ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 8.
நாம ஸம்ஸ்காரம் மற்றும் பால லீலைகள்
அத2 அஷ்டமோऽத்2யாய:
ஶ்ரீஶுக உவாச |
க3ர்க3: புரோஹிதோ ராஜன் யதூ3நாம் ஸுமஹாதபா: |
வ்ரஜம் ஜகா3ம நந்த3ஸ்ய வஸுதே3வ ப்ரசோதி3த: || 1
தம் த்3ருஷ்ட்வா பரமப்ரீத: ப்ரத்யுத்தா2ய க்ருதாஞ்ஜலி: |
ஆநர்சாதோ4க்ஷஜதி4யா ப்ரணிபாதபுரஸ்ஸரம் || 2
ஸூபவிஷ்டம் க்ருதாதித்2யம் கி3ரா ஸூந்ருதயா முனிம் |
நந்த3யித்வாப்3ரவீத்3 ப்3ரஹ்மன் பூர்ணஸ்ய கரவாம கிம் || 3
மஹத்3 விசலனம் ந்ரூணாம் க்3ருஹிணாம் தீ3ன சேதஸாம் |
நி: ஶ்ரேயஸாய ப4க3வன் கல்பதே நான்யதா2 க்வசித் || 4
ஜ்யோதிஷாமயனம் ஸாக்ஷாத்3 யத்தத்ஜ்ஞான மதீந்த்3ரியம் |
ப்ரணீதம் ப4வதா யேன புமான் வேத3 பராவரம் || 5
த்வம் ஹி ப்3ரஹ்மவிதா3ம் ஶ்ரேஷ்ட2: ஸம்ஸ்காரான் கர்துமர்ஹஸி |
பா3லயோரனயோர் ந்ரூணாம் ஜன்மநா ப்3ராஹ்மணோ கு3ரு: || 6
ஶ்ரீக3ர்க3 உவாச |
யதூ3நாமஹ மாசார்ய: க்2யாதஶ்ச பு4வி ஸர்வத: |
ஸுதம் மயா ஸம்ஸ்க்ருதம் தே மன்யதே தே3வகீஸுதம் || 7
கம்ஸ: பாபமதி: ஸக்2யம் தவ ச ஆனகது3ந்து3பே4: |
தே3வக்யா அஷ்டமோ க3ர்போ4 ந ஸ்த்ரீ ப4விதுமர்ஹதி || 8
இதி ஸஞ்சிந்தயன் ஶ்ருத்வா தே3வக்யா தா3ரிகாவச: |
அபி ஹந்தா ऽऽக3தாஶங்கஸ்தர்ஹி தந்நோऽனயோ ப4வேத் || 9
ஶ்ரீநந்த3 உவாச |
அலக்ஷிதோऽஸ்மின் ரஹஸி மாமகைரபி கோ3வ்ரஜே |
குரு த்3விஜாதி ஸம்ஸ்காரம் ஸ்வஸ்திவாசன பூர்வகம் || 10
ஶ்ரீஶுக உவாச |
ஏவம் ஸம்ப்ரார்தி2தோ விப்ர: ஸ்வசிகீர்ஷிதமேவ தத் |
சகார நாமகரணம் கூ3டோ3 ரஹஸி பா3லயோ: || 11
ஶ்ரீக3ர்க3 உவாச |
அயம் ஹி ரோஹிணீபுத்ரோ ரமயன் ஸுஹ்ருதோ3 கு3ணை: |
ஆக்2யாஸ்யதே ராம இதி ப3லாதி4க்யாத்3 ப3லம் விது3: |
யதூ3நாமப்ருத2க்3பா4வாத் ஸங்கர்ஷண முஶந்த்யுத || 12
ஆஸன் வர்ணாஸ்த்ரயோ ஹ்யஸ்ய க்3ருஹ்ணதோऽநுயுக3ம் தநூ: |
ஶுக்லோ ரக்தஸ்ததா2 பீத இதா3நீம் க்ருஷ்ணதாம் க3த: || 13
ப்ராக3யம் வஸுதே3வஸ்ய க்வசிஜ்ஜாதஸ்தவாத்மஜ: |
வாஸுதே3வ இதி ஶ்ரீமானபி4ஜ்ஞா: ஸம்ப்ரசக்ஷதே || 14
ப3ஹூனி ஸந்தி நாமானி ரூபாணி ச ஸுதஸ்ய தே |
கு3ணகர்மாநுரூபாணி தான்யஹம் வேத3 நோ ஜநா: || 15
ஏஷ வ: ஶ்ரேய ஆதா4ஸ்யத்3 கோ3ப கோ3குல நந்த3ன: |
அனேன ஸர்வது3ர்கா3ணி யூயமஞ்ஜஸ்தரிஷ்யத2 || 16
புரானேன வ்ரஜபதே ஸாத4வோ த3ஸ்யுபீடி3தா: |
அராஜகே ரக்ஷ்யமாணா ஜிக்3யுர் த3ஸ்யூன் ஸமேதி4தா: || 17
ய ஏ தஸ்மின் மஹாபா4கா3: ப்ரீதிம் குர்வந்தி மானவா: |
நாரயோऽபி4ப4வந்த்யேதான் விஷ்ணுபக்ஷாநிவாஸுரா: || 18
தஸ்மாந் நந்தா3த்மஜோऽயம் தே நாராயணஸமோ கு3ணை: |
ஶ்ரியா கீர்த்யாநுபா4வேன கோ3பாயஸ்வ ஸமாஹித: || 19
இத்யாத்மானம் ஸமாதி3ஶ்ய க3ர்கே3 ச ஸ்வக்3ருஹம் க3தே |
நந்த3: ப்ரமுதி3தோ மேனே ஆத்மானம் பூர்ணமாஶிஷாம் || 20
காலேன வ்ரஜதால்பேன கோ3குலே ராமகேஶவௌ |
ஜாநுப்4யாம் ஸஹ பாணிப்4யாம் ரிங்க3மாணௌ விஜஹ்ரது: || 21
தாவங்க்4ரியுக்3ம மநுக்ருஷ்ய ஸரீஸ்ருபந்தௌ
கோ4ஷ ப்ரகோ4ஷ ருசிரம் வ்ரஜகர்த3மேஷு |
தந்நாத3 ஹ்ருஷ்ட மனஸாவநுஸ்ருத்ய லோகம்
முக்3த4 ப்ரபீ4தவது3பேயதுரந்தி மாத்ரோ: || 22
தன்மாதரௌ நிஜஸுதௌ க்4ருணயா ஸ்நுவந்த்யௌ
பங்காங்க3ராக3ருசிரௌ உபக்3ருஹ்ய தோ3ர்ப்4யாம் |
த3த்த்வா ஸ்தனம் ப்ரபிப3தோ: ஸ்ம முக2ம் நிரீக்ஷ்ய
முக்3த4ஸ்மிதால்பத3ஶனம் யயது: ப்ரமோத3ம் || 23
யர்ஹ்யங்க3நாத3ர்ஶநீய-குமாரலீலௌ
அந்தர்வ்ரஜே தத3ப3லா: ப்ரக்3ருஹீத புச்சை2: |
வத்ஸைரிதஸ்தத உபா4வநுக்ருஷ்யமாணௌ
ப்ரேக்ஷந்த்ய உஜ்ஜி2தக்3ருஹா ஜஹ்ருஷுர் ஹஸந்த்ய: || 24
ஶ்ருங்க்3யக்3நி த3ம்ஷ்ட்ர்யஸிஜல த்3விஜ கண்டகேப்4ய:
க்ரீடா3பராவதிசலௌ ஸ்வஸுதௌ நிஷேத்3து4ம் |
க்3ருஹ்யாணி கர்துமபி யத்ர ந தஜ்ஜனன்யௌ
ஶேகாத ஆபதுரலம் மனஸோऽநவஸ்தா2ம் || 25
காலேநால்பேன ராஜர்ஷே ராம: க்ருஷ்ணஶ்ச கோ3குலே |
அக்4ருஷ்ட ஜாநுபி4: பத்3பி4ர் விசக்ரமதுரஞ்ஜஸா || 26
ததஸ்து ப4க3வான் க்ருஷ்ணோ வயஸ்யைர் வ்ரஜபா3லகை: |
ஸஹராமோ வ்ரஜஸ்த்ரீணாம் சிக்ரீடே3 ஜநயன் முத3ம் || 27
க்ருஷ்ணஸ்ய கோ3ப்யோ ருசிரம் வீக்ஷ்ய கௌமார சாபலம் |
ஶ்ருண்வந்த்யா: கில தன்மாதுரிதி ஹோசு: ஸமாக3தா: || 28
வத்ஸான் முஞ்சன் க்வசித3ஸமயே க்ரோஶ ஸஞ்ஜாதஹாஸ:
ஸ்தேயம் ஸ்வாத்3வத்த்யத2 த3தி4பய: கல்பிதை: ஸ்தேயயோகை3: |
மர்கான் போ4க்ஷ்யன் விப4ஜதி ஸ சேந்நாத்தி பா4ண்ட3ம் பி4னத்தி
த்3ரவ்யாலாபே4 ஸ க்3ருஹகுபிதோ யாத்யுபக்ரோஶ்ய தோகான் || 29
ஹஸ்தாக்3ராஹ்யே ரசயதி விதி4ம் பீட2கோலூக2லாத்3யை:
சி2த்3ரம் ஹ்யந்தர்நிஹிதவயுன: ஶிக்யபா4ண்டே3ஷு தத்3வித் |
த்4வாந்தாகா3ரே த்4ருத மணிக3ணம் ஸ்வாங்க3மர்த2ப்ரதீ3பம்
காலே கோ3ப்யோ யர்ஹி க்3ருஹ க்ருத்யேஷு ஸுவ்யக்3ர சித்தா: || 30
ஏவம் தா4ர்ஷ்ட்யான்யுஶதி குருதே மேஹநாதீ3னி வாஸ்தௌ
ஸ்தேயோபாயைர் விரசிதக்ருதி: ஸுப்ரதீகோ யதா2ऽऽஸ்தே |
இத்த2ம் ஸ்த்ரீபி4: ஸப4யநயன ஶ்ரீமுகா2லோகிநீபி4ர்
வ்யாக்2யாதார்தா2 ப்ரஹஸிதமுகீ2 ந ஹ்யுபாலப்3து4மைச்ச2த் || 31
ஏகதா3 க்ரீட3மாநாஸ்தே ராமாத்3யா கோ3பதா3ரகா: |
க்ருஷ்ணோ ம்ருத3ம் ப4க்ஷிதவாநிதி மாத்ரே ந்யவேத3யன் || 32
ஸா க்3ருஹீத்வா கரே க்ருஷ்ண முபாலப்4ய ஹிதைஷிணீ |
யஶோதா3 ப4யஸம்ப்4ராந்த ப்ரேக்ஷணாக்ஷமபா4ஷத || 33
கஸ்மான் ம்ருத3மதா3ந்தாத்மன் ப4வான் ப4க்ஷிதவான் ரஹ: |
வத3ந்தி தாவகா ஹ்யேதே குமாராஸ்தே ऽக்3ரஜோऽப்யயம் || 34
ஶ்ரீகிருஷ்ண உவாச
நாஹம் ப4க்ஷிதவானம்ப3 ஸர்வே மித்2யாபி4ஶம்ஸின: |
யதி3 ஸத்யகி3ரஸ்தர்ஹி ஸமக்ஷம் பஶ்ய மே முக2ம் || 35
யத்3யேவம் தர்ஹி வ்யாதே3ஹீத்யுக்த: ஸ ப4க3வான் ஹரி: |
வ்யாத3த்தாவ்யாஹதைஶ்வர்ய: க்ரீடா3மநுஜபா3லக: || 36
ஸா தத்ர த3த்3ருஶே விஶ்வம் ஜக3த் ஸ்தா2ஸ்நு ச க2ம் தி3ஶ: |
ஸாத்3ரி-த்3வீபாப்3தி4-பூ4கோ3ளம் ஸவாய்வக்3நீந்து3தாரகம் || 37
ஜ்யோதிஶ்சக்ரம் ஜலம் தேஜோ நப4ஸ்வான் வியதே3வ ச |
வைகாரிகாணீந்த்3ரியாணி மநோ மாத்ரா கு3ணாஸ்த்ரய: || 38
ஏதத்3 விசித்ரம் ஸஹ ஜீவகால
ஸ்வபா4வ கர்மாஶயலிங்க3 பே4த3ம் |
ஸூநோஸ்தநௌ வீக்ஷ்ய விதா3ரிதாஸ்யே
வ்ரஜம் ஸஹாத்மான மவாப ஶங்காம் || 39
கிம் ஸ்வப்ந ஏதது3த தே3வமாயா
கிம் வா மதீ3யோ ப3த பு3த்3தி4மோஹ: |
அதோ2 அமுஷ்யைவ மமார்ப4கஸ்ய
ய: கஶ்சநௌத்பத்திக ஆத்மயோக3: || 40
அதோ2 யதா2வந்ந விதர்க கோ3சரம்
சேதோமன: கர்மவசோபி4ரஞ்ஜஸா |
யதா3ஶ்ரயம் யேன யத: ப்ரதீயதே
ஸுது3ர்விபா4வ்யம் ப்ரணதாஸ்மி தத்பத3ம் || 41
அஹம் மமாஸௌ பதிரேஷ மே ஸுதோ
வ்ரஜேஶ்வரஸ்யாகி2ல வித்தபா ஸதீ |
கோ3ப்யஶ்ச கோ3பா: ஸஹ கோ3த4நாஶ்ச மே
யன்மாயயேத்த2ம் குமதி: ஸ மே க3தி: || 42
இத்த2ம் விதி3த தத்த்வாயாம் கோ3பிகாயாம் ஸ ஈஶ்வர: |
வைஷ்ணவீம் வ்யதநோன்மாயாம் புத்ரஸ்நேஹமயீம் விபு4: || 43
ஸத்3யோ நஷ்ட ஸ்ம்ருதிர் கோ3பீ ஸாऽऽரோப்யாரோஹமாத்மஜம் |
ப்ரவ்ருத்3த4 ஸ்நேஹ கலில ஹ்ருத3யா ऽऽஸீத்3 யதா2 புரா || 44
த்ரய்யா ச உபநிஷத்3பி4ஶ்ச ஸாங்க்2ய யோகை3ஶ்ச ஸாத்வதை: |
உபகீ3யமான மாஹாத்ம்யம் ஹரிம் ஸாமன்யதாத்மஜம் || 45
ஶ்ரீராஜோவாச |
நந்த3: கிமகரோத்3 ப்3ரஹ்மன் ஶ்ரேய ஏவம் மஹோத3யம் |
யஶோதா3 ச மஹாபா4கா3 பபௌ யஸ்யா: ஸ்தனம் ஹரி: || 46
பிதரௌ நான்வவிந்தே3தாம் க்ருஷ்ணோதா3ரார்ப4கேஹிதம் |
கா3யந்த்யத்3யாபி கவயோ யல்லோகஶமலாபஹம் || 47
ஶ்ரீஶுக உவாச |
த்3ரோணோ வஸூநாம் ப்ரவரோ த4ரயா ஸஹ பா4ர்யயா |
கரிஷ்யமாண ஆதே3ஶான் ப்3ரஹ்மணஸ்தமுவாச ஹ || 48
ஜாதயோர் நௌ மஹாதே3வே பு4வி விஶ்வேஶ்வரே ஹரௌ |
ப4க்தி: ஸ்யாத் பரமா லோகே யயாஞ்ஜோ து3ர்க3திம் தரேத் || 49
அஸ்த்வித்யுக்த: ஸ ப4க3வான் வ்ரஜே த்3ரோணோ மஹாயஶா: |
ஜஜ்ஞே நந்த3 இதி க்2யாதோ யஶோதா3 ஸா த4ராப4வத் || 50
ததோ ப4க்திர் ப4க3வதி புத்ரீபூ4தே ஜநார்த3னே |
த3ம்பத்யோர் நிதராமாஸீத் கோ3பகோ3பீஷு பா4ரத || 51
க்ருஷ்ணோ ப்3ரஹ்மண ஆதே3ஶம் ஸத்யம் கர்தும் வ்ரஜே விபு4: |
ஸஹராமோ வஸம்ஶ்சக்ரே தேஷாம் ப்ரீதிம் ஸ்வலீலயா || 52
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 விஶ்வரூப தர்ஶநே அஷ்டமோऽத்4யாய: || 8 ||
பத்தாம் ஸ்கந்தம் - எட்டாம் அத்யாயம் முற்றும்.