ஶ்ரீமத்பாகவதமஹாபுராணம் :: பன்னிரெண்டாம் ஸ்கந்தம் :: அத்யாயம் 3.
ராஜ்யம், யுக தர்மம், மற்றும் கலி யுகத்தின் தோஷங்களிலிருந்து தப்பிப்பதற்கு ஒரே உபாயம் ஸ்ரீபகவானின் நாம சங்கீர்த்தனமே
அத2 த்ருதீயோऽத்4யாய:
ஶ்ரீஶுக உவாச –
த்3ருஷ்ட்வாऽऽத்மநி ஜயே வ்யக்3ரான் ந்ருபான் ஹஸதி பூ4ரியம்|
அஹோ மா விஜிகீ3ஷந்தி ம்ருத்யோ: க்ரீட3நகா ந்ருபா:|| 1
காம எஷ நரேந்த்3ராணாம் மோக4: ஸ்யாத்3 விது3ஷாமபி|
யேன பே2நோபமே பிண்டே3 யேऽதிவிஶ்ரம்பி4தா ந்ருபா:|| 2
பூர்வம் நிர்ஜித்ய ஷட்3வர்க3ம் ஜேஷ்யாமோ ராஜ மந்த்ரிண:|
தத: ஸசிவபௌராப்த கரீந்த்3ரானஸ்ய கண்டகான்|| 3
எவம் க்ரமேண ஜேஷ்யாம: ப்ருத்2வீம் ஸாக3ர மேக2லாம்|
இத்யாஶாப3த்3த4 ஹ்ருத3யா ந பஶ்யந்த்யந்திகேऽந்தகம்|| 4
ஸமுத்3ராவரணாம் ஜித்வா மாம் விஶந்த்யப்3தி4 மோஜஸா|
கியதா3த்மஜயஸ்யைதன் முக்திராத்மஜயே ப2லம்|| 5
யாம் விஸ்ருஜ்யைவ மனவஸ்தத்ஸுதாஶ்ச குரூத்3வஹ|
க3தா யதா2க3தம் யுத்3தே4 தாம் மாம் ஜேஷ்யந்த்யபு3த்3த4ய:|| 6
மத்க்ருதே பித்ரு புத்ராணாம் ப்4ராத்ருணாம் சாபி விக்3ரஹ:|
ஜாயதே ஹ்யஸதாம் ராஜ்யே மமதாப3த்3த4 சேதஸாம்|| 7
மமைவேயம் மஹீ க்ருத்ஸ்நா ந தே மூடே4தி வாதி3ன:|
ஸ்பர்த4மாநா மிதோ2 க்4னந்தி ம்ரியந்தே மத்க்ருதே ந்ருபா:|| 8
ப்ருது2: புரூரவா கா3தி4ர் நஹு ஷோ ப4ரதோऽர்ஜுன:|
மாந்தா4தா ஸக3ரோ ராம: க2ட்வாங்கோ3 து4ந்து4ஹா ரகு4:|| 9
த்ருணபி3ந்து3ர் யயாதிஶ்ச ஶர்யாதி: ஶந்தநுர் க3ய:|
ப4கீ3ரத2: குவலயாஶ்வ: ககுத்ஸ்தோ2 நைஷதோ4 ந்ருக3:|| 10
ஹிரண்யகஶிபுர் வ்ருத்ரோ ராவணோ லோகராவண:|
நமுசி: ஶம்ப3ரோ பௌ4மோ ஹிரண்யாக்ஷோऽத2 தாரக:|| 11
அன்யே ச ப3ஹவோ தை3த்யா ராஜாநோ யே மஹேஶ்வரா:|
ஸர்வே ஸர்வவித3: ஶூரா: ஸர்வே ஸர்வஜிதோऽஜிதா:|| 12
மமதாம் மய்யவர்தந்த க்ருத்வோச்சைர் மர்த்யத4ர்மிண:|
கதா2வஶேஷா: காலேன ஹ்யக்ருதார்தா2: க்ருதா விபோ4|| 13
கதா2 இமாஸ்தே கதி2தா மஹீயஸாம்
விதாய லோகேஷு யஶ: பரேயுஷாம்|
விஜ்ஞான வைராக்3ய விவக்ஷயா விபோ4
வசோவிபூ4தீர் ந து பாரமார்த்2யம்|| 14
யஸ்தூத்தமஶ்லோககு3ணாநுவாத3:
ஸம்கீ3யதேऽபீ4க்ஷ்ண மமங்க3லக்4ன:|
தமேவ நித்யம் ஶ்ருணுயாத3பீ4க்ஷ்ணம்
க்ருஷ்ணேऽமலாம் ப4க்தி மபீ4ப்ஸமான:|| 15
ஶ்ரீராஜோவாச -
கேநோபாயேன ப4க3வன் கலேர் தோ3ஷான் கலௌ ஜநா:|
வித4மிஷ்யந்த்யுபசிதாம்ஸ்தன்மே ப்3ரூஹி யதா2 முனே|| 16
யுகா3நி யுக3த4ர்மாம்ஶ்ச மானம் ப்ரளயகல்பயோ:|
காலஸ்யேஶ்வரரூபஸ்ய க3திம் விஷ்ணோர் மஹாத்மன:|| 17
ஶ்ரீஶுக உவாச -
க்ருதே ப்ரவர்ததே த4ர்மஶ் சதுஷ்பாத்தஜ் ஜனைர் த்4ருத:|
ஸத்யம் த3யா தபோ தா3னமிதி பாதா3 விபோ4ர் ந்ருப|| 18
ஸந்துஷ்டா: கருணா மைத்ரா: ஶாந்தா தா3ந்தாஸ் திதிக்ஷவ:|
ஆத்மாராமா: ஸமத்3ருஶ: ப்ராயஶ: ஶ்ரமணா ஜநா:|| 19
த்ரேதாயாம் த4ர்மபாதா3னாம் துர்யாம்ஶோ ஹீயதே ஶனை:|
அத4ர்மபாதை3ரந்ருத ஹிம்ஸாஸந்தோஷ விக்3ரஹை:|| 20
ததா3 க்ரியாதபோ நிஷ்டா2 நாதி ஹிம்ஸ்ரா ந லம்படா:|
த்ரைவர்கி3கா ஸ்த்ரயீ வ்ருத்3தா4 வர்ணா ப்3ரஹ்மோத்தரா ந்ருப|| 21
தப: ஸத்ய த3யா தா3நேஷ்வர்த4ம் ஹ்ரஸதி த்3வாபரே|
ஹிம்ஸாதுஷ்ட்யந்ருதத்3 வேஷை: த4ர்மஸ்யாத4ர்மலக்ஷணை:|| 22
யஶஸ்விநோ மஹாஶீலா: ஸ்வாத்4யாயாத்4யயனே ரதா:|
ஆட்4யா: குடும்பி3நோ ஹ்ருஷ்டா வர்ணா: க்ஷத்ர த்3விஜோத்தரா:|| 23
கலௌ து த4ர்மஹேதூநாம் துர்யாம்ஶோऽத4ர்மஹேதுபி4:|
எத4மானை: க்ஷீயமாணோ ஹ்யந்தே ஸோऽபி வினங்க்ஷ்யதி|| 24
தஸ்மின் லுப்3தா4 து3ராசாரா நிர்த3யா: ஶுஷ்கவைரிண:|
து3ர்ப4கா3 பூ4ரிதர்ஷாஶ்ச ஶூத்3ர தா3ஶோத்தரா: ப்ரஜா:|| 25
ஸத்த்வம் ரஜஸ்தம இதி த்3ருஶ்யந்தே புருஷே கு3ணா:|
காலஸஞ்சோதி3தாஸ்தே வை பரிவர்தந்த ஆத்மனி|| 26
ப்ரப4வந்தி யதா3 ஸத்த்வே மநோ பு3த்3தீ4ந்த்3ரியாணி ச|
ததா3 க்ருதயுக3ம் வித்3யாஜ்ஜ்ஞானே தபஸி யத்3 ருசி:|| 27
யதா3 த4ர்மார்த2காமேஷு ப4க்திர் ப4வதி தே3ஹிநாம்|
ததா3 த்ரேதா ரஜோவ்ருத்திரிதி ஜானீஹி பு3த்3தி4மன்|| 28
யதா3 லோப4ஸ்த்வஸந்தோஷோ மானோ த3ம்போ4ऽத2 மத்ஸர:|
கர்மணாம் சாபி காம்யாநாம் த்3வாபரம் தத்3 ரஜஸ்தம:|| 29
யதா3 மாயாந்ருதம் தந்த்3ரா நித்3ரா ஹிம்ஸா விஷாத3நம்|
ஶோகோ மோஹோ ப4யம் தை3ன்யம் ஸ கலிஸ் தாமஸ: ஸ்ம்ருத:|| 30
யஸ்மாத் க்ஷுத்3ரத்3ருஶோ மர்த்யா: க்ஷுத்3ரபா4க்3யா மஹாஶநா:|
காமிநோ வித்தஹீநாஶ்ச ஸ்வைரிண்யஶ்ச ஸ்த்ரியோऽஸதீ:|| 31
த3ஸ்யூத்க்ருஷ்டா ஜனபதா3 வேதா3: பாக2ண்ட3 தூ3ஷிதா:|
ராஜாநஶ்ச ப்ரஜாப4க்ஷா: ஶிஶ்நோத3ரபரா த்3விஜா:|| 32
அவ்ரதா வடவோऽஶௌசா பி4க்ஷவஶ்ச குடும்பி3ன:|
தபஸ்விநோ க்3ராமவாஸா ந்யாஸிநோऽத்யர்த2 லோலுபா:|| 33
ஹ்ரஸ்வகாயா மஹாஹாரா பூ4ர்யபத்யா க3தஹ்ரிய:|
ஶஶ்வத் கடுக பா4ஷிண்ய: சௌர்ய மாயோருஸாஹஸா:|| 34
பணயிஷ்யந்தி வை க்ஷுத்3ரா: கிராடா: கூடகாரிண:|
அநாபத்3யபி மம்ஸ்யந்தே வார்தாம் ஸாது4 ஜுகு3ப்ஸிதாம்|| 35
பதிம் த்யக்ஷ்யந்தி நிர்த்3ரவ்யம் ப்4ருத்யா அப்யகி2லோத்தமம்|
ப்4ருத்யம் விபன்னம் பதய: கௌலம் கா3ஶ்சாபயஸ்விநீ:|| 36
பித்ரு ப்4ராத்ரு ஸுஹ்ருத் ஞாதீன் ஹித்வா ஸௌரத ஸௌஹ்ருதா3:|
நநாந்த்3ருஶ்யால ஸம்வாதா3 தீ3னா: ஸ்த்ரைணா: கலௌ நரா:|| 37
ஶூத்3ரா: ப்ரதிக்3ரஹீஷ்யந்தி தபோவேஷோபஜீவின:|
த4ர்மம் வக்ஷ்யந்த்யத4ர்மஜ்ஞா அதி4ருஹ்யோத்தமாஸனம்|| 38
நித்யமுத்3விக்3ன மனஸோ து3ர்பி4க்ஷ கர கர்ஶிதா:|
நிரன்னே பூ4தலே ராஜன்னாவ்ருஷ்டி ப4யாதுரா:|| 39
வாஸோऽந்நபான ஶயனவ்யவாய ஸ்நாந பூ4ஷணை:|
ஹீநா: பிஶாச ஸந்த3ர்ஶா ப4விஷ்யந்தி கலௌ ப்ரஜா:|| 40
கலௌ காகிணிகேऽப்யர்தே2 விக்3ருஹ்ய த்யக்த ஸௌஹ்ருதா3:|
த்யக்ஷ்யந்தி ச ப்ரியான் ப்ராணான் ஹநிஷ்யந்தி ஸ்வகாநபி|| 41
ந ரக்ஷிஷ்யந்தி மநுஜா: ஸ்த2விரௌ பிதராவபி|
புத்ரான் ஸர்வார்த2 குஶலான் க்ஷுத்3ரா: ஶிஶ்நோத3ரம்ப4ரா:|| 42
கலௌ ந ராஜஞ்ஜக3தாம் பரம் கு3ரும்
த்ரிலோக நாதா2நத பாத3பங்கஜம்|
ப்ராயேண மர்த்யா ப4க3வந்தமச்யுதம்
யக்ஷ்யந்தி பாக2ண்ட3 விபி4ன்ன சேதஸ:|| 43
யந்நாமதே4யம் ம்ரியமாண ஆதுர:
பதன் ஸ்க2லன் வா விவஶோ க்3ருணன் புமான்|
விமுக்த கர்மார்க3ல உத்தமாம் க3திம்
ப்ராப்நோதி யக்ஷ்யந்தி ந தம் கலௌ ஜநா:|| 44
பும்ஸாம் கலிக்ருதான் தோ3ஷான் த்3ரவ்ய தே3ஶாத்ம ஸம்ப4வான்|
ஸர்வான் ஹரதி சித்தஸ்தோ2 ப4க3வான் புருஷோத்தம:|| 45
ஶ்ருத: ஸங்கீர்திதோ த்4யாத: பூஜிதஶ்சாத்3ருதோऽபி வா|
ந்ருணாம் து4னோதி ப4க3வான் ஹ்ருத்ஸ்தோ2 ஜன்மாயுதாஶுப4ம்|| 46
யதா2 ஹேம்னி ஸ்தி2தோ வஹ்நிர் து3ர்வர்ணம் ஹந்தி தா4துஜம்|
எவமாத்மக3தோ விஷ்ணுர் யோகி3நாமஶுபா4ஶயம்|| 47
வித்3யாதப: ப்ராணநிரோத4மைத்ரீ
தீர்தா2பி4ஷேக வ்ரத தா3ன ஜப்யை:|
நாத்யந்த ஶுத்3தி4ம் லப4தேऽந்தராத்மா
யதா2 ஹ்ருதி3ஸ்தே2 ப4க3வத்யநந்தே|| 48
தஸ்மாத் ஸர்வாத்மநா ராஜன் ஹ்ருதி3ஸ்த2ம் குரு கேஶவம்|
ம்ரியமாணோ ஹ்யவஹிதஸ்ததோ யாஸி பராம் க3திம்|| 49
ம்ரியமாணை ரபி4த்4யேயோ ப4க3வான் பரமேஶ்வர:|
ஆத்மபா4வம் நயத்யங்க3 ஸர்வாத்மா ஸர்வஸம்ஶ்ரய:|| 50
கலேர்தோ3ஷநிதே4 ராஜன் அஸ்தி ஹ்யேகோ மஹான் கு3ண:|
கீர்தநாதே3வ க்ருஷ்ணஸ்ய முக்தஸங்க3: பரம் வ்ரஜேத்|| 51
க்ருதே யத்3 த்4யாயதோ விஷ்ணும் த்ரேதாயாம் யஜதோ மகை2:|
த்3வாபரே பரிசர்யாயாம் கலௌ தத் ஹரிகீர்தநாத்|| 52
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த்3வாத3ஶஸ்கந்தே4 த்ருதீயோऽத்4யாய:|| 3 ||
பன்னிரெண்டாம் ஸ்கந்தம் - மூன்றாம் அத்யாயம் முற்றும்.