ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 15.
பின்ன பின்ன சித்திகளின் நாமங்களும் அவற்றின் லக்ஷணங்களும்
அத₂ பஞ்சத₃ஶோऽத்₄யாய:

ஶ்ரீப₄க₃வாநுவாச|
ஜிதேந்த்₃ரியஸ்ய யுக்தஸ்ய ஜிதஶ்வாஸஸ்ய யோகி₃ன:|
மயி தா₄ரயதஶ்சேத உபதிஷ்ட₂ந்தி ஸித்₃த₄ய:|| 1

ஶ்ரீஉத்₃த₄வ உவாச|
கயா தா₄ரணயா காஸ்வித் கத₂ம்ஸ்வத் ஸித்₃தி₄ரச்யுத|
கதி வா ஸித்₃த₄யோ ப்₃ரூஹி யோகி₃நாம் ஸித்₃தி₄தோ₃ ப₄வான்|| 2

ஶ்ரீப₄க₃வாநுவாச|
ஸித்₃த₄யோऽஷ்டாத₃ஶ ப்ரோக்தா தா₄ரணா யோக₃ பாரகை₃:|
தாஸாமஷ்டௌ மத் ப்ரதா₄நா த₃ஶைவ கு₃ணஹேதவ:|| 3

அணிமா மஹிமா மூர்தேர்லகி₄மா ப்ராப்திரிந்த்₃ரியை:|
ப்ராகாம்யம் ஶ்ருத த்₃ருஷ்டேஷு ஶக்தி ப்ரேரணமீஶிதா|| 4

கு₃ணேஷ்வஸங்கோ₃ வஶிதா யத்காமஸ்தத₃வஸ்யதி|
ஏதா மே ஸித்₃த₄ய: ஸௌம்ய அஷ்டாவௌத்பத்திகா மதா:|| 5

அநூர்மி மத்வம் தே₃ஹேऽஸ்மின் தூ₃ர ஶ்ரவண த₃ர்ஶனம்|
மநோஜவ: காமரூபம் பரகாய ப்ரவேஶனம்|| 6

ஸ்வச்ச₂ந்த₃ ம்ருத்யுர் தே₃வாநாம் ஸஹ க்ரீடா₃நு த₃ர்ஶனம்|
யதா₂ ஸங்கல்ப ஸம் ஸித்₃தி₄ராஜ்ஞா ப்ரதிஹதாக₃தி:|| 7

த்ரிகாலஜ்ஞத்வமத்₃வந்த்₃வம் பரசித்தாத்₃யபி₄ஜ்ஞதா|
அக்₃ன்யர்காம்பு₃ விஷாதீ₃நாம் ப்ரதிஷ்டம்போ₄ऽபராஜய:|| 8

ஏதாஶ் சோத்₃தே₃ஶத: ப்ரோக்தா யோக₃தா₄ரண ஸித்₃த₄ய:|
யயா தா₄ரணயா யா ஸ்யாத்₃ யதா₂ வா ஸ்யாந் நிபோ₃த₄ மே|| 9

பூ₄த ஸூக்ஷ்மாத்மனி மயி தன்மாத்ரம் தா₄ரயேன் மன:|
அணிமாநமவாப்நோதி தன் மாத்ரோ பாஸகோ மம|| 10

மஹத்யாத்மன்மயி பரே யதா₂ ஸம்ஸ்த₂ம் மநோ த₃த₄த்|
மஹிமானமவாப்நோதி பூ₄தாநாம் ச ப்ருத₂க் ப்ருத₂க்|| 11

பரமாணுமயே சித்தம் பூ₄தாநாம் மயி ரஞ்ஜயன்|
கால ஸூக்ஷ்மார்த₂தாம் யோகீ₃ லகி₄மான மவாப்நு யாத்|| 12

தா₄ரயன் மய்யஹம்தத்வே மநோ வைகாரிகேऽகி₂லம்|
ஸர்வேந்த்₃ரியாணா மாத்மத்வம் ப்ராப்திம் ப்ராப்நோதி மன்மநா:|| 13

மஹத்யாத்மனி ய: ஸூத்ரே தா₄ரயேன் மயி மானஸம்|
ப்ராகாம்யம் பாரமேஷ்ட்₂யம் மே விந்த₃தேऽவ்யக்த ஜன்மன:|| 14

விஷ்ணௌ த்ரயதீ₄ஶ்வரே சித்தம் தா₄ரயேத் கால விக்₃ரஹே|
ஸ ஈஶித்வமவாப்நோதி க்ஷேத்ர க்ஷேத்ரஜ்ஞ சோத₃நாம்|| 15

நாராயணே துரீயாக்₂யே ப₄க₃வச் ச₂ப்₃த₃ ஶப்₃தி₃தே|
மநோ மய்யாத₃த₄த்₃ யோகீ₃ மத்₃த₄ர்மா வஶிதாமியாத்|| 16

நிர்கு₃ணே ப்₃ரஹ்மணி மயி தா₄ரயன் விஶத₃ம் மன:|
பரமாநந்த₃மாப்நோதி யத்ர காமோऽவஸீயதே|| 17

ஶ்வேதத்₃வீபபதௌ சித்தம் ஶுத்₃தே₄ த₄ர்மமயே மயி|
தா₄ரயஞ்ச்₂வேத தாம் யாதி ஷடூ₃ர்மிரஹிதோ நர:|| 18

மய்யாகாஶாத்மனி ப்ராணே மனஸா கோ₄ஷ முத்₃வஹன்|
தத்ரோபலப்₃தா₄ பூ₄தாநாம் ஹம்ஸோ வாச: ஶ்ருணோத்யஸௌ|| 19

சக்ஷுஸ்த்வஷ்டரி ஸம்யோஜ்ய த்வஷ்டாரமபி சக்ஷுஷி|
மாம் தத்ர மனஸா த்₄யாயன் விஶ்வம் பஶ்யதி ஸூக்ஷ்மத்₃ருக்|| 20

மநோ மயி ஸுஸம்யோஜ்ய தே₃ஹம் தத₃நு வாயுநா|
மத்₃தா₄ரணாநுபா₄வேன தத்ராத்மா யத்ர வை மன:|| 21

யதா₃ மன உபாதா₃ய யத்₃ யத்₃ ரூபம் பு₃பூ₄ஷதி|
தத்தத்₃ ப₄வேன் மநோரூபம் மத்₃யோக₃ ப₃லமாஶ்ரய:|| 22

பரகாயம் விஶன் ஸித்₃த₄ ஆத்மானம் தத்ர பா₄வயேத்|
பிண்ட₃ம் ஹித்வா விஶேத் ப்ராணோ வாயுபூ₄த: ஷட₃ங்க்₄ரிவத்|| 23

பார்ஷ்ண்யாऽऽபீட்₃ய கு₃த₃ம் ப்ராணம் ஹ்ருது₃ர: கண்ட₂மூர்த₄ஸு|
ஆரோப்ய ப்₃ரஹ்மரந்த்₄ரேண ப்₃ரஹ்ம நீத்வோத் ஸ்ருஜேத்தநும்|| 24

விஹரிஷ்யன் ஸுராக்ரீடே₃ மத்ஸ்த₂ம் ஸத்வம் விபா₄வயேத்|
விமாநே நோப திஷ்ட₂ந்தி ஸத்வவ்ருத்தீ: ஸுரஸ்த்ரிய:|| 25

யதா₂ ஸங்கல்பயேத்₃ பு₃த்₃த்₄யா யதா₃ வா மத்பர: புமான்|
மயி ஸத்யே மனோ யுஞ்ஜம்ஸ்ததா₂ தத் ஸமுபாஶ்நுதே|| 26

யோ வை மத்₃பா₄வ மாபன்ன ஈஶிதுர்வஶிது: புமான்|
குதஶ்சின்ன விஹன்யேத தஸ்ய சாஜ்ஞா யதா₂ மம|| 27

மத்₃ப₄க்த்யா ஶுத்₃த₄ஸத்வஸ்ய யோகி₃நோ தா₄ரணாவித₃:|
தஸ்ய த்ரைகாலிகீ பு₃த்₃தி₄ர் ஜன்ம ம்ருத்யூப ப்₃ரும்ஹிதா|| 28

அக்₃ன்யாதி₃பி₄ர் ந ஹன்யேத முனேர்யோக₃மயம் வபு:|
மத்₃யோக₃ ஶ்ராந்த சித்தஸ்ய யாத₃ஸா முத₃கம் யதா₂|| 29

மத்₃விபூ₄தீர பி₄த்₄யாயன் ஶ்ரீவத்ஸாஸ்த்ர விபூ₄ஷிதா:|
த்₄வஜாதபத்ரவ்யஜனை: ஸ ப₄வேத₃பராஜித:|| 30

உபாஸகஸ்ய மாமேவம் யோக₃தா₄ரணயா முனே:|
ஸித்₃த₄ய: பூர்வகதி₂தா உபதிஷ்ட₂ந்த் யஶேஷத:|| 31

ஜிதேந்த்₃ரியஸ்ய தா₃ந்தஸ்ய ஜிதஶ்வாஸாத் மநோ முனே:|
மத்₃தா₄ரணாம் தா₄ரயத: கா ஸா ஸித்₃தி₄: ஸுது₃ர்லபா₄|| 32

அந்தராயான் வத₃ந்த்யேதா யுஞ்ஜதோ யோக₃முத்தமம்|
மயா ஸம்பத்₃யமானஸ்ய கால க்ஷபண ஹேதவ:|| 33

ஜன்மௌஷதி₄ தபோ மந்த்ரைர் யாவதீரிஹ ஸித்₃த₄ய:|
யோகே₃ நாப்நோதி தா: ஸர்வா நான்யைர் யோக₃க₃திம் வ்ரஜேத்|| 34

ஸர்வாஸாமபி ஸித்₃தீ₄நாம் ஹேது: பதிரஹம் ப்ரபு₄:|
அஹம் யோக₃ஸ்ய ஸாம்க்₂யஸ்ய த₄ர்மஸ்ய ப்₃ரஹ்மவாதி₃நாம்|| 35

அஹமாத்மாऽऽந்தரோ பா₃ஹ்யோ அநாவ்ருத: ஸர்வதே₃ஹிநாம்|
யதா₂ பூ₄தாநி பூ₄தேஷு ப₃ஹிரந்த: ஸ்வயம் ததா₂|| 36

இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத₃ஶஸ்கந்தே₄ பஞ்சத₃ஶோऽத்₄யாய:|| 15 ||

பதினொன்றாம் ஸ்கந்தம் - பதினைந்தாம் அத்யாயம் முற்றும்.