ஶ்ரீமத்பாகவதமஹாபுராணம் :: இரண்டாம் ஸ்கந்தம் :: அத்யாயம் 3.
ஆசைகளின் பிரகாரம் விபின்ன தேவதைகளின் உபாசனைகளும் மற்றும் பகவத் பக்தியின் பிராதான்யமும்
த்₃விதீயஸ்கந்தே₄: அத₂ த்ருதீயோஅத்₄யாய:

ஶ்ரீஶுக உவாச
ஏவமேதந்நிக₃தி₃தம் ப்ருஷ்டவான் யத்₃ப₄வான் மம|
ந்ருணாம் யன்ம்ரியமாணாநாம் மநுஷ்யேஷு மநீஷிணாம்|| 1

ப்₃ரஹ்மவர்சஸகாமஸ்து யஜேத ப்₃ரஹ்மண: பதிம்|
இந்த்₃ரமிந்த்₃ரியகாமஸ்து ப்ரஜாகாம: ப்ரஜாபதீன்|| 2

தே₃வீம் மாயாம் து ஶ்ரீகாமஸ்தேஜஸ்காமோ விபா₄வஸும்|
வஸுகாமோ வஸூன்ருத்₃ரான்வீர்யகாமோऽத₂ வீர்யவான்|| 3

அந்நாத்₃யகாமஸ்த்வதி₃திம் ஸ்வர்க₃காமோऽதி₃தே: ஸுதான்|
விஶ்வாந்தே₃வான்ராஜ்யகாம: ஸாத்₄யான்ஸம்ஸாத₄கோ விஶாம்|| 4

ஆயுஷ்காமோऽஶ்விநௌ தே₃வௌ புஷ்டிகாம இலாம் யஜேத்|
ப்ரதிஷ்டா₂காம: புருஷோ ரோத₃ஸீ லோகமாதரௌ|| 5

ரூபாபி₄காமோ க₃ந்த₄ர்வாந்ஸ்த்ரீகாமோऽப்ஸர உர்வஶீம்|
ஆதி₄பத்யகாம: ஸர்வேஷாம் யஜேத பரமேஷ்டி₂நம்|| 6

யஜ்ஞம் யஜேத்₃யஶஸ்காம: கோஶகாம: ப்ரசேதஸம்|
வித்₃யாகாமஸ்து கி₃ரிஶம் தா₃ம்பத்யார்த₂ உமாம் ஸதீம்|| 7

த₄ர்மார்த₂ உத்தமஶ்லோகம் தந்து: தன்வன்பித்ன்யஜேத்|
ரக்ஷாகாம: புண்யஜநாநோஜஸ்காமோ மருத்₃க₃ணான்|| 8

ராஜ்யகாமோ மநூந்தே₃வாந்நிருதிம் த்வபி₄சரன்யஜேத்|
காமகாமோ யஜேத்ஸோமமகாம: புருஷம் பரம்|| 9

அகாம: ஸர்வகாமோ வா மோக்ஷகாம உதா₃ரதீ₄:|
தீவ்ரேண ப₄க்தியோகே₃ந யஜேத புருஷம் பரம்|| 10

ஏதாவாநேவ யஜதாமிஹ நி:ஶ்ரேயஸோத₃ய:|
ப₄க₃வத்யசலோ பா₄வோ யத்₃பா₄க₃வதஸங்க₃த:|| 11

ஜ்ஞாநம் யதா₃ப்ரதிநிவ்ருத்தகு₃ணோர்மிசக்ரம்
ஆத்மப்ரஸாத₃ உத யத்ர கு₃ணேஷ்வஸங்க₃:|
கைவல்யஸம்மதபத₂ஸ்த்வத₂ ப₄க்தியோக₃:
கோ நிர்வ்ருதோ ஹரிகதா₂ஸு ரதிம் ந குர்யாத்|| 12

ஶௌநக உவாச
இத்யபி₄வ்யாஹ்ருதம் ராஜா நிஶம்ய ப₄ரதர்ஷப₄:|
கிமன்யத்ப்ருஷ்டவான்பூ₄யோ வையாஸகிம்ருஷிம் கவிம்|| 13

ஏதச்சு₂ஶ்ரூஷதாம் வித்₃வன்ஸூத நோऽர்ஹஸி பா₄ஷிதும்|
கதா₂ ஹரிகதோ₂த₃ர்கா: ஸதாம் ஸ்யு: ஸத₃ஸி த்₄ருவம்|| 14

ஸ வை பா₄க₃வதோ ராஜா பாண்ட₃வேயோ மஹாரத₂:|
பா₃லக்ரீட₃நகை: க்ரீட₃ன்க்ருஷ்ணக்ரீடா₃ம் ய ஆத₃தே₃|| 15

வையாஸகிஶ்ச ப₄க₃வான்வாஸுதே₃வபராயண:|
உருகா₃யகு₃ணோதா₃ரா: ஸதாம் ஸ்யுர்ஹி ஸமாக₃மே|| 16

ஆயுர்ஹரதி வை பும்ஸாமுத்₃யந்நஸ்தம் ச யந்நஸௌ|
தஸ்யர்தே யத்க்ஷணோ நீத உத்தமஶ்லோகவார்தயா|| 17

தரவ: கிம் ந ஜீவந்தி ப₄ஸ்த்ரா: கிம் ந ஶ்வஸந்த்யுத|
ந கா₂த₃ந்தி ந மேஹந்தி கிம் க்₃ராமே பஶவோऽபரே|| 18

ஶ்வவிட்₃வராஹோஷ்ட்ரக₂ரை: ஸம்ஸ்துத: புருஷ: பஶு:|
ந யத்கர்ணபதோ₂பேதோ ஜாது நாம க₃தா₃க்₃ரஜ:|| 19

பி₃லே ப₃தோருக்ரமவிக்ரமான்யே
ந ஶ்ருண்வத: கர்ணபுடே நரஸ்ய|
ஜிஹ்வாஸதீ தா₃ர்து₃ரிகேவ ஸூத
ந சோபகா₃யத்யுருகா₃யகா₃தா₂:|| 20

பா₄ர: பரம் பட்டகிரீடஜுஷ்டம்
அப்யுத்தமாங்க₃ம் ந நமேன்முகுந்த₃ம்|
ஶாவௌ கரௌ நோ குருதே ஸபர்யாம்
ஹரேர்லஸத்காஞ்சநகங்கணௌ வா|| 21

ப₃ர்ஹாயிதே தே நயநே நராணாம்
லிங்கா₃நி விஷ்ணோர்ந நிரீக்ஷதோ யே|
பாதௌ₃ ந்ருணாம் தௌ த்₃ருமஜன்மபா₄ஜௌ
க்ஷேத்ராணி நாநுவ்ரஜதோ ஹரேர்யௌ|| 22

ஜீவஞ்ச₂வோ பா₄க₃வதாங்க்₄ரிரேணும்
ந ஜாது மர்த்யோऽபி₄லபே₄த யஸ்து|
ஶ்ரீவிஷ்ணுபத்₃யா மநுஜஸ்துலஸ்யா:
ஶ்வஸஞ்ச₂வோ யஸ்து ந வேத₃ க₃ந்த₄ம்|| 23

தத₃ஶ்மஸாரம் ஹ்ருத₃யம் ப₃தேத₃ம்
யத்₃க்₃ருஹ்யமாணைர்ஹரிநாமதே₄யை:|
ந விக்ரியேதாத₂ யதா₃ விகாரோ
நேத்ரே ஜலம் கா₃த்ரருஹேஷு ஹர்ஷ:|| 24

அதா₂பி₄தே₄ஹ்யங்க₃ மநோऽநுகூலம்
ப்ரபா₄ஷஸே பா₄க₃வதப்ரதா₄ந:|
யதா₃ஹ வையாஸகிராத்மவித்₃யா
விஶாரதோ₃ ந்ருபதிம் ஸாது₄ ப்ருஷ்ட:|| 25

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
த்₃விதீயஸ்கந்தே₄ நைமிஷீயோபாக்₂யாநே த்ருதீயோ அத்₄யாய: || 3

இரண்டாம் ஸ்கந்தம் - மூன்றாம் அத்யாயம் முற்றும்.