ஶ்ரீமத்பாகவதமஹாபுராணம் :: இரண்டாம் ஸ்கந்தம் :: அத்யாயம் 2.
பகவானின் ஸ்தூல மற்றும் சூக்ஷ்மரூபங்களின் தாரணை, க்ரமமுக்தி, மற்றும் ஸத்யோ முக்திகளின் வர்ணனை
த்3விதீயஸ்கந்தே4: அத2 த்3விதீயோஅத்4யாய:
ஶ்ரீஶுக உவாச
ஏவம் புரா தா4ரணயாऽऽத்மயோநி:
நஷ்டாம் ஸ்ம்ருதிம் ப்ரத்யவருத்4ய துஷ்டாத்|
ததா2 ஸஸர்ஜேத3மமோக4 த்3ருஷ்டி:
யதா2ப்யயாத் ப்ராக்3 வ்யவஸாயபு3த்3தி4:|| 1
ஶாப்3த3ஸ்ய ஹி ப்3ரஹ்மண ஏஷ பந்தா2
யந்நாமபி4ர் த்4யாயதி தீ4ரபார்த்தை2:|
பரிப்4ரமம்ஸ்தத்ர ந விந்த3தேऽர்தா2ன்
மாயாமயே வாஸநயா ஶயான:|| 2
அத: கவிர் நாமஸு யாவத3ர்த்த2:
ஸ்யாத3ப்ரமத்தோ வ்யவஸாய பு3த்3தி4:|
ஸித்3தே4ऽன்யதா2ர் தே2 ந யதேத தத்ர
பரிஶ்ரமம் தத்ர ஸமீக்ஷமாண:|| 3
ஸத்யாம் க்ஷிதௌ கிம் கஶிபோ: ப்ரயாஸைர் பா3ஹௌ
ஸ்வஸித்3தே4 ஹ்யுபப3ர்ஹணை: கிம்|
ஸத்யஞ்ஜலௌ கிம் புருதா4ந்நபாத்ர்யா
தி3க்3வல்கலாதௌ3 ஸதி கிம் து3கூலை:|| 4
சீராணி கிம் பதி2 ந ஸந்தி தி3ஶந்தி பி4க்ஷாம்
நைவாங்க்4ரிபா: பரப்4ருத: ஸரிதோऽப்யஶுஷ்யன்|
ருத்3தா4 கு3ஹா: கிமஜிதோऽவதி நோபஸந்நான்
கஸ்மாத்3 ப4ஜந்தி கவயோ த4ன து3ர்மதா3ந்தா4ன்|| 5
ஏவம் ஸ்வசித்தே ஸ்வத ஏவ ஸித்3த4
ஆத்மா ப்ரியோऽர்தோ2 ப4க3வானனநந்த:|
தம் நிர்வ்ருதோ நியதார்தோ2 ப4ஜேத
ஸம்ஸாரஹேதூபரமஶ்ச யத்ர|| 6
கஸ்தாம் த்வநாத்3ருத்ய பராநுசிந்தாம்ருதே
பஶூனஸதீம் நாம யுஞ்ஜ்யாத்|
பஶ்யஞ்ஜனம் பதிதம் வைதரண்யாம்
ஸ்வகர்மஜான் பரிதாபாஞ்ஜுஷாணம்|| 7
கேசித் ஸ்வதே3ஹாந்தர் ஹ்ருத3யாவகாஶே
ப்ராதே3ஶமாத்ரம் புருஷம் வஸந்தம்|
சதுர்பு4ஜம் கஞ்ஜரதா2ங்க3 ஶங்க2
க3தா3த4ரம் தா4ரணயா ஸ்மரந்தி|| 8
ப்ரஸந்நவக்த்ரம் நளிநாயதேக்ஷணம்
கத3ம்ப3கிஞ்ஜல்க பிஶங்க3வாஸஸம்|
லஸன் மஹாரத்ந ஹிரண்மயாங்க3த3ம்
ஸ்பு2ரன் மஹாரத்ன கிரீடகுண்ட3லம்|| 9
உந்நித்3ர ஹ்ருத்பங்கஜ கர்ணிகாலயே
யோகே3ஶ்வராஸ்தா2பித பாத3பல்லவம்|
ஶ்ரீலக்ஷ்மணம் கௌஸ்துப4ரத்நகந்த4ம்
அம்லான லக்ஷ்ம்யா வனமாலயாऽऽசிதம்|| 10
விபூ4ஷிதம் மேக2லயாங்கு3ளீயகைர்
மஹாத4னைர் நூபுரகங்கணாதி3பி4:|
ஸ்நிக்3தா4மலாகுஞ்சித நீலகுந்தளைர்
விரோசமாநாநந ஹாஸபேஶலம்|| 11
அதீ3நலீலாஹஸிதேக்ஷணோல்லஸத்3
ப்4ரூப4ங்க3ஸம்ஸூசித பூ4ர்யநுக்3ரஹம்|
ஈக்ஷேத சிந்தாமயமேநமீஶ்வரம்
யாவன்மநோ தா4ரணயாவதிஷ்ட2தே|| 12
ஏகைகஶோऽங்கா3நி தி4யாநுபா4வயேத்
பாதா3தி3 யாவத்3த4ஸிதம் க3தா3ப்4ருத:|
ஜிதம் ஜிதம் ஸ்தா2நமபோஹ்ய தா4ரயேத்
பரம் பரம் ஶுத்த்3த்4யதி தீ4ர் யதா2 யதா2|| 13
யாவந்ந ஜாயேத பராவரேऽஸ்மின்
விஶ்வேஶ்வரே த்3ரஷ்டரி ப4க்தியோக3:|
தாவத் ஸ்த2வீய: புருஷஸ்ய ரூபம்
க்ரியாவஸாநே ப்ரயத: ஸ்மரேத|| 14
ஸ்தி2ரம் ஸுக2ம் சாஸநமாஶ்ரிதோ யதி:
யதா3 ஜிஹாஸுரிமமங்க3 லோகம்|
காலே ச தே3ஶே ச மநோ ந ஸஜ்ஜயேத்
ப்ராணான் நியச்சே2ன் மनஸா ஜிதாஸு:|| 15
மன: ஸ்வபு3த்3த்4யாமலயா நியம்ய
க்ஷேத்ரஜ்ஞ ஏதாம் நிநயேத் தமாத்மனி|
ஆத்மாநமாத்மன்யவருத்4ய தீ4ரோ
லப்3தோ4பஶாந்திர் விரமேத க்ருத்யாத்|| 16
ந யத்ர காலோऽநிமிஷாம் பர: ப்ரபு4:
குதோ நு தே3வா ஜக3தாம் ய ஈஶிரே|
ந யத்ர ஸத்வம் ந ரஜஸ்தமஶ்ச
ந வை விகாரோ ந மஹான் ப்ரதா4னம்|| 17
பரம் பத3ம் வைஷ்ணவ மாமநந்தி
தத்3 யந்நேதி நேதீத்யதது3த்ஸிஸ்ருக்ஷவ:|
விஸ்ருஜ்ய தௌ3ராத்ம்யமநன்ய ஸௌஹ்ருதா3
ஹ்ருதோ3பகு3ஹ்யார்ஹபத3ம் பதே3 பதே3|| 18
இத்த2ம் முனிஸ்தூபரமேத்3 வ்யவஸ்தி2தோ
விஜ்ஞாநத்3ருக்3வீர்ய ஸுரந்தி4தாஶய:|
ஸ்வபார்ஷ்ணிநாऽऽபீட்3ய கு3த3ம் ததோऽநிலம்
ஸ்தா2நேஷு ஷட்ஸூந்நமயேஜ்ஜிதக்லம:|| 19
நாப்4யாம் ஸ்தி2தம் ஹ்ருத்3யதி4ரோப்ய தஸ்மாத்3
உதா3நக3த்யோரஸி தம் நயேன்முனி:|
ததோऽநுஸந்தா4ய தி4யா மநஸ்வீ
ஸ்வதாலுமூலம் ஶனகைர் நயேத|| 20
தஸ்மாத்3 ப்4ருவோரந்தரமுந்நயேத
நிருத்3த4ஸப்தாயதநோऽனபேக்ஷ:|
ஸ்தி2த்வா முஹூர்தார்த4மகுண்ட2 த்3ருஷ்டி:
நிர்பி4த்3ய மூர்த4ன் விஸ்ருஜேத் பரம் க3த:|| 21
யதி3 ப்ரயாஸ்யன் ந்ருப பாரமேஷ்ட்2யம்
வைஹாயஸாநாமுத யத்3 விஹாரம்|
அஷ்டாதி4பத்யம் கு3ணஸந்நிவாயே
ஸஹைவ க3ச்சே2ன்மனஸேந்த்3ரியைஶ்ச|| 22
யோகே3ஶ்வராணாம் க3திமாஹுரந்தர்
ப3ஹிஸ்த்ரிலோக்யா: பவநாந்தராத்மநாம்|
ந கர்மபி4ஸ்தாம் க3திமாப்நுவந்தி
வித்3யாதபோயோக3 ஸமாதி4பா4ஜாம்|| 23
வைஶ்வாநரம் யாதி விஹாயஸா க3த:
ஸுஷும்ணயா ப்3ரஹ்மபதே2ன ஶோசிஷா|
விதூ4தகல்கோऽத2 ஹரேருத3ஸ்தாத்
ப்ரயாதி சக்ரம் ந்ருப ஶைஶுமாரம்|| 24
தத்3 விஶ்வநாபி4ம் த்வதிவர்த்ய விஷ்ணோ-
ரணீயஸா விரஜேநாத்மனைக:|
நமஸ்க்ருதம் ப்3ரஹ்மவிதா3முபைதி
கல்பாயுஷோ யத்3 விபு3தா4 ரமந்தே|| 25
அதோ2 அநந்தஸ்ய முகா2நலேன
த3ந்த3ஹ்யமானம் ஸ நிரீக்ஷ்ய விஶ்வம்|
நிர்யாதி ஸித்3தே4ஶ்வரஜுஷ்டதி4ஷ்ண்யம்
யத்3 த்3வைபரார்த்4யம் தது3 பாரமேஷ்ட்2யம்|| 26
ந யத்ர ஶோகோ ந ஜரா ந ம்ருத்யு:
நார்திர் ந சோத்3வேக3 ருதே குதஶ்சித்|
யச்சித்ததோऽத3: க்ருபயாநித3ம்விதா3ம்
து3ரந்த து3:க2ப்ரப4வாநு த3ர்ஶநாத்|| 27
ததோ விஶேஷம் ப்ரதிபத்3ய நிர்ப4ய
ஸ்தேநாத்மநாபோऽநலமூர்தி ரத்வரன்|
ஜ்யோதிர்மயோ வாயுமுபேத்ய காலே
வாய்வாத்மநா க2ம் ப்3ருஹதா3த்மலிங்க3ம்|| 28
க்4ராணேன க3ந்த4ம் ரஸநேன வை ரஸம்
ரூபம் து த்3ருஷ்ட்யா ஶ்வஸனம் த்வசைவ|
ஶ்ரோத்ரேண சோபேத்ய நபோ4கு3ணத்வம்
ப்ராணேன சாகூதிமுபைதி யோகீ3|| 29
ஸ பூ4தஸூக்ஷ்மேந்த்3ரியஸந்நிகர்ஷம்
மநோமயம் தே3வமயம் விகார்யம்|
ஸம்ஸாத்3ய க3த்யா ஸஹ தேன யாதி
விஜ்ஞாநதத்த்வம் கு3ணஸந்நிரோத4ம்|| 30
தேநாத்மநாऽऽத்மாநமுபைதி ஶாந்தம்
ஆனந்த3மானந்த3மயோऽவஸானே|
ஏதாம் க3திம் பா4க3வதீம் க3தோ ய:
ஸ வை புனர்நேஹ விஷஜ்ஜதேऽங்க3|| 31
ஏதே ஸ்ருதீ தே ந்ருப வேத3கீ3தே
த்வயாபி4ப்ருஷ்டே ஹ ஸநாதநே ச|
யே வை புரா ப்3ரஹ்மண ஆஹ ப்ருஷ்ட
ஆராதி4தோ ப4க3வான் வாஸுதே3வ:|| 32
ந ஹ்யதோऽன்ய: ஶிவ: பந்தா2 விஶத: ஸம்ஸ்ருதாவிஹ|
வாஸுதே3வே ப4க3வதி ப4க்தியோகோ3 யதோ ப4வேத்|| 33
ப4க3வான் ப்3ரஹ்ம கார்த்ஸ்ன்யேன த்ரிரன்வீக்ஷ்ய மநீஷயா|
தத3த்4யவஸ்யத் கூடஸ்தோ2 ரதிராத்மன் யதோ ப4வேத்|| 34
ப4க3வான் ஸர்வபூ4தேஷு லக்ஷித: ஸ்வாத்மநா ஹரி:|
த்3ருஶ்யைர் பு3த்3த்4யாதி3பி4ர் த்3ரஷ்டா லக்ஷணைரநுமாபகை:|| 35
தஸ்மாத் ஸர்வாத்மநா ராஜன் ஹரி: ஸர்வத்ர ஸர்வதா3|
ஶ்ரோதவ்ய: கீர்திதவ்யஶ்ச ஸ்மர் தவ்யோ ப4க3வான் ந்ருணாம்|| 36
பிப3ந்தி யே ப4க3வத ஆத்மன: ஸதாம் கதா2ம்ருதம் ஶ்ரவணபுடேஷு ஸம்ப்4ருதம்|
புனந்தி தே விஷயவிதூ3ஷிதாஶயம் வ்ரஜந்தி தச்சரண ஸரோருஹாந்திகம்|| 37
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்3விதீயஸ்கந்தே4 நைமிஷீயோபாக்2யாநே புருஷஸம்ஸ்தா2 வர்ணனே த்3விதீயோ அத்4யாய: || 2
இரண்டாம் ஸ்கந்தம் - இரண்டாம் அத்யாயம் முற்றும்.