ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 14.
பக்தி யோகத்தின் மஹிமையும் த்யான விதியின் வர்ணனையும்
அத2 சதுர்த3ஶோऽத்4யாய:
ஶ்ரீஉத்3த4வ உவாச -
வத3ந்தி க்ருஷ்ண ஶ்ரேயாம்ஸி ப3ஹூநி ப்3ரஹ்மவாதி3ன:|
தேஷாம் விகல்ப ப்ராதா4ன்யமுதாஹோ ஏகமுக்2யதா|| 1
ப4வதோ தா3ஹ்ருத: ஸ்வாமின் ப4க்தியோகோ3ऽன பேக்ஷித:|
நிரஸ்ய ஸர்வத: ஸங்க3ம் யேன த்வய்யாவிஶேன்மன:|| 2
ஶ்ரீப4க3வாநுவாச -
காலேன நஷ்டா ப்ரளயே வாணீயம் வேத3ஸம்ஜ்ஞிதா|
மயாऽऽதௌ3 ப்3ரஹ்மணே ப்ரோக்தா த4ர்மோ யஸ்யாம் மதா3த்மக:|| 3
தேன ப்ரோக்தா ச புத்ராய மனவே பூர்வஜாய ஸா|
ததோ ப்4ருக்3வாத3யோऽக்3ருஹ்ணன் ஸப்த ப்3ரஹ்ம மஹர்ஷய:|| 4
தேப்4ய: பித்ருப்4யஸ் தத்புத்ரா தே3வ தா3னவ கு3ஹ்யகா:|
மநுஷ்யா: ஸித்3த4க3ந்த4ர்வா: ஸவித்3யாத4ர சாரணா:|| 5
கின்தே3வா: கின்னரா நாகா3 ரக்ஷ: கிம்புருஷாத3ய:|
ப3ஹ்வ்யஸ்தேஷாம் ப்ரக்ருதயோ ரஜ:ஸத்வ தமோ பு4வ:|| 6
யாபி4ர் பூ4தாநி பி4த்3யந்தே பூ4தாநாம் மதயஸ்ததா2|
யதா2 ப்ரக்ருதி ஸர்வேஷாம் சித்ரா வாச: ஸ்ரவந்தி ஹி|| 7
ஏவம் ப்ரக்ருதி வைசித்ர்யாத்3 பி4த்3யந்தே மதயோ ந்ருணாம்|
பாரம்பர்யேண கேஷாஞ்சித் பாக2ண்ட3 மதயோऽபரே|| 8
மன்மாயா மோஹித தி4ய: புருஷா: புருஷர்ஷப4|
ஶ்ரேயோ வத3ந்த்யனேகாந்தம் யதா2கர்ம யதா2ருசி|| 9
த4ர்ம மேகே யஶஶ்சான்யே காமம் ஸத்யம் த3மம் ஶமம்|
அன்யே வத3ந்தி ஸ்வார்த2ம் வா ஐஶ்வர்யம் த்யாக3 போ4ஜனம்|| 10
கேசித்3 யஜ்ஞ தபோதா3னம் வ்ரதாநி நியமான் யமான்|
ஆத்3யந்தவந்த ஏவைஷாம் லோகா: கர்ம விநிர்மிதா:|
து3:கோ2த3ர்காஸ் தமோ நிஷ்டா2: க்ஷுத்3ராநந்தா3: ஶுசார்பிதா:|| 11
மய்யர்பிதாத்மன: ஸப்4ய நிரபேக்ஷஸ்ய ஸர்வத:|
மயாऽऽத்மநா ஸுக2ம் யத்தத் குத: ஸ்யாத்3 விஷயாத்மநாம்|| 12
அகிஞ்சனஸ்ய தா3ந்தஸ்ய ஶாந்தஸ்ய ஸமசேதஸ:|
மயா ஸந்துஷ்ட மனஸ: ஸர்வா: ஸுக2மயா தி3ஶ:|| 13
ந பாரமேஷ்ட்2யம் ந மஹேந்த்3ர தி4ஷ்ண்யம்
ந ஸார்வபௌ4மம் ந ரஸாதி4 பத்யம்|
ந யோக3ஸித்3தீ4ர புநர்ப4வம் வா
மய்யர்பிதாத்மேச்ச2தி மத்3விநாந்யத்|| 14
ந ததா2 மே ப்ரியதம ஆத்மயோநிர் ந ஶங்கர:|
ந ச ஸங்கர்ஷணோ ந ஶ்ரீர்னைவாத்மா ச யதா2 ப4வான்|| 15
நிரபேக்ஷம் முனிம் ஶாந்தம் நிர்வைரம் ஸமத3ர்ஶனம்|
அநுவ்ரஜாம்யஹம் நித்யம் பூயேயேத்யங்க்4ரிரேணுபி4:|| 16
நிஷ்கிஞ்சநா மய்யநுரக்தசேதஸ:
ஶாந்தா மஹாந்தோऽகி2லஜீவ வத்ஸலா:|
காமைரநாலப்3த4தி4யோ ஜுஷந்தி யத்
தந் நைரபேக்ஷ்யம் ந விது3: ஸுக2ம் மம|| 17
பா3த்4யமாநோऽபி மத்3ப4க்தோ விஷயைரஜிதேந்த்3ரிய:|
ப்ராய: ப்ரக3ல்ப4யா ப4க்த்யா விஷயைர்நாபி4பூ4யதே|| 18
யதா2க்3நி: ஸுஸம்ருத்3தா4ர்சி: கரோத்யேதா4ம்ஸி ப4ஸ்மஸாத்|
ததா2 மத்3விஷயா ப4க்திருத்3த4வை நாம்ஸி க்ருத்ஸ்நஶ:|| 19
ந ஸாத4யதி மாம் யோகோ3 ந ஸாங்க்2யம் த4ர்ம உத்3த4வ|
ந ஸ்வாத்4யாயஸ் தபஸ்த்யாகோ3 யதா2 ப4க்திர் மமோர்ஜிதா|| 20
ப4க்த்யாஹமேகயா க்3ராஹ்ய: ஶ்ரத்3த4யாऽऽத்மா ப்ரிய: ஸதாம்|
ப4க்தி: புநாதி மந்நிஷ்டா2 ஶ்வபாகாநபி ஸம்ப4வாத்|| 21
த4ர்ம: ஸத்ய த3யோபேதோ வித்3யா வா தபஸான்விதா|
மத்3 ப4க்த்யாபேத மாத்மானம் ந ஸம்யக் ப்ரபுநாதி ஹி|| 22
கத2ம் விநா ரோமஹர்ஷம் த்3ரவதா சேதஸா விநா|
விநாऽऽனந்தா3 ஶ்ருகலயா ஶுத்4யேத்3 ப4க்த்யா விநாऽऽஶய:|| 23
வாக்3 க3த்3க3தா3 த்3ரவதே யஸ்ய சித்தம்
ருத3த்யபீ4க்ஷ்ணம் ஹஸதி க்வசிச்ச|
விலஜ்ஜ உத்3கா3யதி ந்ருத்யதே ச
மத்3ப4க்தியுக்தோ பு4வனம் புநாதி|| 24
யதா2க்3நிநா ஹேம மலம் ஜஹாதி
த்4மாதம் புன: ஸ்வம் ப4ஜதே ச ரூபம்|
ஆத்மா ச கர்மாநுஶயம் விதூ4ய
மத்3ப4க்தி யோகே3ன ப4ஜத்யதோ2 மாம்|| 25
யதா2 யதா2ऽऽத்மா பரிம்ருஜ்யதேऽஸௌ
மத் புண்ய கா3தா2 ஶ்ரவணாபி4 தா4னை:|
ததா2 ததா2 பஶ்யதி வஸ்து ஸூக்ஷ்மம்
சக்ஷுர்யதை2வாஞ்ஜந ஸம்ப்ரயுக்தம்|| 26
விஷயான் த்4யாயதஶ் சித்தம் விஷயேஷு விஷஜ்ஜதே|
மாமநுஸ்மரதஶ்சித்தம் மய்யேவ ப்ரவிலீயதே|| 27
தஸ்மாத3ஸத3பி4த்4யானம் யதா2 ஸ்வப்நமநோரத2ம்|
ஹித்வா மயி ஸமாத4த்ஸ்வ மநோ மத்3பா4வபா4விதம்|| 28
ஸ்த்ரீணாம் ஸ்த்ரீஸங்கி3நாம் ஸங்க3ம் த்யக்த்வா தூ3ரத ஆத்மவான்|
க்ஷேமே விவிக்த ஆஸீனஶ்சிந்த யேன் மாம் அதந்த்3ரித:|| 29
ந ததா2ஸ்ய ப4வேத் க்லேஶோ ப3ந்த4ஶ்சான்ய ப்ரஸங்க3த:|
யோஷித் ஸங்கா3த் யதா2 பும்ஸோ யதா2 தத்ஸங்கி3 ஸங்க3த:|| 30
ஶ்ரீஉத்3த4வ உவாச -
யதா2 த்வா மரவிந்தா3க்ஷ யாத்3ருஶம் வா யதா3த்மகம்|
த்4யாயேன் முமுக்ஷுரேதன்மே த்4யானம் த்வம் வக்துமர்ஹஸி|| 31
ஶ்ரீப4க3வாநுவாச -
ஸம ஆஸன ஆஸீன: ஸமகாயோ யதா2ஸுக2ம்|
ஹஸ்தாவுத்ஸங்க3 ஆதா4ய ஸ்வநாஸாக்3ர க்ருதேக்ஷண:|| 32
ப்ராணஸ்ய ஶோத4யேன் மார்க3ம் பூரகும்ப4க ரேசகை:|
விபர்யயேணாபி ஶனை ரப்4யஸேந்நிர்ஜிதேந்த்3ரிய:|| 33
ஹ்ருத்3யவிச்சி2ன்னமோங்காரம் க4ண்டாநாத3ம் விஸோர்ணவத்|
ப்ராணேநோதீ3ர்ய தத்ராத2 புன: ஸம்வேஶயேத் ஸ்வரம்|| 34
ஏவம் ப்ரணவஸம்யுக்தம் ப்ராணமேவ ஸமப்4யஸேத்|
த3ஶ க்ருத்வஸ்த்ரிஷவணம் மாஸாத3ர்வாக்3 ஜிதாநில:|| 35
ஹ்ருத்புண்ட3ரீக மந்த: ஸ்த2மூர்த்4வநாளமதோ4முக2ம்|
த்4யாத்வோர் த்4வமுக2 முந்நித்3ரமஷ்டபத்ரம் ஸ கர்ணிகம்|| 36
கர்ணிகாயாம் ந்யஸேத் ஸூர்யஸோமாக்3நீ நுத்தரோத்தரம்|
வஹ்நிமத்4யே ஸ்மரேத்3 ரூபம் மமைதத்3 த்4யான மங்க3ளம்|| 37
ஸமம் ப்ரஶாந்தம் ஸுமுக2ம் தீ3ர்க4 சாரு சதுர்பு4ஜம்|
ஸுசாருஸுந்த3ர க்3ரீவம் ஸுகபோலம் ஶுசிஸ்மிதம்|| 38
ஸமான கர்ண வின்யஸ்தஸ்பு2ரன் மகர குண்ட3லம்|
ஹேமாம்ப3ரம் க4னஶ்யாமம் ஶ்ரீவத்ஸ ஶ்ரீநிகேதனம்|| 39
ஶங்க2 சக்ர க3தா3 பத்3ம வனமாலா விபூ4ஷிதம்|
நூபுரைர் விலஸத்பாத3ம் கௌஸ்துப4 ப்ரப4யா யுதம்|| 40
த்3யுமத்கிரீட கடக கடிஸூத்ராங்க3தா3யுதம்|
ஸர்வாங்க3 ஸுந்த3ரம் ஹ்ருத்3யம் ப்ரஸாத3 ஸுமுகே2க்ஷணம்|
ஸுகுமார மபி4த்4யாயேத் ஸர்வாங்கே3ஷு மநோ த3த4த்|| 41
இந்த்3ரியாணீந்த்3ரியார்தே2ப்4யோ மனஸாऽऽக்ருஷ்ய தன்மன:|
பு3த்3த்4யா ஸாரதி2நா தீ4ர: ப்ரணயேன் மயி ஸர்வத:|| 42
தத் ஸர்வவ்யாபகம் சித்தமாக்ருஷ்யைகத்ர தா4ரயேத்|
நான்யாநி சிந்தயேத்3 பூ4ய: ஸுஸ்மிதம் பா4வயேன்முக2ம்|| 43
தத்ர லப்3த4பத3ம் சித்தமாக்ருஷ்ய வ்யோம்னி தா4ரயேத்|
தச்ச த்யக்த்வா மதா3ரோஹோ ந கிஞ்சித3பி சிந்தயேத்|| 44
ஏவம் ஸமாஹிதமதிர்மாமேவாத்மான மாத்மனி|
விசஷ்டே மயி ஸர்வாத்மன் ஜ்யோதிர்ஜ்யோதிஷி ஸம்யுதம்|| 45
த்4யானே நேத்த2ம் ஸுதீவ்ரேண யுஞ்ஜதோ யோகி3நோ மன:|
ஸம்யாஸ்யத்யாஶு நிர்வாணம் த்3ரவ்ய ஜ்ஞான க்ரியாப்4ரம:|| 46
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 சதுர்த3ஶோऽத்4யாய:|| 14 ||
பதினொன்றாம் ஸ்கந்தம் - பதினான்காம் அத்யாயம் முற்றும்.