ஶ்ரீமத்பாகவதமஹாபுராணம் :: பன்னிரெண்டாம் ஸ்கந்தம் :: அத்யாயம் 2.
கலியுகத்தின் தர்மம்
அத2 த்3விதீயோऽத்4யாய:
ஶ்ரீஶுக உவாச –
ததஶ்சாநுதி3நம் த4ர்ம: ஸத்யம் ஶௌசம் க்ஷமா த3யா|
காலேன ப3லிநா ராஜன் நங்க்ஷ்யத்யாயுர்ப3லம் ஸ்ம்ருதி:|| 1
வித்தமேவ கலௌ ந்ருணாம் ஜன்மாசாரகு3ணோத3ய:|
த4ர்மன்யாய வ்யவஸ்தா2யாம் காரணம் ப3லமேவ ஹி|| 2
தா3ம்பத்யேऽபி4ருசிர் ஹேதுர்மாயைவ வ்யாவஹாரிகே|
ஸ்த்ரீத்வே பும்ஸ்த்வே ச ஹி ரதிர்விப்ரத்வே ஸூத்ரமேவ ஹி|| 3
லிங்க3 மேவாஶ்ரமக்2யாதாவன்யோன்யாபத்தி காரணம்|
அவ்ருத்த்யா ந்யாயத்3ரௌர்ப3ல்யம் பாண்டி3த்யே சாபலம் வச:|| 4
அநாட்4யதைவாஸாது4த்வே ஸாது4த்வே த3ம்ப4 எவ து|
ஸ்வீகார எவ சோத்3வாஹே ஸ்நாநமேவ ப்ரஸாத4நம்|| 5
தூ3ரே வார்யயனம் தீர்த2ம் லாவண்யம் கேஶதா4ரணம்|
உத3ரம்ப4ரதா ஸ்வார்த2: ஸத்யத்வே தா4ர்ஷ்ட்யமேவ ஹி|| 6
தா3க்ஷ்யம் குடும்ப3 ப4ரணம் யஶோऽர்தே2 த4ர்மஸேவனம்|
எவம் ப்ரஜாபி4ர் து3ஷ்டாபி4ராகீர்ணே க்ஷிதிமண்ட3லே|| 7
ப்3ரஹ்ம விட்க்ஷத்ர ஶூத்3ராணாம் யோ ப3லீ ப4விதா ந்ருப:|
ப்ரஜா ஹி லுப்3தை4 ராஜன்யைர் நிர்க்4ருணைர் த3ஸ்யு த4ர்மபி4:|| 8
ஆச்சி2ன்ன தா3ர த்3ரவிணா யாஸ்யந்தி கி3ரிகாநநம்|
ஶாகமூலாமிஷ க்ஷௌத்3ர ப2லபுஷ்பாஷ்டி போ4ஜநா:|| 9
அநாவ்ருஷ்ட்யா வினங்க்ஷ்யந்தி து3ர்பி4க்ஷகர பீடி3தா:|
ஶீதவாதாதப ப்ராவ்ருட்3 ஹிமை ரன்யோன்யத: ப்ரஜா:|| 10
க்ஷுத்த்ருட்3ப்4யாம் வ்யாதி4பி4ஶ்சைவ ஸந்தப்ஸ்யந்தே ச சிந்தயா|
த்ரிம்ஶத்3 விம்ஶதி வர்ஷாணி பரமாயு: கலௌ ந்ருணாம்|| 11
க்ஷீயமாணேஷு தே3ஹேஷு தே3ஹிநாம் கலிதோ3ஷத:|
வர்ணாஶ்ரமவதாம் த4ர்மே நஷ்டே வேத3பதே2 ந்ருணாம்|| 12
பாக2ண்ட3 ப்ரசுரே த4ர்மே த3ஸ்யு ப்ராயேஷு ராஜஸு|
சௌர்யாந்ருத வ்ருதா2ஹிம்ஸா நாநாவ்ருத்திஷு வை ந்ருஷு|| 13
ஶூத்3ரப்ராயேஷு வர்ணேஷுச்சா2க3 ப்ராயாஸு தே4னுஷு|
க்3ருஹப்ராயேஷ்வாஶ்ர மேஷு யௌன ப்ராயேஷு ப3ந்து4ஷு|| 14
அணுப்ராயாஸ்வோஷதீ4ஷு ஶமீப்ராயேஷு ஸ்தா2ஸ்நுஷு|
வித்3யுத்ப்ராயேஷு மேகே4ஷு ஶூன்ய ப்ராயேஷு ஸத்3மஸு|| 15
இத்த2ம் கலௌ க3தப்ராயே ஜனே து க2ரத4ர்மிணி|
த4ர்மத்ராணாய ஸத்த்வேந ப4க3வாநவதரிஷ்யதி|| 16
சராசர கு3ரோர் விஷ்ணோரீஶ்வரஸ்யாகி2லாத்மன:|
த4ர்மத்ராணாய ஸாதூ4நாம் ஜன்ம கர்மாபநுத்தயே|| 17
ஸம்ப4லக்3ராம முக்2யஸ்ய ப்3ராஹ்மணஸ்ய மஹாத்மன:|
ப4வனே விஷ்ணுயஶஸ: கல்கி: ப்ராது3ர்ப4விஷ்யதி|| 18
அஶ்வமாஶுக3மாருஹ்ய தே3வத3த்தம் ஜக3த்பதி:|
அஸிநாஸாது4த3மன மஷ்டைஶ்வர்ய கு3ணான்வித:|| 19
விசரன்நாஶுநா க்ஷௌண்யாம் ஹயேநாப்ரதிமத்3யுதி:|
ந்ருபலிங்க3ச்ச2தோ3 த3ஸ்யூன் கோடிஶோ நிஹநிஷ்யதி|| 20
அத2 தேஷாம் ப4விஷ்யந்தி மனாம்ஸி விஶதா3னி வை|
வாஸுதே3வாங்க3ராகா3தி புண்யக3ந்தா4நிலஸ்ப்ருஶாம்|
பௌரஜாநபதா3நாம் வை ஹதேஷ்வகி2ல த3ஸ்யுஷு|| 21
தேஷாம் ப்ரஜா விஸர்க3ஶ்ச ஸ்த2விஷ்ட2: ஸம்ப4விஷ்யதி|
வாஸுதே3வே ப4க3வதி ஸத்த்வமூர்தௌ ஹ்ருதி3 ஸ்தி2தே|| 22
யதா3வதீர்ணோ ப4க3வான் கல்கிர் த4ர்மபதிர் ஹரி:|
க்ருதம் ப4விஷ்யதி ததா3 ப்ரஜாஸூதிஶ்ச ஸாத்த்விகீ|| 23
யதா3 சந்த்3ரஶ்ச ஸூர்யஶ்ச ததா2 திஷ்ய ப்3ருஹஸ்பதீ|
எகராஶௌ ஸமேஷ்யந்தி ததா3 ப4விதி தத் க்ருதம்|| 24
யேऽதீதா வர்தமாநா யே ப4விஷ்யந்தி ச பார்தி2வா:|
தே த உத்3தே3ஶத: ப்ரோக்தா வம்ஶீயா: ஸோம ஸூர்யயோ:|| 25
ஆரப்4ய ப4வதோ ஜன்ம யாவந் நந்தா3பி4ஷேசனம்|
எதத்3 வர்ஷ ஸஹஸ்ரம் து ஶதம் பஞ்ச த3ஶோத்தரம்|| 26
ஸப்தர்ஷீணாம் து யௌ பூர்வௌ த்3ருஶ்யேதே உதி3தௌ தி3வி|
தயோஸ்து மத்4யே நக்ஷத்ரம் த்3ருஶ்யதே யத் ஸமம் நிஶி|| 27
தேனைத ருஷயோ யுக்தாஸ்திஷ்ட2ந்த்யப்3த3 ஶதம் ந்ருணாம்|
தே த்வதீ3யே த்3விஜா: காலே அது4நா சாஶ்ரிதா மகா4:|| 28
விஷ்ணோர் ப4க3வதோ பா4நு: க்ருஷ்ணாக்2யோऽஸௌ தி3வம் க3த:|
ததா3விஶத் கலிர் லோகம் பாபே யத்3 ரமதே ஜன:|| 29
யாவத் ஸ பாத3பத்3மாப்4யாம் ஸ்ப்ருஶந்நாஸ்தே ரமாபதி:|
தாவத் கலிர் வை ப்ருதி2வீம் பராக்ராந்தும் ந சாஶகத்|| 30
யதா3 தே3வர்ஷய: ஸப்த மகா4ஸு விசரந்தி ஹி|
ததா3 ப்ரவ்ருத்தஸ்து கலிர் த்3வாத3ஶாப்3த3 ஶதாத்மக:|| 31
யதா3 மகா4ப்4யோ யாஸ்யந்தி பூர்வாஷாடா4ம் மஹர்ஷய:|
ததா3 நந்தா3த் ப்ரப்4ருத்யேஷ கலிர் வ்ருத்3தி4ம் க3மிஷ்யதி|| 32
யஸ்மின் க்ருஷ்ணோ தி3வம் யாதஸ் தஸ்மின்னேவ ததா3ஹநி|
ப்ரதிபந்நம் கலியுக3 மிதி ப்ராஹு: புராவித3:|| 33
தி3வ்யாப்3தா3நாம் ஸஹஸ்ராந்தே சதுர்தே2 து புன: க்ருதம்|
ப4விஷ்யதி ததா3 ந்ரூணாம் மன ஆத்ம ப்ரகாஶகம்|| 34
இத்யேஷ மானவோ வம்ஶோ யதா2 ஸங்க்2யாயதே பு4வி|
ததா2 விட்ஶூத்3ரவிப்ராணாம் தாஸ்தா ஜ்ஞேயா யுகே3 யுகே3|| 35
எதேஷாம் நாமலிங்கா3நாம் புருஷாணாம் மஹாத்மநாம்|
கதா2மாத்ராவஶிஷ்டாநாம் கீர்திரேவ ஸ்தி2தா பு4வி|| 36
தே3வாபி: ஶாந்தநோர் ப்4ராதா மருஶ்சேக்ஷ்வாகுவம்ஶஜ:|
கலாபக்3ராம ஆஸாதே மஹாயோக3 ப3லான்விதௌ|| 37
தாவிஹைத்ய கலேரந்தே வாஸுதே3வாநுஶிக்ஷிதௌ|
வர்ணாஶ்ரமயுதம் த4ர்மம் பூர்வவத் ப்ரத2யிஷ்யத:|| 38
க்ருதம் த்ரேதா த்3வாபரம் ச கலிஶ்சேதி சதுர்யுக3ம்|
அனேன க்ரமயோகே3ன பு4வி ப்ராணிஷு வர்ததே|| 39
ராஜந்நேதே மயா ப்ரோக்தா நரதே3வாஸ்ததா2பரே|
பூ4மௌ மமத்வம் க்ருத்வாந்தே ஹித்வேமாம் நித4நம் க3தா:|| 40
க்ருமிவிட்3ப4ஸ்ம ஸம்ஜ்ஞாந்தே ராஜநாம்நோऽபி யஸ்ய ச|
பூ4தத்4ருக் தத்க்ருதே ஸ்வார்த2ம் கிம் வேத3 நிரயோ யத:|| 41
கத2ம் ஸேய மக2ண்டா3 பூ4: பூர்வைர் மே புருஷைர் த்4ருதா|
மத்புத்ரஸ்ய ச பௌத்ரஸ்ய மத்பூர்வா வம்ஶஜஸ்ய வா|| 42
தேஜோऽப3ந்நமயம் காயம் க்3ருஹீத்வாऽऽத்ம தயாபு3தா4:|
மஹீம் மமதயா சோபௌ4 ஹித்வாந்தேऽத3ர்ஶனம் க3தா:|| 43
யே யே பூ4பதயோ ராஜன் பு4ஞ்ஜந்தி பு4வமோஜஸா|
காலேன தே க்ருதா: ஸர்வே கதா2மாத்ரா: கதா2ஸு ச|| 44
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த்3வாத3ஶஸ்கந்தே4 த்3விதீயோऽத்4யாய: || 2 ||
பன்னிரெண்டாம் ஸ்கந்தம் - இரண்டாம் அத்யாயம் முற்றும்.