ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 8.
அவதூதோபாக்யானம் - மலைப் பாம்பிலிருந்து பிங்களை தாசி வரைக்கும் ஒன்பது குருமார்களின்கதை
அத2 அஷ்டமோऽத்4யாய:
ஶ்ரீப்3ராஹ்மண உவாச -
ஸுக2மைந்த்3ரியகம் ராஜன் ஸ்வர்கே3 நரக ஏவ ச|
தே3ஹிநாம் யத்3 யதா2 து3க்க2ம் தஸ்மாந்நேச்சே2த தத்3 பு3த4:|| 1
க்3ராஸம் ஸும்ருஷ்டம் விரஸம் மஹாந்தம் ஸ்தோகமேவ வா|
யத்3ருச்ச2யைவாபதிதம் க்3ரஸேதா3ஜக3ரோऽக்ரிய:|| 2
ஶயீதாஹாநி பூ4ரீணி நிராஹாரோऽநுபக்ரம:|
யதி3 நோபநமேத்3 க்3ராஸோ மஹாஹிரிவ தி3ஷ்டபு4க்|| 3
ஓஜ: ஸஹோ ப3லயுதம் பி3ப்4ரத்3 தே3ஹமகர்மகம்|
ஶயாநோ வீதநித்3ரஶ்ச நேஹேதேந்த்3ரியவானபி|| 4
முனி: ப்ரஸந்ந க3ம்பீ4ரோ து3ர்விகா3ஹ்யோ து3ரத்யய:|
அனந்தபாரோ ஹ்யக்ஷோப்4ய: ஸ்திமிதோத3 இவார்ணவ:|| 5
ஸம்ருத்3த4 காமோ ஹீநோ வா நாராயணபரோ முனி:|
நோத்ஸர்பேத ந ஶுஷ்யேத ஸரித்3பி4ரிவ ஸாக3ர:|| 6
த்3ருஷ்ட்வா ஸ்த்ரியம் தே3வமாயாம் தத்3பா4வைரஜிதேந்த்3ரிய:|
ப்ரலோபி4த: பதத்யந்தே4 தமஸ்யக்3நௌ பதங்க3வத்|| 7
யோஷித்3 ஹிரண்யா ப4ரணாம்ப3ராதி3-
த்3ரவ்யேஷு மாயாரசிதேஷு மூட4:|
ப்ரலோபி4தாத்மா ஹ்யுபபோ4க3 பு3த்3த்4யா
பதங்க3வந்நஶ்யதி நஷ்ட த்3ருஷ்டி:|| 8
ஸ்தோகம் ஸ்தோகம் க்3ரஸேத்3 க்3ராஸம் தே3ஹோ வர்தேத யாவதா|
க்3ருஹாநஹிம்ஸந்நாதிஷ்டே2த்3 வ்ருத்திம் மாது4கரீம் முனி:|| 9
அணுப்4யஶ்ச மஹத்3ப்4யஶ்ச ஶாஸ்த்ரேப்4ய: குஶலோ நர:|
ஸர்வத: ஸாரமாத3த்3யாத் புஷ்பேப்4ய இவ ஷட்பத3:|| 10
ஸாயந்தனம் ஶ்வஸ்தனம் வா ந ஸம்க்3ருஹ்ணீத பி4க்ஷிதம்|
பாணிபாத்ரோத3ராமத்ரோ மக்ஷிகேவ ந ஸங்க்3ரஹீ|| 11
ஸாயந்தனம் ஶ்வஸ்தனம் வா ந ஸம்க்3ருஹ்ணீத பி4க்ஷுக:|
மக்ஷிகா இவ ஸங்க்3ருஹ்ணன் ஸஹ தேன விநஶ்யதி|| 12
பதா3பி யுவதீம் பி4க்ஷுர்ன ஸ்ப்ருஶேத்3 தா3ரவீமபி|
ஸ்ப்ருஶன் கரீவ ப3த்4யேத கரிண்யா அங்க3ஸங்க3த:|| 13
நாதி4க3ச்சே2த் ஸ்த்ரியம் ப்ராஜ்ஞ: கர்ஹிசின்ம்ருத்யு மாத்மன:|
ப3லாதி4கை: ஸ ஹன்யேத க3ஜைரன்யைர் க3ஜோ யதா2|| 14
ந தே3யம் நோப போ4க்3யம் ச லுப்3தை4ர்யத்3 து3க்க2ஸஞ்சிதம்|
பு4ங்க்தே தத3பி தச்சான்யோ மது4ஹேவார்த2 வின்மது4|| 15
ஸுது3:கோ2பார்ஜிதைர்வித்தை ராஶாஸாநாம் க்3ருஹாஶிஷ:|
மது4 ஹேவாக்3ரதோ பு4ங்க்தே யதிர்வை க்3ருஹமேதி4நாம்|| 16
க்3ராம்யகீ3தம் ந ஶ்ருணுயாத்3 யதிர்வநசர: க்வசித்|
ஶிக்ஷேத ஹரிணாத்3 ப3த்3தா4ன் ம்ருக3யோர் கீ3தமோஹிதாத்|| 17
ந்ருத்யவாதி3த்ர கீ3தாநி ஜுஷன் க்3ராம்யாணி யோஷிதாம்|
ஆஸாம் க்ரீட3நகோ வஶ்ய ருஷ்யஶ்ருங்கோ3 ம்ருகீ3ஸுத:|| 18
ஜிஹ்வயாதி ப்ரமாதி2ன்யா ஜநோ ரஸவிமோஹித:|
ம்ருத்யும்ருச்ச2த்ய ஸத்3 பு3த்3தி4ர் மீனஸ்து ப3டி3ஶைர் யதா2|| 19
இந்த்3ரியாணி ஜயந்த்யாஶு நிராஹாரா மனீஷிண:|
வர்ஜயித்வா து ரஸனம் தந்நிரந்நஸ்ய வர்த4தே|| 20
தாவஜ்ஜிதேந்த்3ரியோ ந ஸ்யாத்3 விஜிதான்யேந்த்3ரிய: புமான்|
ந ஜயேத்3 ரஸனம் யாவஜ்ஜிதம் ஸர்வம் ஜிதே ரஸே|| 21
பிங்க3ளா நாம வேஶ்யாऽऽஸீத்3 விதே3ஹநக3ரே புரா|
தஸ்யா மே ஶிக்ஷிதம் கிஞ்சிந்நிபோ3த4 ந்ருப நந்த3ன|| 22
ஸா ஸ்வைரிண்யேகதா3 காந்தம் ஸங்கேத உபநேஷ்யதீ|
அபூ4த் காலே ப3ஹிர்த்3வாரி பி3ப்4ரதீ ரூபமுத்தமம்|| 23
மார்க3 ஆக3ச்ச2தோ வீக்ஷ்ய புருஷான் புருஷர்ஷப4|
தாஞ்சு2ல்கதா3ன் வித்தவத: காந்தான் மேநேऽர்த2காமுகா|| 24
ஆக3தேஷ்வபயாதேஷு ஸா ஸங்கேதோபஜீவிநீ|
அப்யன்யோ வித்தவான் கோऽபி மாமுபைஷ்யதி பூ4ரித3:|| 25
ஏவம் து3ராஶயா த்4வஸ்த நித்3ரா த்3வார்யவலம்ப3தீ|
நிர்க3ச்ச2ந்தீ ப்ரவிஶதீ நிஶீத2ம் ஸமபத்3யத|| 26
தஸ்யா வித்தாஶயா ஶுஷ்யத்3 வக்த்ராயா தீ3ன சேதஸ:|
நிர்வேத3: பரமோ ஜஜ்ஞே சிந்தாஹேது: ஸுகா2வஹ:|| 27
தஸ்யா நிர்விண்ண சித்தாயா கீ3தம் ஶ்ருணு யதா2 மம|
நிர்வேத3 ஆஶாபாஶாநாம் புருஷஸ்ய யதா2 ஹ்யஸி:|| 28
ந ஹ்யங்கா3 ஜாத நிர்வேதோ3 தே3ஹப3ந்த4ம் ஜிஹாஸதி|
யதா2 விஜ்ஞானரஹிதோ மநுஜோ மமதாம் ந்ருப|| 29
பிங்க3ளோவாச -
அஹோ மே மோஹவிததிம் பஶ்யதா விஜிதாத்மன:|
யா காந்தாத3ஸத: காமம் காமயே யேன பா3லிஶா|| 30
ஸந்தம் ஸமீபே ரமணம் ரதிப்ரத3ம்
வித்தப்ரத3ம் நித்யமிமம் விஹாய|
அகாமத3ம் து3க்க2 ப4யாதி4 ஶோக-
மோஹ ப்ரத3ம் துச்ச2மஹம் ப4ஜேऽஜ்ஞா|| 31
அஹோ மயாऽऽத்மா பரிதாபிதோ வ்ருதா2
ஸாங்கேத்ய வ்ருத்த்யாதி விக3ர்ஹ்ய வார்தயா|
ஸ்த்ரைணாந்நராத்3 யார்த2 த்ருஷோऽநுஶோச்யாத்
க்ரீதேன வித்தம் ரதிமாத்மநேச்ச2தீ|| 32
யத3ஸ்தி2பி4ர் நிர்மித வம்ஶவம்ஶ்ய-
ஸ்தூ2ணம் த்வசா ரோமநகை2: பிநத்3த4ம்|
க்ஷரந்நவத்3வாரமகா3ர மேதத்3
விண்மூத்ர பூர்ணம் மது3பைதி கான்யா|| 33
விதே3ஹாநாம் புரே ஹ்யஸ்மிந்நஹமேகைவ மூட4தீ4:|
யான்யமிச்ச2ந்த்யஸத்யஸ்மாதா3த்மதா3த் காமமச்யுதாத்|| 34
ஸுஹ்ருத் ப்ரேஷ்ட2தமோ நாத2 ஆத்மா சாயம் ஶரீரிணாம்|
தம் விக்ரீயாத்மனைவாஹம் ரமேऽநேன யதா2 ரமா|| 35
கியத் ப்ரியம் தே வ்யப4ஜன் காமா யே காமதா3 நரா:|
ஆத்3யந்தவந்தோ பா4ர்யாயா தே3வா வா காலவித்3ருதா:|| 36
நூனம் மே ப4க3வான் ப்ரீதோ விஷ்ணு: கேநாபி கர்மணா|
நிர்வேதோ3ऽயம் து3ராஶாயா யன்மே ஜாத: ஸுகா2வஹ:|| 37
மைவம் ஸ்யுர்மந்த3 பா4க்3யாயா: க்லேஶா நிர்வேத3 ஹேதவ:|
யேநாநுப3ந்த4ம் நிர்ஹ்ருத்ய புருஷ: ஶமம்ருச்ச2தி|| 38
தேனோபக்ருதமாதா3ய ஶிரஸா க்3ராம்ய ஸங்க3தா:|
த்யக்த்வா து3ராஶா: ஶரணம் வ்ரஜாமி தமதீ4ஶ்வரம்|| 39
ஸந்துஷ்டா ஶ்ரத்3த3த4த்யேதத்3 யதா2லாபே4ன ஜீவதீ|
விஹராம்ய முனைவாஹமாத்மநா ரமணேன வை|| 40
ஸம்ஸாரகூபே பதிதம் விஷயைர் முஷிதேக்ஷணம்|
க்3ரஸ்தம் காலாஹிநாऽऽத்மானம் கோऽன்யஸ்த்ராது மதீ4ஶ்வர:|| 41
ஆத்மைவ ஹ்யாத்மநோ கோ3ப்தா நிர்வித்3யேத யதா3கி2லாத்|
அப்ரமத்த இத3ம் பஶ்யேத்3 க்3ரஸ்தம் காலாஹிநா ஜக3த்|| 42
ஶ்ரீப்3ராஹ்மண உவாச -
ஏவம் வ்யவஸித மதிர்து3ராஶாம் காந்ததர்ஷஜாம்|
சி2த்த்வோபஶமமாஸ்தா2ய ஶய்யா முபவிவேஶ ஸா|| 43
ஆஶா ஹி பரமம் து3க்க2ம் நைராஶ்யம் பரமம் ஸுக2ம்|
யதா2 ஸஞ்சி2த்3ய காந்தாஶாம் ஸுக2ம் ஸுஷ்வாப பிங்க3ளா|| 44
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 அஷ்டமோऽத்4யாய:|| 8 ||
பதினொன்றாம் ஸ்கந்தம் - எட்டாம் அத்யாயம் முற்றும்.