ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 1.
யது வம்சத்திற்கு ரிஷிகளின் சாபம்
அத₂ ப்ரத₂மோऽத்₂யாய:

ஶ்ரீபா₃த₃ராயணிருவாச|
க்ருத்வா தை₃த்யவத₄ம் க்ருஷ்ண: ஸராமோ யது₃பி₄ர்வ்ருத:|
பு₄வோऽவதாரயத்₃ பா₄ரம் ஜவிஷ்ட₂ம் ஜனயன் கலிம்|| 1

யே கோபிதா: ஸுப₃ஹு பாண்டு₃ ஸுதா: ஸபத்னைர்
      து₃ர்த்₃யூத ஹேலன கச க்₃ரஹணாதி₃பி₄ஸ்தான்|
க்ருத்வா நிமித்தமிதரேதரத: ஸமேதான்
      ஹத்வா ந்ருபான் நிரஹரத் க்ஷிதிபா₄ரமீஶ:|| 2

பூ₄பா₄ர ராஜ ப்ருதநா யது₃பி₄ர்நிரஸ்ய
      கு₃ப்தை: ஸ்வபா₃ஹுபி₄: அசிந்தயத் அப்ரமேய:|
மன்யேऽவநேர்நநு க₃தோऽப்யக₃தம் ஹி பா₄ரம்
      யத்₃ யாத₃வம் குலமஹோ அவிஷஹ்யமாஸ்தே|| 3

நைவ அன்யத: பரிப₄வோऽஸ்ய ப₄வேத் கத₂ஞ்சித்
      மத்ஸம் ஶ்ரயஸ்ய விப₄வோந்நஹனஸ்ய நித்யம்|
அந்த: கலிம் யது₃ குலஸ்ய விதா₄ய வேணுஸ்
      தம்ப₃ஸ்ய வஹ்நிமிவ ஶாந்தி முபைமி தா₄ம|| 4

ஏவம் வ்யவஸிதோ ராஜன் ஸத்யஸங்கல்ப ஈஶ்வர:|
ஶாபவ்யாஜேன விப்ராணாம் ஸம்ஜஹ்ரே ஸ்வகுலம் விபு₄:|| 5

ஸ்வமூர்த்யா லோக லாவண்ய நிர்முக்த்யா லோசனம் ந்ருணாம்|
கீ₃ர்பி₄ஸ்தா: ஸ்மரதாம் சித்தம் பதை₃ஸ்தாநீக்ஷதாம் க்ரியா:|| 6

ஆச்சி₂த்₃ய கீர்திம் ஸுஶ்லோகாம் விதத்ய ஹ்யஞ்ஜஸா நு கௌ|
தமோऽநயா தரிஷ்யந்தீத் யகா₃த் ஸ்வம் பத₃மீஶ்வர:|| 7

ஶ்ரீராஜோவாச|
ப்₃ரஹ்மண்யாநாம் வதா₃ன்யாநாம் நித்யம் வ்ருத்₃தோ₄பஸேவிநாம்|
விப்ரஶாப: கத₂மபூ₄த்₃ வ்ருஷ்ணீநாம் க்ருஷ்ண சேதஸாம்|| 8

யந்நிமித்த: ஸ வை ஶாபோ யாத்₃ருஶோ த்₃விஜஸத்தம|
கத₂மேகாத்மநாம் பே₄த₃ ஏதத் ஸர்வம் வத₃ஸ்வ மே|| 9

ஶ்ரீஶுக உவாச| பி₃ப்₄ரத்₃ வபு: ஸகல ஸுந்த₃ரஸந்நிவேஶம்
      கர்மாசரன் பு₄வி ஸுமங்க₃லமாப்தகாம:|
ஆஸ்தா₂ய தா₄ம ரமமாண உதா₃ரகீர்தி:
      ஸம்ஹர்துமைச்ச₂த குலம் ஸ்தி₂தக்ருத்ய ஶேஷ:|| 10

கர்மாணி புண்யநிவஹாநி ஸுமங்க₃ளாநி
      கா₃யஜ்ஜக₃த் கலிமலாபஹராணி க்ருத்வா|
காலாத்மநா நிவஸதா யது₃ தே₃வ கே₃ஹே
      பிண்டா₃ரகம் ஸமக₃மன் முனயோ நிஸ்ருஷ்டா:|| |1

விஶ்வாமித்ரோऽஸித: கண்வோ து₃ர்வாஸா ப்₄ருகு₃: அங்கி₃ரா:|
கஶ்யபோ வாமதே₃வோऽத்ரிர்வஸிஷ்டோ₂ நாரதா₃த₃ய:|| 12

க்ரீட₃ந்தஸ்தான் உபவ்ரஜ்ய குமாரா யது₃ நந்த₃னா:|
உபஸம்க்₃ருஹ்ய பப்ரச்சு: அவிநீதா விநீதவத்|| 13

தே வேஷயித்வா ஸ்த்ரீ வேஷை: ஸாம்ப₃ம் ஜாம்ப₃வதீஸுதம்|
ஏஷா ப்ருச்ச₂தி வோ விப்ரா அந்தர்வத்ன்யஸிதேக்ஷணா|| 14

ப்ரஷ்டும் விலஜ்ஜதீ ஸாக்ஷாத் ப்ரப்₃ரூத அமோக₄த₃ர்ஶநா:|
ப்ரஸோஷ்யந்தீ புத்ரகாமா கிம்ஸ்வித் ஸஞ்ஜனயிஷ்யதி|| 15

ஏவம் ப்ரலப்₃தா₄ முனயஸ்தா நூசு: குபிதா ந்ருப|
ஜனயிஷ்யதி வோ மந்தா₃ முஸலம் குலநாஶனம்|| 16

தச் ச்₂ருத்வா தேऽதிஸந்த்ரஸ்தா விமுச்ய ஸஹ ஸோத₃ரம்|
ஸாம்ப₃ஸ்ய த₃த்₃ருஶுஸ் தஸ்மின் முஸலம் க₂ல்வயஸ்மயம்|| 17

கிம் க்ருதம் மந்த₃பா₄க்₃யைர் ந: கிம் வதி₃ஷ்யந்தி நோ ஜநா:|
இதி விஹ்வலிதா கே₃ஹாநாதா₃ய முஸலம் யயு:|| 18

தச்சோபநீய ஸத₃ஸி பரிம்லான முக₂ஶ்ரிய:|
ராஜ்ஞ ஆவேத₃யாஞ்சக்ரு: ஸர்வயாத₃வஸந்நிதௌ₄|| 19

ஶ்ருத்வாமோக₄ம் விப்ரஶாபம் த்₃ருஷ்ட்வா ச முஸலம் ந்ருப|
விஸ்மிதா ப₄யஸந்த்ரஸ்தா ப₃பூ₄வுர்த்₃வாரகௌகஸ:|| 20

தச்சூர்ணயி த்வா முஸலம் யது₃ராஜ: ஸ ஆஹுக:|
ஸமுத்₃ரஸலிலே ப்ராஸ்யல்லோஹம் சாஸ்யாவஶேஷிதம்|| 21

கஶ்சின்மத்ஸ்யோऽக்₃ரஸீல்லோஹம் சூர்ணானி தரளைஸ்தத:|
உஹ்யமாநாநி வேலாயாம் லக்₃நான்யாஸன் கிலைரகா:|| 22

மத்ஸ்யோ க்₃ருஹீதோ மத்ஸ்யக்₄னைர் ஜாலே நான்யை: ஸஹார்ணவே|
தஸ்யோத₃ரக₃தம் லோஹம் ஸ ஶல்யே லுப்₃த₄கோऽகரோத்|| 23

ப₄க₃வான் ஜ்ஞாதஸர்வார்த₂ ஈஶ்வரோऽபி தத₃ன்யதா₂|
கர்தும் நைச்ச₂த்₃ விப்ரஶாபம் காலரூப்யன்வமோத₃த|| 24

இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத₃ஶ ஸ்கந்தே₄ ப்ரத₂மோऽத்₄யாய:|| 1 ||

பதினொன்றாம் ஸ்கந்தம் - முதல் அத்யாயம் முற்றும்.