ஶ்ரீமத்பாகவதமஹாபுராணம் :: பன்னிரெண்டாம் ஸ்கந்தம் :: அத்யாயம் 1.
கலியுக ராஜ வம்சத்தினரின் வர்ணனை
அத₂ ப்ரத₂மோऽத்₄யாய:

ராஜோவாச -
ஸ்வதா₄மாநுக₃தே க்ருஷ்ண யது₃வம்ஶ விபூ₄ஷணே|
கஸ்ய வம்ஶோऽப₄வத் ப்ருத்₂வ்யாமேததா₃சக்ஷ்வ மே முனே|| 1

ஶ்ரீஶுக உவாச|
யோऽந்த்ய: புரஞ்ஜயோ நாம பா₄வ்யோ பா₃ர்ஹத்₃ரதோ₂ ந்ருப|
தஸ்யாமாத்யஸ்து ஶுனகோ ஹத்வா ஸ்வாமினமாத்மஜம்|| 2

ப்ரத்₃யோத ஸம்ஜ்ஞம் ராஜாநம் கர்தா யத் பாலக: ஸுத:|
விஶாக₂யூபஸ் தத்புத்ரோ ப₄விதா ராஜகஸ்தத:|| 3

நந்தி₃வர்த₄னஸ் தத்புத்ர: பஞ்ச ப்ரத்₃யோதநா இமே|
அஷ்டத்ரிம்ஶோத்தரஶதம் போ₄க்ஷ்யந்தி ப்ருதி₂வீம் ந்ருபா:|| 4

ஶிஶு நாக₃ஸ்ததோ பா₄வ்ய: காகவர்ணஸ்து தத்ஸுத:|
க்ஷேமத₄ர்மா தஸ்ய ஸுத: க்ஷேத்ரஜ்ஞ: க்ஷேமத₄ர்மஜ:|| 5

விதி₄ஸார: ஸுதஸ்தஸ்யா ஜாதஶத்ருர் ப₄விஷ்யதி|
த₃ர்ப₄கஸ்தத்ஸுதோ பா₄வீ த₃ர்ப₄கஸ்யாஜய: ஸ்ம்ருத:|| 6

நந்தி₃வர்த₄ன ஆஜேயோ மஹாநந்தி₃: ஸுதஸ்தத:|
ஶிஶுநாகா₃ த₃ஶைவைதே ஸஷ்ட்யுத்தர ஶதத்ரயம்|| 7

ஸமா போ₄க்ஷ்யந்தி ப்ருதி₂வீம் குருஶ்ரேஷ்ட₂ கலௌ ந்ருபா:|
மஹாநந்தி₃ஸுதோ ராஜன் ஶூத்₃ரீக₃ர்போ₄த்₃ப₄வோ ப₃லீ|| 8

மஹாபத்₃மபதி: கஶ்சிந்நந்த₃: க்ஷத்ர விநாஶக்ருத்|
ததோ ந்ருபா ப₄விஷ்யந்தி ஶூத்₃ரப்ராயாஸ்த்வதா₄ர்மிகா:|| 9

ஸ எகச்ச₂த்ராம் ப்ருதி₂வீமநுல்லங்கி₄த ஶாஸன:|
ஶாஸிஷ்யதி மஹாபத்₃மோ த்₃விதீய இவ பா₄ர்க₃வ:|| 10

தஸ்ய சாஷ்டௌ ப₄விஷ்யந்தி ஸுமால்ய ப்ரமுகா₂: ஸுதா:|
ய இமாம் போ₄க்ஷ்யந்தி மஹீம் ராஜான: ஸ்ம ஶதம் ஸமா:|| 11

நவ நந்தா₃ன் த்₃விஜ: கஶ்சித் ப்ரபந்நாநுத்₃த₄ரிஷ்யதி|
தேஷாம்மபா₄வே ஜக₃தீம் மௌர்யா போ₄க்ஷ்யந்தி வை கலௌ|| 12

ஸ எவ சந்த்₃ரகு₃ப்தம் வை த்₃விஜோ ராஜ்யேऽபி₄ஷேக்ஷ்யதி|
தத்ஸுதோ வாரிஸாரஸ்து ததஶ்சாஶோகவர்த₄ன:|| 13

ஸுயஶா ப₄விதா தஸ்ய ஸங்க₃த: ஸுயஶ: ஸுத:|
ஶாலிஶூகஸ் ததஸ் தஸ்ய ஸோமஶர்மா ப₄விஷ்யதி|| 14

ஶதத₄ன்வா ததஸ்தஸ்ய ப₄விதா தத்₃ ப்₃ருஹத்₃ரத₂:|
மௌர்யா ஹ்யேதே த₃ஶ ந்ருபா: ஸப்தத்ரிம்ஶச்ச₂தோத்தரம்|
ஸமா போ₄க்ஷ்யந்தி ப்ருதி₂வீம் கலௌ குருகுலோத்₃வஹ|| 15

ஹத்வா ப்₃ருஹத்₃ரத₂ம் மௌர்யம் தஸ்ய ஸேநாபதி: கலௌ|
புஷ்ப மித்ரஸ்து ஶுங்கா₃ஹ்வ: ஸ்வயம் ராஜ்யம் கரிஷ்யதி|
அக்₃நிமித்ரஸ் ததஸ் தஸ்மாத் ஸுஜ்யேஷ்டோ₂ऽத₂ ப₄விஷ்யதி|| 16

வஸுமித்ரோ ப₄த்₃ரகஶ்ச புளிந்தோ₃ ப₄விதா தத:|
ததோ கோ₄ஷ: ஸுதஸ் தஸ்மாத்₃ வஜ்ரமித்ரோ ப₄விஷ்யதி|| 17

ததோ பா₄க₃வதஸ் தஸ்மாத்₃ தே₃வபூ₄திரிதி ஶ்ருத:|
ஶுங்கா₃ த₃ஶைதே போ₄க்ஷ்யந்தி பூ₄மிம் வர்ஷஶதாதி₄கம்|| 18

தத: காண்வாநியம் பூ₄மிர்யாஸ்யத்யல்ப கு₃ணான் ந்ருப|
ஶுங்க₃ம் ஹத்வா தே₃வபூ₄திம் காண்வோऽமாத்யஸ்து காமிநம்|| 19

ஸ்வயம் கரிஷ்யதே ராஜ்யம் வஸுதே₃வோ மஹாமதி:|
தஸ்ய புத்ரஸ்து பூ₄மித்ரஸ்தஸ்ய நாராயண: ஸுத:|
நாராயணஸ்ய ப₄விதா ஸுஶர்மா நாம விஶ்ருத:|| 20

காண்வாயநா இமே பூ₄மிம் சத்வாரிம்ஶச்ச பஞ்ச ச|
ஶதானி த்ரீணி போ₄க்ஷ்யந்தி வர்ஷாணாம் ச கலௌ யுகே₃|| 21

ஹத்வா காண்வம் ஸுஶர்மாணம் தத்₃ப்₄ருத்யோ வ்ருஷலோ ப₃லீ|
கா₃ம் போ₄க்ஷ்யத்யந்த்₄ரஜாதீய: கஞ்சித் காலமஸத்தம:|| 22

க்ருஷ்ணநாமாத₂ தத்₃ப்₄ராதா ப₄விதா ப்ருதி₂வீபதி:|
ஶ்ரீஶாந்த கர்ணஸ்தத்புத்ர: பௌர்ணமாஸஸ்து தத்ஸுத:|| 23

லம்போ₃த₃ரஸ்து தத்புத்ரஸ்தஸ்மாச்சிபி₃லகோ ந்ருப:|
மேக₄ஸ்வாதிஶ்சிபி₃லகாத₃டமானஸ்து தஸ்ய ச|| 24

அநிஷ்டகர்மா ஹாலேயஸ் தலகஸ்தஸ்ய சாத்மஜ:|
புரீஷ பீ₄ருஸ்தத்புத்ரஸ்ததோ ராஜா ஸுநந்த₃ன:|| 25

சகோரோ ப₃ஹவோ யத்ர ஶிவஸ்வாதிரரிந்த₃ம:|
தஸ்யாபி கோ₃மதீபுத்ர: புரீமான் ப₄விதா தத:|| 26

மேத₃:ஶிரா: ஶிவஸ்கந்தோ₃ யஜ்ஞஶ்ரீஸ்தத் ஸுதஸ்தத:|
விஜயஸ்தத்ஸுதோ பா₄வ்யஶ் சந்த்₃ரவிஜ்ஞ: ஸலோமதி₄:|| 27

எதே த்ரிம்ஶந்ந்ருபதயஶ் சத்வார்யப்₃த₃ ஶதானி ச|
ஷட்பஞ்சாஶச்ச ப்ருதி₂வீம் போ₄க்ஷ்யந்தி குருநந்த₃ன|| 28

ஸப்தாபீ₄ரா ஆவப்₄ருத்யா த₃ஶ க₃ர்த₃பி₄நோ ந்ருபா:|
கங்கா: ஷோட₃ஶ பூ₄பாலா ப₄விஷ்யந்த்யதி லோலுபா:|| 29

ததோऽஷ்டௌ யவநா பா₄வ்யாஶ் சதுர்த₃ஶ துருஷ்ககா:|
பூ₄யோ த₃ஶ கு₃ருண்டா₃ஶ்ச மௌநா எகாத₃ஶைவ து|| 30

எதே போ₄க்ஷ்யந்தி ப்ருதி₂வீம் த₃ஶவர்ஷ ஶதாநி ச|
நவாதி₄காம் ச நவதிம் மௌனா எகாத₃ஶ க்ஷிதிம்|| 31

போ₄க்ஷ்யந்த்யப்₃த₃ ஶதான்யங்க₃ த்ரீணி தை: ஸம்ஸ்தி₂தே தத:|
கிலகிலாயாம் ந்ருபதயோ பூ₄தநந்தோ₃ऽத₂ வங்கி₃ரி:|| 32

ஶிஶுநந்தி₃ஶ்ச தத்₃ப்₄ராதா யஶோநந்தி₃: ப்ரவீரக:|
இத்யேதே வை வர்ஷஶதம் ப₄விஷ்யந்த்யதி₄காநி ஷட்|| 33

தேஷாம் த்ரயோத₃ஶ ஸுதா ப₄விதாரஶ்ச பா₃ஹ்லிகா:|
புஷ்ப மித்ரோऽத₂ ராஜன்யோ து₃ர்மித்ரோऽஸ்ய ததை₂வ ச|| 34

எக காலா இமே பூ₄பா: ஸப்தாந்த்₄ரா: ஸப்த கோஸலா:|
விதூ₃ரபதயோ பா₄வ்யா நிஷதா₄ஸ்தத எவ ஹி|| 35

மாக₃தா₄நாம் து ப₄விதா விஶ்வஸ்பூ₂ர்ஜி: புரஞ்ஜய:|
கரிஷ்யத்யபரோ வர்ணான் புளிந்த₃யது₃ மத்₃ரகான்|| 36

ப்ரஜாஶ்சாப்₃ரஹ்ம பூ₄யிஷ்டா₂: ஸ்தா₂பயிஷ்யதி து₃ர்மதி:|
வீர்யவான் க்ஷத்ரமுத்ஸாத்₃ய பத்₃மவத்யாம் ஸ வை புரி|
அநுக₃ங்கா₃ மாப்ரயாக₃ம் கு₃ப்தாம் போ₄க்ஷ்யதி மேதி₃நீம்|| 37

ஸௌராஷ்ட்ராவந்த்யா பீ₄ராஶ்ச ஶூரா அர்பு₃த₃ மாலவா:|
வ்ராத்யா த்₃விஜா ப₄விஷ்யந்தி ஶூத்₃ரப்ராயா ஜநாதி₄பா:|| 38

ஸிந்தோ₄ஸ்தடம் சந்த்₃ரபா₄கா₃ம் கௌந்தீம் காஶ்மீரமண்ட₃லம்|
போ₄க்ஷ்யந்தி ஶூத்₃ரா வ்ராத்யாத்₃யா ம்லேச்சா₂ஶ்சாப்₃ரஹ்ம வர்சஸ:|| 39

துல்யகாலா இமே ராஜன் ம்லேச்ச₂ ப்ராயாஶ்ச பூ₄ப்₄ருத:|
எதேऽத₄ர்மாந்ருதபரா: ப₂ல்கு₃தா₃ஸ் தீவ்ரமன்யவ:|| 40

ஸ்த்ரீபா₃ல கோ₃த்₃விஜக்₄நாஶ்ச பரதா₃ர த₄நாத்₃ருதா:|
உதி₃தாஸ்தமித ப்ராயா அல்ப ஸத்த்வால்பகாயுஷ:|| 41

அஸம்ஸ்க்ருதா: க்ரியாஹீநா ரஜஸா தமஸாऽऽவ்ருதா:|
ப்ரஜாஸ்தே ப₄க்ஷயிஷ்யந்தி ம்லேச்சா₂ ராஜன்ய ரூபிண:|| 42

தந்நாதா₂ஸ்தே ஜநபதா₃ஸ் தச்சீ₂லாசார வாதி₃ன:|
அன்யோன்யதோ ராஜபி₄ஶ்ச க்ஷயம் யாஸ்யந்தி பீடி₃தா:|| 43

இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த்₃வாத₃ஶஸ்கந்தே₄ ப்ரத₂மோऽத்₄யாய:|| 1

பன்னிரெண்டாம் ஸ்கந்தம் - முதலாம் அத்யாயம் முற்றும்.