ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 16.
பகவானுடைய விபூதிகளின் வர்ணனை
அத2 ஷோட3ஶோऽத்4யாய:
ஶ்ரீஉத்3த4வ உவாச
த்வம் ப்3ரஹ்ம பரமம் ஸாக்ஷாத3நாத்3யந்தமபாவ்ருதம்|
ஸர்வேஷாமபி பா4வாநாம் த்ராணஸ்தி2த்யப்யயோத்3ப4வ:|| 1
உச்சாவசேஷு பூ4தேஷு து3ர்ஜ்ஞேயமக்ருதாத்மபி4:|
உபாஸதே த்வாம் ப4க3வன் யாதா2தத்2யேன ப்3ராஹ்மணா:|| 2
யேஷு யேஷு ச பா4வேஷு ப4க்த்யா த்வாம் பரமர்ஷய:|
உபாஸீநா: ப்ரபத்3யந்தே ஸம்ஸித்3தி4ம் தத்3 வத3ஸ்வ மே|| 3
கூ3ட4ஶ் சரஸி பூ4தாத்மா பூ4தாநாம் பூ4தபா4வன|
ந த்வாம் பஶ்யந்தி பூ4தாநி பஶ்யந்தம் மோஹிதானி தே|| 4
யா: காஶ்ச பூ4மௌ தி3வி வை ரஸாயாம்
விபூ4தயோ தி3க்ஷு மஹாவிபூ4தே|
தா மஹ்யமாக்2யாஹ்யநு பா4விதாஸ்தே
நமாமி தே தீர்த2பதா3ங்க்4ரி பத்3மம்|| 5
ஶ்ரீப4க3வாநுவாச|
ஏவமேத த3ஹம் ப்ருஷ்ட: ப்ரஶ்னம் ப்ரஶ்நவிதா3ம் வர|
யுயுத்ஸுநா விநஶநே ஸபத்னைரர்ஜுனேன வை|| 6
ஜ்ஞாத்வா ஜ்ஞாதி வத4ம் க3ர்ஹ்ய மத4ர்மம் ராஜ்யஹேதுகம்|
ததோ நிவ்ருத்தோ ஹந்தாஹம் ஹதோऽயமிதி லௌகிக:|| 7
ஸ ததா3 புருஷ வ்யாக்4ரோ யுக்த்யா மே ப்ரதிபோ3தி4த:|
அப்4ய பா4ஷத மாமேவம் யதா2 த்வம் ரணமூர்த4நி|| 8
அஹமாத்மோத்3த4வாமீஷாம் பூ4தாநாம் ஸுஹ்ருத் ஈஶ்வர:|
அஹம் ஸர்வாணி பூ4தாநி தேஷாம் ஸ்தி2த்யுத்3 ப4வாப்யய:|| 9
அஹம் க3திர் க3திமதாம் கால: கலயதாமஹம்|
கு3ணாநாம் சாப்யஹம் ஸாம்யம் கு3ணின்யௌத்பத்திகோ கு3ண:|| 10
கு3ணி நாமப்யஹம் ஸூத்ரம் மஹதாம் ச மஹாநஹம்|
ஸூக்ஷ்மாணாமப்யஹம் ஜீவோ து3ர்ஜயாநாமஹம் மன:|| 11
ஹிரண்யக3ர்போ4 வேதா3நாம் மந்த்ராணாம் ப்ரணவஸ்த்ரி வ்ருத்|
அக்ஷராணாமகாரோऽஸ்மி பதா3நிச்ச2ந்து3ஸாமஹம்|| 12
இந்த்3ரோऽஹம் ஸர்வதே3வாநாம் வஸூநாமஸ்மி ஹவ்யவாட்|
ஆதி3த்யாநா மஹம் விஷ்ணூ ருத்3ராணாம் நீலலோஹித:|| 13
ப்3ரஹ்மர்ஷீணாம் ப்4ருகு3ரஹம் ராஜர்ஷீணாமஹம் மநு:|
தே3வர்ஷீணாம் நாரதோ3ऽஹம் ஹவிர்தா4ன்யஸ்மி தே4நுஷு|| 14
ஸித்3தே4ஶ்வராணாம் கபில: ஸுபர்ணோऽஹம் பதத்ரிணாம்|
ப்ரஜாபதீநாம் த3க்ஷோऽஹம் பித்ரூணாமஹமர்யமா|| 15
மாம் வித்3த்4யுத்3த4வ தை3த்யாநாம் ப்ரஹ்லாத3 மஸுரேஶ்வரம்|
ஸோமம் நக்ஷத்ரௌஷ தீ4நாம் த4னேஶம் யக்ஷரக்ஷஸாம்|| 16
ஐராவதம் க3ஜேந்த்3ராணாம் யாத3ஸாம் வருணம் ப்ரபு4ம்|
தபதாம் த்3யுமதாம் ஸூர்யம் மநுஷ்யாணாம் ச பூ4பதிம்|| 17
உச்சை: ஶ்ரவாஸ்துரங்கா3ணாம் தா4தூநாமஸ்மி காஞ்சனம்|
யம: ஸம்யமதாம் சாஹம் ஸர்பாணாமஸ்மி வாஸுகி:|| 18
நாகே3ந்த்3ராணாமனந்தோऽஹம் ம்ருகே3ந்த்3ர: ஶ்ருங்கி3த3ம்ஷ்ட்ரிணாம்|
ஆஶ்ரமாணாமஹம் துர்யோ வர்ணாநாம் ப்ரத2மோऽநக4|| 19
தீர்தா2நாம் ஸ்ரோதஸாம் க3ங்கா3 ஸமுத்3ர: ஸரஸாமஹம்|
ஆயுதா4நாம் த4நுரஹம் த்ரிபுரக்4நோ த4னுஷ்மதாம்|| 20
தி4ஷ்ண்யாநாமஸ்ம்யஹம் மேருர்க3ஹநாநாம் ஹிமாலய:|
வனஸ்பதீநா மஶ்வத்த2 ஓஷதீ4நாமஹம் யவ:|| 21
புரோத4ஸாம் வஸிஷ்டோ2ऽஹம் ப்3ரஹ்மிஷ்டா2நாம் ப்3ருஹஸ்பதி:|
ஸ்கந்தோ3ऽஹம் ஸர்வஸேநான்யா மக்3ரண்யாம் ப4க3வானஜ:|| 22
யஜ்ஞாநாம் ப்3ரஹ்மயஜ்ஞோऽஹம் வ்ரதாநாமவிஹிம்ஸனம்|
வாய்வக்3ன்யர்காம்பு3 வாகா3த்மா ஶுசீநாமப்யஹம் ஶுசி:|| 23
யோகா3நா மாத்மஸம்ரோதோ4 மந்த்ரோऽஸ்மி விஜிகீ3ஷதாம்|
ஆன்வீக்ஷிகீ கௌஶலாநாம் விகல்ப: க்2யாதிவாதி3நாம்|| 24
ஸ்த்ரீணாம் து ஶதரூபாஹம் பும்ஸாம் ஸ்வாயம்பு4வோ மநு:|
நாராயணோ முனீனாம் ச குமாரோ ப்3ரஹ்மசாரிணாம்|| 25
த4ர்மாணாமஸ்மி ஸம்ந்யாஸ: க்ஷேமாணாமப3ஹிர்மதி:|
கு3ஹ்யாநாம் ஸூந்ருதம் மௌனம் மிது2நாநா மஜஸ்த்வஹம்|| 26
ஸம்வத்ஸரோऽஸ்ம்யநிமிஷா ம்ருதூநாம் மது4மாத4வௌ|
மாஸாநாம் மார்க3ஶீர்ஷோऽஹம் நக்ஷத்ராணாம் ததா2பி4ஜித்|| 27
அஹம் யுகா3நாம் ச க்ருதம் தீ4ராணாம் தே3வலோऽஸித:|
த்3வைபாயநோऽஸ்மி வ்யாஸாநாம் கவீநாம் காவ்ய ஆத்மவான்|| 28
வாஸுதே3வோ ப4க3வதாம் த்வம் து பா4க3வதேஷ்வஹம்|
கிம்புருஷாணாம் ஹநுமான் வித்3யாத்4ராணாம் ஸுத3ர்ஶன:|| 29
ரத்நாநாம் பத்3மராகோ3ऽஸ்மி பத்3மகோஶ: ஸுபேஶஸாம்|
குஶோऽஸ்மி த3ர்ப4ஜாதீநாம் க3வ்ய மாஜ்யம் ஹவி: ஷ்வஹம்|| 30
வ்யவஸாயிநாமஹம் லக்ஷ்மீ: கிதவாநாம் ச2லக்3ரஹ:|
திதிக்ஷாஸ்மி திதிக்ஷூணாம் ஸத்வம் ஸத்வவதாமஹம்|| 31
ஓஜ: ஸஹோ ப3லவதாம் கர்மாஹம் வித்3தி4 ஸாத்வதாம்|
ஸாத்வதாம் நவ மூர்தீநாம் ஆதி3மூர்திரஹம் பரா|| 32
விஶ்வாவஸு: பூர்வசித்திர் க3ந்த4ர்வாப்ஸரஸாமஹம்|
பூ4த4ராணாமஹம் ஸ்தை2ர்யம் க3ந்த4மாத்ர மஹம் பு4வ:|| 33
அபாம் ரஸஶ்ச பரமஸ்தேஜிஷ்டா2நாம் விபா4வஸு:|
ப்ரபா4 ஸூர்யேந்து3 தாராணாம் ஶப்3தோ3ऽஹம் நப4ஸ: பர:|| 34
ப்3ரஹ்மண்யாநாம் ப3லிரஹம் வீராணாமஹமர்ஜுன:|
பூ4தாநாம் ஸ்தி2திருத்பத்திரஹம் வை ப்ரதிஸங்க்ரம:|| 35
க3த்யுக்த்யுத்ஸர்கோ3பாதா3ன மானந்த3ஸ்பர்ஶ லக்ஷணம்|
ஆஸ்வாத3 ஶ்ருத்யவக்4ராணமஹம் ஸர்வேந்த்3ரியேந்த்3ரியம்|| 36
ப்ருதி2வீ வாயுராகாஶ ஆபோ ஜ்யோதிரஹம் மஹான்|
விகார: புருஷோऽவ்யக்தம் ரஜ: ஸத்வம் தம: பரம்|| 37
அஹமேதத் ப்ரஸம்க்2யானம் ஜ்ஞானம் தத்த்வவிநிஶ்சய:|
மயேஶ்வரேண ஜீவேன கு3ணேன கு3ணிநா விநா|
ஸர்வாத்மநாபி ஸர்வேண ந பா4வோ வித்3யதே க்வசித்|| 38
ஸம்க்2யானம் பரமாணூநாம் காலேன க்ரியதே மயா|
ந ததா2 மே விபூ4தீநாம் ஸ்ருஜதோऽண்டா3நி கோடிஶ:|| 39
தேஜ: ஶ்ரீ: கீர்திரைஶ்வர்யம் ஹ்ரீஸ்த்யாக3: ஸௌப4க3ம் ப4க3:|
வீர்யம் திதிக்ஷா விஜ்ஞானம் யத்ர யத்ர ஸ மேம்ऽஶக:|| 40
ஏதாஸ்தே கீர்திதா: ஸர்வா: ஸங்க்ஷேபேண விபூ4தய:|
மநோவிகாரா ஏவைதே யதா2 வாசாபி4தீ4யதே|| 41
வாசம் யச்ச2 மனோ யச்ச2 ப்ராணான் யச்சே2ந்த்3ரியாணி ச|
ஆத்மான மாத்மநா யச்ச2 ந பூ4ய: கல்பஸேऽத்4வனே|| 42
யோ வை வாங்மனஸீ ஸம்யக3ஸம்யச்ச2ன் தி4யா யதி:|
தஸ்ய வ்ரதம் தபோ தா3னம் ஸ்ரவத்யாமக4டாம்பு3வத்|| 43
தஸ்மான் மநோவச: ப்ராணான் நியச்சே2ன் மத்பராயண:|
மத்3 ப4க்தியுக்தயா பு3த்3த்4யா தத: பரிஸமாப்யதே|| 44
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 ஷோட3ஶோऽத்4யாய:|| 16 ||
பதினொன்றாம் ஸ்கந்தம் - பதினாறாம் அத்யாயம் முற்றும்.