாம்
நாராயணோ நர இதி ஸ்வதப: ப்ரபா4வ:|
த்3ருஷ்ட்வாऽऽத்மநோ ப4க3வதோ நியமாவலோபம்
தே3வ்யஸ்த்வநங்க3ப்ருதநா க4டிதும் ந ஶேகு:|| 6
காமம் த3ஹந்தி க்ருதிநோ நநு ரோஷத்3ருஷ்ட்யா
ரோஷம் த3ஹந்தமுத தே ந த3ஹந்த்யஸஹ்யம்|
ஸோऽயம் யத3ந்தரமலம் ப்ரவிஶன் பி3பே4தி
காம: கத2ம் நு புனரஸ்ய மன: ஶ்ரயேத|| 7
வித்3த4: ஸபத்ன்யுதி3த பத்ரிபி4ரந்தி ராஜ்ஞோ
பா3லோऽபி ஸந்நுபக3தஸ்தபஸே வநாநி|
தஸ்மா அதா3த்3 த்4ருவக3திம் க்3ருணதே ப்ரஸந்நோ
தி3வ்யா: ஸ்துவந்தி முனயோ யது3பர்யத4ஸ்தாத்|| 8
யத்3 வேநமுத்பத2 க3தம் த்3விஜவாக்யவஜ்ர
விப்லுஷ்ட பௌருஷப4க3ம் நிரயே பதந்தம்|
த்ராத்வார்தி2தோ ஜக3தி புத்ரபத3ம் ச லேபே4
து3க்3தா4 வஸூநி வஸுதா4 ஸகலானி யேன|| 9
நாபே4ரஸாவ்ருஷப4 ஆஸ ஸுதே3விஸூநு:
யோவை சசார ஸமத்3ருக்3 ஜட3யோக3சர்யாம்|
யத்பாரமஹம்ஸ்யம்ருஷய: பத3மாமநந்தி
ஸ்வஸ்த2: ப்ரஶாந்தகரண: பரிமுக்தஸங்க3:|| 10
ஸத்ரே மமாஸ ப4க3வான் ஹய ஶீரஷாதோ2
ஸாக்ஷாத் ஸ யஜ்ஞபுருஷஸ் தபநீய வர்ண:|
ச2ந்தோ3மயோ மக2மயோऽகி2ல தே3வதாத்மா
வாசோ ப3பூ4வுருஶதீ: ஶ்வஸதோऽஸ்ய நஸ்த:|| 11
மத்ஸ்யோ யுகா3ந்தஸமயே மநுநோபலப்3த4:
க்ஷோணீமயோ நிகி2லஜீவநிகாயகேத:|
விஸ்ரம்ஸிதாநுருப4யே ஸலிலே முகா2ன்மே
ஆதா3ய தத்ர விஜஹார ஹ வேத3 மார்கா3ன்|| 12
க்ஷீரோத3தா4வமரதா3நவயூத2பாநாம்
உன்மத்2ன தாமம்ருதலப்3த4ய ஆதி3தே3வ:|
ப்ருஷ்டே2ன கச்ச2பவபுர் வித3தா4ர கோ3த்ரம்
நித்3ராக்ஷணோऽத்3ரிபரிவர்தகஷாண கண்டூ3:|| 13
த்ரைபிஷ்டபோருப4யஹா ஸ ந்ருஸிம்ஹரூபம்
க்ருத்வா ப்4ரமத்3 ப்4ருகுடித3ம்ஷ்ட்ர கராள வக்த்ரம்|
தை3த்யேந்த்3ரமாஶு க3த3யாபி4பதந்தமாரா
தூ3ரௌ நிபாத்ய வித3தா3ர நகை2: ஸ்பு2ரந்தம்|| 14
அந்த:ஸரஸ்யுருப3லேன பதே3 க்3ருஹீதோ
க்3ராஹேண யூத2பதிரம்பு3ஜஹஸ்த ஆர்த:|
ஆஹேத3மாதி3புருஷாகி2ல லோகநாத2
தீர்த2ஶ்ரவ: ஶ்ரவண மங்க3ள நாமதே4ய|| 15
ஶ்ருத்வா ஹரிஸ்தமரணார்த்தி2நமப்ரமேய:
சக்ராயுத4: பதக3ராஜபு4ஜாதி4ரூட4:|
சக்ரேண நக்ரவத3னம் விநிபாட்ய தஸ்மாத்3
ஹஸ்தே ப்ரக்3ருஹ்ய ப4க3வான் க்ருபயோஜ்ஜஹார|| 16
ஜ்யாயான் கு3ணைரவரஜோऽப்யதி3தே: ஸுதாநாம்
லோகான் விசக்ரம இமான் யத3தா2தி4யஜ்ஞ:|
க்ஷ்மாம் வாமநேன ஜக்3ருஹே த்ரிபத3ச்ச2லேன
யாச்ஞாம்ருதே பதி2 சரன் ப்ரபு4பி4ர் ந சால்ய:|| 17
நார்தோ2 ப3லேரய முருக்ரம பாத3 ஶௌசமாப:
ஶிகா2 த்4ருதவதோ விபு3தா4தி4பத்யம்|
யோ வை ப்ரதிஶ்ருதம்ருதே ந சிகீர்ஷத3ன்ய
தா3த்மான மங்க3 ஶிரஸா ஹரயேऽபி4மேனே|| 18
துப்4யம் ச நாரத3 ப்4ருஶம் ப4க3வான் விவ்ருத்3த4
பா4வேன ஸாது4 பரிதுஷ்ட உவாச யோக3ம்|
ஜ்ஞானம் ச பா4க3வதமாத்மஸதத்வதீ3பம்
யத்3வாஸுதே3வ ஶரணா விது3ரஞ்ஜஸைவ|| 19
சக்ரம் ச தி3க்ஷ்வவிஹதம் த3ஶஸு ஸ்வதேஜோ
மன்வந்தரேஷு மநுவம்ஶத4ரோ பி3ப4ர்தி|
து3ஷ்டேஷு ராஜஸு த3மம் வ்யத3தா4த் ஸ்வகீர்திம்
ஸத்யே த்ரிப்ருஷ்ட2 உஶதீம் ப்ரத2யம்ஶ்சரித்ரை:|| 20
த4ன்வந்தரிஶ்ச ப4க3வான் ஸ்வயமேவ கீர்திர்
நாம்நா ந்ருணாம் புருருஜாம் ருஜ ஆஶு ஹந்தி|
யஜ்ஞே ச பா4க3மம்ருதாயுரவாவருந்த4
ஆயுஶ்ச வேத3மநுஶாஸ்த்யவதீர்ய லோகே|| 21
க்ஷத்ரம் க்ஷயாய விதி4நோபப்4ருதம் மஹாத்மா
ப்3ரஹ்மத்4ருகு3ஜ்ஜி2தபத2ம் நரகார்திலிப்ஸு|
உத்3த4ந்த்யஸாவவனி கண்டக முக்3ரவீர்ய:
த்ரி:ஸப்தக்ருத்வ உருதா4ரபரஶ்வதே4ன|| 22
அஸ்மத் ப்ரஸாத3ஸுமுக2: கலயா கலேஶ
இக்ஷ்வாகுவம்ஶ அவதீர்ய கு3ரோர் நிதே3ஶே|
திஷ்ட2ன் வநம் ஸத3யிதாநுஜ ஆவிவேஶ
யஸ்மின் விருத்4ய த3ஶகந்த4ர ஆர்த்திமார்ச்ச2த்|| 23
யஸ்மா அதா3து3த3தி4ரூட4 ப4யாங்க3வேபோ
மார்க3ம் ஸபத்3யரிபுரம் ஹரவத்3 தி3த4க்ஷோ:|
தூ3ரே ஸுஹ்ருன்மதி2தரோஷஸுஶோண த்3ருஷ்ட்யா
தாதப்யமான மகரோரக3 நக்ரசக்ர:|| 24
வக்ஷ: ஸ்த2லஸ்பர்ஶருக்3ண மஹேந்த்3ரவாஹ
த3ந்தைர் விட3ம்பி3த ககுப்3ஜுஷ ஊட4ஹாஸம்|
ஸத்3யோऽஸுபி4: ஸஹ விநேஷ்யதி தா3ரஹர்து:
விஸ்பூ2ர்ஜிதைர் த4நுஷ உச்சரதோऽதி4ஸைன்யே|| 25
பூ4மே: ஸுரேதரவரூத2 விமர்தி3தாயா:
க்லேஶவ்யயாய கலயா ஸிதக்ருஷ்ணகேஶ:|
ஜாத: கரிஷ்யதி ஜநாநுபலக்ஷ்யமார்க3:
கர்மாணி சாத்மமஹிமோப நிப3ந்த4நாநி|| 26
தோகேன ஜீவஹரணம் யது3லூகிகாயா:
த்ரைமாஸிகஸ்ய ச பதா3 ஶகடோऽபவ்ருத்த:|
யத்3 ரிங்க3தாந்தரக3தேன தி3விஸ்ப்ருஶோர்வா
உன்மூலனம் த்விதரதா2ர்ஜுன் யோர் ந பா4வ்யம்|| 27
யத்3 வை வ்ரஜே வ்ரஜபஶூன் விஷதோயபீதான்
பாலாம்ஸ்த்வஜீவயத3நுக்3ரஹ த்3ருஷ்டி வ்ருஷ்ட்யா|
தச்சு2த்3த4யேऽதிவிஷவீர்ய விலோலஜிஹ்வம்
உச்சாடயிஷ்யது3ரக3ம் விஹரன் ஹ்ரதி3ன்யாம்|| 28
தத் கர்ம தி3வ்யமிவ யந்நிஶி நி:ஶயானம்
தா3வாக்3நிநா ஶுசிவனே பரித3ஹ்யமானே|
உந்நேஷ்யதி வ்ரஜமதோऽவஸிதாந்தகாலம்
நேத்ரே பிதா4ப்ய ஸப3லோऽநதி4க3ம்யவீர்ய:|| 29
க்3ருஹ்ணீத யத்3 யது3பப3ந்த4மமுஷ்ய மாதா
ஶுல்ப3ம் ஸுதஸ்ய ந து தத் தத3முஷ்ய மாதி|
யஜ்ஜ்ரும்ப4தோऽஸ்ய வத3னே பு4வநாநி கோ3பீ
ஸம்வீக்ஷ்ய ஶங்கிதமநா: ப்ரதிபோ3தி4தாஸீத்|| 30
நந்த3ம் ச மோக்ஷ்யதி ப4யாத்3 வருணஸ்ய பாஶாத்3
கோ3பான் பி3லேஷு பிஹிதான் மயஸூநுநா ச|
அஹ்ன்யாப்ருதம் நிஶி ஶயாநமதிஶ்ரமேண
லோகம் விகுண்ட2முபநேஷ்யதி கோ3குலம் ஸ்ம|| 31
கோ3பைர் மகே2 ப்ரதிஹதே வ்ரஜவிப்லவாய
தே3வேऽபி4வர்ஷதி பஶூன் க்ருபயா ரிரக்ஷு:|
த4ர்தோச்சி2லீன்த்4ரமிவ ஸப்த தி3நாநி ஸப்த
வர்ஷோ மஹீத்4ரமநக்4ரைககரே ஸலீலம்|| 32
க்ரீட3ன் வனே நிஶி நிஶாகரரஶ்மி கௌ3ர்யாம்
ராஸோன்முக2: கலபதா3யத மூர்ச்சி2தேன|
உத்3தீ3பிதஸ்மரருஜாம் வ்ரஜப்4ருத்3வதூ4நாம்
ஹர்துர் ஹரிஷ்யதி ஶிரோ த4னதா3நுக3ஸ்ய|| 33
யே ச ப்ரலம்ப3 க2ர த3ர்து3ர கேஶ்யரிஷ்ட
மல்லேப4 கம்ஸ யவநா: குஜபௌண்ட்3ரகாத்3யா:|
அன்யே ச ஶால்வ குஜப3ல்வல த3ந்தவக்ர
ஸப்தோக்ஷ ஶம்ப3ரவிதூ3ரத2 ருக்மிமுக்2யா:|| 34
யே வா ம்ருதே4 ஸமிதிஶாலின ஆத்தசாபா:
காம்போ3ஜமத்ஸ்ய குருகைகய ஸ்ருஞ்ஜயாத்3யா:|
யாஸ்யந்த்யத3ர்ஶநமலம் ப3லபார்த2பீ4ம
வ்யாஜாஹ்வயேன ஹரிணா நிலயம் ததீ3யம்|| 35
காலேன மீலித தி4யாமவம்ருஶ்ய ந்ருணாம்
ஸ்தோகாயுஷாம் ஸ்வநிக3மோ ப3த தூ3ரபார:|
ஆவிர்ஹிதஸ்த்வநு யுக3ம் ஸ ஹி ஸத்யவத்யாம்
வேத3த்3ருமம் விடபஶோ விப4ஜிஷ்யதி ஸ்ம|| 36
தே3வத்3விஷாம் நிக3மவர்த்மனி நிஷ்டி2தாநாம்
பூர்பி4ர் மயேன விஹிதாபி4ரத்3ருஶ்யதூர்பி4:|
லோகான் க்4நதாம் மதிவிமோஹமதிப்ரலோப4ம்
வேஷம் விதா4ய ப3ஹு பா4ஷ்யத ஔபத4ர்ம்யம்|| 37
யர்ஹ்யாலயேஷ்வபி ஸதாம் ந ஹரே: கதா2: ஸ்யு:
பாஷண்டி3நோ த்3விஜஜநா வ்ருஷலா ந்ருதே3வா:
ஸ்வாஹா ஸ்வதா4 வஷடி3தி ஸ்ம கி3ரோ ந யத்ர
ஶாஸ்தா ப4விஷ்யதி கலேர் ப4க3வான் யுகா3ந்தே|| 38
ஸர்கே3 தபோऽஹம்ருஷயோ நவ யே ப்ரஜேஶா:
ஸ்தா2னே ச த4ர்ம மக2மன்வமராவநீஶா:|
அந்தே த்வத4ர்மஹரமன்யுவஶாஸுராத்3யா
மாயாவிபூ4தய இமா: புருஶக்திபா4ஜ:|| 39
விஷ்ணோர் நு வீர்யக3ணநாம் கதமோऽர்ஹதீஹ
ய: பார் தி2வான்யபி கவிர் விமமே ரஜாம்ஸி|
சஸ்கம்ப4 ய: ஸ்வரஹஸாஸ்க2லதா த்ரிப்ருஷ்ட2ம்
யஸ்மாத் த்ரிஸாம்ய ஸத3நாது3ரு கம்பயானம்|| 40
நாந்தம் விதா3ம்யஹமமீ முனயோऽக்3ரஜாஸ்தே
மாயாப3லஸ்ய புருஷஸ்ய குதோऽபரா யே|
கா3யன் கு3ணான் த3ஶஶதாநன ஆதி3தே3வ:
ஶேஷோऽது4நாபி ஸமவஸ்யதி நாஸ்ய பாரம்|| 41
யேஷாம் ஸ ஏவ ப4க3வான் த3யயேத3னந்த:
ஸர்வாத்மநாऽऽஶ்ரிதபதோ3 யதி3 நிர்வ்யலீகம்|
தே து3ஸ்தராமதிதரந்தி ச தே3வமாயாம்
நைஷாம் மமாஹமிதி தீ4: ஶ்வஶ்ருகா3லப4க்ஷ்யே|| 42
வேதா3ஹமங்க3 பரமஸ்ய ஹி யோக3மாயாம்
யூயம் ப4வஶ்ச ப4க3வாநத2 தை3த்யவர்ய:|
பத்நீ மநோ: ஸ ச மநுஶ்ச ததா3த்மஜாஶ்ச
ப்ராசீனப3ர்ஹிர் ருபு4ரங்க3 உத த்4ருவஶ்ச|| 43
இக்ஷ்வாகுரைல முசுகுந்த3 விதே3ஹ கா3தி4-
ரக்4வம்ப3ரீஷ ஸக3ரா க3யநாஹுஷாத்3யா:|
மாந்தா4த்ரலர்க ஶதத4ன்வநு ரந்திதே3வா
தே3வவ்ரதோ ப3லிரமூர்த்தரயோ தி3லீப:|| 44
ஸௌப4ர்யுதங்கஶிபி3 தே3வலபிப்பலாத3-
ஸாரஸ்வதோத்3த4வ பராஶர பூ4ரிஷேணா:|
யேऽன்யே விபீ4ஷணஹநூமது3பேந்த்3ர த3த்த-
பார்தா2ர்ஷ்டிஷேண விது3ரஶ்ருததே3வ வர்யா:|| 45
தே வை வித3ந்த்யதிதரந்தி ச தே3வமாயாம்
ஸ்த்ரீஶூத்3ரஹூணஶப3ரா அபி பாபஜீவா:|
யத்3யத்3பு4தக்ரம பராயண ஶீலஶிக்ஷா:
திர்யக்3ஜநா அபி கிமு ஶ்ருத தா4ரணா யே|| 46
ஶஶ்வத் ப்ரஶாந்தமப4யம் ப்ரதிபோ3த4மாத்ரம்
ஶுத்3த4ம் ஸமம் ஸத3ஸத: பரமாத்ம தத்த்வம்|
ஶப்3தோ3 ந யத்ர புருகாரகவான் க்ரியார்தோ2
மாயா பரைத்யபி4முகே2 ச விலஜ்ஜமாநா|| 47
தத்3 வை பத3ம் ப4க3வத: பரமஸ்ய பும்ஸோ
ப்3ரஹ்மேதி யத்3 விது3ரஜஸ்ரஸுக2ம் விஶோகம்|
ஸத்4ர்யங் நியம்ய யதயோ யமகர்தஹேதிம்
ஜஹ்யு: ஸ்வராடி3வ நிபான க2நித்ரமிந்த்3ர:|| 48
ஸ ஶ்ரேயஸாமபி விபு4ர் ப4க3வான் யதோऽஸ்ய
பா4வஸ்வபா4வவிஹிதஸ்ய ஸத: ப்ரஸித்3தி4:|
தே3ஹே ஸ்வதா4து விக3மேऽநுவிஶீர்யமாணே
வ்யோமேவ தத்ர புருஷோ ந விஶீர்யதேऽஜ:|| 49
ஸோऽயம் தேऽபி4ஹிதஸ் தாத ப4க3வான் விஶ்வபா4வன:|
ஸமாஸேன ஹரேர்நான்ய த3ன்யஸ்மாத் ஸத3ஸச்ச யத்|| 50
இத3ம் பா4க3வதம் நாம யன்மே ப4க3வதோதி3தம்|
ஸங்க்3ரஹோऽயம் விபூ4தீநாம் த்வமேதத்3 விபுலீ குரு|| 51
யதா2 ஹரௌ ப4க3வதி ந்ருணாம் ப4க்திர் ப4விஷ்யதி|
ஸர்வாத்மன்யகி2லாதா4ரே இதி ஸங்கல்ப்ய வர்ணய|| 52
மாயாம் வர்ணயதோऽமுஷ்ய ஈஶ்வரஸ்யாநுமோத3த:|
ஶ்ருண்வத: ஶ்ரத்3த4யா நித்யம் மாயயாऽऽத்மா ந முஹ்யதி|| 53
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்3விதியமஸ்கந்தே4 நைமிஷீயோபாக்2யாநே ப்3ரஹ்மநாரத3ஸ்ம்வாதே3 ஸப்தமோ2 அத்4யாய: || 7
இரண்டாம் ஸ்கந்தம் - ஏழாம் அத்யாயம் முற்றும்.