ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 7.
அவதூதோபாக்யானம், பிருதிவியிலிருந்து புறா வரைக்கும் எட்டு குருமார்களின் கதை
அத2 ஸப்தமோऽத்4யாய:
ஶ்ரீப4க3வாநுவாச|
யதா3த்த2 மாம் மஹாபா4க3 தச்சிகீர்ஷிதமேவ மே|
ப்3ரஹ்மா ப4வோ லோகபாலா: ஸ்வர்வாஸம் மேऽபி4 காங்க்ஷிண:|| 1
மயா நிஷ்பாதி3தம் ஹ்யத்ர தே3வகார்யமஶேஷத:|
யத3ர்த2மவதீர்ணோऽஹமம்ஶேன ப்3ரஹ்மணார்தி2த:|| 2
குலம் வை ஶாபநிர் த3க்3த4ம் நங்க்ஷ்யத்யன்யோன்யவிக்3ரஹாத்|
ஸமுத்3ர: ஸப்தமேऽஹ்யேதாம் புரீம் ச ப்லாவயிஷ்யதி|| 3
யர்ஹ்யே வாயம் மயா த்யக்தோ லோகோऽயம் நஷ்டமங்க3ள:|
ப4விஷ்யத்யசிராத் ஸாதோ4 கலிநாபி நிராக்ருத:|| 4
ந வஸ்தவ்யம் த்வயைவேஹ மயா த்யக்தே மஹீதலே|
ஜநோऽத4ர்மருசிர்ப4த்3ர ப4விஷ்யதி கலௌ யுகே3|| 5
த்வம் து ஸர்வம் பரித்யஜ்ய ஸ்நேஹம் ஸ்வஜன ப3ந்து4ஷு|
மய்யாவேஶ்ய மன: ஸம்யக் ஸமத்3ருக்3 விசரஸ்வ கா3ம்|| 6
யதி3த3ம் மனஸா வாசா சக்ஷுர்ப்4யாம் ஶ்ரவணாதி3பி4:|
நஶ்வரம் க்3ருஹ்யமாணம் ச வித்3தி4 மாயாமநோமயம்|| 7
பும்ஸோऽயுக்தஸ்ய நாநார்தோ2 ப்4ரம: ஸ கு3ணதோ3ஷபா4க்|
கர்மா கர்ம விகர்மேதி கு3ணதோ3ஷ தி4யோ பி4தா3 8
தஸ்மாத்3 யுக்தேந்த்3ரிய க்3ராமோ யுக்த சித்த இத3ம் ஜக3த்|
ஆத்மநீக்ஷஸ்வ விததமாத்மானம் மய்யதீ4ஶ்வரே 9
ஜ்ஞான விஜ்ஞான ஸம்யுக்த ஆத்மபூ4த: ஶரீரிணாம்|
அத்மாநுப4வதுஷ்டாத்மா நாந்தராயைர் விஹன்யஸே|| 10
தோ3ஷ பு3த்3த்4யோ ப4யாதீதோ நிஷேதா4ன்ன நிவர்ததே|
கு3ணபு3த்3த்4யா ச விஹிதம் ந கரோதி யதா2ர்ப4க:|| 11
ஸர்வ பூ4த ஸுஹ்ருச்சா2ந்தோ ஜ்ஞானவிஜ்ஞான நிஶ்சய:|
பஶ்யன் மதா3த்மகம் விஶ்வம் ந விபத்3யேத வை புன:|| 12
ஶ்ரீஶுக உவாச|
இத்யாதி3ஷ்டோ ப4க3வதா மஹாபா4க3வதோ ந்ருப|
உத்3த4வ: ப்ரணிபத்யாஹ தத்த்வஜிஜ்ஞாஸுரச்யுதம்|| 13
ஶ்ரீஉத்3த4வ உவாச|
யோகே3ஶ யோக3 வின்யாஸ யோகா3த்மன் யோக3 ஸம்ப4வ|
நி: ஶ்ரேயஸாய மே ப்ரோக்தஸ்த்யாக3: ஸன்யாஸ லக்ஷண:|| 14
த்யாகோ3ऽயம் து3ஷ்கரோ பூ4மன் காமாநாம் விஷயாத்மபி4:|
ஸுதராம் த்வயி ஸர்வாத்மந்நப4க்தைரிதி மே மதி:|| 15
ஸோऽஹம் மமாஹமிதி மூட4 மதிர் விகா3ட4-
ஸ்த்வன் மாயயா விரசிதாத்மநி ஸாநுப3ந்தே4|
தத்த்வஞ்ஜஸா நிக3தி3தம் ப4வதா யதா2ஹம்
ஸம்ஸாத4யாமி ப4க3வந் நநுஶாதி4 ப்4ருத்யம்|| 16
ஸத்யஸ்ய தே ஸ்வத்3ருஶ ஆத்மன ஆத்மநோऽன்யம்
வக்தார மீஶ விபு3தே4ஷ்வபி நாநுசக்ஷே|
ஸர்வே விமோஹிததி4யஸ்தவ மாயயேமே
ப்3ரஹ்மாத3யஸ்தநுப்4ருதோ ப3ஹிரர்த2பா4வா:|| 17
தஸ்மாத்3 ப4வந்தமன வத்3ய மனந்தபாரம்
ஸர்வஜ்ஞ மீஶ்வர மகுண்ட2 விகுண்ட2 தி4ஷ்ண்யம்|
நிர்விண்ண தீ4ர ஹமு ஹ வ்ருஜிநாபி4 தப்தோ
நாராயணம் நரஸக2ம் ஶரணம் ப்ரபத்3யே|| 18
ஶ்ரீப4க3வாநுவாச|
ப்ராயேண மநுஜா லோகே லோக தத்வ விசக்ஷணா:|
ஸமுத்3த4ரந்தி ஹ்யாத்மானம் ஆத்ம நைவாஶுபா4ஶயாத்|| 19
ஆத்மநோ கு3ருராத்மைவ புருஷஸ்ய விஶேஷத:|
யத் ப்ரத்யக்ஷாநு மாநாப்4யாம் ஶ்ரேயோऽஸாவநுவிந்த3தே|| 20
புருஷத்வே ச மாம் தீ4ரா: ஸாங்க்2ய யோக3 விஶாரதா3:|
ஆவிஸ்தராம் ப்ரபஶ்யந்தி ஸர்வஶக்த்யுப ப்3ரும்ஹிதம்|| 21
ஏகத்3வித்ரி சதுஷ்பாதோ3 ப3ஹு பாத3ஸ்ததா2பத3:|
ப3ஹ்வ்ய: ஸந்தி புர: ஸ்ருஷ்டாஸ்தாஸாம் மே பௌருஷீ ப்ரியா|| 22
அத்ர மாம் மார்க3யந்த்யத்3தா4 யுக்தா ஹேதுபி4ரீஶ்வரம்|
க்3ருஹ்யமாணைர் கு3ணைர்லிங்கை3: அக்3ராஹ்ய மநுமாநத:|| 23
அத்ராப்யுதா3ஹரந்தீ மமிதிஹாஸம் புராதனம்|
அவதூ4 தஸ்ய ஸம்வாத3ம் யதோ3ரமித தேஜஸ:|| 24
அவதூ4தம் த்3விஜம் கஞ்சிச்சரந்த மகுதோப4யம்|
கவிம் நிரீக்ஷ்ய தருணம் யது3: பப்ரச்ச2 த4ர்மவித்|| 25
ஶ்ரீயது3ருவாச|
குதோ பு3த்3தி4ரியம் ப்3ரஹ்மந் நகர்து: ஸுவிஶாரதா3|
யாமாஸாத்3ய ப4வான் லோகம் வித்3வாம்ஶ்சரதி பா3லவத்|| 26
ப்ராயோ த4ர்மார்த2 காமேஷு விவித்ஸாயாம் ச மானவா:|
ஹேதுனைவ ஸமீஹந்தே ஆயுஷோ யஶஸ: ஶ்ரிய:|| 27
த்வம் து கல்ப: கவிர்த3க்ஷ: ஸுப4கோ3ऽம்ருதபா4ஷண:|
ந கர்தா நேஹஸே கிஞ்சிஜ்ஜடோ3ன் மத்தபிஶாச வத்|| 28
ஜனேஷு த3ஹ்யமானேஷு காமலோப4 த3வாக்3நிநா|
ந தப்யஸேऽக்3நிநா முக்தோ க3ங்கா3ம்ப4:ஸ்த2 இவ த்3விப:|| 29
த்வம் ஹி ந: ப்ருச்ச2தாம் ப்3ரஹ்மன் ஆத்மன்யாநந்த3 காரணம்|
ப்3ரூஹி ஸ்பர்ஶ விஹீனஸ்ய ப4வத: கேவலாத்மன:|| 30
ஶ்ரீப4க3வாநுவாச|
யது3னைவம் மஹாபா4கோ3 ப்3ரஹ்மண்யேன ஸுமேத4ஸா|
ப்ருஷ்ட: ஸபா4ஜித: ப்ராஹ ப்ரஶ்ரயாவனதம் த்3விஜ:|| 31
ஶ்ரீப்3ராஹ்மண உவாச|
ஸந்தி மே கு3ரவோ ராஜன் ப3ஹவோ பு3த்3த்4யுபஶ்ரிதா:|
யதோ பு3த்3தி4முபாதா3ய முக்தோऽடாமீஹ தான்ஶ்ருணு|| 32
ப்ருதி2வீ வாயுராகாஶமாபோऽக்3நிஶ்சந்த்3ரமா ரவி:|
கபோதோऽஜக3ர: ஸிந்து4: பதங்கோ3 மது4க்ருத்3 க3ஜ:|| 33
மது4ஹா ஹரிணோ மீன: பிங்க3ளா குரரோऽர்ப4க:|
குமாரீ ஶரக்ருத் ஸர்ப ஊர்ணநாபி4: ஸுபேஶக்ருத்|| 34
ஏதே மே கு3ரவோ ராஜன் சதுர்விம்ஶதிராஶ்ரிதா:|
ஶிக்ஷா வ்ருத்திபி4ரேதேஷாம்-அன்வஶிக்ஷமிஹாத்மன:|| 35
யதோ யத3நு ஶிக்ஷாமி யதா2 வா நாஹுஷாத்மஜ|
தத்ததா2 புருஷவ்யாக்4ர நிபோ3த4 கத2யாமி தே|| 36
பூ4தைராக்ரம்யமாணோऽபி தீ4ரோ தை3வவஶாநுகை3:|
தத்3 வித்3வாந்ன சலேன் மார்கா3 த3ன்வஶிக்ஷம் க்ஷிதேர் வ்ரதம்|| 37
ஶஶ்வத் பரார்த2 ஸர்வேஹ: பரார்தை2காந்தஸம்ப4வ:|
ஸாது4: ஶிக்ஷேத பூ4ப்4ருத்தோ நக3ஶிஷ்ய: பராத்மதாம்|| 38
ப்ராண வ்ருத்த்யைவ ஸந்துஷ்யேன் முநிர்நைவேந்த்3ரிய ப்ரியை:|
ஜ்ஞானம் யதா2 ந நஶ்யேத நாவகீர்யேத வாங்மன:|| 39
விஷயேஷ்வாவிஶன் யோகீ3 நாநா த4ர்மேஷு ஸர்வத:|
கு3ணதோ3ஷ வ்யபேதாத்மா ந விஷஜ்ஜேத வாயுவத்|| 40
பார்தி2வேஷ் விஹ தே3ஹேஷு ப்ரவிஷ்டஸ்தத்3கு3ணாஶ்ரய:|
கு3ணைர்ன யுஜ்யதே யோகீ3 க3ந்தை4ர்வாயுரிவாத்மத்3ருக்|| 41
அந்தர் ஹிதஶ்ச ஸ்தி2ரஜங்க3மேஷு
ப்3ரஹ்மாத்ம பா4வேன ஸமன்வயேன|
வ்யாப்த்யா வ்யவச்சே2த3மஸங்க3மாத்மநோ
முனிர்நப4ஸ்த்வம் விததஸ்ய பா4வயேத்|| 42
தேஜோऽப3ந்நமயைர் பா4வைர் மேகா4த்3யைர் வாயுநேரிதை:|
ந ஸ்ப்ருஶ்யதே நப4ஸ்தத்3வத் கால ஸ்ருஷ்டைர் கு3ணை: புமான்|| 43
ஸ்வச்ச2: ப்ரக்ருதித: ஸ்நிக்3தோ4 மாது4ர்யஸ்தீர்த2பூ4ர்ந்ருணாம்|
முனி: புநாத்யபாம் மித்ரமீக்ஷோபஸ்பர்ஶகீர்தனை:|| 44
தேஜஸ்வீ தபஸா தீ3ப்தோ து3ர்த4ர்ஷோ த3ரபா4ஜன:|
ஸர்வப4க்ஷ்யோऽபி யுக்தாத்மா நாத3த்தே மலமக்3நிவத்|| 45
க்வசிச்ச2ன்ன: க்வசித் ஸ்பஷ்ட உபாஸ்ய: ஶ்ரேய இச்ச2தாம்|
பு4ங்க்தே ஸர்வத்ர தா3த்ரூணாம் த3ஹன் ப்ராக்3 உத்தராஶுப4ம்|| 46
ஸ்வமாயயா ஸ்ருஷ்டமித3ம் ஸத3ஸல்லக்ஷணம் விபு4:|
ப்ரவிஷ்ட ஈயதே தத் தத்ஸ்வரூபோऽக்3நிரிவைத4ஸி|| 47
விஸர்கா3த்3யா: ஶ்மஶாநாந்தா பா4வா தே3ஹஸ்ய நாத்மன:|
கலாநாமிவ சந்த்3ரஸ்ய காலேனாவ்யக்த வர்த்மநா|| 48
காலேன ஹ்யோக4வேகே3ன பூ4தாநாம் ப்ரப4வாப்யயௌ|
நித்யாவபி ந த்3ருஶ்யேதே ஆத்மநோऽக்3நேர்யதா2ர்சிஷாம்|| 49
கு3ணைர்கு3ணாநுபாத3த்தே யதா2காலம் விமுஞ்சதி|
ந தேஷு யுஜ்யதே யோகீ3 கோ3பி4ர்கா3 இவ கோ3பதி:|| 50
பு3த்4யதே ஸ்வே ந பே4தே3ன வ்யக்திஸ்த2 இவ தத்3க3த:|
லக்ஷ்யதே ஸ்தூ2ல மதிபி4ராத்மா சாவஸ்தி2தோऽர்கவத்|| 51
நாதிஸ்நேஹ: ப்ரஸங்கோ3 வா கர்தவ்ய: க்வாபி கேனசித்|
குர்வன் விந்தே3த ஸந்தாபம் கபோத இவ தீ3நதீ4:|| 52
கபோத: கஶ்சநாரண்யே க்ருதநீடோ3 வனஸ்பதௌ|
கபோத்யா பா4ர்யயா ஸார்த4முவாஸ கதிசித் ஸமா:|| 53
கபோதௌ ஸ்நேஹ கு3ணித ஹ்ருத3யௌ க்3ருஹத4ர்மிணௌ|
த்3ருஷ்டிம் த்3ருஷ்ட்யாங்க3 மங்கே3ன பு3த்3தி4ம் பு3த்3த்4யா ப3ப3ந்த4து:|| 54
ஶய்யாஸநாடநஸ்தா2ன வார்தா க்ரீடா3 ஶநாதி3கம்|
மிது2நீபூ4ய விஸ்த்ரப்3தௌ4 சேரதுர்வனராஜிஷு|| 55
யம் யம் வாஞ்ச2தி ஸா ராஜன் தர்பயந்த்யநுகம்பிதா|
தம் தம் ஸமனயத் காமம் க்ருச்ச்2ரோணாப்யஜிதேந்த்3ரிய:|| 56
கபோதீ ப்ரத2மம் க3ர்ப4ம் க்3ருஹ்ணதீ கால ஆக3தே|
அண்டா3நி ஸுஷுவே நீடே3 ஸ்வபத்யு: ஸந்நிதௌ4 ஸதீ|| 57
தேஷு காலே வ்யஜாயந்த ரசிதாவயவா ஹரே:|
ஶக்திபி4ர்து3ர்விபா4வ்யாபி4: கோமளாங்க3 தநூருஹா:|| 58
ப்ரஜா: புபுஷது: ப்ரீதௌ த3ம்பதீ புத்ர வத்ஸலௌ|
ஶ்ருண்வந்தௌ கூஜிதம் தாஸாம் நிர்வ்ருதௌ கலபா4ஷிதை:|| 59
தாஸாம் பதத்ரை: ஸுஸ்பர்ஶை: கூஜிதைர்முக்3த4சேஷ்டிதை:|
ப்ரத்யுத்3க3மைரதீ3நாநாம் பிதரௌ முத3 மாபது:|| 60
ஸ்நேஹாநு ப3த்3த4 ஹ்ருத3யாவன்யோன்யம் விஷ்ணுமாயயா|
விமோஹிதௌ தீ3நதி4யௌ ஶிஶூன் புபுஷது: ப்ரஜா:|| 61
ஏகதா3 ஜக்3மதுஸ்தாஸாமந்நார்த2ம் தௌ குடும்பி3நௌ|
பரித: கானனே தஸ்மிந் அர்தி2நௌ சேரதுஶ்சிரம்|| 62
த்3ருஷ்ட்வா தால்ஞ்லுப்3த4க: கஶ்சித்3 யத்3ருச்சா2தோ வனே சர:|
ஜக்3ருஹே ஜாலமாதத்ய சரத: ஸ்வாலயாந்திகே|| 63
கபோதஶ்ச கபோதீ ச ப்ரஜாபோஷே ஸதோ3த் ஸுகௌ|
க3தௌ போஷணமாதா3ய ஸ்வநீட3முபஜக்3மது:|| 64
கபோதீ ஸ்வாத்மஜான் வீக்ஷ்ய பா3லகாஞ்ஜாலஸம்வ்ருதான்|
தானப்4யதா4வத் க்ரோஶந்தீ க்ரோஶதோ ப்4ருஶது3:கி2தா|| 65
ஸாஸக்ருத் ஸ்நேஹ கு3ணிதா தீ3நசித்தாஜ மாயயா|
ஸ்வயம் சாப3த்4யத ஶிசா ப3த்3தா4ன் பஶ்யந் த்யபஸ்ம்ருதி:|| 66
கபோதஶ்சாத்மஜான் ப3த்3தா4நாத்மநோऽப்யதி4கான் ப்ரியான்|
பா4ர்யாம் சாத்மஸமாம் தீ3நோ விலலாபாதி து3க்கி2த:|| 67
அஹோ மே பஶ்யதாபாயமல்ப புண்யஸ்ய து3ர்மதே:|
அத்ருப்தஸ்யாக்ருதார்த2ஸ்ய க்3ருஹ ஸ்த்ரை வர்கி3கோ ஹத:|| 68
அநுரூபாநுகூலா ச யஸ்ய மே பதிதே3வதா|
ஶூன்யே க்3ருஹே மாம் ஸந்த்யஜ்ய புத்ரை: ஸ்வர்யாதி ஸாது4பி4:|| 69
ஸோऽஹம் ஶூன்யே க்3ருஹே தீ3நோ ம்ருததா3ரோ ம்ருதப்ரஜ:|
ஜிஜீவிஷே கிமர்த2ம் வா விது4ரோ து3க்க2ஜீவித:|| 70
தாம்ஸ்ததை2 வாவ்ருதாஞ்சி2க்3பி4ர்ம்ருத்யுக்3ரஸ்தான் விசேஷ்டத:|
ஸ்வயம் ச க்ருபண: ஶிக்ஷு பஶ்யந்நப்யபு3தோ4ऽபதத்|| 71
தம் லப்3த்4வா லுப்3த4க: க்ரூர: கபோதம் க்3ருஹமேதி4னம்|
கபோதகான் கபோதீம் ச ஸித்3தா4ர்த2: ப்ரயயௌ க்3ருஹம்|| 72
ஏவம் குடும்ப்3யஶாந்தாத்மா த்3வந்த்3வாராம: பதத்ரிவத்|
புஷ்ணன் குடும்ப3ம் க்ருபண: ஸாநுப3ந்தோ4ऽவஸீத3தி|| 73
ய: ப்ராப்ய மாநுஷம் லோகம் முக்தி த்3வார மபாவ்ருதம்|
க்3ருஹேஷு க2க3வத் ஸக்தஸ்தமாரூட4ச்யுதம் விது3:|| 74
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 ஸப்தமோऽத்4யாய:|| 7 ||
பதினொன்றாம் ஸ்கந்தம் - ஏழாம் அத்யாயம் முற்றும்.